Me suksesin e biznesit të vet elektronik, Samsung është njohur globalisht si një lider i industrisë në fushën e teknologjisë dhe tani renditet si një ndër 10 markat globale.

Epoka moderne ka sjellë ndryshime revolucionare - dhe mundësi - për afarizëm global, dhe kompania Samsung Electronics i është përgjigjur me teknologji të avancuara, produkte konkurruese dhe inovacione të vazhdueshme.

Pavarësisht krizës financiare në vitin 1997, e cila u reflektua pothuajse në të gjitha kompanitë koreane, kompania Samsung Electronics ka qenë një nga të paktat që ka vazhduar të rritet, falë rolit kryesor në teknologjinë dixhitale dhe të rrjetit, si dhe fokusimit të vazhdueshëm në elektronikë, financë dhe shërbimet e ngjashme.

Në mesin e viteve '90 të shekullit të kaluar, kompania Samsung Electronics zhvilloi një revolucion në biznesin e vet me përkushtimin për të prodhuar produkte të klasit botëror, për të arritur kënaqësinë e plotë të konsumatorëve dhe me shpirtin e saj të anëtarit të ndërgjegjshëm korporativ të komunitetit - ku të gjitha janë përfshirë në vizionin "cilësia vjen e para".
Gjatë kësaj periudhe, 17 produkte të ndryshme, nga gjysmëpërçuesit, ekranet për kompjuter, ekranet TFT-LCD, e deri tek tubat për figura me ngjyrë, duke regjistruar progres në 5 produktet e para të tregut botëror, në fushat e tyre përkatëse dhe më pas në 12 të tjerë që arritën shkallën më të lartë në treg në fushat e tyre përkatëse. Vendi i parë nënkupton edhe plotësimin e përgjegjësive korporative ndaj shoqërisë, si për ndihmën sociale, mbrojten e mjedisit, eventet kulturore apo edhe për sportin.
Për këtë qellim, kompania Samsung Electronics ka marrë pjesë në mënyrë aktive në fushatat promocionale të eventeve sportive, dhe falë përpjekjeve të saja të sinqerta kryetari i kompanisë Kun-hi Li u zgjodh anëtar i Komitetit Olimpik Ndërkombëtar (KON) në korrik të vitit 1996. Në këtë mënyrë është përmirësuar mjaft imazhi i kompanisë si një faktor që i jep kontributin kyç botës së atletikës.

Fillimi i viteve nëntëmbëdhjetë të shekullit të kaluar ka sjellë sfida shumë të mëdha për kompanitë që merren me teknologji të larta. Bashkimet, koalicionet dhe shitblerjet kanë qenë të shpeshta, kurse konkurrenca dhe integrimi kanë lulëzuar.
Kompanitë kanë qenë të detyruara të rishikojnë teknologjinë dhe shërbimet që ofrojnë. Ka filluar të zhvillohet biznesi midis vendeve dhe kompanive. Kompania Samsung Electronics ka shfrytëzuar shumicën e këtyre mundësive duke ndryshuar drejtimin e strategjisë së saj afariste për t'iu përshtatur më mirë kërkesave të tregut.

Gjatë viteve '70 dhe në fillim të viteve '80 operacionet kryesore teknologjike të Samsung Electronics bëhen të shumëllojshme dhe zgjerohen globalisht
Interesi në rritje i kompanisë Samsung Electronics për teknologjinë çoi në krijimin e dy instituteve për kërkim dhe zhvillim (R&D), që kanë lehtësuar specializimin e saj më thellë në elektronikë, në gjysëmpërçues, telekomunikacion optik dhe në fusha të reja të inovacionit teknologjik, nga nanoteknologjia deri tek strukturat e avancuara të rrjetit. Në vitin 1980 pikë kthese shumë e rendësishme ka qenë bashkimi i Samsung Electronics me Samsung Semiconductor.
Në vitin 1987 ndërroi jetë kryetari i kompanisë Samsung Electronics, Bjung-Cui Li. Pasues i tij u zgjodh i biri, Kun-hi Li. Gjatë kësaj periudhe kompania Samsung Electronics i vendosi vetes një sfidë, e cila nënkuptonte rindërtimin e veprimtarive të vjetra dhe fillimin e atyre të reja për t'u bërë një nga pesë kompanitë më të mira të botës që punojnë me elektronikë.

Kompania Samsung Electronics u themelua në vitin 1969 dhe shpejt u bë një nga prodhuesit kryesorë në tregun korean.
Gjatë kësaj periudhe fillestare rritja e shpejtë erdhi si rezultat i lulëzimit të veprimtarisë lidhur me elektronikën shtëpiake dhe kompania për herë të parë filloi të eksportojë produktet e veta. Kompania Samsung Electronics njëkohësisht mori edhe 50% të pjesës së kompanisë Korea Semiconductors, duke përforcuar më shumë pozicionin e liderit në prodhimin e gjysëmpërçuesve.