Samsung Galaxy Watch түймелері жұмыс істемей тұрған сияқты көрінсе, не істеу керек
Galaxy Watch түймелері жауап бермей тұрғандай көрінсе немесе сағат жиі қатып қалатын сияқты болса, төмендегі ақаулықтарды жою қадамдарын орындаңыз. Осы әрекеттерден кейін де құрылғы жауап бермей тұрғандай көрінсе, кәсіби көмек алу үшін жақын жердегі Samsung қызмет көрсету орталығына барыңыз.
Уақыт өте келе теріңізден бөлінетін тер, лосьон немесе шаң физикалық түймелердің айналасына жиналып, олардың жабысып қалуына немесе сезімталдығын жоғалтуына әкелуі мүмкін. Ақаулар түймелер мен сағат корпусының арасында жиналған қоқыс немесе бөгде заттардан да туындауы мүмкін. Құрылғыңызды жүйелі түрде тазалау оның оңтайлы жұмыс істеуін қамтамасыз етеді.
Қарапайым қайта жүктеу түймелердің жауап бермей тұрғандай көрінуіне себеп болатын уақытша бағдарламалық ақауларды жоя алады.
1-қадам. Өшіру мәзірі пайда болғанша «Басты бет» пернесін (қуат пернесін) және «Артқа» пернесін бір уақытта басып тұрыңыз.
2-қадам. Өшіру белгішесін түртіңіз.
* Немесе, Жылдам панельді ашу үшін экранның жоғарғы жағынан төмен қарай сырғытыңыз да, Өшіру белгішесін түртіңіз.
3-қадам. Құрылғы толығымен өшкеннен кейін, сағатты қайта қосу үшін Home пернесін бірнеше секунд басып тұрыңыз.
Ескерту: Қайта іске қосу барысында сағатыңыз бен смартфоныңыздың байланысы уақытша үзілуі мүмкін.
Сағат бағдарламалық жасақтамасын жаңартып отыру ең соңғы өнімділік жақсартулары мен функционалдық түзетулердің болуын қамтамасыз етуге көмектеседі. Galaxy Watch құрылғысын жаңарту үшін алдымен оның үйлесімді Android құрылғысына қосылғанына көз жеткізіңіз.
Телефоныңызда жаңартыңыз
1-қадам. Wearable қолданбасын ашыңыз.
2-қадам. Сағат параметрлерін ашыңыз.
3-қадам. Соңғы жаңартуды тексеру және орнату үшін Сағат бағд. жасақтама жаңартуы түймесін түртіңіз.
Сағатыңыздағы жаңарту
1-қадам. Параметрлер бөлімін ашыңыз.
2-қадам. Бағдарлама-қ жасақтама жаңартуы түймесін түртіңіз.
Мәселе шешілмесе, құрылғыны зауыттық әдепкі параметрлеріне қалпына келтіру мәселені шешуі мүмкін.
Wearable қолданбасы арқылы қалпына келтіру
1-қадам. Қосылған телефоныңызда Wearable қолданбасын ашыңыз.
2-қадам. Сағат параметрлерін ашыңыз.
3-қадам. Жалпы түймесін түртіңіз.
4-қадам. Қалпына келтіру түймесін түртіңіз > Растау үшін Қалпына келтіру түймесін қайта түртіңіз.
Сағат арқылы қалпына келтіру
1-қадам. Параметрлер тармағын ашыңыз.
2-қадам. Жалпы түймесін түртіңіз.
3-қадам. Қалпына келтіру түймесін түртіңіз.
4-қадам. Растау үшін Қалпына келтіру түймесін қайта түртіңіз.
Ескерту:
- Құрылғы қалпына келтірілгеннен кейін барлық сақталған деректер біржола жойылады. Ақпаратыңызды сақтағыңыз келсе, қалпына келтірмес бұрын деректеріңіздің сақтық көшірмесін қауіпсіз орынға жасаңыз.
- Қолжетімді мүмкіндіктер, мәзір опциялары, интерфейс және параметрлер сағатыңыздың нақты үлгісіне және бағдарламалық жасақтама нұсқасына байланысты әртүрлі болуы мүмкін.
Пікіріңіз үшін алғыс білдіреміз!
Барлық сұрақтарға жауаптар