Samsung Galaxy-də tətbiq nişanlarının ölçüsünü necə dəyişmək olar?
Samsung Galaxy-də daha yaxşı görünməsi üçün ikonların ölçüsünü dəyişə və ya bir ekranda daha çox tətbiq yerləşdirmək üçün onları kiçildə bilərsiniz.
Bunu üç üsulla etmək olar:
- "Əsas ekran" tənzimləməsi vasitəsilə (Android 15-dən başlayaraq);
- "Sadə rejim" funksiyasından istifadə edərək;
- ekran şəbəkəsinin köməyi ilə.
Qeyd.
Siz həmçinin üçüncü tərəf başlatma proqramından (lonçerindən) istifadə edərkən də nişanların ölçüsünü dəyişə bilərsiniz.
Öz Samsung Galaxy cihazınızda tətbiq nişanlarının ölçüsünü dəyişmək üçün aşağıdakı tövsiyələrə əməl edin.
"Əsas ekran" tənzimləməsi vasitəsilə tətbiq nişanlarının ölçüsünü necə böyütmək olar?
"Əsas ekran" tənzimləməsinin köməyi ilə əsas ekranda və tətbiqlər menyusunda nişanların ölçüsünü dəyişə bilərsiniz. Bu seçim Android 15 və daha yüksək versiyalı cihazlar üçün əlçatandır. Hansı Android versiyasına sahib olduğunuzu yoxlamaq üçün bu məqalədən istifadə edin: Samsung Galaxy smartfon və ya planşetində Android versiyasını necə öyrənmək olar
Addım 1. Parametrlər tətbiqini açın və Əsas ekran bölməsini seçin.
Addım 2.Tətbiq nişanlarının ölçüsünü böyütmək üçün sürüşdürücünü sağa çəkin. Tətbiq nişanlarının ölçüsünü kiçiltmək üçün sürüşdürücünü sola çəkin.
Tətbiq nişanlarının necə görünəcəyini bilmək üçün maketə diqqət yetirin. Nişanların ölçüsü seçilmiş tənzimləmədən asılı olaraq dəyişəcək.
"Asan rejim" vasitəsilə tətbiq nişanlarının ölçüsünü necə böyütmək olar?
"Asan rejim" aktivləşdirildikdə tətbiq nişanları böyüyür.
Asan rejim sadələşdirilmiş əsas ekran maketindən və böyüdülmüş elementlərdən istifadə edir. Əsas ekranda əvvəllər edilmiş hər hansı dəyişikliklər ləğv edilir və tətbiq nişanları maksimum dərəcədə böyüdülür.
Standart rejimdə ekran nümunəsi.
Asan rejimdə ekran nümunəsi.
Qeyd.
Asan rejim bütün cihazlarda dəstəklənmir. Məsələn, A01 Core (Android GO) modelində dəstəklənmir. Daha ətraflı məlumatı konkret smartfon modelinin istifadəçi təlimatında tapmaq olar.
"Asan rejim"i necə aktivləşdirmək olar?
Addım 1. Parametrlər tətbiqini açın və Displey bölməsinə keçin.
Addım 2. Asan rejim seçiminə toxunun.
Addım 3. Asan rejim funksiyasını aktivləşdirmək üçün keçid düyməsinə toxunun.
Ekran şəbəkəsinin köməyi ilə tətbiq nişanlarının ölçüsünü necə dəyişmək olar?
Ekran şəbəkəsi sayəsində nişanların ölçüsü onun tənzimləməsindən asılı olaraq dəyişir. Şəbəkənin minimum ölçüsünü seçsəniz (üfüqi olaraq 4 tətbiq qısayolu və şaquli olaraq 5 qısayol), nişanların ölçüsü bir qədər böyük olacaq. Daha sıx şəbəkə seçsəniz (üfüqi olaraq 5 tətbiq qısayolu və şaquli olaraq 5 qısayol), nişanların ölçüsü bir qədər kiçik olacaq.
4x5 şəbəkəli əsas ekran nümunəsi
5x5 şəbəkəli ekran nümunəsi
Samsung Galaxy interfeysi hər bir istifadəçinin fərdi ehtiyaclarını nəzərə alaraq tətbiq ikonlarının ölçüsünü tənzimləmək imkanı verir. İkonların daha yaxşı görünməsi üçün onların ölçüsünü böyüdə və ya əsas ekranda daha çox tətbiq yerləşdirmək üçün onları kiçildə bilərsiniz.
İkonların ölçüsünü tənzimləmək üçün aşağıdakı üsullardan birini istifadə edə bilərsiniz:
- Android 15-16 cihazlarında "Əsas ekran" vasitəsilə ikonların ölçüsünü tənzimləmək,
- ikonları maksimum dərəcədə böyütmək üçün "Asan rejim"dən istifadə etmək,
- ekran şəbəkəsində ikonların sayını artırmaq və ya azaltmaq.
Tövsiyələr Samsung şirkəti tərəfindən təqdim edilmiş və yoxlanılmışdır.
Şərhiniz üçün təşəkkür edirik!
Bütün sualları cavablandırın.