Samsung Galaxy smartfon və planşetlərinin nəmə qarşı qorunması haqqında məlumat

Qorunma standartının işarələnməsi IPXX şəklindədir, burada XX — qorunma dərəcəsinin rəqəmsal indeksidir. Rəqəm nə qədər böyükdürsə, qorunma da o qədər yüksəkdir.

• Birinci rəqəm (1-dən 6-dək) cihazın bərk hissəciklərin (qum və toz) daxil olmasına davamlılığını göstərir.
• İkinci (1-dən 9-dək) - sudan qorunma dərəcəsini göstərir.

Adətən, Galaxy telefonları IPx7 və ya IPx8 nəmə qarşı qorunma sinfini dəstəkləyir. Bu qorunma səviyyəsi, cihazın müxtəlif məişət vəziyyətlərində su ilə təmasda olduğu hallar üçün kifayətdir.

• IPx7 sinifi - 1 metr dərinlikdə 30 dəqiqə ərzində suyun daxil olmasına qarşı qorunmanı təmin edir,
• IPx8 sinifi - 1,5 metr dərinlikdə 30 dəqiqə ərzində qorunma təmin edir.

Smartfonları bu səviyyələri aşan dərinliklərdə və su təzyiqinin yüksək olduğu yerlərdə, dərinlik göstərilən hədlər daxilində olsa belə (1 metr və ya 1,5 metr), istifadə etmək tövsiyə edilmir. Belə şəraitdə 30 dəqiqəlik istifadədən sonra nəmə qarşı qorunma xüsusiyyətlərinin qorunacağına zəmanət verilmir.

Galaxy telefonlarının nəmə qarşı qorunma xüsusiyyəti daimi deyil və zamanla təbii səbəblərdən və ya köhnəlmə nəticəsində pisləşə bilər.

Nəmə qarşı qorunması olan məhsulları istifadə edərkən ilkin qorunma səviyyəsini daha uzun müddət saxlamaq üçün aşağıdakı məqamları nəzərə alın:

• Cihazı 30 dəqiqədən artıq suya batırmaq olmaz: IPx7 sinifli telefonlar üçün — 1 metrdən dərin olmayaraq və IPx8 sinfi üçün — 1,5 metrdən dərin olmayaraq.
  
  
• Cihaz suda istifadə edildikdə sensor ekran və digər funksiyalar düzgün işləməyə bilər.
  
  
• Smartfonu tərkibində qatqılar olan su və mayelərlə təmas etdirmək olmaz: duzlu su, sabunlu su, yağlar, ətriyyat, günəşdən qoruyucu krem, əl üçün dezinfeksiyaedici vasitə və kosmetik vasitələr, spirt tərkibli mayelər kimi məişət kimyası və s.
  
  
• Smartfonu dənizdə və ya hovuzda istifadə etmək üçün cihazı xüsusi suya davamlı qaba yerləşdirməyi tövsiyə edirik.
  
  
• Smartfonu yüksək təzyiqli suya məruz qoymaq olmaz.
  
  
• Smartfonu həddindən artıq temperatur şəraitində və ya yüksək rütubətli yerlərdə (hamamda, saunada və ya duşda) istifadə etmək olmaz.
  
  
• Smartfonu yerə salmaq və mexaniki təsirlərə məruz qoymaq olmaz, çünki cihazın hermetikliyi pozula bilər.
  
  
• Smartfonu fen kimi qızdırıcı elektrik cihazları ilə qurutmaq olmaz.
  
  
• Smartfonu sabun, yuyucu vasitələr, aşındırıcı maddələr, digər kimyəvi maddələr, sıxılmış hava ilə təmizləmək və ya bu məqsədlə ultrasəs cihazlarından və ya xarici istilik mənbələrindən istifadə etmək olmaz.
  
  
• SIM kart yuvasini çıxarmaq üçün cihazla birlikdə təqdim olunan sancaqdan istifadə etmək lazımdır. SIM kart yuvasini yerləşdirdikdən sonra onu tam oturanadək içəri itələmək lazımdır. Çıxararkən yuvasinin içinə və onun dəliyinə kənar əşyaların düşməməsinə diqqət etmək vacibdir.

Bu ehtiyat tədbirlərinə əməl edilməməsi məhsulun zədələnməsinə səbəb ola bilər.

Əgər nəmə qarşı qorunma xüsusiyyətlərinə malik cihaz su, maye və ya kənar maddələrlə təmasda olubsa, aşağıdakı təlimatlara əməl edin.

• Smartfonu yumşaq təmiz parça ilə qurulayın.
  
  
• Əgər cihaz tərkibində qatqılar olan mayeyə (dəniz və ya xlorlu su, çay, şirə, yağlar, kosmetik vasitələr, məişət kimyası və s.) məruz qalıbsa, smartfonu təmiz şirin (duzsuz) suda yumaq və qurutmaq lazımdır.
  
  
• Smartfon tam quruyana qədər onu enerji doldurma cihazına və ya digər naqilli aksesuarlara qoşmayın. Tam qurumamış xarici kontakt bağlayıcısı ilə qoşulma qısaqapanmaya, konnektorların korroziyasına və məhsulun nasazlığına səbəb ola bilər.
  
  
• Əgər mikrofon, dinamik və ya qəbuledici tam qurumayıbsa, bu, səsli zənglərin və səsin keyfiyyətinə təsir edə bilər.