Samsung Air Dresser бу шкафының дисплейіндегі «Қақты кетіру қажет» хабарлама

Соңғы жаңартулардың күні : 06.03.2025

«Descaling Required»/«Қақты кетіру қажет» хабары нені білдіреді

Қақты кетіру функциясын іске қосу қажет.

Қақты не үшін кетіру керек

Бұйымның өнімділігін арттыру және қызмет ету мерзімін ұзарту үшін қақты үнемі кетіріп тұру керек.

Егер хабар шыққаннан кейін бірден қақ кетіру жасалмаса, онда кейбір функциялар қолжетімсіз болып қалуы мүмкін.

Қақтың пайда болуын азайту үшін шкафқа дистилденген немесе кері осмос сүзгісімен тазартылған суды құйыңыз.

Қақты қалай кетіру керек

Қақты кетіру барысында діріл және шу пайда болуы мүмкін. Бұл қалыпты жағдай,  құрылғының ақаулығы емес.

1 Есікті ашып, шкафтан барлық заттарды алыңыз.
2 «Гигиена» және «Кептіру» түймелерін 3-5 секунд бойы басып тұрыңыз.
3 Толтыру және ағызу резервуарынан суды толығымен ағызыңыз.
4 Өндірушінің ұсынымдарына сәйкес қақты кетіруге арналған затты сұйылтыңыз (ұсынымдар қаптамада көрсетілген).
5 Ерітіндіні толтыру резервуарына MAX (МАКС.) белгісіне дейін құйыңыз. Есікті жабыңыз.
6 «Бастау/Үзіліс» түймесін 3-5 секунд басып тұрыңыз. Қақты кетіру процесі басталады.
Егер дисплейде «Суды ағызыңыз» деген хабар пайда болса, есікті ашып, ағызу резервуарынан суды ағызыңыз.
7 Дисплейде «Суды қосыңыз/ағызыңыз» хабары пайда болған кезде, екі резервуардан да суды ағызыңыз да, оларды жақсылап жуыңыз.
8 Толтыру резервуарына таза суды MAX (МАКС.) белгісіне дейін құйыңыз, содан кейін резервуарларды орнына орнатыңыз.
9 Дисплейде «Судың бар екендігі тексерілді» хабары пайда болғанда, «Бастау/Үзіліс» түймесін басып тұрыңыз.
Егер дисплейде «Суды ағызыңыз» деген хабар пайда болса, есікті ашып, ағызу резервуарынан суды ағызыңыз.
10 Қақты кетіру бағдарламасы аяқталған кезде резервуарларды жақсылап жуыңыз. Содан кейін ағызу резервуарынан суды ағызып, толтыру резервуарына су құйыңыз.

Пікіріңіз үшін алғыс білдіреміз!