Soyuducunun tarixi: nə vaxt yaranıb
və müasir modelləri necə işləyir

Soyuducular olmadığı dövrlərdə insanlar yenə də qidanı saxlamağın yollarını tapırdılar. Əcdadlarımızın hansı ixtiraçılıq möcüzələrini göstərdikləri haqqında və müasir texnologiyaların necə işlədiyindən bəhs edirik.

İsti iqlimli olan İranda ustalar yaxçal adlanan — hündürlüyü onlarla metrə çatan yeraltı otaqları olan gil günbəzlər tikirdilər. Hər şey çox sadə işləyirdi. Payızda yaxçala su gətirilir və zirzəmi su ilə doldurulurdu, qışda isə həmin su donurdu. Bu buz qidanı bütün il boyu saxlamağa kömək edirdi.Koreyada isə sokbinqo adlanan buz anbarlarından istifadə olunurdu. Rusiyada da oxşar quruluşlu buzxanalar inşa edilirdi. Ümumiyyətlə, o vaxtlar buz olmadan demək olar ki, heç nə işləmirdi.

Bu, 1756-cı ilə qədər davam etdi — həmin vaxt şotland Uilyam Kallen ilk dəfə süni soyutma qurğusunu nümayiş etmişdi. O, soyuqluq yaratmaq üçün vakuumda dietil efirinin buxarlanmasından istifadə etmişdi. Qulağa mürəkkəb səslənsə də, efirdən soyuducu kimi istifadə ideyası soyuducu texnikasının inkişafında ilk addımlardan biri olmuşdur.

Bir əsr sonra amerikalı Con Qori gələcək soyuducuların prototipi olacaq buz istehsal edən qurğu yaratmışdı. Bu aparatda artıq insanlığın bu günə qədər istifadə etdiyi kompressiya dövriyyəsi prinsipi tətbiq olunurdu (bir az sonra onun necə işlədiyini izah olunacaq). Daha sonra fransız Ferdinand Karre absorbsiya prinsipini təklif etdi. Ammonyak buxarlanaraq ətraf mühitdən istiliyi götürürdü. Sonra onu su udurdu. Ammonyakı sudan ayırmaq lazım olduqda isə su qızdırılırdı — və dövrü yenidən təkrarlamaq mümkün olurdu.

İndi əsas proses — soyuğun yaranmasına nəzarət yetirək. Sonra isə ən müasir texnologiyalara keçək.

Əvvəlcə kompressor qaz halındakı soyuducu agenti sıxır — nəticədə o, qızır.

Daha sonra qızmış qaz kondensatora daxil olur — bu, soyuducunun arxa və ya yan divarından keçən borulardır. Burada qaz soyuyur və maye halına keçir, istiliyi xaricə ötürür — məhz buna görə soyuducunun divarı isti olur.

Daha sonra — ən vacib an. Maye halında olan soyuducu agent çox dar bir dəlikdən və ya kapilyar borudan keçir. Maye yenidən qaz halına çevrilir və bu zaman soyuducu kameradan istiliyi götürür. Soyuq burada yaranır!

Samsung-un BESPOKE AI* yeni nəsil soyuducuları sadəcə soyuq saxlamaqla kifayətlənmir. Quraşdırılmış süni intellekt kameradakı məhsulları tanıyır! O, məhsulları avtomatik olaraq kateqoriyalara ayırır və onların istifadə müddətinə nəzarət etməyə kömək edir. Soyuducunun içində yerləşən kamerası məzmunu qeydə alır, Vision AI* sistemi isə milyonlarla şəkildən ibarət bazaya əsaslanaraq 33 növ məhsulu tanıya bilir.

Siz evdən uzaqda olarkən belə soyuducu, içində nələrin olduğunu göstərə bilər — kifayətdir ki, tətbiqi açasınız. Əgər məhsulun istifadə müddəti bitməyə yaxınlaşırsa, sistem xəbərdarlıq edir. Həmçinin alış-veriş siyahısını hazırlayır və birbaşa smartfona göndərir Əgər nə bişirəcəyinizi bilmirsinizsə, BESPOKE AI evdəki mövcud inqrediyentlərdən resept təklif edəcək. Və hazırlıq prosesini addım-addım soyuducunun ekranında və ya smartfonda göstərəcək.

İdarəetmə çevikləşib: Wi-Fi və mobil tətbiq vasitəsilə rejimi dəyişmək, sürətli soyutmanı aktivləşdirmək və ya kameranı tərəvəz saxlama rejiminə keçirmək bir neçə toxunuşla mümkündür. Hətta tətil zamanı və gecə yatarkən istifadə üçün ssenarilər mövcuddur. Hər şey əvvəlcədən düşünülüb.