Samsung Galaxy telefonunuzun batareyasını nə vaxt dəyişməli olduğunuzu necə yoxlamaq olar
Galaxy telefonunuzdakı batareya zamanla tədricən öz tutumunu itirən istehlak olunan bir komponentdir. Əgər telefonunuzun istifadə müddəti nəzərəçarpacaq dərəcədə azalır və ya o gözlənilmədən sönürsə, deməli, batareyanın vəziyyətini yoxlamaq vaxtı gəlib. Aşağıdakı bələdçidən istifadə edərək batareyanızı yoxlayın və dəyişdirməyə ehtiyac olub-olmadığını müəyyən edin.
Batareyanı nə zaman dəyişdirməliyəm?
Ümumiyyətlə, litium-ion batareyaları zamanla tədricən performansını itirə bilər. Aşağıdakı dəyişikliklər batareyanın ömrünün sona yaxınlaşdığını göstərən əlamətlərdən bəziləridir.
- Batareya doldurulduqdan sonra tez boşalır.
- Cihaz soyuq mühitlərdə və ya qışda gözlənilmədən sönür.
Əgər bu əlamətlər baş verərsə, batareya vəziyyətini yoxlamaq və dəyişdirməyi düşünmək tövsiyə olunur.
Bildiriş vasitəsilə batareyanın dəyişdirilmə zamanını necə müəyyən etmək olar
Batareya performansı əhəmiyyətli dərəcədə azaldıqda Galaxy cihazınız batareya performansının zəifləməsi barədə xəbərdarlıq göstərə bilər. Bu ekrana çıxan pəncərə batareyanın yoxlanılması və ya dəyişdirilməsinin lazım ola biləcəyini bildirir.
Qeyd: əgər bu xəbərdarlıq dəfələrlə görünürsə və ya batareya adi vaxtdan daha sürətlə boşalırsa, peşəkar biri tərəfindən yoxlanılması üçün Samsung Xidmət Mərkəzinə müraciət edin.
Samsung Members tətbiqi vasitəsilə batareya vəziyyətini necə yoxlamaq olar
Samsung Members tətbiqi vasitəsilə Galaxy telefonunuzun batareya vəziyyətini asanlıqla yoxlaya bilərsiniz — xüsusi avadanlıq tələb olunmur. Öz diaqnozunuzu aparmaq üçün bu addımlara əməl edin.
Addım 1. Samsung Members tətbiqinə toxunun.
Addım 2. Dəstək tabına toxunun.
Addım 3. Telefon diaqnostikasi altinda Başla üzərinə basın.
Addım 4. Diaqnostika tamamlandıqdan sonra Batareya statusu nişanına toxunaraq nəticəni görə bilərsiniz.
Addım 5. Diaqnozun nəticəsinə baxın.
Batareya statusu:
- Normal: Batareyada performans problemi yoxdur.
- Zəif: Uzunmüddətli istifadə və ya ətraf mühit şəraiti səbəbindən batareyanın səmərəliliyi azalmış ola bilər.
- Pis: Batareyanın ömrü əhəmiyyətli dərəcədə azalıb. Stabil performans üçün yerli Samsung Dəstək Mərkəzinə müraciət edin.
Qeyd: Menyu adları, yollar və ekran tərtibatları cihazınızın modeli, proqram təminatınız və ya tətbiq versiyanızdan asılı olaraq dəyişə bilər.
Şərhiniz üçün təşəkkür edirik!
Bütün sualları cavablandırın.