«АІ-теледидарларының жаңа дәуірі» («Акция») жарнамалық акциясына қатысудың осы ережелері «SAMSUNG ELECTRONICS CENTRAL EURASIA» (САМСУНГ ЭЛЕКТРОНИКС ЦЕНТРАЛЬНАЯ ЕВРАЗИЯ) ЖШС («Ұйымдастырушы») және Акцияның қатысушысы арасындағы келісім болып табылады. Акцияға қатысу ерікті және Акция қатысушылары сайтта келесі мекенжайлар бойынша жарияланған Акцияға қатысудың осы ережелерімен («Ережелер») танысқанын және сөзсіз келісетінін білдіреді: https://www.samsung.com/kz_kz/ соның ішінде доменнің барлық деңгейлері бар («Акция сайты»).

 

1.      Жалпы ережелер:

1.1.    Ұйымдастырушы: «SAMSUNG ELECTRONICS CENTRAL EURASIA», «САМСУНГ ЭЛЕКТРОНИКС ЦЕНТРАЛЬНАЯ ЕВРАЗИЯ» ЖШС, келесі мекенжай бойынша орналасқан: Қазақстан Республикасы, Алматы қ., A05D7M5, Алмалы ауданы, Желтоқсан көшесі, 115, 3-қабат.

1.2.    Акцияны өткізу кезеңі: 2024 жылдың 01 мен 30 мамыр (қоса санағанда) аралығында Алматы қ. уақытымен сағат 23:59 дейін.

1.3.    Акцияны өткізу аумағы: Қазақстан Республикасының барлық қалалары.

1.4.    Акцияны өткізу тәсілі: Акция осы Ережелерде көрсетілген, Акция Сайтындағы SAMSUNG онлайн-дүкенінде сатып алынған барлық тауарларға қолданылады.

 

2.      Акцияға Қатысушы

2.1.    Осы Ережелердің барлық шарттарын өз күшімен және өз қаражатымен орындаған 18 жасқа толған әрекетке қабілетті жеке тұлғалар, Қазақстан Республикасының резиденттері болып табылатын, соның ішінде Қазақстан Республикасының азаматтығы бар, сонымен бірге ықтиярхаты бар шетел азаматтары Акцияның қатысушысы бола алады («Қатысушы»).

2.2.    Ұйымдастырушының қызметкерлері, онымен аффилденген тұлғалар, олардың отбасы мүшелері, сонымен қатар Акцияны ұйымдастыруға қатысы бар басқа компаниялардың қызметкерлері Акцияға қатыса алмайды.

2.3.    Акцияға қатыса отырып, сондай-ақ дербес деректер болып табылатын ақпаратты қоса алғанда (соның ішінде Акция сайтында), кез келген ақпаратты ұсыну арқылы Қатысушы, Ұйымдастырушыға және уәкілетті үшінші тұлғаларға Акцияның өткізілуін, оның шарттарының орындалуын, жарнамалық, маркетингілік және хабарламалық жіберілімдерді, сонымен қатар маркетингілік мақсатта басқа да контактілерді бақылау үшін жеке ақпаратты, соның ішінде трансшекаралық сақтауға, өңдеуге, беруге, орналастыруға келесі көлемде рұқсат береді: орналасқан қаласы, толық аты-жөні, жеке басын куәландыратын құжаттың деректері (шетелдік азаматтың жеке куәлігі немесе ықтиярхаты), телефон нөмірі, электрондық пошта мекенжайы, тұратын мекенжайы.  Келісім өңдеудің көрсетілген мақсаттарына қол жеткізу үшін қажетті берілген деректерді өңдеудің барлық түрлеріне қолданылады. Соның ішінде Ұйымдастырушы/үшінші тұлғалар/ Ұйымдастырушының басқа да уәкілетті тұлғалары берілген ақпаратты алуды, жазуды, сақтауды, нақтылауды, пайдалануды, беруді (соның ішінде қолданыстағы заңнамаға сәйкес трансшекаралық беруді) қосқанда жүзеге асыра алады және бұл мұнымен шектелмейді. Келісім осындай деректерді Ұйымдастырушыға берген сәттен бастап және қолданыстағы заңнамада белгіленген тәртіппен осы Келісімді кері қайтарып алған сәтке дейін қолданылады.

2.4.    Қатысушы Акцияға қатыса отырып, фото/бейне түсірілімді жүргізуге, оның кескінімен/қатысуымен тиісті фото/бейне материалдарын сақтауға, пайдалануға және Ұйымдастырушының сайтында, сондай-ақ әлеуметтік желілеріндегі Ұйымдастырушының ресми беттерінде орналастыруға, сонымен қатар сәйкес фото/бейне материалдарды басқа да мақсаттарда, соның ішінде бухгалтерлік және есеп беруді қосқанда және мұнымен шектелмейтін мақсаттарда пайдалануға сөзсіз және қайтарымсыз келісімін береді.

 

3.      Акция сипаттамасы

3.1.    Осы Ережелерге сәйкес Акцияға Қатысушы осы Ережелерде қарастырылған барлық шарттарды орындаған жағдайда төменде қарастырылған сыйлықтардың бірін алу мүмкіндігін алады.

 

4.      Акцияға қатысу шарттары:

4.1.    Акцияға қатысу үшін Қатысушы келесі әрекеттерді орындауы қажет:

 

˗        2024 жылдың 1 мамыры мен 14 мамырын қоса алғанда, Акция  веб-сайтында 50 000 (елу мың) теңге көлеміндегі купонды алуға келісім беру нысаны болып табылатын, байланыс ақпаратыңызды жібере отырып, нысанды толтырыңыз. болашақта осы Ережелердің 1-кестесінде көрсетілген үлгідегі теледидарларды сатып алу үшін пайдаланылады

˗        Жоғарыда көрсетілген купон тек 1-кестеде көрсетілген теледидар үлгілері үшін жарамды және 2024 жылдың 15 мамыры мен 30 мамыры қоса алғанда, Алматы уақыты бойынша 23:59 дейін пайдалануға болады;

˗        Егер Қатысушы жоғарыда көрсетілген әрекеттерді орындаса және соның нәтижесінде Қатысушы Акция веб-сайтында 1-кестеде («Өнім») көрсетілген Өнімді сатып алса, Қатысушы 1-кестеде көрсетілгендей тиісті сыйлықты алуға құқығы бар.

 

1-кесте:

 

№	ТАУАР		СЫЙЛЫҚ[1]
1	The Frame	Samsung теледидары QE43LS03DAUXCE	SoundBar Samsung HW-S801B/RU – 1 б. Kinopoisk-қа 12 ай жазылым – 1 б. Samsung теледидарын келесі сатып алғанға 10% жеңілдікке промокод – 1 б.
2		Samsung теледидары QE50LS03DAUXCE
3		Samsung теледидары QE55LS03DAUXCE
4		Samsung теледидары QE65LS03DAUXCE
5		Samsung теледидары QE75LS03DAUXCE
6		Samsung теледидары QE85LS03DAUXCE
7	Neo QLED 4K	Samsung теледидары QE43QN90DAUXCE	SoundBar Samsung HW-Q700C/RU – 1 б. Kinopoisk-қа 12 ай жазылым – 1 б. Samsung теледидарын келесі сатып алғанға 10% жеңілдікке промокод – 1 б.
8		Samsung теледидары QE55QN90DAUXCE
9		Samsung теледидары QE65QN90DAUXCE
10		Samsung теледидары QE75QN90DAUXCE
11		Samsung теледидары QE98QN90DAUXCE
12		Samsung теледидары QE55QN85DBUXCE
13		Samsung теледидары QE65QN85DBUXCE
14		Samsung теледидары QE75QN85DBUXCE
15		Samsung теледидары QE85QN85DBUXCE
16	Neo QLED 8K	Samsung теледидары QE65QN800DUXCE	SoundBar Samsung HW-Q990C/RU Kinopoisk-қа 12 ай жазылым – 1 б. Samsung теледидарын келесі сатып алғанға 10% жеңілдікке промокод – 1 б.
17		Samsung теледидары QE75QN800DUXCE
18		Samsung теледидары QE85QN800DUXCE
19		Samsung теледидары QE65QN900DUXCE
20		Samsung теледидары QE75QN900DUXCE
21		Samsung теледидары QE85QN900DUXCE
22	OLED	Samsung теледидары QE55S90DAUXCE	SoundBar Samsung HW-S801B/RU – 1 б. Kinopoisk-қа 12 ай жазылым – 1 б. Samsung теледидарын келесі сатып алғанға 10% жеңілдікке промокод – 1 б.
23		Samsung теледидары QE65S90DAUXCE
24		Samsung теледидары QE55S95DAUXCE
25		Samsung теледидары QE65S95DAUXCE
26		Samsung теледидары QE77S95DAUXCE

 

5.      Сыйлық

5.1.    Сыйлық SAMSUNG тауар белгісімен тауар немесе 1-кестеге сәйкес сатып алатын Тауарға байланысты Акция қатысушысына арналған тауарға жеңілдік болып табылады («Сыйлық»).

5.2.    Әрбір қатысушы Акция шеңберінде 1 (бір) тауар сатып алғанда 1 (бір) Сыйлықтан артық ала алмайды.

5.3.    Сыйлықтың түсі мен моделі оның артығымен болуына байланысты және Акцияның ресми сайтындағы кескіннен айырмашылығы болуы мүмкін.

5.4.    Сыйлықтарды жеткізу Онлайн-дүкенде тапсырысты растап, төлеген күннен бастап 30 (отыз) күнтізбелік күн ішінде орындалады. Жеткізу Ұйымдастырушы есебінен жүзеге асырылады. Егер курьер немесе басқа тұлғалар қалаға дейін жеткізу үшін қандай да бір ақы, салық немесе басқа да төлемдерді жүргізуді сұраса, мұндай төлемдерді орындамай, дереу Ұйымдастырушымен байланысуыңызды сұраймыз. Ұйымдастырушымен осы Ережелерде төменде көрсетілген нөмірлер бойынша және Ұйымдастырушының әлеуметтік желілеріндегі ресми парақшалары арқылы байланыса аласыз.

5.5.    Сыйлық саны шектеулі. Сыйлықтар ақшалай қаражатқа немесе басқа тауарларға ауыстырылмайды. Акция Қатысушысы Сыйлық алудан бас тартуға құқылы, осы ретте Қатысушыға қандай да бір ақшалай қаражат/өтемақы төленбейді.

5.6.    Акцияны өткізу кезеңінде белгілі бір себептермен табысталмаған сыйлықтар, соның ішінде Акция Қатысушысына оның бас тартуы себебінен жеткізілмеген сыйлықтар, алған промокод/кодты активацияламау немесе электронды пошта мекенжайы қате көрсетілсе, сыйлықтар сұрауы жоқ болып табылады. Сұрауы жоқ сыйлықтар сақталмайды және Ұйымдастырушы оларды өз бетімен қолдана алады. 

5.7.    Ережелерде сұрауы жоқ сыйлықтарды сақтауды және сұрау мүмкіндігінің осы Ережелерде көрсетілген мерзімі аяқталған соң сақталуы қарастырылмаған.

5.8.    Сыйлық алған уақыттан бастап Акция Қатысушысы оны абайсыздан істен шығару және/немесе оның бүлінуі тәуекелін өзі көтереді.

5.9.    Тауарды қайтарған жағдайда Сыйлық қайтарылады. Қайтару мен ауыстыру Ұйымдастырушының Акция Сайтындағы Көпшілік шартына сәйкес реттеледі.

5.10.  Осы Ережелерде қарастырылған барлық шарттарды орындаған жағдайда Қатысушы Сыйлық алу үшін міндетті:

˗        Жеке куәлігінің /ықтиярхатының ұсыну;

˗        Жеткізу парағын/ қордағыны сыртқа жіберу туралы құжатты толтыру және қол қою;

˗        Фото/видео түсірілімге қол қою;

˗        Қолындағы сыйлықпен фотоға түсу.

        5.11. Қатысушы келесі жағдайларда Акцияға қатысу құқығынан айырылады және Сыйлық алуға үміткер бола алмайды:  

˗        Акцияның қандай да бір шарттарын бұзса;

˗        Қатысушы деректері жалған/қате берілсе;

˗        Ұйымдастырушы/серіктес 15 күнтізбелік күн ішінде Қатысушымен байланыса алмаса;

˗        Алаяқтық фактілері немесе басқа да заңға қайшы әрекеттер анықталса;

˗        Жоғарыда көрсетілген құжаттарды ұсынудан бас тартса.           

 

6.      Акция Қатысушысының құқықтары мен міндеттері

6.1.    Акция қатысушысының құқықтары:

˗        Осы Ережелермен танысу;

˗        Осы Ережелерде анықталған тәртіпте Акцияға қатысу;  

˗        Акция Сайтындағы байланыс арналары мен көпшілік ресурстарда Акцияның мерзімдері мен шарттары туралы ақпарат алу;

˗        Акция сайтында осы Ережелердің өзгертулері туралы ақпарат алу;  

˗        Акция Ұйымдастырушысы туралы мәлімет алу;

˗        Осы Ережелерге сәйкес Сыйлықты беруді сұрау;

6.2.    Акция Қатысушысының міндеттері:

˗        Акцияға қатысумен байланысты Ережелерді ұстану, соның ішінде осы Ережелерде бекітілген мерзімде Акцияға қатысумен байланысты барлық әрекеттерді орындау;

˗         Акцияға қатысумен байланысты барлық шығынды өз бетімен көтеру, соның ішінде Интернет, телефон және т.б. (бірақ мұнымен шектелмейді)   шығындар.

˗        Осы Ережелерде және Қазақстан Республикасының қолданыстағы заңнамасында қарастырылған басқа да міндеттерді көтеру.

 

7.      Акция Ұйымдастырушысының құқытары мен міндеттері:

7.1.    Ұйымдастырушының Құқықтары:

˗        Акцияны өткізу кезеңі ішінде Акцияның сайтында тиісті хабарламаны орналастыру арқылы Қатысушыларға алдын ала хабарлап, осы Ережелерді біржақты тәртіпте өзгертуге құқылы. Хабарлау күні сәйкес ақпарат Акцияның Сайтында немесе Бағдарламада жарияланған күн немесе шарттар өзгертілген кезде көрсетілген қосымша күн болып табылады. Қатысушы көрсетілген өзгерістермен келіспеген жағдайда Акцияға қатысудан бас тарту жолымен өзгерістерді қабылдаудан бас тартуға құқылы. Осы күн аяқталғаннан кейін Акцияға қатысуды жалғастыру Қатысушының енгізілген өзгерістермен келіскенін білдіреді;

˗        Ұйымдастырушы осы Ережелерде қарастырылған жағдайларда Қатысушылардан қажетті ақпарат пен құжаттарды және де мемлекеттік органдарға ұсыну үшін басқа да құжаттарды сұрата алады;

˗        Ұйымдастырушы Акцияның осы Ережелерінде қарастырылған барлық құқықтар мен ҚР қолданыстағы заңнамасын қолданады;

˗        Осы Ережелердің 4.1. тармағында көрсетілген барлық шарттарды дұрыс және толықкөлемді орындамаған Акция Қатысушысына Сыйлық беруден бас тарту;

˗        Осы Ережелерді ұстанбау фактісі анықталған жағдайда Акция қатысушысына Сыйлық беруден бас тартуға құқылы.  

7.2.    Ұйымдастырушының міндеттері:

˗        Ережелерде анықталған мерзімде Акцияны өткізумен байланысты Ережелерді ұстану, барлық әрекеттерді орындау;

˗        Ережелермен сәйкес Акцияны өткізуді қамтамасыз ету;

˗        Акция қатысушыларына Акция Сайты немесе таңдалған коммуникация арналары арқылы Акцияны өткізу Ережелері туралы ақпарат беру;

˗        Ережелердің 4.1 т. сәйкес барлық шарттарды дұрыс орындаған барлық Акция қатысушыларына Акция шеңберінде Сыйлықтар беру.

 

8.          Басқа шарттар

8.1.       Қатысушылардың Қазақстан Республикасының қолданыстағы заңнамасында бекітілген құқықтары мен міндеттері бар. 

8.2.       Акцияның барлық Қатысушылары Акцияға қатыса отырып, Акция Ережелерімен келіседі, оларды сақтауға және орындауға міндеттенеді. Қатысушы Сыйлық алу үшін Акцияның ережелерін бұзған жағдайда немесе айлакерлік және/немесе алдау әрекеттерін жасаған болса, Сыйлық алу құқығынан айырылады.

8.3.       Акцияға қатыса отырып, Қатысушы осы Ережелермен сөзсіз келіскенін білдіреді. Қатысушы Ережелерді ұстанудан толығымен және/немесе ішінара бас тартса, бұл Қатысушының Акцияға қатысудан толығымен бас тартуы болып саналады.

8.4.       Акция конкурс, лотерея немесе тәуекелге негізделген басқа құмар ойын болып табылмайды.

8.5.       Пікір алу мақсатында Ұйымдастырушының қызмет көрсету сапасын бақылау үшін Қатысушыға Сапа бөлімінен қоңырау шалуы мүмкін. Қатысушы өз пікірін ұсынудан бас тартуға құқылы.

8.6.       Акцияны орындау барысында, Қатысушыны растау мен сәйкестендіру үшін, Қатысушыдан жеке куәлігі сұратылуы мүмкін.

8.7.       Қатысушы Ұйымдастырушыға үшінші тұлғалардың дербес деректерін беруге, сонымен қатар басқа да кез келген ақпаратты Акцияның көздегеніне сәйкес келмейтін заңға қайшы мақсаттарда табыстауға міндеттенбейді. 

8.8.       Ұйымдастырушының Акцияны өткізуге сәйкес барлық мәселелерге байланысты шешімдері түпкілікті болып табылады.

8.9.       Акцияның Ұйымдастырушысы телекоммуникациялық және энергетикалық желілердің, зиянды бағдарламалардың және Ұйымдастырушының бағдарламалық және/немесе аппараттық кешеніне (Интернет-ресурс) рұқсатсыз ену және/немесе оны істен шығаруға бағытталған үшінші тұлғалардың қасақана әрекеті салдарынан өз міндеттерін орындамағаны немесе тиісті емес орындағаны үшін жауапкершілік көтермейді.   

8.10.     Ұйымдастырушы Акция шеңберінде жүктелген міндеттерін орындау үшін үшінші тұлғаларды қатыстыруға құқылы.

8.11.     Егер кез келген уақытта Ұйымдастырушы ойға қонымды және заңды негізде Қатысушының қатысудан шектелгенін анықтаса,  қатысу талаптарына сай келмесе, осы Ережелерді бұзса немесе Ұйымдастырушы оның мінез-құлқын біреуді масқаралайтын, қонымсыз, қауіп төндіретін, заңсыз немесе қорлауға, теріс пайдалануға, қатерге тігу немесе кемсітуге бағытталған деп есептесе, Ұйымдастырушы осындай Қатысушыны қатыстырмауға құқығы бар және осындай қатысудан шектетілген Қатысушының ұтқаны  қандай да бір жерде хабарланса немесе жарияланса да, Ұйымдастырушының оны қатысудан шектету құқығын өзіне қалдырады.

8.12.     Осы Ережелердің кез келген ережелерінің жалғандығы немесе оны орындау мүмкін болмағаны басқа ережелердің растығына немесе оларды орындауға әсер етпейді. Егер қандай да бір ереже жалған немесе орындалмайтын болса, заңға қайшы келсе, осы Ережелердің қалғанының қолданылуы  жалғастырылады және осында жалған немесе заңға қайшы ережелер болмағандай бекітілген шарттарына сәйкес түсіндіріледі.

8.13.     Егер кез келген тұлға жалған ақпаратты ұсынып заңға қарсы құралдар арқылы қатысса немесе басқаша айтқанда, Сыйлық алу үшін осы Ережелерді бұзғаны мойындалса, Ұйымдастырушы осындай тұлғаны қатысудан шектетіп, келтірілген шығынды өтеуін талап етуге құқылы.

8.14.     Осы интернет-сайт және оның мазмұны тек ақпараттық сипатта берілген және ешбір жағдайда ҚР Азаматтық кодексінің 395 бабында берілген ережелермен анықталатын жария оферта болып табылмайды. Құрылғылардың саны шектеулі. Нақты түсі басқа болуы мүмкін және барлық кескіндер анықтама үшін берілген.

 

Акцияға қатысты кез келген сұрақтар бойынша төменде көрсетілген Ұйымдастырушының байланыс деректері бойынша хабарласыңыз:

 

Ұйымдастырушының колл-орталығының байланыс деректері:

7700 – Қазақстанның кез келген ұялы телефон операторының нөмірінен қоңырау шалу тегін.

 

[1] Осы Акция шеңберіндегі сыйлықтар Акция Сайтында себетте 10 теңгеге жүзеге асырылады.