SmartThings tətbiqində ssenariləri necə yaratmaq və istifadə etmək olar?
Gələcəyin zəngli saatını təsəvvür edin: işıqlar yanır, pərdələr qalxır, qəhvə hazırlanır. Ola bilsin ki, bu elmi fantastika kimi səslənir, lakin SmartThings tətbiqi ilə bu ssenari evinizdə gündəlik hadisəyə çevrilə bilər. SmartThings sayəsində smart cihazlar müəyyən şərtlər qarşılandıqda lazımi hərəkətləri yerinə yetirəcək. Məsələn, televizor hər axşam saat 18:00-da siz işdən evə qayıdanda işə salına bilər. Və ya hərəkət sensoru fəaliyyət aşkar etdikdə işıq yanacaq. SmartThings-də ssenarilərin necə tənzimlənməsi haqqında məlumat almaq və həyatınızı daha asan və rahat etmək üçün məqalə ilə tanış olun.
Qeyd: Hər bir cihaz üçün mövcud funksiyalar istehsalçının siyasətindən asılı olaraq dəyişir. "Ssenarilər" funksiyasını dəstəkləməyən cihazlar idarə olunan cihazlar siyahısında əks olunmayacaq.
Ssenarinin tənzimlənməsi
Uzun bir günün sonunda evə qayıtdıqda televizorun işə salınmasını istəyirsinizmi? SmartThings tətbiqindəki ssenarilərdən istifadə etməklə cihazlarınıza müxtəlif tapşırıqlar verə bilərsiniz.
Addım 1. Telefonda SmartThings tətbiqini işə salın.
Addım 2. Ssenarini (dairədə üçbucaq) seçin.
Addım 3. + işarəsinə vurun
Addım 4. Ssenarilərə daxil olarkən Tənzimlənən seçin. Ssenarinin işə salınması (məsələn, vaxt) zamanı şərtləri təyin etmək üçün Əgər bölməsində + işarəsi üzərinə vurun. Və ya digər cihazın (məsələn hərəkət sensoru) vəziyyətini şərt edə bilərsiniz, bu zaman sensor hərəkəti aşkar etdikdə ssenari işə salınacaq. Ehtiyac yarandıqda Əgər bölməsində yenidən + üzərinə vurmaqla əlavə şərt əlavə edə bilərsiniz.
Addım 5. İcra ediləcək hərəkəti əlavə etmək üçün Sonra bölməsi altında + işarəsinə vurun. Məsələn, siz ağıllı lampanı seçib onu təyin olunmuş vaxtda və ya hərəkət sensoru fəaliyyət aşkar etdikdə yandıra bilərsiniz. Cihazın qarşısında Şəbəkədə deyil yazılıbsa belə, siz onu seçib istədiyiniz hərəkəti təyin edə bilərsiniz.
Addım 6. Ssenariyə ad təyin edin və OK düyməsi üzərinə vurun. Təyin edilən şərtlər qarşılandıqda, cihaz avtomatik olaraq göstərilən hərəkəti yerinə yetirəcəkdir.
Addım 7. Hazırdır
Açar sözlər:
Smartthings tətbiqində ssenarini necə yaratmaq olar, smartthings-də ssenari nədir, smartthings tətbiqində ssenarilərdən necə istifadə etmək olar, smartthings tətbiqində ssenarini necə təyin etmək olar, smartthings tətbiqində şərtlərlə avtomatik hərəkətlər necə tənzimlənir
Şərhiniz üçün təşəkkür edirik!
Bütün sualları cavablandırın.