Samsung kompüterinizdə Samsung Pass-dan necə istifadə etmək olar
Samsung Pass ID və ya parolunuzu daxil etmədən veb-sayt və tətbiqlərə təhlükəsiz şəkildə daxil olmağınıza imkan verir. Əgər siz artıq Galaxy telefonunuzda və ya planşetinizdə Samsung Pass istifadə edirsinizsə, yaddaşda saxladığınız giriş məlumatınızı sinxronlaşdırıb Samsung kompüterinizdə istifadə edə bilərsiniz.
Qeyd: Bu funksiya yalnız aşağıdakı tələblərə cavab verən dəstəklənən Samsung kompüterlərində mövcuddur və həm kompüter, həm də mobil cihazlarda eyni Samsung hesabı ilə daxil olmuş istifadəçilərlə məhdudlaşır.
Kompüter üçün Samsung Pass tələbləri
Kompüterlər üçün Samsung Pass yalnız aşağıdakı tələblərə cavab verən dəstəklənən modellərdə mövcuddur:
- Əməliyyat sistemi: Windows 10 1903 və ya daha sonrakı versiya
- Avadanlıq: TPM (Trusted Platform Module) 2.0 və ya daha sonrakı versiya
- Təhlükəsizlik: Windows Hello dəstəyi (barmaq izi və ya PIN kod)
Qeyd:
- Dəstək tələbləri şirkət siyasətinə əsasən dəyişdirilə bilər.
- Hazırda yalnız Galaxy Book3 seriyası üçün mövcuddur (gələcəkdə dəstək genişlənəcək).
- Samsung Pass hesabı artıq Galaxy telefonu və ya planşetində qeydiyyatdan keçirilməlidir (birbaşa kompüterdə qeydiyyatdan keçirilə bilməz).
- Eyni Samsung hesabıf həm komptürdə, həm də mobil cihazda sinxronlaşdırma üçün tələb olunur.
Kompüterinizdə Samsung Pass-ı necə qurmaq olar
Siz Samsung Pass-da saxlanılan hesab məlumatlarından istifadə edərək veb-saytlara tez daxil ola bilərsiniz. Quraşdırıldıqdan sonra Samsung Pass daha sürətli və təhlükəsiz giriş təcrübəsi üçün dəstəklənən saytlarda ID və parolunuzu avtomatik olaraq dolduracaq.
Addım 1. Kompüterinizdə Samsung hesabınızla daxil olun.
Addım 2. Mobil cihazınızda və ya planşetinizdə Samsung Pass açın və kompüterinizin ekranında göstərilən QR kodunu skan edin. Əgər bu anda sinxronlaşdırmaq istəmirsinizsə, Ötür düyməsinə basıb skanlamadan davam edin.
Addım 3. Qeydiyyatdan keçmiş biometrik metodunuzdan istifadə edərək şəxsiyyətinizi təsdiq edin.
Addım 4. Şəxsiyyətin təsdiqlənməsindən sonra Hazırdır üzərinə basın.
Qeyd: Əgər Windows Hello hələ konfiqurasiya edilməyibsə, onu qurun.
Addım 5. Brauzerinizdə Samsung Pass genişlənməsini quraşdırın.
Qeyd:
- Kompüter üçün Samsung Pass yalnız Microsoft Edge və Chrome brauzerlərini dəstəkləyir.
- Samsung Cloud ilə sinxronlaşdırmaq üçün QR skanlama tələb olunur.
- Əgər bu addımı ötürsəniz, QR kodunu daha sonra kompüterinizdə Samsung Pass parametrlərində də skan edə bilərsiniz.
- Həm kompüterinizdə, həm də mobil cihazınızda eyni Samsung hesabından istifadə etdiyinizə əmin olun.
Kompüterinizdə Samsung Pass-dan necə istifadə etmək olar
Giriş məlumatlarınızı yazmadan dəstəklənən veb-saytlara tez və təhlükəsiz daxil olun. Samsung Pass siz hesabınızı seçdikdən sonra yaddaşda saxladığınız ID və parolu avtomatik dolduracaq, bu da giriş prosesini sadə və səmərəli edəcək.
Addım 1. Dəstəklənən tətbiq və ya veb-saytda ID və ya parol sahəsinə klikləyin, sonra hesabınızı seçin.
Addım 2. ID və parolunuz avtomatik doldurulacaq və girişiniz tamamlanacaq.
Qeyd: Samsung kompüterinizdə Avtomatik doldurma funksiyası aktivdirsə, hər dəfə biometrik autentifikasiyadan keçməyinizə ehtiyac olmayacaq. Bununla belə, təhlükəsizlik səbəbi ilə kompüter üçün Samsung Pass-ı açarkən Windows Hello autentifikasiyası tələb olunur.
Şərhiniz üçün təşəkkür edirik!
Bütün sualları cavablandırın.