Galaxy S24 ရှိ ဓာတ်ပုံများအတွက် ပြင်ဆင်မှုအကြံပြုချက်
Galaxy S24 တွင် အသုံးပြုသူများရွေးချယ်သည့်အချက်များကို ပိုင်းခြားစိတ်ဖြာ၍ ဓာတ်ပုံအရည်အသွေးကို မြှင့်တင်ရန်ရွေးချယ်မှုများပေးသည့် ပြင်ဆင်မှုအကြံပြုချက်ကဲ့သို့သော အင်္ဂါရပ်များစွာ ပါဝင်ပါသည်။ ပြင်ဆင်မှုအကြံပြုချက်ဖြင့် အရည်အသွေးမြင့် ဓာတ်ပုံ ပြင်ဆင်မှုအတွေ့အကြုံကိုခံစားလိုက်ပါ။
Galaxy S24 အသုံးပြုသူများသည် ရိုးရှင်းသောအဆင့်အနည်းငယ်ဖြင့် ၎င်းတို့၏ဓာတ်ပုံများကို လျှင်မြန်စွာပြင်ဆင်တည်းဖြတ်နိုင်သည်။
အဆင့် ၁။ Gallery အက်ပ်ကိုဖွင့်ပါ > ဓာတ်ပုံ ကို ရွေးပါ။
အဆင့် ၂ အသေးစိတ်အချက်အလက်များ သင်္ကေတကို နှိပ်ပါ။
အဆင့် ၃ ပုံပြင်ရန် ပြင်ဆင်မှုအကြံပြုချက်အင်္ဂါရပ်များ တစ်ခုခုကို နှိပ်ပါ။
အင်္ဂါရပ်သည် ၎င်း၏အကဲဖြတ်မှုအပေါ် အခြေခံ၍ ခွဲခြမ်းစိတ်ဖြာထားသော ဓာတ်ပုံတိုင်းအတွက် ပြင်ဆင်မှုအကြံပြုချက်များကို ပြသမည်ဖြစ်သည်။ ရရှိနိုင်သော ပြင်ဆင်မှုအကြံပြုချက်နှစ်ခုကို အောက်တွင် နမူနာဖော်ပြထားသည်။
နောက်ခံမှုန်ဝါး
- ဤအကျိုးသက်ရောက်မှုသည် ရှေ့ဘက်ရှိ အရာဝတ္တုကို ပိုမိုအာရုံစိုက်စေရန် နောက်ခံ၏ပြတ်သားမှုကို လျှော့ချပေးပါသည်။
* ဓာတ်ပုံကို ပုံတူမုဒ်တွင် ရိုက်ကူးထားခြင်းမရှိဘဲ ပုံထဲရှိ လူ သို့မဟုတ် တိရစ္ဆာန်သည် သတ်မှတ်ထားသော အရွယ်အစားထက် ကျော်လွန်သည့်အခါ ဤအင်္ဂါရပ်ကို အကြံပြုသည်။
ပြန်ပြုပြင်
- သင့်ဓာတ်ပုံများ၏ ကြည်လင်ပြတ်သားမှု၊ အလင်းအမှောင်၊ အရောင်နှင့် အခြားအစိတ်အပိုင်းများကို ပိုမိုကောင်းမွန်စေပါသည်။
* ပြန်လည်ပြုပြင်ထားသောပုံ၏ ယခင် နှင့် ယခု ပုံကို နှိုင်းယှဉ်ကြည့်ရန် လမ်းညွှန်မြှားများကို ဘေးမှတစ်ဖက်သို့ ရွှေ့ပါ။
အခြား ဖြစ်နိုင်ချေရှိသော ပြင်ဆင်မှုအကြံပြုချက်များ ပါဝင်သည် :
ရောင်ပြန်များကို ဖျက်ပါ
- မလိုအပ်သော ရောင်ပြန်ဟပ်မှုများကို ဖယ်ရှားပြီး ထိုနေရာတွင် ပတ်ဝန်းကျင်နောက်ခံနှင့် ကိုက်ညီအရောင်များကို ထည့်ပေးသည်။
အရိပ်များကို ဖျက်ပါး
- မလိုလားအပ်သော အရိပ်များကို ဖယ်ရှားပြီး ပတ်ဝန်းကျင် နောက်ခံနှင့် ကိုက်ညီစေရန် နေရာလွတ်များ ဖြည့်ပေးသည်။
အရောင်ပြေးကို ဖယ်ရှားပါ
- ဓာတ်ပုံတစ်ပုံတွင် မလိုလားအပ်သော အစင်းကြောင်းပုံစံကို ချောမွေ့အောင်ပြုလုပ်ခြင်းဖြင့် ရုပ်ပုံကြည်လင်ပြတ်သားမှုကို တိုးစေသည်။
နောက်ခံ အထူးပြုလုပ်ချက်
- အရှေ့မျက်နှာပြင်ရှိ အရာများကို အာရုံစိုက်ရန် နောက်ခံကို မှုန်ဝါးပေးသည်။
* ဓာတ်ပုံကိုပုံတူမုဒ်တွင် ရိုက်ကူးပါက ပုံတူအကျိုးသက်ရောက်မှုသည် ပြင်ဆင်မှုအကြံပြုချက်အဖြစ်သာ ပေါ်လာပါမည်။
ကြာရှည် အလင်းဝင်မှု
- ဗီဒီယို နှင့် လှုပ်ရှားမှုဓာတ်ပုံများတွင် ငြိမ်သက်နေသောအရာဝတ္ထုများကို ပြတ်သားစွာပြသနေစဉ်အတွင်း ရွေ့လျားနေသော အရာဝတ္ထုများ၏ လှုပ်ရှားမှုကိုဖမ်းယူပါ။
အရောင်ခြယ်ပါ
- အဖြူအမည်းပုံများသို့ အရောင်ထည့်ပေးသည်။
ကြယ်တန်းများ
- နက္ခတ္တဗေဒ ဗီဒီယိုများ ရိုက်ကူးသည့်အခါ ကြယ်များကို အလင်းလမ်းကြောင်းသက်ရောက်မှု ထည့်ပေးသည်။
၂၄ နာရီ အမြန်ရစ်ရိုက်
- ကောင်းကင်နှင့်အတူ ရှုခင်းများကို (လူမပါ) ၂၄ နာရီကြာ ဓာတ်ပုံရိုက်ယူပြီး ဓာတ်ပုံများကို ဗီဒီယိုအတိုတစ်ခုအဖြစ် စုစည်းပေးသည်။
သိထားစရာအချက်များ
- ပြောင်းလဲနေသည့်လှုပ်ရှားမှုများပါရှိသော အကျဉ်းချုပ် ဗီဒီယိုအပိုင်းကို ပံ့ပိုးပေးပါသည်။
စူပါစလိုးမိုးရှင်း
- ရှေ့သို့၊ နောက်ပြန်၊ နှင့် ရှေ့သို့/ပြောင်းပြန် ပေါင်းစပ်အကျိုးသက်ရောက်မှုများဖြင့် အနှေးဗီဒီယိုအပိုင်းအစများကို ဖန်တီးသည်။
* ကင်မရာ၏ Super slow-mo လုပ်ဆောင်ချက်ဖြင့် ရိုက်ကူးထားသော ဗီဒီယိုများအတွက်သာ အကြံပြုထားသည်။
မှတ်ချက်များ :
- ပြင်ဆင်မှုအကြံပြုချက်သည် သတ်မှတ်ထားသော JPG၊ PNG၊ GIF နှင့် MP4 တို့ နှင့် တွဲဖက်အသုံးပြုနိုင်ပါသည်။ မူရင်းပုံ၏ အခြေအနေပေါ်မူတည်၍ နောက်ဆုံးရလဒ်နှင့် အရည်အသွေး ကွဲပြားနိုင်သည်။ အဆုံးသတ်ရလဒ်များ၏ တိကျမှုကို အာမ မခံနိုင်ပါ။
- မျက်နှာပြင်နှင့် UI ပုံများကို သရုပ်ဖော်ရန်အတွက် ရည်ရွယ်၍ ဖန်တီးထားသည်။ UX/UI သည် အခြားအချက်များကြားတွင် OS/One UI ဗားရှင်း၊ စက်အမျိုးအစားနှင့် နေရာဒေသပေါ်မူတည်၍ ကွဲပြားနိုင်သည်။
- ဓာတ်ပုံအကြောင်းအရာပေါ်မူတည်၍ အကြံပြုချက်များကို ပြင်ဆင်ရန် ကွဲပြားနိုင်သည်။
- အချို့သော အင်္ဂါရပ်များဖြစ်သော (Long exposure / 24hr time-lapse / Highlights) များသည် သင်ရိုက်ကူးပြီးသည့်နောက် အချိန်အတိုင်းအတာတစ်ခုအထိ သင့်ဖုန်းကို အားသွင်းနေချိန်တွင် ပြသထားသည်။
- AI ၏ သဘောသဘာဝအရ ရလဒ်များနှင့် အရည်အသွေးများသည် အချိန်တိုင်း ကွဲပြားနိုင်ပါသည်။
သငျ၏အကွံပွုခကြျအတှကျကြေးဇူးတငျပါသညျ
ကျေးဇူးပြု၍ မေးခွန်းအားလုံးဖြေဆိုပါ။