Құпиялық

Image

Біздің міндеттемеміз

Samsung компаниясы пайдаланушылардың деректерін қорғау мәселесіне жоғары дәрежеде мән береді. 

Сіздің ақпаратыңыз сіздің меншігіңіз болып табылатынын біз толық ұғамыз және өзімізге табысталатын деректерді сақтау мен өңдеудің қауіпсіздігін қамтамасыз етуге барынша күш саламыз. 

Сіздің сеніміңіз біз үшін өте жоғары маңызға ие. Біз ақпараттың минималды көлемін тек сіздің рұқсатыңызбен жинаймыз және оны тек қана мәлімделген мақсаттар үшін пайдаланамыз.

Біздің сіздің келісіміңізсіз ақпаратты үшінші тұлғаларға бермейміз. 

Samsung компаниясы техникалық деректердің қауіпсіздігін қамтамасыз ету бойынша процедуралар мен ішкі басқару процедураларын, сондай-ақ, деректерді физикалық қорғау бойынша шараларды пайдалануды қоса алғанда, сіздің деректеріңіздің сақталуын қамтамасыз ету үшін бар күшін салады. Атап айтқанда, біз Samsung Knox базасында орнықты шифрлау технологиясын әзірледік. Біз Samsung Knox өзіміздің барлық жүйелеріміз бен өнімдерімізде қолданамыз, бұл бізді басқа компаниялардың қатарында ерекшелейді. 

Біз сіздің өміріңізді өзіміздің керемет әрі үміттендіретін цифрлық технологияларымызды пайдаланудың есебінен жақсартуға ұмтыламыз. Ол үшін бізге сіздің сеніміңізді сақтап қалу маңызды және біз сіздің деректеріңізді қорғау үшін қолдан келгеннің бәрін жасайтын боламыз. 

Қызығушылық танытқаныңыз және қолдауыңыз үшін рақмет.

Құпиялық саясаты

SAMSUNG құпиялық саясатының негізгі аспектілері

  • Қолданылу саласы

    Осы Құпиялық саясаты осы Құпиялық саясатына сілтейтін кез келген Samsung құрылымына, веб-сайтына немесе интерактивті қолданбасына (жалпы түрде – біздің қызметтер) таралады. Құпиялық саясаты біздің қызметтерге қатынау үшін Сіздің компьютерді, мобильді телефонды, планшетті, теледидарды немесе басқа құрылғыны пайдалануыңызға қатыссыз қолданылады.

  • Жиналатын ақпарат

    Біз қызметтерге байланысты әр қилы түрдегі ақпарат жинаймыз, соның ішінде:

    • бізге Сіз өзіңіз беретін ақпарат;
    • біз Сіздің қызметтерді пайдалануыңыз туралы жинайтын ақпарат;
    • біз бөгде көздерден алатын ақпарат.

    Біз сондай-ақ Құпиялық саясатында сипатталмаған ақпарат жинауға Сіздің келісіміңізді сұрауымыз мүмкін.

  • Ақпаратты пайдалану және табыстау

    Жинайтын ақпаратты біз, басқасымен қатар, келесі мақсаттарда пайдаланамыз (және Сіз туралы басқа ақпаратпен ұштастыруымыз мүмкін):


    • Сіз сұратқан қызметтерге қатынау мүмкіндігін беру үшін;
    • қСіздің қызметтерді пайдалану тәсілдеріңіздің сапасын арттыру мақсатында, оларды түсіну үшін;
    • дара іріктелген мазмұн мен жарнама ұсыну үшін.

    Біз сондай-ақ жинайтын ақпаратты оны жинау сәтінде сипатталған тәсілдермен немесе, Сіздің рұқсатыңызбен, басқа тәсілдермен пайдаланамыз.


    Біз Сіздің ақпаратыңызды келесі тұлғалар мен ұйымдарға табыстауымыз мүмкін:


    • Samsung компаниялар тобына кіретін еншілес компаниялар.
    • Бизнес-серіктестер — өзіміз сенім артатын, Сізге қызықты болуы мүмкін өнімдер мен қызметтер туралы ақпарат ұсынатын компаниялар.
    • Қызметтерді жеткізушілер — Samsung компаниясының тапсырысы бойынша немесе оның атынан қызметтер ұсынатын компаниялар.
    • Құқық қорғау органдары — талап етуі бойынша немесе Samsung компаниясы мен оның пайдаланушыларын қорғау мақсаттарында.
  • Белгілі бір қызметтер туралы қосымша ақпарат

    • AdHub
    • SmartTV
    • o Қажет болған жағдайда, біз сондай-ақ белгілі бір деректерді сұратудан бұрын, қысқа қалқыма құлақтандыруларды пайдалануымыз мүмкін
  • Байланыс ақпараты

    Электронды пошта: http://help.content.samsung.com веб-сайтындағы «Байланыс ақпараты»
    бөлімі арқылы.


    Samsung Electronics Co., Ltd.


    129 Samsung-Ro, Maetan-3dong, Yeongtong-gu, Suwon-si, Gyeonggi-do, Korea


    Еуропадағы пайдаланушылар үшін:
    Samsung Electronics (UK) Limited, Samsung House, 1000 Hillswood Drive, Chertsey, Surrey KT16 0PS


    Ақылы интерактивті қызметтер туралы мәселелер бойынша: Samsung Electronics GmbH, Samsung House, Am Kronberger Hang 6, 65824 Schwalbach/Ts., Deutschland

«Samsung Electronics Central Eurasia» (САМСУНГ ЭЛЕКТРОНИКС ОРТАЛЫҚ ЕУРАЗИЯ) (бұдан әрі – «SECE») ЖШС декларациясы

Күшіне кіру күні: [2018.01] 

Біздің сайтымызға кіргеніңізге және онда берілген ақпаратпен танысып шыққаныңызға қуаныштымыз. Біз бұл ақпаратты жеке мақсаттарыңызда басып шығаруға және оны жеке компьютеріңізде сақтауға рұқсат етеміз. Солай болса да, біз SECE негізгі және қосымша сайттарында барлық келушілер үшін белгілеген заңи сипаттағы кейбір шектеулер туралы жеткізсек және төменде берілген ережелерді ұстануды өтінсек деп едік.

Сайтта SECE, сондай-ақ біздің бас компаниямыз бен Samsung корпорациясы тобының үлестес компанияларының меншігі болып табылатын ақпарат берілген. Мұндай меншік авторлық құқықтарды, сауда белгілерін және технологиялар туралы ақпаратты қамтиды, бірақ онымен шектелмейді. Жоғарыда аталғанның барлығы мәтіндер, графика, аудио, видео және жүктелетін деректер, дерекөздерге сілтемелер немесе кодтар түрінде берілген. Samsung корпорациясының уәкілетті бөлімшесі жоғарыда аталған, тек қана Samsung корпорациясының тұтынушыларына арналған және бұл жерде сізге ыңғайлы болу үшін берілген материалдарға барлық құқықтарды өзінде сақтайды. Samsung корпорациясы жоғарыда аталған материалдардың қандай да біріне лицензиялар немесе меншік құқықтарын бермейді.

SECE сіз негізгі және қосымша сайтта берілген ақпаратқа жүгінетін күнге қарай, оның нақтылығына, толықтығына және сенімділігіне кепілдік бере алмайды. Тиісінше, сіз бізден тиісті жазбаша құлақтандыру алмайынша, жоғарыда аталған сайттарда жарияланған мәліметтерге толық сенім арта алмайсыз.

Сайтта орналастырылған ақпаратқа толық сүйенбеңіз және оны бағалы қағаздарды сатып алу, сату немесе кез келген өзге операциялар жүргізу үшін пайдаланбаңыз. Мұнда берілген мәліметтердің АҚШ Бағалы қағаздармен операциялар жөніндегі комиссиясының талаптарын қоса алғанда, бірақ онымен шектелмей, басқа елдердің өкімгер органдарымен көзделген ақпаратты жария қылмау туралы талаптарға әрдайым сәйкес келе бермейтінін ұмытпаңыз.

SECE, егер тек ондай жауапкершілік Қазақстан Республикасының қолданыстағы заңнамасымен көзделмесе, ешбір мән-жайларда осы жерде ұсынылған қызметтер мен материалдарды пайдалануға байланысты тікелей, жанама, кездейсоқ, айыптық және кез келген басқа нұқсан үшін жауапкершілік көтермейді.

Акцияларға қатысы бар ақпарат немесе сайттарда берілген кез келген басқа ақпарат SECE тарапынан бағалы қағаздарға қатысты қандай да бір ұсыныстарды білдірмейді және оларды сатып алуға қандай да бір ниетті көздемейді.

Негізгі және қосымша сайттардан кез келген деректерді жүктеуге рұқсатқа қарамастан, SECE/Samsung корпорациясының уәкілетті бөлімшесі барлық берілген мәтіндік және графикалық материалдарға авторлық құқықтарды өзінде сақтайды. SECE олардың кез келгенін қандай да болмасын пішінде және, жеке мақсаттарды қоспағанда, қандай да болмасын мақсаттарда қайталау құқығын бермейді.

 

Интернетте құпияны қамтамасыз ету саясаты

 

SECE интернетте сіздің жеке ақпаратыңыздың құпиясын қамтамасыз етуге бар күшін салады. Біз, оған қатысы бар кез келген мән-жайларға қатыссыз, интернет арқылы алынған сіз туралы ақпаратты барынша қауіпсіздендіруге тырысамыз. SECE берілген ақпаратты (егер ол болса) тек қана сайтымызды пайдалану, оның контентін дамыту және жетілдіру мақсаттарында пайдаланады. Біз алған жеке сипаттағы ақпарат тек сіздің сұрауыңызға жауап беру, тапсырысыңызды өңдеу кезінде немесе сізге арнайы ақпаратқа қатынау мүмкіндігін беру үшін пайдаланыла алады. Бірқатар жағдайларда біз электронды пошта мекенжайлары туралы ақпаратқа қатынау мүмкіндігін ақпараттың құпиясын қамтамасыз етудің одан да кемел механизмдеріне ие Samsung корпорациясының
бөлімшелеріне береміз.
Сізді белгілі бір текті ақпаратпен қамтамасыз ету үшін, cookie пайдаланылуы мүмкін. Олар веб-сайт сіздің браузеріңізге жіберуі мүмкін және кейіннен біз сайтқа келесі кірген уақытта сізді оңай ажырата алуымыз үшін, сіздің компьютеріңіздің тұрғылықты дискінде сақталатын кішігірім ақпарат фрагменті болып табылады. Сіз браузерді cookie алынғаны туралы өзіңізге хабар беретіндей етіп баптай аласыз.
SECE сайтында басқа сайттарға сілтемелер мен жүгіністер бар екеніне назар аударыңыз. Біз тек, өзіміз секілді, ақпараттың жоғары сапасымен және деректердің құпиясына қатысты құрметімен белгілі сайттарға ғана сілтемелер жариялауға тырысамыз. Солай болса да, біз басқа сайттардың мазмұны мен олардың ақпараттың құпиясын қамтамасыз ету саясаты үшін жауап бере алмаймыз.
 
 

«SAMSUNG ELECTRONICS CENTAL EURASIA» (САМСУНГ ЭЛЕКТРОНИКС ОРТАЛЫҚ ЕУРАЗИЯ) ЖШС Құпиялық саясаты

 

Біз, «SAMSUNG ELECTONICS CENTRAL EURASIA» (САМСУНГ ЭЛЕКТРОНИКС ОРТАЛЫҚ ЕУРАЗИЯ) ЖШС («SECE», «біз», «біздің»), өз клиенттеріміз үшін құпиялық қаншалықты маңызды екенін түсінеміз және Сіздің ақпаратыңызды жинаудың, пайдаланудың, жария қылудың, табыстаудың және сақтаудың барынша көлегейсіздігін қамтамасыз етуге тырысамыз. Осы Құпиялық саясатында біздің ақпаратты жарату әдістерімізге шолу берілген. Құпиялық саясаты осы Құпиялық саясатына сілтейтін Samsung іс-шараларына, акцияларына, құрылғыларына, веб-сайттарына, қызметтеріне немесе интерактивті қолданбаларына (жалпы – «біздің қызметтер») таралады.

Осы Құпиялық саясаты біздің барлық қызметтерімізге таралатынына қарамастан, біз сондай-ақ құпиялыққа қатысты құрамында нақты қызметтермен біздің жұмыс әдістеріміз туралы қосымша ақпарат бар белгілі бір толықтырулар береміз. Ол толықтырулар Сіздің тиісті қызметтерді пайдалануыңызға таралады.

Құпиялық саясаты Сіздің Қазақстан Республикасының аумағында сатуға арналған Samsung құрылғыларын пайдалануыңызға таралатынына назар аударыңыз (егер оларға біздің веб-сайттарымызбен, белсенділіктерімізбен, қызметтерімізбен және интерактивті қолданбаларымызбен қатар осы Құпиялық саясаты таралатын болса). Сонымен қатар, ол біздің қызметтерімізге қатынау үшін Сіздің компьютерді, мобильді телефонды, планшетті, теледидарды немесе басқа құрылғыны пайдаланатыныңызға қатыссыз қолданылады. Құпиялық саясатымен мұқият танысқан маңызды, өйткені біздің қызметтерімізді пайдаланатын әр кез сайын, сіз Құпиялық саясатының талаптарымен және оған толықтырулармен келісесіз.

Егер Сіз ол талаптармен келіспесеңіз, онда біздің қызметтерімізді пайдаланбауды өтінеміз.

Құпиялық саясаты өзгертілетін жағдайда, Құпиялық саясатының өзекті нұсқасын әрдайым келесі мекенжай бойынша табуға болады: [https://www.samsung.com/kz_kz/info/privacy/]. Құпиялық саясаты қашан соңғы рет жаңғыртылғанын білу үшін, осы секцияның басында көрсетілген күшіне кіру күнін қараңыз. Дауларды қарастыру кезінде кінәрат-талап мәлімдеу сәтіне өзекті Құпиялық саясатын басшылыққа алу керек.

 

Біз Сіз туралы қандай ақпарат жинаймыз?

 

Сіз өзіңіз беретін ақпаратқа, жалпы ақпаратпен қатар, жеке деректер кіруі мүмкін.

Мысалы:

 

  • Біздің қызметтеріміздің бірқатары пайдаланушыларға есептік жазбалар немесе профильдер жасауға мүмкіндік береді. Ол қызметтермен жұмыс істеу үшін, біз Сізден есептік жазбаны немесе профильді баптауға арналған белгілі бір ақпарат сұратуымыз мүмкін. Мысалы, Сіз есептік жазба жасаған кезде атыңыз және электронды пошта мекенжайы секілді өзіңіз туралы белгілі бір ақпаратты беруіңіз мүмкін;
  • Егер Сіз бізден өнімге немесе ақылы қызметке тапсырыс берсеңіз, тапсырысты өңдеу үшін біз Сіздің атыңызды, байланыс ақпаратын, жеткізу және шот мәлімдеу мекенжайларын, сондай-ақ банктік төлем картасы туралы ақпарат сұратуымыз мүмкін;
  • Біздің қызметтеріміздің біразы Сізге басқа адамдармен араласуға мүмкіндік береді. Араласу кезінде деректер біздің жүйелеріміз арқылы жолданатын және оларда сақталатын болады.
  • Біз Сіздің деректеріңізді жоғары сапалы сервистік қызмет көрсетуді жүзеге асыру мақсатында сұратуымыз мүмкін.  

 

Сіздің қызметтерді пайдалануыңыз туралы ақпарат

Cіз беретін ақпараттан басқа, біз құрылғыңыздағы бағдарламалық жасақтама арқылы немесе басқа тәсілдермен Сіздің қызметтерімізді пайдалануыңыз туралы мәліметтер жинауымыз мүмкін. Мысалы, біз келесі ақпарат жинауымыз мүмкін:

  • Құрылғы туралы ақпарат - жабдықтың үлгісі, IMEI нөмірі және құрылғының басқа бірегей идентификаторлары, MAC-мекенжай, IP-мекенжай, операциялық жүйенің нұсқасы және қызметтерге қатынау үшін пайдаланылатын құрылғының баптамалары.
  • Журналдардың ақпараты — Сіздің қызметті пайдалануыңыздың уақыты мен ұзақтығы, Сіз қызметті пайдалану кезінде пайдаланған іздеу сұраулары және Сіздің құрылғыңызға жіберілген cookies файлдарында сақталған кез келген ақпарат.
  • Орналасқан жеріңіз туралы ақпарат — Сіздің құрылғы алатын GPS сигналдары немесе ең жақын WiFi қатынау нүктелері мен ұялы байланыс мұнаралары туралы ақпарат. Бұл мәліметтер Сіз белгілі бір қызметтерді пайдаланған кезде бізге жолдануы мүмкін.
  • Дауыстық ақпарат — мысалы, Сіз қызметті басқару үшін дауыстық әмірлерді пайдаланатын уақытта біз жасайтын (және серверлерімізде сақтай алатын) Сіздің дауысыңыздың жазбалары. (Біз өз атымыздан сөзді түрлендіру қызметтерін ұсынатын бөгде қызметтер жеткізушімен бірге қызмет ететінімізне назар аударыңыз. Ол қызметтер жеткізуші белгілі бір дауыстық әмірлерді алуы және сақтауы мүмкін.)
  • Сіздің қызметтерді пайдалануыңыз туралы басқа ақпарат, мысалы, пайдаланатын қолданбалар, кіретін веб-сайттар мен қызмет арқылы ұсынылатын мазмұнмен өзара әрекеттесу тәсілдері туралы мәліметтер. 

Бөгде көздерден алынатын ақпарат

Біз Сіз туралы ақпаратты жария және ақы үшін қолжетімді көздерден алуымыз мүмкін (заңнамаға сәйкес), оны Сіздің өзіңізден немесе Сіз туралы алатын басқа мәліметтермен біріктіруіміз мүмкін. Сондай-ақ Сіз туралы ақпаратты Сіз ол қызметтерге қосылатын кезде бөгде әлеуметтік желілер қызметтерінен алуымыз мүмкін.

Басқа жиналатын ақпарат

Біз сондай-ақ өзіңіз, құрылғыңыз немесе қызметтерді пайдалануыңыз туралы басқа ақпаратты ондай мәліметтерді жинау кезінде суреттелген тәсілдермен немесе Сіздің рұқсатыңызбен жинауымыз мүмкін.

Сізге белгілі бір түрде ақпаратты (мысалы, Samsung Account есептік жазбасын тіркеу кезінде сұратылатын ақпаратты) бермеуіңізге болады, бірақ бұл белгілі бір қызметтерді пайдалану мүмкіндігіне ықпалын тигізуі мүмкін.

Біз Сіздің ақпаратыңызды қалай пайдаланамыз?

Біз жиналатын ақпаратты келесі мақсаттарда пайдалануымыз мүмкін:

  • Сізді немесе құрылғыңызды қызмет көрсету мақсатында тіркеу үшін;
  • Сіз сұрататын қызметті немесе функцияны ұсыну үшін;біздің қызметтерімізге байланысты Сіздің алдындағы іс-әрекеттеріңіздің негізінде дара іріктелген мазмұн мен ұсыныстамалар беру үшін;
  • жарнама үшін, мысалы, дара іріктелген хабарламалар мен демеушілік көрсетілетін мазмұнды ұсыну (соның ішінде жұмыс тәсілдері осы жерде суреттелген біздің AdHub жарнама қызметіміз арқылы) және арнайы ұсыныстар туралы хабарлау үшін;
  • біздің нарықты, клиенттерімізді, өнімдеріміз бен қызметтерімізді бағалау және талдау үшін (соның ішінде Сіздің өнімдеріміз бен қызметтеріміз жайында пікіріңізді сұрату және клиенттерді сұрастыруды жүргізу үшін);
  • қызметтеріміздің сапасын арттыру мақсатында оларды пайдалану тәсілдерін түсіну, сондай-ақ жаңа өнімдер мен қызметтер әзірлеу үшін;
  • Сіздің құрылғыңызға техникалық қызмет көрсету жүргізу үшін;
  • лотереялар, жүлделі жарыстар немесе заңмен жол берілетін түрлі акциялар өткізу үшін;
  • Сіздің рұқсатыңызбен басқа тәсілдермен.

Біз, Сіздің қосымша келісіміңіз болғанда,  Сіз туралы жиналған ақпаратты біріктіруіміз және оны осы Құпиялық саясатына қайшы келмейтін мақсаттарда пайдалануымыз мүмкін. Ақпаратты солай біріктіруге Сіздің келісіміңіз алынғаннан кейін, Сізге не белгілі бір тиісті құрылғылар мәзірінің баптамаларының көмегімен немесе мына жерде ондай біріктіруге тыйым салуға мүмкіндік берілетін болады.

Біз Сіздің ақпаратыңызды кімге жария етеміз?

Біз Сіздің рұқсатыңызсыз Сіздің ақпаратыңызды бөгде тұлғалар мен ұйымдарға олардың төл тәуелсіз маркетингтік немесе іскерлік мақсаттары үшін табыстамайтын боламыз. Алайда, біз ақпаратыңызды келесі тұлғалар мен ұйымдарға жария етуіміз мүмкін:

  • Еншілес компанияларға. Сіздің ақпаратыңызды Samsung еншілес компаниялары бірлесіп пайдалануы мүмкін.
  • Іскер серіктестерге. Біз сондай-ақ Сіздің ақпаратыңызды сенімге ие іскер серіктестерге, соның ішінде мобильді байланыс операторларына табыстауымыз мүмкін. Ол ұйымдар Сіздің ақпаратыңызды Сіз сұратқан қызметтерді ұсыну (мысалы, SmartTV арқылы Netflix видеомазмұнын), Сіздің қызығушылықтарыңызды болжау және Сізге ақпараттық, жарнамалық және басқа материалдар ұсыну үшін пайдалануы мүмкін.
  • Қызметтерді жеткізушілерге. Біз сондай-ақ Сіздің ақпаратыңызды біздің тапсырысымыз бойынша немесе біздің атымыздан қызметтер ұсынатын компанияларға, мысалы, бізге шоттар мәлімдеуге көмектесетін немесе біздің атымыздан электронды пошта хабарларын тарататын компанияларға табыстауымыз мүмкін. Ол ұйымдардың Сіздің ақпаратыңызды біздің атымыздан қызметтер ұсынудан бөлек мақсаттарда пайдалану мүмкіндігі шектеулі.
  • Басқа тұлғалар мен ұйымдарға заң талаптарына сәйкес немесе өз қызметтерімізді қорғау үшін. Біз Сіздің ақпаратыңызды басқа тұлғалар мен ұйымдарға табыстайтын жағдаяттар болуы мүмкін:
    • заңның сақталуын қамтамасыз ету немесе міндетті заңи процеске жауап беру үшін (мысалы, тінтуге ордер алынатын немесе басқа сот өкімі кезінде);
    • біздің қызметтерімізге таралатын саясаттарға сәйкестікті тексеру немесе қамтамасыз ету үшін;
    • Samsung компаниясының, оның кез келген еншілес компанияларының, іскер серіктестерінің немесе клиенттерінің құқықтарын, меншігін қорғау немесе қауіпсіздігі үшін.
  • Басқа тұлғалар мен ұйымдарға біздің корпоративтік транзакцияларымызға байланысты. Біз Сіздің ақпаратыңызды бизнесті біріктірудің немесе табыстаудың шеңберінде, не болмаса банкроттық жағдайында бөгде ұйымға табыстауымыз мүмкін.
  • Басқа тұлғалар мен ұйымдарға Сіздің рұқсатыңызбен немесе нұсқауыңыз бойынша. Осы Құпиялық саясатында суреттелген ақпаратты жария ету тәсілдерімен қатар, біз Сіз туралы ақпаратты Сіздің рұқсатыңызбен немесе Сіздің сұрауыңыз бойынша бөгде тұлғалар мен ұйымдарға табыстауымыз мүмкін.

Таңдау мүмкіндігі

Біз Сізге Сіздің деректеріңізді біздің пайдалануымыздың тәсілдерін таңдаудың көп мүмкіндіктерін ұсынамыз. Өзіңізге бізден жарнамалық хабарларды алу керектігін, не керексіздігін хабарда «таратылымнан бас тарту» опциясын таңдау жөніндегі нұсқаулықты ұстану арқылы таңдай аласыз. Сонымен қатар, өз құрылғыңыздың орнатылымдарында немесе төменде аталған веб парақтарға кіріп, жалпы таңдау жасай аласыз;

  • Сізді қызықтыратын атаулы жарнамаға қатысты, мысалы, Дербестендіру Қызметтері арқылы [https://account.samsung.com/membership/service/adsCombination.do]; және
  • Құпиялық саясатына сәйкес түрлі қызметтер мен құрылғылар пайдаланатын деректеріңіздің ұштастығын таңдауға қатысты [https://account.samsung.com/membership/service/dataCombination.do].Сіздің сондай-ақ жекелеген қызметтерді пайдалану кезінде немесе қысқа қалқыма құлақтандырулардың көмегімен таңдауға мүмкіндігіңіз бар.

Біз Сіздің ақпаратыңызды қорғау үшін не істейміз?

Біз қызметтер көрсету кезінде жинайтын ақпаратты физикалық және техникалық қорғаудың бірқатар орынды шараларын пайдаланамыз. Алайда, мынаған назар аударыңыз: біз ақпаратыңызды қорғау үшін ақылға қонымды шаралар қабылдайтынымызға қарамастан, ешқандай веб-сайттар, Интернетте деректер жолдау, компьютерлік жүйелер немесе сымсыз қосылыстар толық қорғалған болып табылмайды.

Деректерді халықаралық табыстауға келісім

Кез келген қызметті пайдаланғанда немесе оның жұмысына қатысқанда және\немесе бізге өзіңіз туралы ақпарат бергенде, Сіз осы Құпиялық саясатына сәйкес өз ақпаратыңыздың өзіңіз тұратын елдің шектерінен тыс жиналуына, табысталуына, сақталуына және өңделуіне келісесіз. Ақпаратыңыз
оларға табысталуы мүмкін елдердің деректерді қорғау туралы заңдары мен басқа заңдары Қазақстан Республикасының заңнамасына қарағанда, онша нақты болмауы мүмкіндігіне назар аударыңыз. 

Сіздің ақпаратыңызға қатынау

Кейбір юрисдикциялардың заңдарына сәйкес, Сіздің жиналатын ақпарат туралы мәліметтерді сұратуға және ол ақпараттағы жаңсақтықтарды түзетуге құқығыңыз бар болуы мүмкін. Егер заңмен оған жол берілетін болса, біз Сізден ондай мүмкіндік беру үшін азын-аулақ ақы өндіруіміз мүмкін. Біз тым жиі қайталанатын, мақсатқа сәйкес келмейтін техникалық күш салуды қажет ететін, басқалардың құпиясын бұзатын, шамадан тыс құнтсыз немесе жергілікті заңдарға сәйкес қатынау талап етілмейтін сұрауларды қабыл алмауымыз мүмкін. Егер Сіз өз ақпаратыңызға қатынауды сұратқыңыз келсе, [http://help.content.samsung.com] мекенжайы бойынша біздің клиенттерге қызмет көрсету бөліміне жүгініңіз.

Деректерді сақтау

Сіз туралы ақпаратты мүмкіндігіне қарай, ол жиналған мақсаттарды орындау үшін немесе кез келген шартқа немесе қолданылатын заңдарға сәйкес қажет болғаннан ұзақ сақтамауға тырысамыз.

Жеке деректердің қауіпсіздігі

Samsung корпорациясы пайдаланушылардың деректерін қорғау мәселесіне жоғары дәрежеде мән береді. Ақпаратыңыз сіздің меншігіңіз болып табылатынын біз толық ұғамыз және өзімізге табысталатын деректерді сақтау мен өңдеудің қауіпсіздігін қамтамасыз етуге барынша күш саламыз. Сіздің сеніміңіз біз үшін өте жоғары маңызға ие. Біз ақпараттың минималды көлемін тек Сіздің рұқсатыңызбен жинаймыз және оны тек қана мәлімделген мақсаттар үшін пайдаланамыз. Сіздің келісіміңізсіз ақпаратты үшінші тұлғаларға бермейміз. Samsung корпорациясы техникалық деректердің қауіпсіздігін қамтамасыз ету бойынша процедуралар мен ішкі басқару процедураларын, сондай-ақ деректерді физикалық қорғау бойынша шараларды пайдалануды қоса алғанда, деректеріңіздің сақталуын қамтамасыз ету үшін бар күшін салады. Атап айтқанда, біз Samsung Knox базасында орнықты шифрлау технологиясын әзірледік. Біз Samsung Knox өзіміздің барлық жүйелеріміз бен өнімдерімізде қолданамыз, бұл бізді басқа компаниялардың қатарында ерекшелейді. Біз өміріңізді өзіміздің керемет әрі үміттендіретін цифрлық технологияларымызды пайдаланудың есебінен жақсартуға ұмтыламыз. Ол үшін бізге сеніміңізді сақтап қалу маңызды және Сіздің деректеріңізді қорғау үшін қолдан келгеннің бәрін жасайтын боламыз. Қызығушылық танытқаныңыз және қолдауыңыз үшін рақмет.

«Жеке деректер және оларды қорғау туралы» Қазақстан Республикасы Заңының талаптарын орындау мақсатында, жеке деректерді жинауды, өңдеуді, сақтауды, табыстауды, соның ішінде шекараралық табыстауды («жеке деректерді өңдеу») біз Сіздің келісіміңізбен (субъектінің келісімімен) жүзеге асырамыз. Жеке деректерді сұрайтын әр жағдайда біз сондай жинаудың мақсаттарын және ол деректер табысталуы мүмкін субъектілердің шеңберін көрсетеміз.

Біз міндетті түрде жеке деректерді қорғау бойынша шаралар қолданамыз және оларды тек келісіміңіздің талаптарына сәйкес пайдалануды міндетімізге аламыз. Сіз жеке деректерді жинауға және өңдеуге өз келісіміңізді келесі пошталық мекенжайға жазбаша өтініш беру жолымен қайтып ала аласыз: «SAMSUNG ELECTRONICS CENTRAL EURASIA» (САМСУНГ ЭЛЕКТРОНИКС ОРТАЛЫҚ ЕУРАЗИЯ) ЖШС, Қазақстан Республикасы, Алматы қаласы, 050050, Әл Фараби даңғылы, 36, «АФД» БО, Б Блогы, 3-4-қабаттар.

Сіздің келісім бергеніңіз «Келісемін» белгісіне нұқу жолымен немесе онымен жеке деректеріңізді өңдеуге келісетін басқа бір тәсілмен ресімделуі мүмкін. Сондай белгіге нұқығанда, біздің жеке деректерді өңдеуді мерзімсіз негізде жүзеге асыруымыз, сондай-ақ оларды (1) Samsung Electronics тобының еншілес және байланысқан компанияларына, соның ішінде кез келген көлемде шекараралық түрде; (2) бізбен жеке деректерді өңдеуге және жария етпеуге келісім жасасқан уәкілетті контрагенттер мен мердігерлерге; (3) сот шешімі бойынша үшінші тұлғаларға табыстауымыз мүмкіндігімен келісесіз.

Жеке деректерді өңдеу мына мақсаттарда жүзеге асырылады: (1) SAMSUNG тауар таңбасын пайдаланатын тауарларды жарнамалау және ілгерілету, соның ішінде жарнамамызды, танымдық ақпаратты, құлақтандырулар мен хабарларды тарату; (2) біздің белсенділіктерімізге қатысу үшін тіркелуді жүзеге асыру; (3) сұрауларыңызды өңдеу үшін, сондай-ақ келісіміңізде тура көрсетілген өзге мақсаттарда.

Жеке деректерге қатысты келісімнің үлгісі

Қызметтерімізді пайдаланған кезде немесе жобаларымызға қатысу үшін, Сізден жеке деректерге қатысты келісім сұратылуы мүмкін. Әдетте біз келесі нысанды пайдаланамыз: «Сайтта нысанды толтырып, "Жіберу" түймешігін басқанда, 2013 жылғы 21 мамырдағы «Жеке деректер және оларды қорғау туралы» ҚР Заңына сәйкес, Сіз «Samsung Electronics Central Eurasia» (Самсунг Электроникс Орталық Еуразия) ЖШС-не (бұдан әрі – «Ұйымдастырушы») жеке деректеріңізді (жеке ақпаратыңызды), атап айтқанда тегіңізді, атыңызды және әкеңіздің атын, телефон нөміріңізді, электронды пошта мекенжайыңызды жинауға, өңдеуге, сақтауға, табыстауға (соның ішінде шекараралық), сондай-ақ ол ақпаратты осы жобаның шеңберінде, интернетті қоса алғанда, бұқаралық ақпарат құралдарында таратуға және пайдалануға өз келісіміңізді бересіз.

Жобаға қатысқанда, жобаға қатысушы сондай-ақ оның аты мен телефон нөмірі көлеміндегі байланыс деректерінің жарнамалық, маркетингтік және жаңалықтар таратылымдарын жүзеге асыру, сондай-ақ маркетингтік мақсаттарда өзге тікелей байланыстарды жүзеге асыру мақсатында Ұйымдастырушыдан үшінші тұлғаға табысталуына өз келісімін береді.

Келісім көрсетілген өңдеу мақсаттарына жету үшін қажет табысталған деректерді өңдеудің барлық түрлеріне, соның ішінде, бірақ онымен шектелмей: алуға, жазуға, сақтауға, нақтылауға, пайдалануға, табыстауға (соның ішінде қолданылатын заңнамаға сәйкес шекарааралық табыстауға), өшіруге, жоюға, өзге заңды тұлғаларға, соның ішінде «Cheil Kazakhstan» (Чейл Қазақстан) ЖШС мен Ұйымдастырушының өзге уәкілетті тұлғаларына таралады. Келісім Ұйымдастырушыға келісім берілген сәттен бастап, осы келісім қолданыстағы заңнамамен белгіленген тәртіпте қайтып алынған сәтке дейін қолданылады. 

Жеке деректерді табыстауға келісімнің берілмеуі жобаға әрі қарай қатысудың мүмкін емес екенін білдіреді».

Келісіміңізді беретін жағдайда, Сіз әр жағдайға қатысты ол бойынша келісіміңізді беру ұсынылған нысан бойынша келісесіз.

Біздің қызметтеріміздегі бөгде тұлғалар мен ұйымдарға сілтемелер және олардың өнімдері

Өнімдеріміз біздің бақылауымыздан тыс бөгде веб-сайттар мен қызметтерге сілтеме жасауы мүмкін. Біз басқа веб-сайттарда немесе қызметтерде жиналатын кез келген ақпараттың қауіпсіздігі немесе құпиясы үшін жауапкершілік көтермейміз. Абай болыңыз және өзіңіз пайдаланатын бөгде веб-сайттар мен қызметтерге қолданылатын құпиялық туралы мәлімдемелерді зерделеңіз. 

Біз сондай-ақ Сізге бөгде әзірлеушілердің белгілі бір өнімдеріне немесе қызметтеріне (мысалы, Samsung Apps дүкенінде қолжетімді қолданбаларға) қатынау мүмкіндігін беруіміз мүмкін. Samsung компаниясы ондай бөгде өнімдер немесе қызметтер үшін жауапкершілік көтермейді.

Біздің қызметтерде мазмұнды, жарнаманы немесе функцияларды ұсынатын бөгде әзірлеушілер

Біздің қызметтерде мазмұнның, жарнаманың немесе функциялардың бір бөлігін бізбен байланыспаған бөгде әзірлеушілер ұсынуы мүмкін. Мысалы:

  • Сізге SmartTV арқылы Netflix секілді компаниялар ұсынатын видеомазмұнды көруге қатынау мүмкіндігін береміз;
  • бөгде ұйымдар, біз ұсынатын Samsung Apps дүкенінде оларға қатынау мүмкіндігін беретін қолданбаларды әзірлейді;
  • кейбір бөгде ұйымдар жарнама көрсетуі немесе пайдаланушылар көретін жарнаманы, оны көру жиілігін және пайдаланушылардың ол жарнамаға реакциясын бағуы мүмкін;
  • біз Сізге Facebook, Twitter, Google + және LinkedIn секілді әлеуметтік желілердің қызметтерімен байланыс арқылы қызметтерімізде басқа адамдармен кейбір материалдарды ортаға салуға мүмкіндік береміз.

Ол бөгде ұйымдар Сіздің қызметтерді пайдалануыңыз туралы белгілі бір ақпаратты, соның ішінде cookie файлдары, веб-маяктар және сол іспетті технологиялардың көмегімен жинауы немесе алуы мүмкін. Ол ақпарат сондай-ақ ұзақ уақыт бойы жиналуы және басқа веб-сайттар мен басқа интерактивті қызметтерде жиналған ақпаратпен біріктірілуі мүмкін. Ол компаниялардың кейбірі клиенттерге нысаналы жарнама алуды таңдау мүмкіндігіне арналған салалық бағдарламаларға қатысады. Қосымша ақпарат алу үшін Желілік жарнама бағдарламасы (Network Advertising Initiative) [http://networkadvertising.org] және Цифрлық жарнама альянсы (Digital Advertising Alliance) [http://www.aboutads.info/] веб-сайттарына кіріңіз.Сіз әлеуметтік желінің қызметіне қосылған кезде, біз ол қызметтен Сізге кіруді орындауға мүмкіндік беретін аутентификациялық ақпаратты, сондай-ақ Сіз ол қызметтерге қосылғанда бізге ақпарат алуға мүмкіндік беретін басқа ақпаратты алуымыз және сақтап қалуымыз мүмкін. 

Сонымен қатар, егер Сіз әлеуметтік желінің қызметіне басқа адамдар пайдаланатын құрылғының көмегімен қосылатын болсаңыз, онда басқа пайдаланушылардың Сіз қосылатын әлеуметтік желінің қызметінде сақталған немесе Сіздің есептік жазбаңыз көрсетілген ақпаратты көруі ықтимал екеніне назар аударыңыз.

Cookie файлдары, веб-маяктар және сол іспетті технологиялар

Біз, сондай-ақ қызметтерімізде мазмұнды, жарнаманы немесе қандай да бір функцияларды ұсынатын белгілі бір бөгде ұйымдар, қызметтеріміздің біраз бөлігінде cookie файлдарын, веб-маяктар мен басқа технологияларды пайдалануымыз мүмкін.

Cookie файлдары

Cookie файлдары — Сіздің компьютеріңізде, теледидарыңызда, мобильді телефоныңызда немесе басқа құрылғыңызда ақпарат сақталатын шағын файлдар. Олар cookie файлын құрылғыңызға орналастырған ұйымға Сізді түрлі веб-сайттарда, қызметтерде, құрылғыларда және\немесе көру сеанстарында ажыратуға мүмкіндік береді. Cookie файлдары көптеген пайдалы міндеттерді орындайды. Мысалы:

  • Cookie файлдары Сізге қызметке әрбір қатынау кезінде оларды енгізу қажет болмауы үшін, кіруге арналған есептік деректеріңізді жадыда сақтай алады.
  • Cookie файлдары бізге және бөгде әзірлеушілерге қызметтеріміздің қай бөліктері неғұрлым танымал екенін түсінуге көмектеседі, өйткені олар бізге келушілердің қандай беттер мен функцияларға қатынау мүмкіндігін алатынын және пайдаланушылардың беттерде қанша уақыт өткізетінін көруге мүмкіндік береді. Ондай ақпаратты зерделеп, біз өз қызметтерімізді жақсырақ бейімдей және Сіздің олармен жұмысыңызды әлдеқайда жайлы ете аламыз.
  • Cookie файлдары бізге және бөгде әзірлеушілерге Сіз қызметке әр қатынаған сайын бір ғана жарнамалық хабарлама алмауыңыз үшін, қандай жарнаманы көргеніңізді түсінуге көмектеседі.
  • Cookie файлдары бізге және бөгде әзірлеушілерге, қандай қызметтерімізді алғаныңыз жайында, сондай-ақ басқа веб-сайттар мен қолданбалардың пайдаланғаныңыз туралы ақпарат жинау жолымен Сізге лайықты мазмұн және жарнамалық хабарламалар ұсынуға көмектеседі.

Сіз қызметтерге қатынау мүмкіндігіне веб-браузердің көмегімен ие болатын кезде, браузерді барлық cookie файлдарын қабылдауға, cookie файлдарын қабылдамауға немесе cookie файлын әрбір жіберу туралы құлақтандыруға баптауыңызға болады. Барлық браузерлер әр түрлі, сондықтан cookie файлдарына байланысты баптамаларды қалай өзгертуге болатынын білу үшін, өз браузеріңіздің «Анықтама» мәзірін қараңыз. Құрылғыңыздың операциялық жүйесіне cookie файлдарын басқарудың қосымша элементтері кіруі мүмкін.

Алайда, кейбір қызметтер өз жұмысында cookie файлдарын пайдалануға шақталған болуы және cookie файлдарын өшіру Сізге ол қызметтерді немесе олардың қандай да бір бөліктерін пайдалануға бөгет жасауы мүмкін екеніне назар аударыңыз.

Басқа оқшау сақтау

Біз, сондай-ақ белгілі бір бөгде әзірлеушілер, өз қызметтеріміздің жұмысында басқа оқшау сақтау технологияларын, мысалы, оқшау жалпы объектілерді (сондай-ақ «флэш-cookie» ретінде белгілі) және HTML5 оқшау қоймасын пайдалануымыз мүмкін. Ол технологиялар Сіздің құрылғыңызда сақталуы және іс-әрекеттеріңіз бен артықшылықтарыңыз туралы белгілі бір ақпаратты сақтау үшін пайдаланыла алатын жағынан жоғарыда айтылған cookie файлдарына ұқсайды. Алайда, бұл технологиялар құрылғыңыздың стандартты cookie файлдарымен пайдаланылатындарынан бөлек компоненттерін қолдануы мүмкін және оларды стандартты құралдардың және браузер баптамаларының көмегімен басқаруға мүмкіндігіңіз болмауы мүмкін. Флэш-cookie өшіру немесе оларда бар ақпаратты жою туралы толық ақпаратты мына жерден қараңыз.

Веб-маяктар

Біз, сондай-ақ белгілі бір бөгде әзірлеушілер, құрылғыңыздан серверге ақпарат жолдайтын, веб-маяктар (немесе «пиксельдер») деп аталатын технологияларды пайдалануымыз мүмкін. Веб-маяктар интерактивті мазмұнға, видео мен электронды пошта хабарларына кірістірілген болуы мүмкін және серверге құрылғыңыздан белгілі бір түрдегі ақпаратты оқуға, белгілі бір мазмұнды немесе нақты электронды пошта хабарын қашан қарағаныңызды анықтауға, веб-маякты қарау уақыты мен күнін, сондай-ақ құрылғының IP-мекенжайын анықтауға мүмкіндік бере алады. Біз және белгілі бір бөгде әзірлеушілер веб-маяктарды түрлі мақсаттарда, соның ішінде қызметтеріміздің пайдаланылуын талдау үшін және Сіз үшін неғұрлым лайық мазмұн мен жарнама ұсыну (cookie файлдарымен ұштастықта) үшін пайдаланамыз.

Біздің қызметтерімізге қатынау мүмкіндігіне болғанда және оларды пайдаланғанда, Сіз cookie файлдарын сақтауға, басқа оқшау сақтау технологияларын, веб-маяктарды және басқа ақпаратты өз құрылғыларыңызда сақтауға келісесіз. Сіз сондай-ақ біздің және жоғарыда аталған бөгде әзірлеушілердің сондай cookie файлдарына, оқшау сақтау технологияларына, веб-маяктарға және басқа ақпаратқа қатынауына келісесіз.

Қосымша ақпарат

Сұрақтарыңыз болса, бізге келесі мекенжай бойынша хабарласыңыз:

Samsung тәулік бойғы Бірыңғай қолдау қызметі:

Қазақстан 8-10-800-500-55-500 – кез келген аймақтан тегін қоңырау шалу

7799 – кез келген ұялы оператордан тегін қоңырау шалу

Өзбекстан 00-800-500-55-500 кез келген аймақтан тегін қоңырау шалу

7799 - кез келген ұялы оператордан тегін қоңырау шалу

Қырғызстан 00-800-500-55-500 - кез келген аймақтан тегін қоңырау шалу

9977- кез келген ұялы оператордан тегін қоңырау шалу

Тәжікстан 8-10-800-500-55-500 - кез келген аймақтан тегін қоңырау шалу

8888- кез келген ұялы оператордан тегін қоңырау шалу

Моңғолия 1800-25-55 - кез келген аймақтан тегін қоңырау шалу

Жазбаша хабарларға арналған пошталық мекенжай:

«Samsung Electronics Central Eurasia»

(САМСУНГ ЭЛЕКТРОНИКС ОРТАЛЫҚ ЕУРАЗИЯ) ЖШС

Қазақстан Республикасы, Алматы қаласы, Әл Фараби даңғылы, 36, Б блогы, 3-4-қабаттар

Тел: +7 (727) 321-12-12

 

Samsung Electronics Co., Ltd.

129 Samsung-Ro, Maetan-3dong, Yeongtong-gu, Suwon-si, Gyeonggi-do, Korea

Еуропадағы пайдаланушылар бізге мына мекенжай бойынша хабарласа алады:

Samsung Electronics (UK) Limited

Samsung House, 1000 Hillswood Drive, Chertsey, Surrey KT16 0PS

Еуропадағы пайдаланушылардың ақылы интерактивті қызметтер туралы сұрақтары болса, мына мекенжай бойынша хабарласу керек:

Samsung Electronics GmbH

Samsung House, Am Kronberger Hang 6, 65824 Schwalbach/Ts., Deutschland

Электронды пошта: http://help.content.samsung.com веб-сайтында «Байланыс ақпараты» бөлімі арқылы.

AdHub

SmartTV

[Гиперсілтемелер берілген негізгі терминдер]

[Дара іріктелген мазмұн мен ұсыныстарды беру]. Біз жиналған ақпаратты ішінара қызметтеріміздегі бұрынғы іс-әрекеттеріңізге негізделген дара іріктелген мазмұн мен ұсыныстар көрсету үшін пайдалануымыз мүмкін. Мысалы, Samsung Hub Сізге біздің пікірі бойынша, Сізді қызықтыруы мүмкін бөгде әзірлеушілердің видео, музыкасын, қолданбалары мен мазмұнын ұсынады. SmartTV теледидарыңыз Сізге қызықты болуы мүмкін видеоматериалдарды ұсынады. Ол қызметтерге қатысты қолжетімді құпиялық баптамалары туралы ақпарат алу үшін, [өз құрылғыңыздағы Баптамалар мәзірін немесе қызметті] ашыңыз.

[Сапаны арттыру және жаңа өнімдер мен қызметтерді әзірлеу]. Біз жиналатын ақпаратты ұсынатын өнімдеріміз бен қызметтерімізді жақсарту, сондай-ақ жаңа өнімдер мен қызметтер әзірлеу үшін, оларды пайдалану тәсілдеріңізді зерделеу үшін қолдануымыз мүмкін. Мысалы, бұл ақпарат құрылғыларымыздың дизайны мен құрылғыларымыздың және қызметтеріміздің көмегімен қол жеткізуге болатын Samsung және бөгде әзірлеушілердің мазмұнының таңдалымы туралы барынша негізді шешімдер қабылдау үшін пайдалануымыз мүмкін.

[Еншілес компаниялар]. «Еншілес компаниялар» термині Samsung Electronics Co. Ltd. корпорациясымен ортақ иеленушілер немесе басқарушылар арқылы байланысы бар компанияларға қатысты. Біздің еншілес компанияларымызға Samsung Electronics деген атауы бар компаниялар, мысалы, Samsung Electronics (UK) Limited жатады. Еншілес компанияларымызға сондай-ақ ортақ иеленумен немесе басқарумен байланысқан басқа компаниялар, мысалы, Samsung Information Systems America жатуы мүмкін. 

Samsung принтерлері мен көшіру аппараттары енді HP өнімдер желісіне жатады. HP Құпиялық туралы қағидасымен танысу үшін, келесі сілтеме бойынша көшіңіз: www.hp.com/go/privacy.

Дербестендіру қызметі үшін құпиялық туралы ескерім

Дербестендіру қызметін қосу

Дербестендіру қызметін пайдалану үшін Samsung account қажет. Сіздің Samsung account пен Дербестендіру қызметін пайдалануыңызға қатысты жалпы Samsung Құпиялық саясаты қолданылады, ол Интернетте https://account.samsung.com/membership/pp мекенжайы бойынша берілген (“Samsung Electronics Құпиялық саясаты”). Осы Құпиялық туралы ескерімде Дербестендіру қызметін пайдалануға байланысты сіздің жеке деректеріңіз қалай жиналуы, пайдаланылуы, табысталуы және сақталуы мүмкін екені туралы қосымша мәліметтер берілген. Бұл Ескерімді Samsung Құпиялық саясатымен бірге қарастыру керек. Осы Құпиялық туралы ескерімнің талаптары мен Samsung Құпиялық саясатының арасында қандай да бір сәйкессіздік немесе қайшылық болған жағдайда, осы Құпиялық туралы ескерімнің талаптары басым күшке ие болады.

Дербестендіру қызметі деген не?

Samsung барлық құрылғыларының, қолданбалары мен қызметтерінің (жеке-жеке — “Қызмет”, бірге — “Қызметтер”) негізгі міндеті — сіздің қалауларыңыз бен талаптарыңызды “интеллектуалдық” болжау жолымен сізге дара қажеттіліктеріңізге сәйкес қызметтер ұсыну. Samsung Дербестендіру қызметі өзіңіз және сіздің Қызметтерді пайдалануыңыз туралы алынған ақпараттың негізінде, соның ішінде мазмұн мен ұсыныстамаларды дара іріктеудің арқасында, пайдаланушының мүмкіншіліктерін кеңейтеді. Мысалы, Дербестендіру қызметі Samsung дауысты ажырату қызметін пайдаланған уақытта немесе сіз жаңбырлы күні тыңдаған музыканы кейіннен ұсыну үшін жадыда сақтап қалып, арнайы іріктелген кеңестер мен мәліметтерді ұсынып, сіздің басқа Қызметтермен жұмысыңызды анағұрлым тиімді ете алады. Ол аз болса, егер сіз “Мен үйге жақындап қалғанда, су сатып алуды есіме салу” деген өтініш жасасаңыз, Дербестендіру қызметі оны жадында сақтап қалады және сіз үйіңізге жақындап қалған кезде, су сатып алуды есіңізге салады.

Дербестендіру қызметі сіз туралы қандай ақпарат жинауы мүмкін?

Дербестендіру қызметі сіз туралы неғұрлым көп білген сайын, ол сіз үшін өзекті мазмұн мен ақпаратты соғұрлым жылдам әрі нақты іріктей алады. Дербестендіру қызметі сіздің әуестіктеріңіз, артықшылықтарыңыз және орналасқан жеріңіз туралы білетін болуға тиіс. Бұл үшін ол төменде суреттелгендей, сіз туралы әр түрлі текті мәліметтерді жинайды және талдайды.

  • Құрылғы туралы мәліметтер. Дербестендіру қызметі сіздің құрылғыңыздың бірегей сәйкестендіру деректерін, баптамалар (мысалы, тіл және бұғаттау) туралы ақпарат, жай-күйі (мысалы, басқа құрылғыларға қосылыстар) туралы ақпарат және сіздің құрылғыларыңыз туралы басқа мәліметтер жинауы мүмкін. Дербестендіру қызметі сондай-ақ құрылғыда қандай қолданбалар орнатылғанын немесе нақты сәтте жұмыс істеп тұрғанын тексеруі мүмкін. Сонымен қатар, Дербестендіру қызметі сіздің Samsung account қосылған құрылғыларды қалай, қашан және қаншалықты ұзақ пайдаланатыныңыз туралы мәліметтерді, соның ішінде сіздің Қызметтерді, сондай-ақ құрылғылардағы бөгде қолданбалар мен қызметтерді пайдалануыңыз (мысалы, құрылғылардағы қолданбалар тізімі, құрылғыларда ойнатылған музыка, кірген веб-сайттар, іздеу сұраулары) туралы мәліметтерді жинауы мүмкін.
  • Музыка мен фотографиялар туралы мәліметтер. Дербестендіру қызметі сіз бұрын ойнатқан немесе құрылғыда сақтаған музыканың атаулары, жанрлары мен орындаушылары секілді мәліметтерді, сондай-ақ сіздің фотографияларыңыздың түсірілген уақыты мен орны туралы мәліметтер жинауы мүмкін.
  • Байланыстар және коммуникациялар туралы деректер. Дербестендіру қызметі сіздің байланыстар тізіміңізге қатынау мүмкіндігіне ие болуы, сондай-ақ сізге қажетті қызметтер көрсету үшін кіріс және шығыс қоңыраулардың, мәтіндік хабарлардың тарихын жинауы және талдауы, соның ішінде сіздің басқа адамдармен (мысалы, туыстарыңызбен және достарыңызбен) байланыстарыңызды анықтауы, қандай байланыстардың сіз үшін неғұрлым маңызды екенін, кім сізге бәрінен жиі хабарласатынын, сіздің қандай байланыс тәсілдерін артық көретініңізді айқындауы мүмкін. Қызмет сондай-ақ жиналған ақпаратты маңызды байланыстар туралы мәліметтерді (мысалы, өткізіп алынған қоңырауларды) көрсету және сіз дауысты ажырату функциясын пайдалану кезінде атайтын байланыстарды табу үшін пайдаланады.
  • Күнтізбе деректері. Дербестендіру қызметі сіздің құрылғыңыздағы күнтізбеге қатынау мүмкіндігіне ие болуы, сіздің артықшылықтарыңызды зерделеу, ерекше оқиғаларды жазып алу және сіздің жүрген жеріңізді анықтау үшін оның деректерін жинауы және талдауы мүмкін.
  • Веб-беттерді қарау тарихы. Дербестендіру қызметі сіздің әуестіктеріңіз бен артықшылықтарыңыз туралы білу, ең өзекті іздеу нәтижелерін және контекстіне қарай неғұрлым маңызды ақпаратты көрсету, сізге осы Құпиялық туралы ескерімде суреттелген басқа қызметтерді ұсыну үшін, сіздің веб-беттерді қарау тарихыңызға қатынау мүмкіндігіне ие болуы, сондай-ақ ол деректерді (мысалы, қаралған веб-сайттарды, іздеу сұрауларын, бүктемелерді) жинауы және талдауы мүмкін. Қызмет құпия режимде (“инкогнито” режимі немесе жекеше режим) ашылған веб-беттерде іздеу сұраулары туралы мәліметтер жинамайды.
  • Орналасқан жері туралы ақпарат. Дербестендіру қызметі мезгіл-мезгіл Bluetooth және Wi-Fi сигналдарының, күнтізбе жазбаларының, сондай-ақ басқа технологиялар мен деректердің көмегімен белгілі бір мақсаттар үшін, мысалы, орналасқан жерге байланысты құлақтандырулар мен сіз сұрататын мәліметтер беру үшін, құрылғыңыздың нақты географиялық орналасуы туралы ақпаратты және орналасқан жеріңізге қатысты басқа мәліметтерді біліп, алып отыруы және талдауы мүмкін. Дербестендіру қызметі геолокациялық деректерді жинай алуы үшін, құрылғыда орналасқан жердің баптамалары қосулы болуға тиіс. Осыға байланысты Дербестендіру қызметі кей жағдайларда сізден сондай баптамаларды қосуы сұратуы мүмкін.
  • Samsung account, “Менің профилім” және Қызметтердің деректері. Дербестендіру қызметі Samsung account сақталған немесе Samsung account байланысты мәліметтерді (мысалы, Samsung account ИД, байланыс деректерін, атын,туған жылын, жынысын), сондай-ақ “Менің профилім” бөлімінде көрсетілген мәліметтерді жинауы және талдауы мүмкін. Дербестендіру қызметі сондай-ақ сіздің Қызметтерді пайдалануыңызға қатысты ақпаратты, мысалы, Samsung қолданбаларын пайдалану тарихын, дауыс ажырату қызметінің көмегімен орындалған дауыстық әмірлерді, еске салу функциясының көмегімен бапталған құлақтандыруларды және сізге берілген ауа-райы туралы мәліметтерді жинауы және талдауы мүмкін.
  • Бөгде өндірушілердің қосылған қолданбаларына және қызметтеріне қатысты ақпарат. Егер сіз бөгде қолданбаға немесе қызметке қосылуға рұқсат еткен болсаңыз, Дербестендіру қызметі дербестендірілген функциялар ұсыну үшін, сіздің ондай қолданба мен қызметті пайдалануыңыз туралы деректерді пайдалана алады.

Жоғарыда аталған ақпаратпен қатар, Дербестендіру қызметі сондай-ақ, құрылғыларыңыз бен қолданбаларыңыз туралы, сіздің Қызметтерді пайдалануыңыз туралы басқа мәліметтерді жинауы мүмкін. Мұндай жинау біз сізге ақпарат жинау сәтінде жеткізетін тәсілдермен немесе сіздің рұқсатыңызбен басқа тәсілмен жасалады. Сіз Дербестендіру қызметі жеке деректердің кейбір түрлерін, мысалы, қоңыраулар мен мәтіндік хабарлар тарихыңызды, геолокациялық деректеріңізді, веб-беттерді қарау тарихыңызды қалай пайдалануға және талдауға тиіс екенін көрсете аласыз. Сіздің сондай-ақ Дербестендіру қызметіне жеке деректеріңізді жарнама мақсаттары үшін пайдалануға тыйым салуға мүмкіндігіңіз бар. Толық мәліметтерді төмендегі “Сіздің құқықтарыңыз және мүмкіншіліктеріңіз” бөлімінен қараңыз.

Жиналған мәліметтер қалай пайдаланылады?

Дербестендіру қызметі жоғарыда аталған ақпаратты автоматтандырылған жүйенің көмегімен талдайды және талдау жасалған деректерді Қызметтерге және сізден тиісті рұқсат алған бөгде қолданбаларға келесі мақсаттар үшін береді:

• сізге дербестендірілген мазмұн мен ақпарат ұсыну;

• сізге үздік сапалы Қызметтер ұсыну тәсілдерін зерделеу;

• Қызметтерді жақсарту және жетілдіру;

• сізге қызықты болуы мүмкін өнімдер мен қызметтердің дербестендірілген жарнамалық хабарламаларын көрсету;

• сіздің бөлек келісіміңізбен, сізге электронды пошта бойынша немесе PUSH-құлақтандырулар арқылы сіздің әуестіктеріңіздің негізінде таңдалған өнімдер мен қызметтер (Samsung компаниясының және бөгде өндірушілердің) туралы хабарлау.

Сіз белгілі бір ақпарат жинауды және пайдалануды төменде “Сіздің құқықтарыңыз бен мүмкіншіліктеріңіз” бөліміндегі суреттеме бойынша тоқтата аласыз. Назар аударыңыз: Дербестендіру қызметін қолдау үшін Қызметтердің әрқайсысына белгілі бір ақпарат қажет болатындықтан, пайдаланушының оңтайлы жұмыс жағдайлары тек сіз Дербестендіру қызметіне бүкіл ақпаратқа қатынауға рұқсат еткен жағдайда ғана мүмкін болады.

Дербестендірілген жарнама және тікелей маркетинг

Дербестендіру қызметі сіздің әуестіктеріңіздің негізінде таңдалған өнімдер мен қызметтер (Samsung компаниясының және бөгде өндірушілердің) туралы жарнама және дербестендірілген хабарлар (жиынтығында – “Жарнама”) ұсыну үшін, уақыт өте келе сіздің Қызметтерді пайдалануыңыз және желіде түрлі бөгде жеткізушілердің веб-сайттары мен қолданбаларындағы, сондай-ақ түрлі құрылғылардағы іс-әрекеттеріңіз туралы ақпаратты жинауы, талдауы және табыстауы мүмкін. Біз ол қолданылатын заңдармен көзделген жағдайларда тікелей маркетинг мақсаттары үшін жеке деректерді өңдеуге сіздің келісіміңізді сұратамыз. Сіз Дербестендіру қызметіне ондай ақпаратты дербестендірілген Жарнама ұсыну үшін пайдалануға тыйым сала аласыз. Ол үшін Samsung account бөлімінің “Менің профилім” > “Samsung account баптау” баптамалар мәзіріне ауысыңыз және “Дербестендіру қызметі пайдаланылатын жарнама” параметрін ажыратыңыз. Назар аударыңыз: бұл параметрдің ажыратылғаны Samsung компаниясынан бүкіл (соның ішінде дербестендірілген) Жарнаманы көрсетудің тоқтатылатынын білдірмейді. Егер оны басқа Қызметтерде алуға келіскен болсаңыз, сіз Samsung ұсынатын Жарнаманы бұрынғысынша көре беруіңіз мүмкін. Ондай Жарнамадан басқа Қызметтерде қалай бас тартуға болатыны туралы көбірек білу үшін, тиісті Қызметтің баптамалар мәзіріне ауысыңыз.

Дербестендіру қызметін пайдаланатын жарнама

Егер бұл параметр ажыратылса, аталған Дербестендіру қызметтері сізге өзіңіз үшін неғұрлым пайдалы болуы мүмкін дара іріктелген жарнамалық хабарламалар мен тікелей маркетингтік хабарлар (жиынтығында – “Жарнама”) ұсыну үшін пайдаланылмайтын болады. Назар аударыңыз: бұл параметрдің ажыратылғаны Samsung компаниясынан бүкіл (соның ішінде дербестендірілген) Жарнаманы көрсетудің тоқтатылатынын білдірмейді. Егер оны басқа Samsung құрылғыларында, басқа Samsung қолданбаларында және\немесе қызметтерінде (жеке-жеке — “Қызмет”, жиынтығында — “Қызметтер”) алуға келіскен болсаңыз, сіз Samsung ұсынатын Жарнаманы бұрынғысынша көре беруіңіз мүмкін. Ондай Жарнамадан басқа Қызметтерде қалай бас тартуға болатыны туралы көбірек білу үшін, тиісті Қызметтің баптамалар мәзіріне ауысыңыз.

Дербестендіру қызметін пайдаланатын жарнама

Егер бұл параметр ажыратылса, аталған Дербестендіру қызметтері сізге өзіңіз үшін неғұрлым пайдалы болуы мүмкін дара іріктелген жарнамалық хабарламалар мен тікелей маркетингтік хабарлар (жиынтығында – “Жарнама”) ұсыну үшін пайдаланылмайтын болады. Назар аударыңыз: бұл параметрдің ажыратылғаны Samsung компаниясынан бүкіл (соның ішінде дербестендірілген) Жарнаманы көрсетудің тоқтатылатынын білдірмейді. Егер оны басқа Samsung құрылғыларында, басқа Samsung қолданбаларында және\немесе қызметтерінде (жеке-жеке — “Қызмет”, жиынтығында — “Қызметтер”) алуға келіскен болсаңыз, сіз Samsung ұсынатын Жарнаманы бұрынғысынша көре беруіңіз мүмкін. Ондай Жарнамадан басқа Қызметтерде қалай бас тартуға болатыны туралы көбірек білу үшін, тиісті Қызметтің баптамалар мәзіріне ауысыңыз.

Дербестендіру қызметі жинаған ақпаратты қалай жоюға болады?

Дербестендіру қызметі жинаған және талдау жасаған ақпарат сіз өзіңіздің Samsung account есептік жазбаңызды жойған кезде жойылады. Сіздің кез келген уақытта, тіпті Samsung account бөлімін жойғанға дейін, Дербестендіру қызметі жинаған және талдау жасаған деректердің нақты санаттарын жоюды сұратуыңызға болады. Ол үшін Samsung account бөлімінде құпиялық баптамаларының мәзірін пайдаланыңыз. Назар аударыңыз: бірқатар жағдайларда біздің серверлерде ақпаратты толық жою біраз уақыт алуы мүмкін.

Егер мен Дербестендіру қызметі жинаған ақпаратты жойсам немесе Дербестендіру қызметінің кейбір ақпарат түрлерін жинауын тоқтатсам, не болады?

Егер сіз жиналған ақпаратты жойсаңыз, Дербестендіру қызметі ұсынатын дара іріктелген мазмұнның дәлдігі және\немесе сапасы нашарлауы мүмкін. Сонымен қатар, кейбір дербестендіру функцияларына сіз жойған немесе Дербестендіру қызметіне қатынауға тыйым салған мәліметтер қажет болуы мүмкін және ондай функциялардың жұмысын тек сіз Дербестендіру қызметіне қажетті мәліметтер жинауға және пайдалануға қайта рұқсат еткеннен кейін қайта жаңғыртуға болады.

Жеке деректеріңізді/дербес деректеріңізді кімге жария етеміз? 

Біз, осы Құпиялық туралы ескерімде және Құпиялық саясатында баяндалған жағдайларды қоспағанда, сіз туралы жеке деректерді/дербес деректерді Дербестендіру қызметі арқылы үшінші тараптарға жария етпейміз. Біз жеке деректеріңізді өзіміздің еншілес бөлімшелерімізге, үлестес тұлғаларымызға және бізге Дербестендіру қызметінің жұмысын қамтамасыз етуге көмектесетін бөгде қызметтер жеткізушілерге беруіміз мүмкін. Біз дербес деректеріңізді Құпиялық саясатына және қолданылатын заңнамаға сәйкес өңдейміз, сақтаймыз және өзге операцияларды жасаймыз.

Жеке деректеріңізді/дербес деректеріңізді қорғау тәсілдері

Біз Қызметтер және Дербестендіру қызметі арқылы алатын жеке деректерді/дербес деректерді қорғау үшін, арнайы әкімшілік, техникалық және физикалық қауіпсіздікті қамтамасыз ету шаралары пайдаланылады. Бұл заңсыз немесе рұқсатсыз жоюдың, килігудің, жоғалтудың, өзгертудің, қатынаудың, жария етудің және пайдаланудың алдын алуға мүмкіндік береді.

Сіздің құқықтарыңыз және мүмкіншіліктеріңіз

Samsung сіздің таңдауыңызды қадірлейді және сізге ақпаратты басқарудың түрлі тәсілдерін ұсыну үшін қажеттінің бәрін жасайды. Сіз кез келген уақытта Samsung account бөлімінің баптамалар мәзірінде “Дербестендіру қызметі” параметрінің көмегімен Дербестендіру қызметін ажырата аласыз. Мұндай жағдайда, Samsung дербестендірілген мазмұн мен мәліметтер ұсынуды тоқтатады, сондай-ақ Дербестендіру қызметінің ақпаратыңызды жинауы және талдауы тоқтатылады. Сонымен қатар, егер сіз жоғарыда “Дербестендірілген жарнама және тікелей маркетинг” бөлімінде суреттелген баптамаларды өзгертсеңіз, Дербестендіру қызметі жинаған және талдау жасаған ақпарат енді жарнамалық мақсаттар үшін пайдаланылмайтын болады.

Оған қоса, сіз Дербестендіру қызметінің мәліметтердің қандай санаттарын жинауына және талдауына болатынын және оның қандай Қызметтерде қолдау көруге тиіс екенін көрсете аласыз. Бұл орайда ешқандай келесідегі іс-әрекеттер Дербестендіру қызметі енді жинап және талдау жасап қойған ақпаратқа ықпал ете алмайды және Дербестендіру қызметін ажырату қызмет бұрын жинаған және талдау жасаған ақпараттың жойылуына әкеліп соқпайды. Дербестендіру қызметі ажыратылғаннан кейін, сіз Қызметтердің әрқайсысының стандартты функцияларын бұрынғыдай пайдалана аласыз. Төменде көрсетілген нұсқалардың кез келгендерін пайдаланыңыз.

• Samsung account қосылған әрбір жеке алынған құрылғыда Дербестендіру қызметінің баптамаларын өзгерту үшін, келесі пункттерді таңдаңыз.

- Смартфондар/планшеттер: “Баптамалар” > “Бұлт және есептік жазбалар” > “Есептік жазбалар” > “Samsung account” > “Құпиялық” > “Дербестендіру қызметі”

• Samsung account қосылған барлық құрылғыларда Дербестендіру қызметінің баптамаларын өзгерту үшін, келесі пункттерді таңдаңыз.

- Веб-сайт: https://account.samsung.com > “Жеке деректердің баптамалары”

- Смартфондар/планшеттер: “Баптамалар” > “Бұлт және есептік жазбалар” > “Есептік жазбалар” > “Samsung account” > “Менің профилім” > “Samsung account баптау” > “Дербестендіру қызметі”

Жоғарыда көрсетілген баптамалар пункттері Дербестендіру қызметін қолдайтын құрылғылардың жаңғыртылған немесе жаңа модельдерінде өзгертілуі мүмкін. Назар аударыңыз: сіздің дербестендірілген пайдалану шарттарыңыз Дербестендіру қызметі ажыратылған жағдайда өзгеруі мүмкін.

Мобильді құрылғылар үшін толықтыру

Samsung компаниясының мобильді құрылғылары, тасымалданбалы құрылғылары және олармен байланысты басқа технологиялары мен қызметтері (бірге «Мобильді құрылғылар» деп аталады) пайдаланушыларға өз денсаулығы мен физикалық жай-күйін бақылауға және жақсартуға, пайдаланушылық интерфейсті оңтайландыруға, мобильді технологиялардың көмегімен төлемдерді жүзеге асыруға және өзінің Мобильді құрылғысын дауыстық әмірлер арқылы басқаруға мүмкіндік беретін функцияларды қоса алғанда, функциялардың жалпақ жиынын ұсынады. Сіз Мобильді құрылғыларымызды пайдаланатын кезде, біз Құпиялық саясатында суреттелген тәртіпте ақпаратыңызды жинаймыз, пайдаланамыз, табыстаймыз және сақтаймыз. Осы Толықтыруда сізге Мобильді құрылғыларға арналған өз функцияларымызлы ұсыну үшін ол ақпаратты қалай пайдаланатынымыз туралы егжей-тегжейлі мәліметтер берілген.

Мобильді құрылғыңыз туралы стандартты ақпарат

Ақпарат жинау өзіңіздің Мобильді құрылғыңызды іске қосқан немесе Интернет желісіне қосылған кезде қолжетімді оның функцияларын пайдаланатын кезде жүреді. Келесі мәліметтер жиналады: IP-мекенжай, операциялық жүйенің нұсқасы, аймақтық және тіл баптамалары, сондай-ақ IMEI және құрылғының басқа бірегей идентификаторлары секілді сіздің Мобильді құрылғыңыз туралы ақпарат. Бұған сондай-ақ сіздің өз Мобильді құрылғыңызды қалай, қашан және қаншалықты ұзақ пайдаланатыныңыз туралы ақпарат жатады.

Құпиялық саясатында көрсетілгендей, біз Мобильді құрылғыңыз туралы стандартты ақпаратты қызметтер мен функциялардың жұмысын және техникалық сүйемелдеуді қамтамасыз ету және жетілдіру үшін пайдаланамыз және сіздің Мобильді құрылғыңыз туралы стандартты ақпаратты бизнес-серіктестерімізге, мысалы, сіздің сымсыз байланыс операторыңызға немесе біздің атымыздан қызметтер көрсететін қызметтерді жеткізушілерге табыстауымыз мүмкін.

Үшінші тұлғалар

Сіз үшінші тұлғалар, соның ішінде сымсыз байланыс операторыңыз ұсынатын функцияны пайдаланатын кезде, ол жеткізуші Сіздің Мобильді құрылғыңыз (мысалы, құрылғының IP-мекенжайы мен идентификаторлары), сұратылған операция (мысалы, мазмұнды сатып алу немесе пайдалануға алу туралы сұрауыңыз) және қолданбаны немесе қызметті пайдалануыңыз туралы ақпаратты жинауы немесе алуы мүмкін екеніне назар аударыңыз. Сондай-ақ Қазақстан Республикасының қолданыстағы заңнамасына сәйкес оператор және мемлекеттік органдар сымсыз байланыс желілерін пайдаланушыны тіркеуге арналған IMEI-кодтардың тіркелуін талап етуі мүмкін. Samsung компаниясы ондай жеткізушілер қолданатын құпиялықты немесе қауіпсіздікті қамтамасыз ету әдістері үшін жауапкершілік көтермейді. Абай болыңыз және өзіңіз пайдаланатын бөгде веб-сайттар мен қызметтерге қолданылатын құпиялық туралы мәлімдемелерді зерделеңіз.

Ерекше функциялар

Осы Толықтыруда суреттелген кейбір функциялардың қолжетімдігі сіздің модельдің нұсқасына, сіздің қызметтерді жеткізушіңізге және сіздің тұратын жеріңізге байланысты екеніне назар аударыңыз.

Samsung Health

Samsung Health қолданбасы, қосылған қолданбалар мен оған қатысты аксессуарлар (бірге «Samsung Health» деп аталады) салауатты өмір салтына ынталандыру үшін арнайы әзірленген «барлығы біреуінде» пакетін құрайды. Samsung Health пакетінің көмегімен өзіңіздің күнделікті белсенділігіңізді қадағалап, фитнесс бойынша күнделікті мақсаттар мен бақылау нүктелеріне жету жөнінде нұсқаулықтар мен ұсыныстамалар ала аласыз, пульс, SpO деңгейлері мен стресс деңгейі секілді факторларды өлшей және бақылай аласыз. Samsung Health үшін деректерді өңдеудің мақсаты – сіздің физикалық бітіміңізді жақсартуға болысу үшін, Samsung есептік жазбасы бар пайдаланушылар үшін деректерді резервтеу және синхрондау қызметтерін қоса алғанда, сіз сұрататын қызметтерді немесе функцияларды ұсыну, сондай-ақ Samsung Health пакетінің өзі мен оның қолданбаларын жетілдіру. Деректерді жинау не Мобильді құрылғыңыздағы датчиктер арқылы, не сіз тиісті Мобильді құрылғыға, қолданбаларға немесе аксессуарларға өзіңіздің жеке деректеріңізді енгізетін сәтте жүзеге асырылады.

Ақпаратыңызды өңдеу тәртібі туралы қосымша ақпаратты Samsung Health Құпиялық саясатынан қараңыз, оған қатынау мүмкіндігін Samsung Health қолданбасындағы баптамалар мәзірінде алуға болады.

Жақсартылған функциялар

Жақсартылған функциялар – достарыңызбен араласу және ақпарат алмасу мүмкіндігін оңайлату және оңтүстік мақсатында әзірленген қызметтер пакеті. Қазіргі сәтке қарай қолжетімді жақсартылған функцияларға, мысалы, оның арқасында, сіз өз профиліңізден ақпаратпен бөлісіп, өз достарыңыздан суреттерді қарай алатын профильдің деректерімен алмасу функциясы, сондай-ақ достарыңызбен файлдармен жай алмасу үшін жай ақпарат алмасу функциясы кіреді.

Сізге жақсартылған функцияларды ұсыну мүмкіндігіне ие болу үшін, бізге келесі деректерді жинау қажет: телефон нөміріңіз, байланыстар тізіміңізден ақпарат және хабарларға қатынау мүмкіндігі.

Жақсартылған функцияларды түгелдей ажыратуыңызға немесе, альтернативті нұсқа ретінде, Мобильді құрылғының «Байланыстар» бөлімінде өз профиліңізге өтуіңізге және пайдаланғыңыз келетін қызметтерді таңдауыңызға болады. Сонымен қатар, жақсартылған функцияларды пайдаланудың таңдалған нұсқасына қарай, сіз деректердің қандай санатымен және кіммен алмасатыныңызды көрсете аласыз.

Samsung Pay

Samsung Pay — өзіңіздің үйлесімді Мобильді құрылғыңызды пайдаланып, кредиттік немесе дебеттік карта бойынша сауда жасаудың оңай әрі қауіпсіз тәсілі. Бүгінгі таңда бұл қолданба Қазақстан Республикасы үшін қолжетімсіз, оны Қазақстан Республикасының аумағынан тыс пайдаланған кезде, нақты елге арналған пайдалану шарттарымен толық танысыңыз. Сіз Samsung Pay қызметін пайдалана алуыңыз және картаны тіркеу процесін бастауыңыз үшін, сіздің Мобильді құрылғыңыздан банкке сәйкестендіру және растау үшін табысталатын болады. Ондай деректерге біздің серверлеріміз арқылы сіздің банк картаңыздың эмитентіне жіберілетін Samsung есептік жазбасы туралы ақпарат және Samsung Pay пайдалану туралы деректер, құрылғы, егер орналасқан жерді айқындауға арналған баптамалар іске қосулы болса, орналасқан жері (яғни, сіз картаны тіркеу сәтінде тұрған жер) туралы ақпарат, карта туралы ақпарат және шот мәлімдеуге арналған деректемелер жатады. Бұл ақпарат сіздің Мобильді құрылғыңызбен шифрланады және Samsung серверлері арқылы банкіңізге жіберіледі. Біз ешқашан карталардың деректемелеріне немесе банктік деректемелерге қатынауды жүзеге асырмаймыз.

Мобильді құрылғыңыз тіркелгеннен кейін, сіздің Мобильді құрылғыңыздың, картаңыздың эмитентінің және банктің арасындағы операциялар бойынша барлық деректерді жолдау қауіпсіз режимде жүретін болады. Соңғы операциялардың тарихын Мобильді құрылғыңыздан қарауға болады, ол тек сізге, банкіңізге және картаңыздың эмитентіне белгілі болады. Біз не жасаған операцияларыңыз туралы, не операцияларды өткізу үшін пайдаланылған құрылғылар немесе шоттар туралы ақпарат жинамаймыз. Алайда, біз пайдаланушылардың Samsung Pay қалай пайдаланатынын түсіну және ол қызметті клиенттеріміз үшін әлдеқайда ыңғайлы және пайдалы етіп, оны жетілдіру мүмкіндігіне ие болу үшін, сіздің Samsung Pay көмегімен сатып алуға талпыныстарыңыз туралы жиналған ақпаратты біріктіруіміз және дербессіздендіруіміз (барлық дербес деректерді кетіріп) мүмкін.

Ақпаратыңызды өңдеу тәсілі туралы қосымша ақпаратты Samsung Pay Құпиялық саясатынан қараңыз, оған қатынау мүмкіндігін Samsung Pay қолданбасында баптамалар мәзірінде алуға болады.

Дауыстық қызметтер

Өзіңіздің Мобильді құрылғыңызды басқаруды және көп функцияларды пайдалануды дауыстық әмірдердің көмегімен жасай аласыз.

Модельге және аймаққа қарай, сіз өзіңіздің Мобильді құрылғыңызға белгілі бір функцияларды іске қосуға, мысалы, ойнату тізімінен әндерді ойнатуға немесе S Voice қызметінің көмегімен желіден іздеуді орындауға әмір бере аласыз. Ол аз болса, сіз сенсорлық интерфейстің көмегімен орындайтын барлық іс-әрекеттерді сіз дауыстық әмірлер және Bixby дауысты көмекшісі арқылы жасай аласыз. Сіздің сондай-ақ S Translator қолданба-аудармашысын пайдалануыңызға, Voice Memo қолданбасының көмегімен дауыспен еске салуды жазуыңызға немесе Car Mode режимін қосып, және өзіңіздің Мобильді құрылғыңызға
дауыспен әмір беріп, функцияларды автомобильді жүргізіп келе жатқан кезде іске қосуыңызға болады.

Дауыстық қызметтерді қолдау үшін, кейбір дауыстық әмірлер дауыстық әмірлеріңізді мәтінге түрлендіретін бөгде қызметтерді жеткізушілерге табысталатын болады (құрылғыңыз және құрылғының идентификаторларын қоса алғанда, оны пайдалану туралы ақпаратпен бірге). Сонымен қатар, сізге дауыстық қызметтерді ұсына алуымыз, сондай-ақ функцияларды бағалауға және жетілдіруге мүмкіндігіміз болуы үшін, Samsung компаниясы дауыстық әмірлер мен оларға байланысты мәтінді жинауы, ал құрылғыңыз оларды тіркеуі мүмкін.

Samsung жарнамалық идентификаторы

Мобильді құрылғыңызда көрсетілетін мазмұн және жарнама сіздің әуестіктеріңізге сәйкес келуі үшін, біз өз Мобильді құрылғыңызды және қызметтерді қалай пайдаланатыныңыз туралы ақпарат жинайтын боламыз.

Дара іріктелген маркетингтік материалдар беру мақсаттарында жиналатын сіздің Мобильді құрылғыны пайдалануыңыз туралы ақпарат кездейсоқ тәртіпте таңдалатын, тұрақсыз және қайтарылатын, Samsung жарнамалық идентификаторы деп аталатын құрылғының идентификаторына байланатын болады. Сіз
Samsung жарнамалық идентификаторын қайтаруды кез келген уақытта мобильді құрылғының баптамалар мәзірінен орындай аласыз және дара іріктелген маркетингтік материалдар оның негізгі ұсынылған бұрынғы пайдаланғаныңыз туралы ақпарат енді идентификаторға байланбайтын және жаңа Samsung жарнамалық идентификаторы үшін жиналатын деректерден бөлектенетін болады. Алайда, Samsung жарнамалық идентификаторы қайтарылған жағдайда, дара іріктелген маркетингтік материалдар әуестіктеріңізге сәйкес келмеуі мүмкін екеніне назар аударыңыз. Сіз сондай-ақ дара іріктелген маркетингтік материалдар алудан кез келген уақытта өзіңіздің Мобильді құрылғыңызда Samsung қызметінің тиісті қолданбасында баптама мәзірінен бас тарта аласыз.

Алайда, тіпті дара іріктелген маркетингтік материалдар алудан бас тартсаңыз да, бәрібір өзіңіздің мобильді құрылғыңызда жарнамалық хабарламалар мен маркетингтік материалдардың басқа түрлерін алатын боласыз. Бір ғана айырмашылығы, ол жарнамалық хабарламалар сіздің мобильді құрылғыны пайдалануыңыз туралы ақпараттың негізінде іріктелмейтін болады.

Samsung компаниясы сіздің Мобильді құрылғыны пайдалануыңыз туралы ақпаратты осы Құпиялық саясатының негізгі мәтінінде суреттелген басқа мақсаттарда жинауы мүмкін екенін ұмытпаңыз.