Samsung теледидарын қосу мүмкін емес болса, не істеу керек?

Соңғы жаңартулардың күні : 06.11.2026

Мазмұны:

  1. Теледидар қашықтан басқару пультімен де, корпусындағы түймемен де қосылмайды. Индикатор жанбайды немесе жыпылықтайды.
  2. Теледидар пульттен қосылмайды, корпусындағы түймемен қосылады. Индикатор жанып тұрады.
  3. Теледидар корпусындағы түймемен қосылмайды, пульттен қосылады. Индикатор жанып тұрады немесе жыпылықтайды.
Samsung теледидары қосылмайды

Егер Samsung смарт-теледидарыңызды қосу кезінде мәселе туындаса, себебі электр розеткасында, қуат сымында, қашықтан басқару пультінде немесе тікелей телевизорда болуы мүмкін.

Күту режиміндегі қызыл индикатордың (теледидар  корпусындағы шамның) маңызы зор. Қалыпты жағдайда теледидар өшірулі тұрғанда қызыл индикатор жанып тұрады, ал қолданылғанда сөнеді.

Мынадай жағдайлар болуы мүмкін:

  • күту режиміндегі индикатор жанып тұрғанымен, теледидар қосылмайды — бұл пультте ақау бар дегенді білдіреді;
  • күту режиміндегі индикатор жанбайды немесе жыпылықтайды — бұл қуат көзі немесе теледидардың ішкі компонентінде ақау бар екенін көрсетеді.

Пульттен де, корпусындағы түймеден де қосылмайды. Индикатор жанбайды немесе жыпылықтайды.

1 Теледидарды барлық жағынан мұқият қарап шығыңыз: онда механикалық зақымданулар болмауы керек.
  • Егер зақымданулар болса, Samsung қызмет көрсету орталығына жүгініңіз.
  • Егер зақымданулар болмаса, келесі ұсынысқа өтіңіз.
Жөндеуге онлайн өтініш

2 Теледидардан барлық құрылғылар мен кабельдерді (қуат сымынан басқа) ажыратыңыз: CAM-модуль, антенна, интернет, HDMI-кабель және т.б. Олар теледидардың жұмысына әсер етуі мүмкін.
3 Теледидарды қосып көріңіз.
  • Егер теледидар қосылса, міндетті түрде бағдарламалық жасақтаманы соңғы қолжетімді нұсқаға дейін жаңартыңыз.
  • Егер теледидар қосылмаса, келесі ұсынысқа өтіңіз.

Тақырып бойынша:

4 Қуат сымын теледидардың корпусынан және розеткадан ажыратып, оны мұқият қарап шығыңыз.
  • Егер кабель зақымданған болса, оны ауыстыру үшін Samsung қызмет көрсету орталығына жүгініңіз.
  • Егер кабельде зақымданулар болмаса, келесі ұсынысқа өтіңіз.
Жөндеуге онлайн өтініш

5 Кабельді орнына қайта салыңыз. Кабельдің штепсельге толық кіріп, мықтап бекітілгеніне көз жеткізіңіз. Теледидарды қосып көріңіз.
  • Егер теледидар қосылса, онда ешқандай мәселе жоқ, оны пайдалануды жалғастыруға болады.
  • Егер теледидар қосылмаса, келесі ұсынысқа өтіңіз.
6 Розетканың жұмыс істеуін (мысалы, оған фенді қосып, оның жұмыс істеп тұрғанын тексеріңіз) және желідегі кернеудің тұрақтылығын тексеріңіз. Кернеу 100V - 240V аралығында болуы керек.
  • Егер сіз желілік фильтрді қолдансаңыз, оны тексеріңіз. Ұзақ пайдалану кезінде желілік фильтр теледидарға жеткілікті кернеуді бере алмауы мүмкін. Оны ауыстыру уақыты келген болуы мүмкін.
  • Егер қуат көзінің жұмысы дұрыс болып, кернеу тұрақты болғанымен, теледидар қосылмаса, Samsung қызмет көрсету орталығына жүгініңіз.
  • Егер қуат көзі ақаулы болса немесе кернеу тұрақсыз болса, электршіге жүгініңіз.

 

Жөндеуге онлайн өтініш

Тек пульттен қосылмайды, корпусындағы түймемен қосылады. Индикатор жанып тұрады.

Пультті смартфонның алдыңғы камерасы арқылы тексеріңіз. Артқы жақта орналасқан негізгі камера пультке реакция бермеуі мүмкін.

  1. Камераны қосыңыз.
  2. Пультті оған бағыттаңыз.
  3. Пульттегі түймелерді басып көріңіз.


Пульт жұмыс істегенде, смартфон камерасы арқылы светодиодтың жұмысын көруге болады.

  • Егер светодиод жыпылықтамаса, пульттегі батареяларды ауыстырып, оның теледидармен жұмысын тексеріңіз.
  • Егер светодиод жыпылықтаса, бірақ теледидар пультке жауап бермесе, пультті ауыстыру үшін авторизацияланған қызмет көрсету орталығына жүгініңіз.
Жөндеуге онлайн өтініш

1 Пульттегі батареяларды ауыстырып, теледидардың жұмысын тексеріңіз. Егер көмектеспесе, келесі қадамдарға өтіңіз.
2 Теледидарды розеткадан 30 секундға ажыратып, қайтадан қосыңыз.
3 Пультті теледидармен қайта жұптастырыңыз.
  • Егер пульт жұмыс істесе, техникада мәселе жоқ деген сөз, пайдалануды жалғастыруға болады.
  • Егер пульт жұмыс істемесе, Samsung қызмет көрсету орталығына жүгініңіз.
Жөндеуге онлайн өтініш

4 MAC-мекенжайын тексеріңіз: Параметрлер > Қолдау > Теледидар туралы / Samsung-қа жүгіну бөліміне өтіңіз.

Тақырып бойынша:

Егер мекенжай жоқ болса немесе 00:00:00:00:00:00 немесе ff:ff:ff:ff:ff:ff түрінде белгілер көрсетілсе — жөндеуге өтініш беріңіз.

Жөндеуге онлайн өтініш

5 Мүмкіндік болса, баптауларды қалпына келтіріп, пультті қайта жұптастырыңыз. Баптауларды қалпына келтіру мүмкін ақаулар мен қателіктерді жоюға көмектеседі. Егер жұптастыру кезінде теледидар экранында қызыл айқын, «Қолжетімсіз» жазуы немесе оған ұқсас қателіктер пайда болса — флэш-жадты қалпына келтіріңіз.

Тақырып бойынша:

Ешнәрсе көмектеспесе, одан әрі не істеу керектігін түсіну үшін пультті смартфон арқылы тексеріңіз:

  1. мобильді телефонда Bluetooth қосып, жаңа құрылғыларды іздеуді іске қосыңыз.
  2. пульттегі «ҮЙ» түймесінен ең шетте орналасқан 2 түймені басып тұрып, смартфондағы қолжетімді құрылғылар тізімінде бірдеңе шығатынын тексеріңіз.
Пульттегі «ҮЙ» түймесінен ең шетте орналасқан 2 түймені басыңыз

Әдетте тізімде «аксессуар», «белгісіз құрылғы» немесе «2A:D5:F8:53» түріндегі Bluetooth мекенжайы көрсетіледі.

  • пульт смартфон арқылы анықталмаса — пультті ауыстыру үшін қызмет көрсету орталығына жүгініңіз.
  • пульт смартфон арқылы анықталса — техниканы диагностикалау және жөндеу үшін қызмет көрсету орталығына жүгініңіз.
Жөндеуге онлайн өтініш

Теледидар тек корпусындағы түймеден қосылмайды, пульттен қосылады. Индикатор жанып тұрады немесе жыпылықтайды.

Техниканы диагностикалау және жөндеу үшін авторизацияланған қызмет көрсету орталығына жүгініңіз.

Жөндеуге онлайн өтініш

Байланысты сұрақтар

Пікіріңіз үшін алғыс білдіреміз!