Çfarë është "SmartThings" (Gjej celularin tim)?
"Gjej celularin tim" është tani pjesë e "SmartThings Find". "SmartThings Find" jo vetëm që ju ndihmon të gjeni më lehtë pajisjet tuaja Galaxy, duke përfshirë Galaxy Watch, Galaxy Buds dhe etiketat inteligjente të aktivizuara nga "SmartThings", por gjithashtu ju lejon të ndani vendndodhjet me kontaktet dhe të njoftoheni kur një pajisje është e pranishme ose largohet nga një vendndodhje specifike duke përdorur softuerin me kufij virtualë. Nëse humbisni pajisjen tuaj, si p.sh. një telefon celular Samsung, tablet ose një pajisje që mund të mbahet në trup, mund të aktivizoni "Gjej Celularin Tim" për të gjurmuar pajisjen dhe për të mbrojtur të dhënat.
Si funksionon "SmartThings Find"
Me "SmartThings Find" mund të lokalizoni telefona celularë, tabletë dhe pajisje që mund të mbahen në trup (Orë, Kufje me valë e të tjera) me llogari të regjistruara Samsung.
Nëse përdorni shumë pajisje, mund të gjeni dhe të kontrolloni një listë me pajisje të regjistruara kur futeni në llogarinë tuaj Samsung në faqen e internetit të "SmartThings Find".
"SmartThings Find" ka veçori të tilla si gjurmimi i pajisjeve të humbura, aktivizimi i tingujve të ziles, kyçja e pajisjeve, fshirja/ruajtja e të dhënave për t'ju ndihmuar të gjeni e të menaxhoni pajisjet tuaja dhe të mbroni informacionet tuaja. Nëse gjeni më shumë se një pajisje, mundeni gjithashtu t'i kontrolloni përmes "SmartThings Find" në pajisje të tjera.
Kini parasysh: Një rrjet të dhënash (Lidhja me internetin, si p.sh. me të dhënat celulare ose me Wi-Fi) është i detyrueshëm për të ekzekutuar këtë funksion.
Pajisjet që mbështesin "SmartThings Find" (Gjej Celularin Tim)
- Telefonat celularë Samsung, tabletët dhe disa pajisje që mund të mbahen në trup, si p.sh. Galaxy Watch, Galaxy Buds e të tjera. (Pajisjet SmartTag e palëve të treta dhe pajisjet e përputhshme SmartTag që mund të regjistrohen me "SmartThings").
Kini parasysh: Cilësimi Gjej Celularin Tim në pajisje duhet të aktivizohet. (Cilësimet e pajisjes > Llogaria Samsung > Gjej Celularin Tim).
Faleminderit për komentin tuaj
Përgjigjju të gjitha pyetjeve.