Batareya ömrünün optimallaşdırılması
Müxtəlif amillər, məsələn, cihaz parametrləri, mühit və istifadə vərdişləri batareya ömrünə təsir edə bilər.
Bu amilləri anlamaq və parametrlərdən istifadə etmək batareyadan daha səmərəli və uzun müddət istifadə etməyə kömək edəcək.
Batareya ömrünə təsir edən amillər
Mühit
Batareya sərfiyyatı zəif və ya
üst-üstə düşən siqnallar olan ərazilərdə və ya ekran parlaqlığı
güclü günəş işığı və ya digər işıq mənbəyi altında artırıldıqda çoxalır.
※ Galaxy ətraf mühitin işıq intensivliyinə əsaslanaraq ekranın görünmə dərəcəsini optimallaşdırmaq üçün Adaptiv Parlaqlıq funksiyasını təklif edir.
İstifadə qaydası
Ekranın parlaqlığının artırılması, ekranın sönmə vaxtının uzadılması,
yüksək performanslı proqramlardan istifadə, yüksəkkeyfiyyətli məzmunun yayımlanması,
habelə məkan xidmətləri və ya digər icazə verilmiş xidmətlər də
batareya istehlakını artıracaq.
Batareyanın ömrünü uzatmaq üçün Param-lərlə bağlı məsləhətlər
Batareyanızın ömrünü uzatmaq üçün müxtəlif üsulları kəşf edin!
※ Funksiya adları və parametr yolları Android OS versiyasından asılı olaraq fərqli ola bilər.
“Param-lər” bölməsində batareya ömrünü necə optimallaşdırmaq olar
Yüksək batareya sərfiyyatı olan proqramları yoxlayın
Addım 1. Param-lərdə Cihaza qayğı bölməsinə keçin.
Addım 2. İndi optimallaşdır üzərinə toxunun və arxa planda yüksək enerji sərf edən proqramları yoxlayın.
※ Bu funksiyanın mövcudluğu proqramdan asılı olaraq dəyişə bilər.
Az istifadə olunan proqramları yuxu rejiminə və ya dərin yuxu rejiminə qoyun
Addım 1. Param-lərdə Cihaza qayğı bölməsinə keçin və Batareya seçiminə toxunun.
Addım 2. Batareya qrafikinə toxunun.
Addım 3. Proqramı seçin.
Addım 4. Aşağıda Fonda istifadə limitləri seçiminə toxunaraq düyməni aktiv edin.
Addım 5. Yuxu rejiminə keçir / Dərin yuxu rejiminə keçir üzərinə toxunun.
※ Bu funksiyanın mövcudluğu proqramdan asılı olaraq dəyişə bilər.
Nadir istifadə olunan proqramları yuxu rejiminə və ya dərin yuxu rejiminə alın
Addım 1. Batareya bölməsində Fonda istifadə limitləri bölməsinə keçin.
Addım 2. Yuxu rejimində olan proqramlar və ya Dərin yuxuda olan proqramlar seçimini edin.
Addım 3. Proqramları əlavə etmək üçün + düyməsinə toxunun.
※ “Yuxu rejimində olan proqramlar” arxa planda fasilələrlə işləyəcək. Proqram yeniləmələri və bildirişlər gecikə bilər.
Addım 4. Dairəyə toxunaraq proqramı seçin və tamamladıqda Əlavə et üzərinə toxunun.
※ Bu funksiyanın mövcudluğu proqramdan asılı olaraq dəyişə bilər.
Proqram tarixçəsində batareya ömrünə nə təsir etdiyini yoxlayın
Addım 1. Param-lərdə Cihaza qayğı bölməsinə daxil olun və yuxarı sağ küncdəki qrafik ikonuna toxunun.
Addım 2. Proqram optimizasiyasından uzun müddət istifadə olunmayan və ya problemlər yaradan dərin yuxu rejimində olan proqramları yoxlayın.
※ Problemi olan proqramlar batareyanın ömrünə təsir göstərə bilər.
Proqramları ən son versiyalara yeniləyin. İstifadə olunmayan proqramları yuxu rejiminə, dərin yuxu rejiminə salmaq və ya silmək tövsiyə olunur.
Müəyyən proqramların yuxuya və ya dərin yuxuya getməsinin qarşısını almaq üçün aşağıdakı təlimatlara əməl edin
Addım 1. Batareyadan Fonda istifadə limitləri seçmək üzərinə basın.
Addım 2. Yuxu rejim. avt. keçməyən proq. üzərinə toxunun.
Addım 3. Proqramları əlavə etmək üçün + düyməsinə toxunun.
Addım 4. Dairəyə toxunaraq proqramı seçin və seçimi tamamladıqda Əlavə et üzərinə toxunun.
Addım 5. Seçilmiş proqramlar göstəriləcək.
※ “Yuxu rejim. avt. keçməyən proq.” siyahısına əlavə olunan proqramlar avtomatik olaraq yuxuya/dərin yuxuya keçmir və arxa planda əlavə batareya istifadəsinə səbəb ola bilər.
“Enerjiyə qənaət” rejimini aktiv edin
Batareya azaldıqda batareyanın ömrünü uzatmaq üçün “Enerjiyə qənaət” rejimini aktiv edin.
“Enerjiyə qənaət” rejimi aktiv olduqda arxa planda işləyən proqramların Wi-Fi və mobil məlumatlara çıxışı məhdudlaşdırılacaq, həmçinin Always On Display kimi çox enerji sərf edən funksiyalar deaktiv ediləcək ki, batareyanın ömrü uzadılsın.
CPU sürətini, parlaqlıq səviyyəsini və Always On Display-i öz istəklərinizə uyğun seçib tənzimləyə bilərsiniz.
※ “Enerji rejimi” aktiv olduqda bütün proqramlarda arxa fon məlumatlarına məhdudiyyət qoyulacaq və yer xidmətləri də məhdudlaşdırıla bilər.
Addım 1. Cihaza qayğı üzərinə toxunun.
Addım 2. Batareya üzərinə toxunun.
Addım 3. Düyməyə toxunun və Enerjiyə qənaət rejimini aktiv edin.
Galaxy saatınızda “Enerjiyə qənaət” rejimini telefonunuzdan aktiv edin
Enerjiyə qənaət rejimini aktiv edərək Galaxy saatınızın batareya ömrünü uzadın.
Addım 1. Wearable tətbiqini açın.
Addım 2. Saat parametrləri seçimini edin.
Addım 3. Cihaza qayğı bölməsini seçin.
Addım 4. Batareya bölməsini seçin.
Addım 5. Enerjiyə qənaət rejimini aktiv etmək üçün dəyişin.
Addım 6. Enerjiyə qənaət rejimi aktiv olacaq və təsirlənən funksiyaların siyahısı göstəriləcək.
Enerjiyə qənaət rejimini aktiv edin: (saat ekranından)
Enerjiyə qənaət rejimini aktiv edərək Galaxy saatınızın batareya ömrünü uzadın.
Addım 1. Sürüşdürərək Cəld giriş paneli açın və Param-lər üzərinə toxunun.
Addım 2. Batareya üzərinə toxunun.
Addım 3. Enerjiyə qənaət rejimini aktiv etmək üçün düyməyə toxunun.
Addım 4. Enerjiyə qənaət rejimi aktivləşdiriləcək və təsirlənən funksiyaların siyahısı göstəriləcək.
İstifadə olunmayan proqram və funksiyaları təmizləyin
İstifadə olunmayan proqramları “Batareya istifadəsi” bölməsində yoxlayın.
Addım 1. Param-lərdə Cihaza qayğı bölməsinə keçin.
Addım 2. Batareya üzərinə toxunun.
Addım 3. Batareya qrafiki üzərinə toxunun.
Addım 4. İstifadədə olan proqramların batareya istifadəsini və təfərrüatlarını yoxlayın.
Sinxronlaşdırma tələb etməyən proqramlar üçün avtomatik sinxronlaşdırmanı deaktiv edin
Addım 1. Param-lərdə Hesab və nüsxələr bölməsinə keçin.
Addım 2. Hesabları idarə et üzərinə vurun.
Addım 3. Samsung hesabınızı seçin.
Addım 4. Hesabı sinx üzərinə toxunun.
Addım 5. Batareya sərfiyyatını azaltmaq üçün Samsung Internet kimi proqramlar üçün avtomatik sinxronlaşdırmanı deaktiv edin.
Bluetooth-u yalnız istifadə etməyi planlaşdırdığınız zaman aktiv edin
Cəld giriş paneldə Bluetooth ikonuna toxunaraq onu aktiv və ya deaktiv edin.
Ekran parametrlərini dəyişin
Cihazdan istifadə etmədikdə enerji düyməsini basaraq ekranı söndürün.
“Ekranın sönmə müddəti” seçimini qısa vaxta təyin edin.
Parlaqlığı azaldın.
Ekran daha parlaq olduqda kontrast nisbəti artır və bu da batareya sərfiyyatını yüksəldir.
Tünd tonlu divar kağızı və ya tema istifadə edərək batareyanın ömrünü uzadın.
※ Menyu adları, yollar və ekran tərtibatları cihaz modelinizə, proqram təminatı və ya proqramın versiyasına görə dəyişə bilər.
