Жеңіл литий-ионды батарея
Литий-ионды (Li-ion) батареясы туралы біліңіз – ол жоғары энергия тығыздығына ие, ұзақ қызмет етеді және қауіпсіз.
Батареялардың қызмет ету мерзіміне оларды пайдалану үлгілері мен қоршаған орта әсер етеді.
Егер телефоныңызды тым жиі зарядтап, батарея жұмысының айтарлықтай қысқарғанын байқасаңыз, кеңес алу үшін жергілікті Samsung қызмет көрсету орталығына барыңыз.
Батареяның тозу белгілері
Батареяның тиімділігі төмендеген кезде, экранда батарея заряды жеткілікті көрсетілгенімен, батарея қуаты күрт таусылуы немесе өшіп қалуы мүмкін.
Егер сізде тозған батареямен байланысты мәселелер болса, кеңес алу үшін жергілікті Samsung қызмет көрсету орталығына барыңыз.
Бұл жағдай суық қыс мезгілінде орын алуы және оның жиілігі батареяның тозу деңгейіне байланысты артуы мүмкін.
Ойындар мен камера қолданбалары сияқты ресурсты көп пайдаланатын кейбір қолданбалар өнімділіктің төмендеуіне және жауап беру уақытының баяулауына себеп болуы мүмкін.
Батареяны қашан ауыстыру керек
Егер сіз күтпеген сөнулерге, батареяның жұмыс уақытының күрт қысқаруына немесе басқа да батареяға қатысты мәселелерге жиі тап болсаңыз, құрылғыңызды тексерту үшін ең жақын Samsung қызмет көрсету орталығына барыңыз.
Құрылғыңыздың кепілдігіне байланысты, батареяны тегін ауыстыру құқығыңыз болуы мүмкін.
Біз құрылғыда қалқымалы хабарлама арқылы сіздің батареяңызды ауыстыру қажет екенін хабарлай аламыз.
1. «Күй жолағындағы» хабарландыруды басыңыз.
2. Батарея күйі туралы ақпаратты тексеріңіз.
Samsung Galaxy телефонының батарея күйін тексеру
Құрылғыңыз баяу жұмыс істей ме? Samsung Members қолданбасындағы Телефон күтімі қызметін пайдаланып көріңіз.
Батарея күйін тексеріп, оның жұмысын бірнеше секундта оңтайландыра аласыз.
1. Samsung Members қолданбасын ашып, төменгі жақтағы «Қолдау көрсету» түймесін түртіңіз.
2. «Іске кірісу» түймесін түртіп, Телефон диагностикасы арқылы батарея күйін тексеріңіз.
3. Диагностика опцияларынан «Батарея күйі» опциясын таңдаңыз.
1. Samsung Members қолданбасын ашып, төменгі жақтағы «Қолдау көрсету» түймесін түртіңіз.
2. Қосылған құрылғы диагностикасы арқылы «Galaxy Watch» құрылғыңызды түртіңіз.
3. Диагностика опцияларынан «Батарея күйі» опциясын таңдаңыз.
※ Киілетін құрылғыны өзін-өзі диагностикалау (қосылған құрылғының диагностика мәзірі) Samsung Members қолданбасында тек Galaxy мобильді құрылғысы мен киілетін құрылғы қосылғанда және Galaxy Wearable қолданбасы, Members қолданбасы және құрылғының бағдарламалық жасақтамасы жаңартылған жағдайда ғана көрсетіледі.
Samsung батареяны
зерттеу және тексеру
Көпдеңгейлі қауіпсіздік дизайны
Тұтынушының қауіпсіздігі мен ыңғайлылығын бірінші орынға қою үшін Samsung құрылғыны өндіру кезінде көпдеңгейлі қауіпсіздік тексерісін енгізді.
Батареяның дизайнын ғана емес, сонымен қатар құрылғыны құлатып алған жағдайда соққыны азайту үшін де бірнеше сынақ жүргізіледі.
Өндірісте дизайн қауіпсіздігі мен бағдарламалық жасақтама қорғанысының алгоритмдері маңызды факторлар болып табылады.
※ Сынақ түрі мен ауқымы өнімге байланысты өзгеруі мүмкін.
Сапаны мұқият бақылау
Samsung Galaxy қауіпсіз әрі сапалы батареялар ұсыну үшін халықаралық қауіпсіздік стандарттарына сәйкес келеді.
Біз ішкі тексерулерден және сенімді үшінші тарап сертификаттау органдарының сапа сынақтарынан өткен батареяларды ұсынамыз.
※ Әлемдік талаптардан бөлек қосымша сертификаттар елге немесе өнімге байланысты өзгеруі мүмкін.
