Tozsoranların təkamülü: səs-küylü divdən
ağıllı ev köməkçisinə qədər

Mühərrikin səs-küyü, vibrasiya, uzun şnur və sanki kötük daşıyırmışsan kimi ağır çəki - bütün bunlar artıq tarixə qovuşurdu.

1980-1990-cı illərdə sadəcə tozu deyil, həmçinin allergenləri tutub saxlayan incə təmizləmə filtrlərinin (HEPA) kütləvi tətbiqi başladı. Siklon texnologiyaları yarandı və bu texnologiyalar sayəsində toz havadan filtrin deyil, mərkəzdənqaçma qüvvəsinin köməyi ilə ayrılırdı. Bu o demək idi ki, konteyner dolduqda artıq sorma gücündə itkilər baş verməyəcəkdi.

Korpusların formasında da dəyişikliklər baş verirdi: irihəcmli «çəlləklər»dən — daha axıcı və mobil təkərli modellərə keçid edilirdi. Teleskopik borular, müxtəlif səthlər üçün taxmalar əlavə edilir, şlanqlar daha elastik və möhkəm olurdu.

Səs-küy səviyyəsi tədricən azalırdı, lakin tozsoranların əksəriyyəti hələ də evdə qırıcı təyyarə səsi çıxarırdı. Bütün bunlara baxmayaraq, rahatlıq artmağa davam edirdi, təmizlik işləri isə artıq bir cəza deyil, kifayət qədər idarə oluna bilən bir proses idi. Xüsusilə, o gəldiyi zaman.

İlk Samsung tozsoranı çıxır — VC-1350 modeli. Bu rahat və texnoloji model müasir məişət cihazlarının simvoluna çevrildi. Cihaz müasir şəhər mənzilinin mütləq elementi kimi təşviq edilirdi. Dizaynı incə, mahiyyətcə baza parametrli bu model zamanında gələcəyə atılan bir addım idi.

Tozsoran elektrik enerjisi ilə işləyir, çıxan havanı filtrasiya edir və fırça ilə bir komplektdə təqdim olunurdu. Əsas üstünlüyü ondan ibarət idi ki, o, istifadəçiləri əllə yır-yığış etmək məcburiyyətindən azad etmişdi. Çatışmazlığı isə o idi ki, çəkisi hələ də ağır, səs-küy səviyyəsi isə, kifayət qədər idi. Ancaq cihazın evdə rahat istifadə edilə bildiyinə və əllə təmizlik tarixə qovuşduğuna görə, bütün bu çatışmazlıqları bağışlamaq olardı.

VC-5230 (1994)

13 il sonra Samsung VC-5230 modelini istehsal edir. Bu, nəm təmizləmə funksiyalı ilk model idi. Belə yuyucu tozsoran daha yüngül idi, ağırlıq mərkəzini isə mühəndislər aşağıda yerləşdirmişdilər. Bu həll cihazı daha dayanıqlı, onun istifadəsini isə daha rahat edirdi.

Su təmizləmə zonasına verilir, daha sonra isə, geriyə yığılırdı və döşəmə təmiz və təravətli qalırdı. Tozsoran sadəcə tozun yığışdırılmasına deyil, həmçinin, döşəmə örtüklərinin yuyulmasına əhəmiyyət verən istifadəçilərin xoşuna gəlmişdi. Bu, çoxfunksiyalı təmizliyə doğru atılan bir addım idi.

VC-7550 (1997)

VC-7550 modeli sakit inqilabın simvoludur. «Daha təmiz. Daha sakit» sloqanı ilə Samsung eyni vaxtda bir neçə problemi aradan qaldıran bir tozsoran hazırlayır: bu tozsoranda sorucu dəlikdə lampa (qaranlıq otaqlarda yır-yığış üçün), erqonomik tutacaq (manevrləmə zamanı rahatlıq üçün) və uzun elektrik şnuru (təmizlik zamanı daima elektrik yuvalarının dəyişdirilməsindən qurtulmaq üçün) təqdim olunur.

Tozsoran sadəcə funksionalına görə deyil, həmçinin, səs-küy səviyyəsinin azaldılmasına görə populyarlıq qazanmışdı. Bu isə, nazik divarlı şəhər mənzilləri üçün həqiqi bir nemət idi.

VC-8680C (2002)

Samsung bu modeli ilə müxtəlif növ zibillərlə nə etməklə bağlı əhəmiyyətli bir problemi aradan qaldırır. Bu problemin həlli ayrıca toplama sisteminin tətbiqidir. İri hissəciklər konteynerə toplanır, xırda toz isə, toz kisəsində filtrasiya olunurdu. Bu, cihazın təmizlənməsini asanlaşdırır və gigiyenanı yaxşılaşdırırdı.

Bu yanaşma filtrasiyanın effektivliyini artırmağa, ətrafa atılan toz və çirk miqdarını azaltmağa, habelə, tozsoranın özünün təmizlənməsi tezliyini azaltmağa imkan verdi. Bu model tozsoranlar heyvanların olduğu evlər üçün və uşaqları olan istifadəçilər tərəfindən yüksək dəyərləndirilmişdi.

VC-MBD915 (2005)

Kisəsiz və ağıllı konstruksiyalı tozsoran. VC-MBD915 Samsungun Twin Chamber* (toz kisəsində hava və toz axınlarını ayırd edən ikili kamera) texnologiyalı ilk modeli idi. Bu, filtrlərə düşən yükü xeyli azaldır və sorma gücünü artırırdı.

İstifadəçi sabit məhsuldarlıq, sərfiyyat materiallarına daha az xərclərin çəkilməsini və rahat təmizləmə əldə edirdi. Konteyner asanlıqla çıxarılır və suda yuyulurdu. Tozsoran yığcam, güclü və artıq bu gün norma olaraq qəbul etdiyimiz standartlara daha yaxın idi.

VC-RE70V (2008)

Müasir Samsung robot tozsoranlarını sadəcə bir düyməyə basmaqla hərəkətə gətirməklə iş bitmir. Onları, harada olmağınızdan asılı olmayaraq, SmartThings mobil tətbiqi vasitəsilə smartfondan idarə etmək mümkündür. Yır-yığış qrafikini təyin edin, yığışdırılacaq zonaları seçin və cihaz işə başlayacaq! Hətta evdən getsəniz belə, robot lazım olan vaxtda işləməyə başlayacaq, sonra isə bildiriş göndərəcək: «Təmizlik başa çatdı. Toz yığışdırıldı». Artıq hərəkət olmadan tam nəzarət.