Samsung Galaxy Watch-ты қимылмен қалай басқаруға болады
Егер сіз Galaxy Watch сенсорлық экранын басқаруда қиындықтарға тап болсаңыз, "Әмбебап қимылдар" функциясын пайдаланыңыз. Оның көмегімен сіз ақылды гаджеттің экранына тимей-ақ, оны қимылдар арқылы басқара аласыз. Бұл функцияны қалай қосуға болатынын және оның қандай қосымша параметрлері бар екенін білу үшін біздің мақаланы оқыңыз.
Ескерту:
- "Әмбебап қимылдардың" толық функционалдығы Samsung Galaxy смартфондарында кепілдендірілген. Басқа өндірушілердің құрылғыларына қосқанда, кейбір параметрлер қолжетімсіз болуы мүмкін.
- Өкінішке орай, "Әмбебап қимылдар" функциясы арқылы Galaxy Watch экранындағы ақпаратты оқу мүмкін емес.
- Өкінішке орай, "Әмбебап қимылдар" Talkback опциясымен бірге қолдануға қолжетімсіз.
Samsung Galaxy-да "Әмбебап қимылдар" функциясын қалай қосуға болады
Ескерту:
"Әмбебап қимылдар" функциясының жұмыс істеуі үшін Galaxy Watch-ты Samsung Wearable қосымшасы арқылы смартфонға қосу қажет. Бұл үшін Galaxy Watch смартфонмен байланысын қалай орнатуға болады мақаласын пайдаланыңыз.
1. Wearable қолданбасын ашып, Сағат параметрлері қойындысына өтіңіз.
2. Арнайы мүмкіндіктерді таңдаңыз.
3. Өзара әрекет және ептілік қойындысына өтіңіз.
4. Әмбебап қимылдарды ашыңыз.
5. Функцияны қосу үшін жылжытқышты басыңыз.
Galaxy Watch-та "Әмбебап қимылдар" функциясын қалай пайдалануға болады
"Әмбебап қимылдар" опциясы Galaxy Watch-ты қимылдар арқылы басқаруға мүмкіндік береді.
- "Екі рет жұдырықтау" қимылы функцияны белсендіруге жауапты. Содан кейін Galaxy Watch экранында сары жақтау пайда болады. Бұл "Әмбебап қимылдарды" пайдалануға болатынын білдіреді.
- "Қысу" және "Екі рет қысу" қимылдары арқылы Galaxy Watch экранында алға немесе артқа жылжуға болады. Таңдалған объектілер сары жақтаумен ерекшеленеді.
- "Жұдырықтау" қимылын пайдаланып, Galaxy Watch-та ерекшеленген объектілерді түртуге және ашуға болады.
- "Екі рет жұдырықтау" қимылын қайталау арқылы қосымша командалары бар әрекеттер мәзірі ашылады. Мысалы, экранды оңға немесе солға сырғытуға, бетті төмен немесе жоғары айналдыруға болады.
Samsung Galaxy-да "Әмбебап қимылдар" функциясын қалай реттеуге болады
"Әмбебап қимылдарды" алғаш рет қосқанда, Galaxy Watch басқаруы әдепкі бойынша орнатылады. Сіз қимылдарды, ерекшелеу жақтауын, жауап беру уақытын және экранда жылжу жылдамдығын өзіңіз реттей аласыз.
Ескерту:
Егер "Әмбебап қимылдар" функциясы смартфон параметрлерінде өшірілген болса, сіз оны қимыл арқылы реттей және белсендіре алмайсыз.
- "Ымдық қимылдар" бөлімінде сіз олардың мәнін өзгертіп, басқаруды өзіңізге ыңғайлы етіп реттей аласыз.
1. Әмбебап қимылдар функциясының баптауларында Ымдық қимылдар қойындысына өтіңіз.
2. Жаңа мән бергіңіз келетін қимылды таңдаңыз. Мысалы, Қысу.
3. Сағатта қолдану батырмасын басқанда, Galaxy Watch экранында таңдалған қимылды дұрыс жасау нұсқаулығы көрсетіледі.
4. Қимыл үшін әрекетті таңдаңыз.
- "Белесендіру әдісі" қойындысында функцияны қосу үшін қимылды өзгерте аласыз. Ол үшін оны басып, әрекетті таңдаңыз.
- "Автоматты белсендіру" сізге қоңырау шалғанда немесе оятқышты өшіру қажет болғанда таниды және функцияны "Әмбебап қимылдарды" автоматты түрде қосады, сонда сіз оны бірден пайдалана аласыз. Оны қосу үшін жылжытқышты басыңыз.
- Егер сіз Galaxy Watch экранында функцияның қосылғанын көрнекі көрсететін жақтаудың түсін өзгерткіңіз келсе, "Фокус индикаторының түсін" пайдаланыңыз. Қойындыны ашып, ұнайтын түсті таңдаңыз.
- "Автоматты сканерлеу" — бұл қосымша қимылдарды қолданбай, Galaxy Watch экранындағы объектілерді ерекшелеуге көмектесетін опция. Мысалы, сіз Galaxy Watch-та параметрлерді аша аласыз, және автоматты сканерлеу режимінде әрбір мәзір пункті жоғарыдан төмен қарай біртіндеп ерекшеленеді, сіз оны "түрту" қимылымен тоқтатқанша. Опцияны реттеу үшін төмендегі нұсқаулықты қараңыз.
1. Автоматты сканерлеу қойындысын ашыңыз.
2. Функцияны қосу үшін жылжытқышты басыңыз.
3. Жақтаудың Galaxy Watch экранындағы объектілерді қаншалықты жылдам ерекшелейтінін реттеу үшін Сканерлеу жылдамдығын таңдаңыз.
4. Сканерлеу жылдамдығының ыңғайлы деңгейін белгілеңіз. Мысалы, орташа.
5. Функция параметрлеріне қайта оралып, Сканерлеу саны қойындысын ашып, сканерлеуді қайталау жиілігін таңдаңыз.
6. Galaxy Watch-та ашатын қойындыны қайталау санын таңдаңыз. Мысалы, 2. Дайын!
- "Курсорды сканерлеу" қойындысында "Әмбебап қимылдар" функциясы қосылған кезде объектілерді ерекшелейтін жақтаудың жұмысын реттей аласыз:
"Курсор жылдамдығы" — жақтаудың Galaxy Watch экранында қаншалықты жылдам жылжитыны;
"Әрекетке дейін уақытты кідірту" — әрекет орындалмай тұрып кідіріс;
"Курсордың түсі" — жақтаудың түсін таңдау.
Әрбір опцияны қалай реттеу керектігін төмендегі нұсқаулықтан қараңыз.
1. Курсорды сканерлеу қойындысын ашыңыз.
2. Курсор жылдамдығы таңдаңыз.
3. Ыңғайлы жылдамдық деңгейін белгілеңіз. Мысалы, баяу.
4. Курсорды сканерлеу параметрлеріне қайта оралып, Әрекетке дейін уақытты кідірту қойындысын ашыңыз.
5. Курсордың әрекет алдындағы жауап беру уақытының ыңғайлы жылдамдығын таңдаңыз. Мысалы, қысқа.
6. Курсорды сканерлеу параметрлеріне қайта оралып, Курсордың түсі қойындысын ашыңыз.
7. Ұнайтын түсті белгілеңіз.
8. Дайын! Курсор жұмысы реттелді.
- "Әрекет мәзірінің таңдаулылары" бөлімінде сіз Galaxy Watch экранында әрекеттер мәзірін шақырған кезде пайда болатын командаларды қоса аласыз.
1. Әрекет мәзірінің таңдаулылары қойындысын ашыңыз.
2. Таңдаулылар қосу батырмасын басыңыз.
3. Әрекеттер мәзіріне қосқыңыз келетін команданы белгілеңіз. Дайын түймесін басыңыз.
4. Дайын!
"Әмбебап қимылдар" функциясы Galaxy Watch-ты пайдалануды ыңғайлы етеді. Жеңілдетілген навигация әдісі смарт-құрылғы киген қолыңызбен Galaxy Watch-ты басқаруға мүмкіндік береді.
Егер сіз функцияға қызығушылық танытпасаңыз, оны смартфон параметрлерінде кез келген уақытта өшіре аласыз.
Ұсыныстар Samsung компаниясымен берілген және тексерілген.
Пікіріңіз үшін алғыс білдіреміз!
Барлық сұрақтарға жауаптар