Samsung paltaryuyan maşınının displeyində 5E, 5C, E2 xətaları
Son yeniləmə tarixi : 15-04-2024
Nə baş verib
Paltaryuyan maşının displeyində “5E”, “5C” və ya “E2” xətası haqda mesaj yazılıb.
Displeysiz modellərdə yumanın bütün rejimlərinin indikatorları və aşağıdan ikinci temperatur indikatoru yanır.
Xəta nə deməkdir
Maşından su axıb boşalmır.
Xəta niyə yaranıb
- Suyun boşaldılması şlanqı qatlanmış, sıxılmış və ya tıxanmışdır (tıxanma bir çox hallarda ev heyvanlarının tüklərinin suyun boşaldılması şlanqına düşməsi ilə əlaqədardır, bu da suyun boşalmasını qeyri-mümkün edir);
- Kanalizasiya tutulub;
- Maşının daxilində şlanqlar tutulub;
- Suyun boşaldılması filtri və ya suyun boşaldılması nasosu tutulub;
- Suyun boşaldılması nasosu işləmir;
- Suyun boşaldılması şlanqı həddindən artıq çox uzundur (əgər uzadılmış hissəni nəzərə alsaq, o 3 metrdən çoxdursa, o zaman suyun boşaldılması nasosu suyun boşaldılmasının öhdəsindən gələ bilməyəcək - onun gücü çatmayacaq);
- Maşında su donub (əgər maşını sıfırdan aşağı temperaturda saxlayıblarsa).
Sonra nə etmək lazımdır
1
Maşını suyun sərbəst boşaldılması ilə işə salın:
- Paltaryuyan maşını elektrik mənbəyindən ayırın;
- Suyun boşaldılması şlanqını kanalizasiyadan (sifondan, borudan) ayırın. Əgər suyun boşaldılması şlanqını uzadıblarsa, uzadılmış hissəni çıxarın;
- Suyun boşaldılması şlanqının ucunu vannaya və ya əl-üz yuma çanağına endirin. Suyun boşaldılması şlanqının əyilmələrinin olmadığından əmin olun;
- Maşını qoşun və “Yaxalama + Sıxma” rejimini işə salın (paltar və yuyucu toz olmadan).
Əgər su boşaldılıbsa, kanalizasiyada (sifonda, boruda) suyun boşalıb axmasına mane olan tıxanmanı təmizləyin. Bundan sonra maşını kanalizasiyaya qoşun.
Əgər su boşalmadısa, növbəti addıma keçin.
2
Maşını elektrik mənbəyindən ayırın.
3
Suyun boşaldılması şlanqının yerləşməsini yoxlayın. O, əyilmələr olmadan hamar şəkildə olmalıdır. Əgər onlar varsa - aradan qaldırın.
4
Suyu qəzalı boşaltma vasitəsilə boşaldın və suyun boşaldılması filtrini təmizləyin.
5
Maşını "Yaxalama+Sıxma" rejimində işə salın..
Əgər xəta daha görünmürsəə, maşından istifadə etməyə davam edin, o, işlək vəziyyətdədir.
Əgər xəta yenidən görünürsə, cihazın işinin diaqnostika edilməsi üçün Samsung-un dəstək xidmətinə və ya yaxınlıqdakı səlahiyyətli xidmət mərkəzinə müraciət edin.
Şərhiniz üçün təşəkkür edirik!
Bütün sualları cavablandırın.