"ئەزموونی سەیرکردنی سێ دووریی ڕاستەقینە بە مۆنیتەری سامسۆنگ تاقیبکەوە، ئەو مۆنیتەرەی کە لە هەموو ئەوانەی تر زیاتر چەماوەتەوە. دەوری بواری بینینت دەدات وەك شاشەی شانۆی iMax، شاشەی 1,800R — کە نیوەتیرەکەی 1,800 میلیمەترە بۆ درووستکردنی چەماوەییەكی زیاتر — کە بواری بینین فراوانتر و قووڵیی ڕوانگە باشتر دەکاتەوە و ناهێڵێت شتی لاوەکی بەر سیلەی چاویشت بکەون بۆئەوەی زیاتر ڕاتبکێشێتە نێو ئەو ناوەڕۆکەی کە سەیریدەکەیت. جا چ سەیری فیلمێکی ئۆنلاین، زنجیرەیەکی دڵخوازی خۆت یان یارییەکی پڕ سەرکەشیی بکەیت، لەبەرئەوەی شاشەی سامسۆنگ زیاتر چەماوەیە، باشتر ڕاتدەکێشێتە نێو ئەو بابەتە میدیاییەوە کە سەیریدەکەیت"

• شاشەی چەماوەی 1,800R: چەماوەی قووڵی 1,800Rـی شاشەکە ڕێگەتدەدات کە بێ کێشە چاوبخشێنیت بە هەموو ڕوونماکەدا بێئەوەی مەودای دووری چاوەکانت لە ڕوونماکەوە بگۆڕێت.
• لەو تاقیکردنەوە پزیشکیانەی کە لەلایەن بەشی چاوناسیی نەخۆشخانەی زانکۆی نەتەوەیی سیئۆل ئەنجامدراون، دەرکەوتووە کە ئەم جۆرە شاشانە بە بەراورد بە سەیرکردنی مۆنیتەری شاشە فلات کەمتر چاو ماندوودەکات

کریستاڵە شلەکانی پانێڵی VAـی سامسۆنگ بەشێوەیەکی کاراتر ڕێگریی لە ڕووناکیی دواوە دەکەن وەك لە پانێڵی IPS و لە هەمان کاتدا شاشەکە چەماوەتەوە بۆ کەمکردنەوەی دزەکردنی ڕووناکی بەمەبەستی پەخشکردنی ڕەشی چڕتر و هاوسەنگتر لەمسەرەوە بۆ ئەوسەری شاشەکە.

• باشترینی پۆل بە ڕێژەی کۆنتڕاستی 3,000:1: تەکنەلۆژیای پانێڵی VAـی سامسۆنگ کۆنتڕاستی 3,000:1: دابیندەکات کە ئەمەش ڕەشی چڕتر، سپیی گەشتر، و ڕەنگی دەوڵەمەندتر بۆ وێنەی ڕاستەقینەتر پێشکەشدەکات
• کەمبوونەوەی دزەکردنی ڕووناکی: تەکنەلۆژیای ڕوونمای چەماوەی سامسۆنگ دزەکردنی ڕووناکی لە لێوارەکانی شاشە کەمدەکاتەوە بۆئەوەی ڕەشەکان بەشێوەیەکی هاوسەنگتر بە ناوچەی بینیندا دابەشبن

•AMD FreeSync: بەهۆی هاوتاکردنی ڕێژەی نوێبوونەوە شاشە بەشێوەی داینامیکی لەگەڵ ڕێژەی فرەیمەکانی وێنەکەدا، AMD FreeSync پچڕپچڕبوونی وێنە کەمدەکاتەوە و یاریکردنی ڕەوان و بێخەوش دەستەبەردەکات
• مۆدی یاری: مۆدی یاری دەستبەجێ ڕەنگەکان و کۆنتڕاستی شاشەکە وا ڕێکدەخات کە چێژ لە هەموو دیمەنەکانی یاری وەربگریت بە باشترین شێوە

• پانێڵی چەماوەی زۆر تەنك: لەگەڵ ئەو لاچێوە تەنیکە سەرسامکەرەی کە 11.9 میلیمەترە — کە هەر ئەوەندەی پێنوسێکی جاف دەبێت — پانێڵە چەماوەکە نیو ئەوەندە تەنکترە لە مۆدێلەکانی شاشە-چەماوەی پێشتر
• پایەکی سادە و بازنەیی: پایەکی سادە و بازنەیی بە شێوەیەکی جوان پانێڵە باریك و چەماوەکە تەواودەکات

• ڕێکخستنی خۆکاری ئاستی ڕووناکیی بە مەبەستی پاشەکەوتکردنی وزە: تەکنەلۆژیای ژینگە-پارێزی سامسۆنگ بەشێوەیەکی بێخەوش ڕووناکیی ڕوونماکە لەسەر بنەمای ئاستی ڕووناکی ڕەشەکانی شاشەکە ڕێکدەخاتە بەمەبەستی کەمکردنەوەی بەکاربردنی وزە بە ڕێژەی تا %10*
• ڕێکخستنی دوانیی دەستکاریی ڕووناکیی: هەروەها دەتوانرێت دەستکاریی ڕێکخستنی ڕووناکیی شاشەکە بکرێت بە ڕێژەی تا ئەوپەڕی %25 یان %50

• مۆدی Eye Saver (پاراستنی چاو): بە کەمکردنەوەی دەردانی ڕووناکیی شین — کە زیاتر لە ڕەنگەکانی تر گلێنەی چاو دەوروژێنێت — مۆدی Eye Saver (پاراستنی چاو) ماندوبوونی چاوەکان کەمدەکاتەوە و ئەزموونێکی ئاسوودەتر دەبەخشێت.
• Flicker Free (لەرزە-نەکردن): تەکنەلۆژیای Flicker Free (لەرزە-نەکردن)ـی سامسۆنگ، لەرزەی سەرقاڵکەری سەر شاشە کەمدەکاتەوە تا بتوانیت بە ئاسوودەتر و بۆ ماوەی درێژتر یاری و کاربکەیت.