Компьютер Samsung Galaxy-ді қосқанда танымаса не істеу керек
Егер Samsung Galaxy құрылғысын қосқан кезде компьютер гаджетіңізді танымай, қосылу мүмкін болмаса, төмендегі нұсқаулықты орындаңыз. Бұл мақала бастапқы өзіндік диагностиканы жүргізуге көмектеседі.
Егер құрылғыны компьютерге қосқаннан кейін «Рұқсат ету» немесе «Тыйым салу» таңдауымен қалқымалы терезе пайда болса, «Рұқсат ету» түймесін басыңыз. Қосылу үшін бұл маңызды.
- Егер сіз байқамай «Тыйым салу» түймесін бассаңыз, телефонды ажыратып, қайтадан компьютерге қосыңыз.
- Егер қалқымалы терезе пайда болмаса, оны хабарландырулар панелінен табуға болады.
Егер сіздің құрылғыңызда Android 16-15 нұсқасы болса, себебі «Құрылғы құлыпталған кезде USB қосылымдарын блоктау» функциясының қосылуы болуы мүмкін.
Ол қосылған кезде, құрылғыны компьютерге қосқанда Samsung Galaxy экранында «Зарядтау мүмкін, бірақ USB деректерді беру блокталады» деген хабарлама пайда болады.
Бұл функцияны қалай өшіру керектігін білу үшін төмендегі нұсқаулықты орындаңыз.
Қадам 1. Параметрлерді ашып, Қауіпсіздік және құпиялылық бөліміне өтіңіз.
Қадам 2. Басқа қауіпсіздік параметрлері қойындысын таңдаңыз.
Қадам 3. Жылжытқышты басып, Құрылғы құлыпталған кезде USB қосылымдарын блоктау функциясын өшіріңіз. Енді экранды ашқаннан кейін USB қосылымын пайдалана аласыз.
Мүмкіндік болса, Samsung Galaxy құрылғысын басқа кабельмен компьютерге қосып көріңіз. Бастапқыда пайдаланған кабель дұрыс жұмыс істемеуі мүмкін.
Мүмкіндік болса, кабельді компьютердегі басқа USB қосқышына қосып көріңіз.
Егер сізде стационарлық компьютер болса, кабельді жүйелік блоктың артқы жағындағы USB қосқышына қосыңыз.
Мүмкіндік болса, Samsung Galaxy құрылғысын басқа компьютерге қосып көріңіз, сонда қай құрылғыда ақау бар екенін анықтауға болады. Егер қосылу проблемасыз жүрсе, онда Samsung Galaxy дұрыс жұмыс істейді.
Компьютерге қосқан кезде Windows операциялық жүйесі Samsung Galaxy үшін драйверлерді автоматты түрде орнатады. Бірақ бұл болмаса, Smart Switch бағдарламасын орнатыңыз. Онымен қажетті драйверлер орнатылады.
Smart Switch бағдарламасын мына жерден жүктеп алуға болады.
Антивирустық бағдарламалар компьютердегі USB қосылымын блоктауы мүмкін, сондықтан оларды өшіріп, Samsung Galaxy құрылғысын қайта қосып көріңіз.
Бұл үшін экранның төменгі оң жақ бұрышындағы жұмыс істеп тұрған бағдарлама белгішесін тінтуірдің оң жақ түймесімен басып, қорғауды өшіру, шығу немесе тоқтату опциясын таңдаңыз.
Бағдарламалық қателерді болдырмау үшін USBSetting қолданбасының деректерін тазалауды ұсынамыз. Содан кейін құрылғыны қайта іске қосыңыз.
Тақырып бойынша:
Қауіпсіз режим — бұл смартфонда тек жүйелік қолданбалар (құрылғыда алдын ала орнатылғандар) жұмыс істейтін режим. Бұл функция смартфонды диагностикалау және ақауларды жою үшін қолданылады.
Samsung Galaxy жүйесі осындай режимде болғанда, экранның төменгі жағында «Қауіпсіз режим» деген жазу пайда болады.
Смартфонның жұмысына жүктелген бағдарламалардың бірі әсер етуі мүмкін. Егер қауіпсіз режимде қателер байқалмаса, ақау жойылғанша жүктелген бағдарламаларды біртіндеп жойыңыз. Соңғы жүктелген немесе жаңартылған бағдарламадан бастауға болады.
Қолданбаларды жою үшін «Android-те қолданбаларды дұрыс жою. Қолданбаларды өшіру» мақаласындағы нұсқаулықты пайдаланыңыз.
«Қауіпсіз режимнен» шығу үшін телефонды қайта іске қосыңыз.
Сондай-ақ, «Қауіпсіз режимді» жылдам параметрлер лентасында пайда болатын хабарлама арқылы өшіруге болады. Ол үшін оны басып, «Өшіру» опциясын таңдаңыз..
Ескерту:
Қауіпсіз режимнен шыққаннан кейін, егер бұрын орнатылған болса, смартфонға тақырыпты қайта орнату қажет.
Смартфонды немесе планшетті толық қалпына келтіру оны зауыттық күйге келтіреді және бағдарламалық қателерді болдырмайды.
Параметрлерді қалпына келтіру құрылғыңыздағы барлық деректерді жояды. Қалпына келтіру алдында барлық маңызды деректердің резервтік көшірмесін жасауды ұсынамыз.
Жоғарыдағы ұсыныстар мәселені жоюға көмектеспесе, смартфоныңызды диагностикалау үшін жақын жердегі сервис орталығына хабарласуды ұсынамыз.
Егер компьютер Samsung Galaxy құрылғыңызды танымаса, USB кабелін және портын тексеріңіз, екі құрылғыны да қайта іске қосыңыз, Samsung-тың ресми драйверлерін орнатыңыз және телефон хабарламаларындағы қосу режимін файлдарды беру режиміне өзгертіңіз.
Ұсыныстар Samsung компаниясымен берілген және тексерілген.
Пікіріңіз үшін алғыс білдіреміз!
Барлық сұрақтарға жауаптар