Mikrodalğalı sobanın tarixi: ilk modellərdən tutmuş
hər bir mətbəxdə inqilabadək

Mikrodalğalı sobanın əsas elementi maqnetrondur. Ultra yüksək tezlikli elektromaqnit dalğaları yayan bu cihaz mikrodalğalı soba icad edilməmişdən əvvəl təqdim edilmişdir. Burada ofis mətbəxində balıq yeməklərini qızdırmaq fürsətinə görə kimə təşəkkür etməliyik sualı yaranır. Gəlin məsələni təhlil edək.

1912-ci ildə isveçrəli fizik Heinrix Qreinaher elektronun kütləsini ölçmək üçün üsul tapmağa çalışdı. Bu onun bir hobbisi idi. Qreinaher müasir maqnetronun prototipinə çevrilən bir cihaz icad etməyi bacardı.

Davam edirik. 1921-ci ildə amerikalı alim Albert Hall maqnit sahələri vasitəsilə elektrik cərəyanını idarə edən lampalar yaratdı. Və hətta "maqnetron" icad etdi. Bundan sonra müxtəlif ölkələrdən olan bir sıra fiziklərin işi ultra yüksək tezliklər yaymaq qabiliyyətinə malik cihazın yaranmasına gətirib çıxarır.

1946-cı ildə Raytheon yemək bişirmək üçün maqnetronun istifadəsi üçün patenti rəsmiləşdirdi. Cəmi bir il sonra Raytheon ilk kommersiya elektromaqnit sobasını təqdim etdi - təxminən 2 metr hündürlükdə, 340 kq ağırlığında və 5,000 dollara başa gələn Radarange. Bu səliqəli mətbəx üçün deyil, fabriklər və restoranlar üçün nəzərdə tutulmuş texnika idi. 20 ildən sonra hər şey dəyişdi.

1955-ci il - Tappan şirkəti Raytheon lisenziyası əsasında evdə istifadə üçün nəzərdə tutulmuş mikrodalğalı sobanı təqdim etdi. Cihaz divara bərkidilməli idi, onun qiyməti isə 1,295 ABŞ dolları, yəni avtomobilin satıldığı qiymələ eyni idi.

1967-ci ildə məişət texnikası istehsalçısı Amana ilk ev üçün nəzərdə tutulmuş modeli təqdim etdi. Mikrodalğalı sobanın qiyməti 500 dollar idi, o vaxtlar üçün bu yüksək qiymət idi, lakin eyni zamanda əlçatanlığı təmin etmək üçün vacib bir addım idi. Əsl irəliləyiş 1970-ci illərdə baş verdi, Litton sobanın formasını dəyişdirərək, onun hündürlüyünü azaltdı, enini isə genişləndirdi. Bu dizayn artıq bizə tanış olan mikrodalğalı sobalara bənzəyirdi və cihazın kütləvi populyarlığına səbəb oldu.

Samsung bu yarışa daha gec qoşuldu, lakin bu fakt brendin mikrodalğalı sobaların geniş yayılmasında əsas rol oynamasına mane olmadı. Şirkət onun ilk soba modeli olan RE-700D-ni onun üzərində 2 il işlədikdən sonra 1978-ci ildə buraxdı. Bu Koreyanın ilk mikrodalğalı sobası idi - Koreya üçün olduqca əhəmiyyətli hadisə. 1980-ci ildə RE-705TC ixrac məqsədli model təqdim edildi: ilk 100 000 ədəd mikrodalğalı sobanın vətəni olan ABŞ-a göndərildi.

Bazarda mövqelərini möhkəmlənmək və komponent təchizatçılarından asılı olmamaq üçün Samsung öz maqnetronunu inkişaf etdirməyə qərar verdi. Dünyada cəmi üç şirkət onu istehsal edirdi, bu hissə olmadan isə mikrodalğalı sobanı yığmaq mümkün deyildi. Və yenidən uğur əldə edildi: 1982-ci ildə Samsung Suvonda maqnetron istehsalına start verdi. Bu andan etibarən brend inamla inkişaf etməyə başlayıb.

1999-cu ildə Samsung qlobal mikrodalğalı soba bazarında liderə çevrildi. İllər keçib, bugünkü modellər artıq sadəcə şorba qızdırmaq üçün bir qutu deyil. Şirkət əsas diqqəti daxili premium cihazlara və smart funksiyalara yönəldir. Müasir soba qril, buxarlı bişirici və mini soba kimi istifadə edilə bilər. Bundan əlavə model istənilən mətbəx üslubuna uyğunlaşır. Modelləri SmartThings tətbiqi vasitəsilə smartfonunuzdan idarə edə bilərsiniz: rejimi təyin edin və ya yeməyin hazırlığını birbaşa telefon ekranından yoxlayın.

Məsələn, demək olar ki, yağ istifadə etmədən xırtıldayan yeməklər hazırlayan SlimFry* texnologiyası ilə "hamısı birində" cihazlarını götürək. Fermentasiya rejimi ev yoqurtu və ya xəmiri hazırlamağa kömək edir. Avtomatik reseptlər sayəsində parametrləri əl ilə tənzimləmək ehtiyacı aradan qalxır, konveksiya sobada bişmiş yeməklər üçün xüsusilə vacib olan bərabər istiliyi təmin edir. Soba həmçinin isti saxlama, buxarda bişirmə, qızartma funksiyalarına və qidaların rütubət səviyyəsinə nəzarət edən və bişirmə prosesini tənzimləyən ağıllı sensora malikdir.

Beləliklə, mikrodalğalı soba artıq sadəcə dünənki pizzanı isitmək üçün bir cihaz deyil. Bu gün bu universal bir mətbəx cihazıdır, bu cür alətlər olmadan həyatı təsəvvür etmək belə çətindir.