Android-də tətbiq nişanları necə və niyə dəyişdirilməlidir

Adətən, nişanları beş səbəbə görə dəyişirlər:

• ● Estetika - interfeysin standart görünüşündən bezmisinizsə. Məsələn, minimalizm sevənlər üçün qaranlıq bir mövzunu aktivləşdirə və ya xüsusi bir stil qura bilərsiniz.
• ● Rahatlıq — kontrastlı nişanlar tətbiqləri daha sürətli tapmağınıza kömək edir.
• ● Məxfilik — bank tətbiqinizi kalkulyator və ya hava proqnozu kimi gizlədə bilərsiniz.
• ● Fərdilik və fərdiləşdirmə — telefonunuzu zövqünüzə uyğunlaşdıra bilərsiniz.
• ● Brendinq — ekran korporativ kimliyi dərhal əks etdirə bilər.

Android-in daxili parametrlərindən istifadə etməklə nişanları necə dəyişmək olar

Bir çox Android smartfonlarında, kənar proqramları quraşdırmadan nişan toplusunu dəyişdirmək olar. İki yol vasitəsilə: iş masası parametrlərində və ya ayrıca Mövzular (Themes) tətbiqində.

Bu opsiyanın telefonunuzda mövcud olub-olmadığını yoxlamaq üçün iş masasında boş yerə toxunub saxlayın. Mövzular, Tərtibat, Nişanların stili və ya oxşar element görsəniz, onları əvəz edə bilərsiniz.

Samsung Galaxy smartfonlarında nişanları belə dəyişə bilərsiniz: İş masasını seçin → Mövzular → Nişanlar bölməsi → toplunu seçin → Yükləmək → Tətbiq etmək.

Bu, ən asan seçimdir, amma yeganə opsiya deyil. Bundan əlavə, onun məhdudiyyətləri var. Parametrlər yalnız Samsung Galaxy smartfonlarında standart tətbiq olan One UI Home iş masasında işləyəcək. Google Play-dən yüklənmiş tətbiqlər ilkin nişanlarını saxlaya bilər. Onları stikerlərlə əvəz etmək də daxil olmaqla, başqa yollarla da fərdiləşdirə bilərsiniz.

Kənar tətbiqdən istifadə etməklə bütün nişanları necə dəyişdirmək olar

İstənilən Android telefonunda işləyən universal üsul - iş masasının modifikasiyası üçün kənar tətbiqi yükləmək (əvvəl quraşdırılmış tətbiq əvəzinə işləyəcək). Bu proqram, Google Play-dən hazır nişan toplularını yükləməyə və onları bir kliklə bütün tətbiqlərə tətbiq etməyə imkan verir.

Bunu etmək lazımdır:

1. 1. Google Play-dən istənilən uyğun iş masası tətbiqini — onlara "launchers" deyilir — quraşdırın. Quraşdırmadan sonra smartfon bu tətbiqdən standart olaraq istifadə etməyi təklif edəcək. Seçiminizi təsdiqləyin.
2. 2. Parametrlərə keçid edin (adətən iş masasında uzun müddətli klik → Parametrlər).
3. 3. Görünüş bölməsini tapın → Nişanların stili və ya Mövzunun işarəsi seçin.
4. 4. Yüklənmiş nişanlar toplusunu seçin.
5. 5. İş masasındakı və tətbiq panelindəki bütün nişanlar dəyişəcək.

Kənar iş masası tətbiqləri daha çox sərbəstlik təklif edir: paket daxilində fərdi nişanları dəyişdirə, nişan ölçüsünü dəqiq tənzimləyə bilərsiniz və Google Play-də isə geniş nişan topluları təklif edilir.

Lakin, burada smartfonun məlumatlarına zərər verməmək üçün tətbiqləri məsuliyyətlə seçmək vacibdir: etibarsız kənar tətbiqlər mesajlarınıza daxil ola, bank tətbiqi nişanını dəyişdirə və ya tətbiqlər daxilində geolokasiya məlumatlarını toplaya bilər. Smartfonun viruslardan təmiz olduğundan əmin olmaq istəyirsinizsə, bunu necə edəcəyinizi öyrənmək üçün məqaləni oxuyun.

Əksər iş masası tətbiqlərində, digərlərinə təsir etmədən bir nişanı dəyişdirə bilərsiniz. Bunu etmək üçün iş masasında tətbiq nişanını klikləyərək saxlayın → Redaktə et və ya Dəyişdir seçin → nişanın üzərinə toxunun → qalereyadan və ya başqa bir topludan yeni şəkil seçin.

Bu üsul yalnız bir və ya bir neçə tətbiqin nişanını bəyənmədiyiniz zaman faydalı ola bilər.

Qısayollardan istifadə etməklə tətbiq nişanını necə dəyişdirmək olar

Kənar iş masası proqramını quraşdırmaq istəmirsinizsə, Any Studio-dan Icon Changer kimi qısa yol tətbiqlərindən istifadə etməklə bir və ya daha çox proqramın nişanını ayrıca dəyişə bilərsiniz. Qalereyanızdakı istənilən şəkil ilə iş masasında yeni bir qısayol yaradırlar.
Mahiyyət etibarı ilə, bu, bir "hiylədir": iş masasındakı proqram nişanının görünüşü yenilənəcək, lakin tətbiq daxilində nişanın dizaynı dəyişməyəcək - o bildirişlərdə və açılan pəncərələrdə eyni qalacaq.

Amma bu metod pulsuz və sadədir və istənilən Android-də işləyir.

Nə etmək lazımdır:

İş masası tətbiqi və ya qısayol proqram vasitəsilə işarə yaradıldıqdan sorna nişanın dubllikatı yaradılacaq. İki eyni tətbiqin olmaması üçün birini yığışdırmaq tövsiyə olunur.

Android smartfonlarında köhnə nişanı sıxıb saxlayın → İş masasından yiğışdırmaq seçin (Silmək opsiyasını seçməyin!)

Cihazınızda bu opsiya yoxdursa, sadəcə orijinal tətbiqi son ekrandakı ayrı bir qovluğa köçürün.

Samsung Galaxy smartfonunuzda tətbiqi gizlətmək üçün:

Hamısı onları necə dəyişdirdiyinizdən asılıdır:

• ● Kənar iş masası vasitəsilə → onu silin. Və ya parametrlərdə Standart nişanların mövzusunu seçin.
• ● Qısayollar vasitəsilə → Yaradılmış qısayolları silin və orijinal tətbiqləri iş masasına qaytarın.

Divar kağızınızı dəyişdirə, vidcetlər əlavə edə, açılan menyunu fərdiləşdirə və bir neçə kliklə tətbiqlər əlavə edə bilərsiniz. Bu barədə ayrı bir məqalədə ətraflı yazılmışdır.