Правила | Samsung Қазақстан

*Ұйымдастырушы Акцияның Толық Ережелерінің 7.3 тармағына сәйкес квест Ережелеріне қосымша ақтықсын онлайн-тапсырмасын енгізді. 1.2, 4.11, 4.13, 6.2, 6.3 тармақтар қосылған немесе жаңартылған.

«#ОхотаНаGalaxy2022 (Treasure Hunt 2022)» («Акция») жарнамалық акциясына қатысудың осы ережелері «SAMSUNG ELECTRONICS CENTRAL EURASIA» (САМСУНГ ЭЛЕКТРОНИКС ЦЕНТРАЛЬНАЯ ЕВРАЗИЯ) ЖШС («Ұйымдастырушы») және Акцияның қатысушысы арасындағы келісім болып табылады. Акцияға қатыса отырып, қатысушы Акцияға қатысудың келесі сайтта жарияланған осы ережелерімен («Ережелер») келіседі: https://www.samsung.com/kz_ru/offer/galaxy-treasure-hunt/ («Акция сайты»).

1. Жалпы ережелер

1.1. Ұйымдастырушы: «SAMSUNG ELECTRONICS CENTRAL EURASIA», «САМСУНГ ЭЛЕКТРОНИКС ЦЕНТРАЛЬНАЯ ЕВРАЗИЯ» ЖШС, келесі мекенжай бойынша орналасқан: Қазақстан Республикасы, Алматы қ., Желтоқсан көшесі, 115 үй, «Kaisar Plaza» сауда-кеңсе орталығы, 3-қабат;

1.2. Акцияны өткізу кезеңі: 2022 жылдың 30 мамыры мен 26 маусымы аралығында Нұр-Сұлтан қаласының уақытымен сағат 23:59 дейін, соңғы күнді қоса санағанда, соның ішінде («Акция кезеңі»), Қатысушыларды тіркеу процесімен бірге.

Квест кезеңі: 2022 жылдың 6 маусымы мен 26 маусымы аралығында.

Қосымша ақтықсын онлайн-тапсырмасы сайтта қолжетімді болады - 2022 жылдың 8 шілдесі, Нұр-Сұлтан қаласының уақытымен күндізгі сағат 12:00.

1.3. Іс-шара Акция Сайтында онлайн және офлайн өтеді, соның ішіне Алматы, Нұр-Сұлтан, Шымкент қалаларында орналастырылған QR-кодтарды сканерлеу кіреді.

1.4. Акцияны өткізу аумағы: квестке Алматы, Нұр-Сұлтан, Шымкент қалаларының командалары қатыса алады. Команда қатысушылары осы қалаларда тұрмауы мүмкін, дегенмен жобаға қатысу кезеңінде дәл осы қалаларда, Алматы, Нұр-Сұлтан, Шымкент аумағында болуы тиіс.

1.5. Акцияны өткізу тәсілі: Қатысушылар сайтта тіркелуден өтіп, промосайттағы әр түрлі сұрақтарға жауап беріп, жасырылған QR-кодты табуы үшін, Алматы, Нұр-Сұлтан, Шымкент ( өз камандасын тіркегенде таңдалған қалаға байланысты) қалаларындағы дұрыс локацияға баруы қажет. Қатысушы осы QR-кодты сканерлеуі тиіс және осыдан кейін сілтеме бойынша промосайтқа өтеді, онда оны сәтті тапқан жауабымен құттықтайды және келесі тапсырманы орындау ұсынылады. Күнде жаңа тапсырма ашылады.

Ақтықсынға өтіп, ақтықсын тапсырмасын орындау үшін қатысушы кем дегенде 500 балл жинауы тиіс. Жүлделі орындар ақтықсын QR-кодын сканерлеп, соңғы офлайн-тапсырманы жылдам орындап, 500 балдан артық жинаған қатысушылар арасында үлестіріледі. Сканерлеу уақыты жазылып, ең жүйрік командалар арасынан 1 мен 7 орын аралығындағы жеңімпаздар анықталады. Осы шарт түзетіліп 4.11 т. анықталған.

1.6. Жарыс типі және команда құрамы: квест түріндегі белсенділік – бұл командалық жарыс, мұнда сайтта тіркелуден өтіп, 2 мен 3 адамнан ғана тұратын командалар қатыса алады - https://www.samsung.com/kz_ru/offer/galaxy-treasure-hunt/.
Команда тек бір қаланың қатысушыларынан құралуы тиіс. (Алматы, Нұр-Сұлтан немесе Шымкенттен). Құрамында әр түрлі қалалардың Қатысушылары бар Команда қабылданбайды және жеңімпаз ретінде қарастырылмайды.

Қатысушы мен оның командасы квестке қатысу үшін, тек бір рет тіркеле алады. Қатысушы бірнеше команда ашып немесе бірнеше команда құрамында болуына рұқсат берілмейді. Егер квест өткенде Қатысушылар бірнеше команда құрамында болса, модерация кезінде Ұйымдастырушы Қатысушыларды жарыстан шығарып тастауға құқылы. Сәтті тіркелуден кейін квестті бірігіп өту үшін, тапсырмалар бірыңғай Кабинетте шығып, барлық команда мүшелеріне ашылады.

2. Акцияға қатысушы

2.1. Осы Ережелердің барлық шарттарын орындаған, 18 жасқа толған тек әрекетке қабілетті жеке тұлға болып табылатын белсенділікті өткізу кезеңінде «Студент» статусы мен оқу орынынан тиісті құжаты бар қазақстандық ЖОО мен колледждерінің білім алушылары, яғни Қазақстан Республикасының резиденттері, соның ішінде Қазақстан Республикасының азаматтығы бар, сонымен бірге ықтиярхаты бар шетел азаматтары Акцияның қатысушысы бола алады («Қатысушы»);

2.2. Акцияға Ұйымдастырушының қызметкерлері, онымен үлестес тұлғалар, олардың отбасы мүшелері, Акцияны ұйымдастыруға қатысы бар басқа командалардың қатысушылары мен жұмысшылары қатыса алмайды.

2.3. Акцияға қатыса отырып, сондай-ақ дербес деректер болып табылатын ақпаратты қоса алғанда (соның ішінде Бағдарламада / тіркелу кезінде немесе басқа жолмен), кез келген ақпаратты ұсыну арқылы Қатысушы, Ұйымдастырушыға және уәкілетті үшінші тұлғаларға Акцияның өткізілуін, оның шарттарының орындалуын, жарнамалық, маркетингілік және хабарламалық жіберілімдерді, сонымен қатар маркетингілік мақсатта басқа да контактілерді бақылау үшін жеке ақпаратты, соның ішінде трансшекаралық сақтауға, өңдеуге, беруге, орналастыруға келесі көлемде рұқсат береді: орналасқан қаласы, толық аты-жөні, жеке басын куәландыратын құжаттың деректері (шетелдік азаматтың жеке куәлігі немесе ықтиярхаты), телефон нөмірі, электрондық пошта мекенжайы, тұратын мекенжайы. Келісім өңдеудің көрсетілген мақсаттарына қол жеткізу үшін қажетті берілген деректерді өңдеудің барлық түрлеріне қолданылады. Соның ішінде Ұйымдастырушы/үшінші тұлғалар/ Ұйымдастырушының басқа да уәкілетті тұлғалары берілген ақпаратты алуды, жазуды, сақтауды, нақтылауды, пайдалануды, беруді (соның ішінде қолданыстағы заңнамаға сәйкес трансшекаралық беруді) қосқанда жүзеге асыра алады және бұл мұнымен шектелмейді. Келісім осындай деректерді Ұйымдастырушыға берген сәттен бастап және қолданыстағы заңнамада белгіленген тәртіппен осы Келісімді кері қайтарып алған сәтке дейін қолданылады;

2.4. Қатысушы Акцияға қатыса отырып, фото/бейне түсірілімді жүргізуге, оның кескінімен/қатысуымен тиісті фото/бейне материалдарын сақтауға, пайдалануға және Ұйымдастырушының Сайтында, сондай-ақ әлеуметтік желілеріндегі Ұйымдастырушының/Серіктестердің ресми беттерінде орналастыруға, сонымен қатар сәйкес фото/бейне материалдарды бухгалтерлік және есептік мақсатта пайдалануға сөзсіз және қайтарымсыз келісімін береді;

3. Акцияның сипаттамасы

Осы Ережелерге сәйкес Қатысушы осы Ережелерде қарастырылған барлық шарттарды орындаған жағдайда төменде көрсетілген сыйлықтардың бірін ала алады.

4. Акцияға қатысу шарттары:

Акцияға қатысу үшін, Қатысушы келесі әрекеттерді орындауы тиіс:

4.1. Акцияны өткізу кезеңінде Қатысушы 2-3 адамнан құралған команда жинап ( «команда құру» немесе «командаға қосылу») сайтта тіркелуден өтуі қажет: https://www.samsung.com/kz_ru/offer/galaxy-treasure-hunt/.

Өз командасы шеңберінде Қатысушылар тіркелу кезінде бір қаланы таңдауы тиіс немесе квесттен өту кезінде бір қаланың аумағында болуы тиіс.

Сәтті тіркелуден кейін квестті бірігіп өту үшін, тапсырмалар бірлестірілген Кабинетте шығып, барлық командаға ашылады.

4.2. Сұрақтарға онлайн жауап беру, QR-кодтың орналасқан жерін табу үшін, тапсырмаларды орындап, жұмбақтардың жауабын табу.

4.3. Жұмбақтың жауабына сәйкес, офлайн-локацияларға бару, Акцияның брендтелген автокөлігіндегі QR-кодты табу.

4.4. Қатысушы QR-кодтарды сканерлейтін смартфонда, геолокация функциясы болуы тиіс, бұл сұралған жағдайда осы мекенжайда орналасқан QR-кодтың шынымен сканерленгенін дәлелдеу үшін қажет.

4.5. Жауап нұсқалары бар онлайн-тапсырмаларда ұсынылған жауаптардың ішінен қатысушылар дұрыс санаған жауапты таңдау қажет. Ашық сұрағы бар тапсырмаларда ойдағы нақты жауапты анық және түсінікті жазу қажет.

4.6. Квесттің соңында ақтықсын тапсырмасына жеткеннен кейін Қатысушы оны барынша аз уақыт ішінде орындауы тиіс.

4.7. Қатысушылар квестте алға жылжып, қосымша балл жинау үшін, негізгі тапсырмалармен қатар қосымша (бонустық) тапсырмаларды орындай алады.

4.8. Қатысушылар ақтықсынға өту үшін, негізгі және бонустық тапсырмаларды орындау арқылы кем дегенде 500 балл жинауы тиіс.

Әр орындалған тапсырма үшін, балл есептеу кестесі төменде көрсетілген:

Тапсырма түрі:	Тапсырманың әр түріне берілетін балл:
Негізгі тапсырма (онлайн)	40 балл
Автокөлікпен офлайн- тапсырма (QR-код)	50 балл
Офлайн- тапсырма (QR-кодсыз)	50 балл
Бонустық тапсырма	10 балл
Қосымша ақтықсын онлайн-тапсырмасы	50 балл

4.9. Акцияның барлық шарттарын орындап, жеңімпаз команда Қатысушысы 5.1. т. Көрсетілген сыйлықтарға үміткер бола алады.Барлық тапсырмаларды орындаған бірінші төрт Қатысушылар командасы 5.1.т. көрсетілген сыйлықтарға үміткер бола алады.

4.10. Жүлделі орындар ақтықсын QR-кодын сканерлеп, соңғы офлайн-тарсырманы ең жылдам орындаған, 500 балдан артық жинаған командалар арасында үлестіріледі. Сканерлеу уақыты жазылып, ең жылдам болған командалар арасында 1 мен 7 орын аралығындағы командаларды анықтайды.

4.11. Түзетілген 4.10 тармақ - Жүлделі орындар квестті орындағаны үшін 500 балл жинап, соңғы және қосымша ақтықсын онлайн-тапсырмасын сайтта ұсынылған нұсқалар ішінен дұрыс жауаптарды таңдап, орындаған командалар арасында беріледі. Сканерлеу уақыты жазылып, ең жылдам командалар арасында 1 мен 7 орындар тағайындалады.

Егер бірнеше команда қосымша ақтықсын онлайн-тапсырмасын аяқтағаннан кейін сайтта тапсырманы орындаудың бірдей уақыты жазылып, талас тудырған жағдайда жеңімпаздар мен жүлделі орындарды анықтау үшін, Ұйымдастырушы квесттің барлық кезеңінде жиналған балдарға қойылған талаптарды есепке алуға құқылы.

4.12. Квест аяқталған соң, Акцияның барлық шарттары орындалғанын тексеру үшін, Қатысушыларды модерациялау өтеді және модерациядан кейін квест жеңімпаздары жарияланады (Акция).

4.13. Болжамаған жағдайда, форс-мажор, техникалық ақаулар және Ұйымдастырушыға қатысы жоқ айрықша жағдайлар туындағанда Ұйымдастырушы Акция ережелеріне, оның ұзақтығына, мазмұнына өзгерістер енгізу және жүлделі орындарды тағайындау құқығын өзіне қалдырады.

5. Сыйлық

5.1. Акция бойынша сыйлық келесі тауарлар болып табылады («Сыйлық»):

1 орын – соңғы QR-кодты тауып сканерлеген ақтықсынға өткен команда Galaxy S22 (SM-G901) смартфонын алады. Жеңімпаз команданың әр қатысушысы саны 1 (бір) бірлік сыйлық алады.

2 орын – екінші болған ақтықсынға өткен команда Galaxy A51 (SM-A515) смартфонын иеленеді. Жеңімпаз команданың әр қатысушысы саны 1 (бір) бірлік сыйлық алады.

3 орын – үшінші болған ақтықсынға өткен команда Galaxy Buds+ (SM-R175) құлаққаптарын алады. Жеңімпаз команданың әр қатысушысы саны 1 (бір) бірлік сыйлық алады.

4 орын – төртінші болған ақтықсынға өткен команда Galaxy Buds (SM-R170) құлаққаптарын алады. Жеңімпаз команданың әр қатысушысы саны 1 (бір) бірлік сыйлық алады.

5, 6, 7 орын – барлық тапсырмаларды орындап, 5 пен 7 аралығындағы орындарды алған командаларға: bluetooth-маяк SmartTag және Samsung (Power Bank) (EP-P1100) сыртқы аккумуляторы беріледі. Жеңімпаз команданың әр қатысушысы саны 1 (бір) бірлік сыйлық алады.

Осы ретте Ұйымдастырушы Сыйлық санын өзі анықтап, өзгерту құқығын өзіне қалдырады.

5.2. Сыйлық саны Қатысушылар санына байланысты, яғни Сыйлықтардың максималды саны Қатысушылар санынан 50% құрайды. Сонымен қатар Сыйлық саны 5.1.т. көрсетілгеннен көп бола алмайды.

5.3. Акция шеңберінде берілген сыйлыққа осы тауар типіне арналған стандартты кепілдік қолданылады.

5.4. Тауардың нақты түсі тауардың қоймада болуына байланысты және Акция сайтындағыдан немесе Ұйымдастырушының әлеуметтік желілеріндегі аккаунттарындағы суреттерден айырмашылықтары болуы мүмкін.

6. Акция жеңімпаздарын анықтау тәртібі

6.1. Ұйымдастырушы немесе оның уәкілетті тұлғасы квест аяқталған соң, Акцияның барлық шарттары орындалуына, соның ішінде тіркеу формасының дұрыс толтырылуын тексеріп, Қатысушыларға модерация жүргізеді және модерация аяқталғаннан кейін Акция жеңімпаздары жарияланады.

Егер Ақтықсын тізіміндегі Қатысушы модерациядан өтпеген жағдайда, модерациядан өткен Ақтықсын тізіміндегі келесі қатысушы жеңімпаз болып табылады.

6.2. Модерация соңғы күнді қоса санағанда 2022 жылдың 6 маусымы мен 15 шілдесі аралығында өтеді.

6.3. Акция нәтижелері 18 шілдеден кешіктірілмей Ұйымдастырушының Ресми сайтында https://www.samsung.com/kz_ru/offer/galaxy-treasure-hunt/ жарияланады, сонымен қатар хабарландыру Ұйымдастырушының Instagram-дағы ресми парақшасында (@samsungkz) жариялануы мүмкін.

6.4. Акция аяқталғаннан соң, Ұйымдастырушы Сыйлық алу нұсқаулығын беру үшін Жеңімпазбен байланысады.

6.5. Сыйлықты жеткізу Қатысушысы Акция сайтында тіркелу кезінде көрсеткен байланыс ақпараты арқылы Ұйымдастырушының Жеңімпазбен сәтті хабарласуынан кейін 30 (отыз) жұмыс күні ішінде орындалады. Сыйлықты жеткізу Ұйымдастырушы есебінен жүргізіледі, Жеңімпаздан ешбір сомма алынбайды. Егер, курьер немесе өзге тұлғалар жеткізу үшін ақы, салық төлеуді немесе басқа да төлемдерді талап етсе, мұндай төлемдерді орындамаңыз және дереу Ұйымдастырушымен байланысыңыз. Жеткізуге Сыйлықты баптау бойынша қандай да бір жұмыстар/қызметтер кірмейді

6.6. Сыйлық саны шектеулі. Сыйлықтар ақшалай қаражатқа немесе басқа тауарларға ауыстырылмайды. Акция Қатысушысы сыйлық алудан бас тартуға құқылы, осы ретте ақшалай қаражат /өтемақы берілмейді.

6.7. Сыйлық алу үшін, Қатысушы барлық шарттарды орындаған жағдайда міндеттенеді:

Жеке куәлігінің көшірмесін/ықтиярхатын ұсыну; Жеке куәлігінің көшірмесі/ықтиярхаты қатысу формасында тіркеу кезінде көрсетілген деректермен сәйкес болуы тиіс. Сыйлық алу құқығы өзге тұлғаларға берілмейді;
Сыйлықты қабылдау-тапсыру актісін толтыру және қол қою/ немесе Жеткізу парағын / қордағыны беру туралы жүкқұжатты толтыру және қол қою;
Қолындағы Сыйлықпен фотосурет / видео түсіру.

Қатысушының жеке куәлігінің деректері Акцияға тіркелу кезінде көрсетілген деректерге сәйкес болуы тиіс.

6.8. Қатысушы келесі жағдайларда Акцияға қатысу құқығынан айырылады және Сыйлыққа үміттене алмайды:

Акцияның қандай да бір шарттары бұзылса;
Тіркелу шарттары бұзылса (с.і. жалған деректер берілсе, бірнеше аккаунтпен қатысу және т.б.);
Қатысушымен байланысу үшін жалған/қате деректер берілсе;
Ұйымдастырушымен/ серіктеспен 15 күнтізбелік күн ішінде байланысу мүмкін болмаса;
Алаяқтық немесе басқа да заңға қайшы әрекеттер анықталса;
Тіркелу деректері үшінші тұлғаларға берілген жағдайда;
Ақпарат/құжат беруден бас тарту және/немесе фото/видео түсіруден осы Ережелерді бұзып бас тартса.

6.9. Сыйлықты алумен байланысты туындаған салықтар мен басқа да міндетті төлемдерді Ұйымдастырушы өз бетімен және өз есебінен төлейді.

7. Басқа

7.1. Акцияның барлық Қатысушылары Акцияға қатыса отырып, Акция Ережелерімен келіседі, оларды сақтауға және орындауға міндеттенеді. Қатысушы Сыйлыққа ие болу үшін Акцияның ережелерін бұзған жағдайда немесе айлакерлік және/немесе алдау әрекеттерін жасаған болса, Сыйлық алу құқығынан айырылады;

7.2. Акцияға қатыса отырып, Қатысушы осы Ережелермен сөзсіз келісетінін білдіреді. Ережелерді толықтай/немесе жартылай орындаудан бас тарту Қатысушы Акцияға қатысудан бас тартқаны болып есептеледі.

7.3. Ұйымдастырушы Акция сайтында тиісті хабарламаны орналастыру арқылы Қатысушыларға алдын ала хабарлап, осы Ережелерді біржақты тәртіпте өзгертуге құқылы. Хабарлау күні сәйкес ақпарат Акцияның Сайтында немесе Бағдарламада жарияланған күн немесе шарттар өзгертілген кезде көрсетілген қосымша күн болып табылады. Қатысушы көрсетілген өзгерістермен келіспеген жағдайда Акцияға қатысудан бас тарту жолымен өзгерістерді қабылдаудан бас тартуға құқылы. Осы күн аяқталғаннан кейін Акцияға қатысуды жалғастыру Қатысушының енгізілген өзгерістермен келіскенін білдіреді;

7.4. Акция конкурс, лотерея немесе тәуекелге негізделген басқа құмар ойын болып табылмайды;

7.5. Акция барысында Акция мақсаттарына жету үшін, Қатысушы көтерген шығындарды Ұйымдастырушы өтемейді және бұл Қатысушының дербес жауапкершілігі болып табылады.

7.6. Пікір алу мақсатында Ұйымдастырушының қызмет көрсету сапасын бақылау үшін Қатысушыға / жеңімпазға Сапа бөлімінен қоңырау шалуы мүмкін. Қатысушы / жеңімпаз өз пікірін ұсынудан бас тартуға құқылы.

7.7. Акцияны жүргізу барысында Қатысушыдан оның тұлғасын сәйкестендіру және растау үшін жеке куәлігі және оның көшірмесі сұралуы мүмкін.

7.8. Осы интернет-сайт және оның мазмұны ақпараттық сипатта берілген және ешбір жағдайда ҚР Азаматтық Кодексінің 395 бабында анықталатын ережелердегі көпшілік оферта болып табылмайды. Құрылғылар саны шектеулі. Құрылғының нақты түсінде айырмашылықтар болуы мүмкін және барлық суреттер анықтамалық мақсатта берілген.

Акцияға байланысты барлық сұрақтар бойынша Ұйымдастырушының төменде берілген байланыс деректері бойынша хабарласыңыз:

Ұйымдастырушының колл-орталығының байланыс деректері:

8-10-800-500-55-500 – Қазақстанның кез келген өңірінен қоңырау шалу тегін;

7799 – Қазақстанның кез келген ұялы операторынан қоңырау шалу тегін.

Тапсырма түрі:	Тапсырманың әр түріне берілетін балл:
Негізгі тапсырма (онлайн)	40 балл
Автокөлікпен офлайн- тапсырма (QR-код)	50 балл
Офлайн- тапсырма (QR-кодсыз)	50 балл
Бонустық тапсырма	10 балл

4.9. Акцияның барлық шарттарын орындап, жеңімпаз команда Қатысушысы 5.1. т. Көрсетілген сыйлықтарға үміткер бола алады.Барлық тапсырмаларды орындаған бірінші төрт Қатысушылар командасы 5.1.т. көрсетілген сыйлықтарға үміткер бола алады.

4.10. Жүлделі орындар ақтықсын QR-кодын сканерлеп, соңғы офлайн-тарсырманы ең жылдам орындаған, 500 балдан артық жинаған командалар арасында үлестіріледі. Сканерлеу уақыты жазылып, ең жылдам болған командалар арасында 1 мен 7 орын аралығындағы командаларды анықтайды.

Квест аяқталған соң, Акцияның барлық шарттары орындалғанын тексеру үшін, Қатысушыларды модерациялау өтеді және модерациядан кейін квест жеңімпаздары жарияланады (Акция).