Samsung Pass OTP-dən necə istifadə etməli
Galaxy istifadəçiləri ayrıca tətbiq quraşdırmadan bankçılıq, onlayn alış-veriş, sosial media və s. kimi xidmətlərdə təhlükəsiz 2 addımlı doğrulama üçün Samsung Pass OTP (Birdəfəlik Parol) istifadə edə bilərlər. Bu xüsusiyyət əlavə təhlükəsizlik qatını təmin edən tətbiqlər və ya veb-saytlarda doğrulamanı asanlıqla yerinə yetirməyə imkan verir.
Samsung Pass-da OTP-ni qeydiyyatdan keçirməyin qaydası
Siz tətbiq və ya veb-sayt tərəfindən verilmiş OTP açar kodunu Samsung Pass-da qeydiyyatdan keçirə bilərsiniz. Qeydiyyatı tamamlamaq və daxil olarkən OTP-dən avtomatik şəkildə və ya əl ilə istifadə etmək üçün nümunə olaraq Samsung.com istifadə edilməklə aşağıdakı addım-addım təlimatlara əməl edin.
Qeyd: ikiaddimli doğrulama üzrə OTP açar kodunun verilməsi prosesi tətbiqdən və ya veb-saytdan asılı olaraq dəyişə bilər.
Addım 1. Veb-sayta keçin və Hesab ikonuna (məsələn, samsung.com) basın.
Addım 2. Hesab ID-si ilə daxil ol düyməsinə basın.
Addım 3. Hesabınızla daxil olun.
Addım 4. Təhlükəsizlik parametrlərinə basın. Parolunuzu yenidən doğrulamalı ola bilərsiniz.
Addım 5. İki addımlı doğrulama seçimini edin.
Addım 6. Authenticator tətbiqini doğrulama metodu olaraq seçin.
Addım 7. Göstərilən OTP açar kodunu kopiyalayın və ya QR kodu mövcuddursa, onu QR kodundan istifadə edərək qeydiyyatdan keçirin.
Addım 8. Galaxy cihazınızda Samsung Pass tətbiqinə basın, və Giriş məlumatı seçimini edin.
Addım 9. OTP-ni qeydiyyatdan keçirmək istədiyiniz xidməti seçin.
Addım 10. Qur düyməsinə basın.
Addım 11. OTP açar kodunu daxil edin və ya tətbiqdən, yaxud veb-saytdan kopiyaladığınız kodu əlavə edin və OK üzərinə basın.
Addım 12. Doğrulamadan sonra OTP-nin Samsung Pass-da qeydiyyatdan keçirildiyini yoxlaya bilərsiniz.
Qeyd: bəzi xidmətlər yalnız QR kodu və ya yalnız açar kodu daxil etmə seçimini təmin edə bilər.
Samsung Pass-dan OTP-ni əl ilə necə daxil etmək olar
OTP açar kodu tətbiqdə və ya veb-saytda avtomatik doldurulmadıqda Samsung Pass-dan OTP-ni əl ilə daxil edə bilərsiniz.
Addım 1. Galaxy cihazınızda Samsung Pass tətbiqinə basın və Giriş məlumatı seçimini edin.
Addım 2. Qeydiyyatdan keçmiş xidməti seçin.
Addım 3. Cari etibarlı OTP kodunu kopiyalayın.
Addım 4. OTP-ni tətbiqin və ya veb-saytın giriş səhifəsinə daxil edin və ya əlavə edin və Doğrula düyməsini basın.
Qeyd: OTP kodlarının müddəti, adətən, 30–60 saniyə ərzində bitir. Kodun müddəti bitərsə, yeni kod əldə etmək üçün Samsung Pass-ı açın və yenidən cəhd edin.
Yeni cihazda Samsung Pass ilə OTP-dən necə istifadə etmək olar
Tətbiqləriniz və ya veb-saytlarınızda Samsung Pass üzrə 2 addımlı doğrulama qeydiyyatdan keçirilbsə, giriş və doğrulama məlumatlarınız Samsung Cloud vasitəsilə sinxronlaşdırılır.
Cihazı dəyişdirərkən yeni Galaxy cihazınızda Samsung Pass-ı açın, əvvəlki cihazınızda istifadə etdiyiniz eyni Samsung hesabı ilə daxil olun və mövcud OTP məlumatı daxil olmaqla, məlumatlarınız avtomatik sinxronlaşdırılacaq. Bərpadan sonra OTP-nin hər bir xidmət üçün düzgün işlədiyini yoxlayın.
Qeyd:
- Samsung Pass-ın bərpası eyni Samsung hesabı ilə daxil olmağı tələb edir.
- Bəzi xidmətlər sizdən yeni cihazınızda OTP-ni yenidən qeydiyyatdan keçirməyi tələb edə bilər.
Şərhiniz üçün təşəkkür edirik!
Bütün sualları cavablandırın.