Ish joylaridagi inklyuzivlik
Ish joylaridagi inklyuzivlik
Eng yaxshi kelajak sari
madaniyatlar xilma-xilligini
rivojlantiramiz
Eng yaxshi kelajak sari
madaniyatlar xilma-xilligini
rivojlantiramiz
O'zligimizni anglab, biz eng yaxshi kelajakni yaratamiz
Biz Samsung Electronics’da innovatsiyalar va o‘sish uchun inklyuziv madaniyat va xodimlar xilma-xilligi zarurligiga ishonamiz.
Biz iqtidorli xodimlarimizni o‘zlariga sodiq qolishga ilhomlantirib, o‘zlarini jamoaning bir qismi deb his qiladigan va teng imkoniyatlarga ega bo‘lgan global jamoani yaratishga intilamiz. Birgalikda biz mijozlarimiz, hamkorlarimiz va jamiyatimiz uchun yaxshi kelajak yaratishga harakat qilamiz.
Xodimlar resursi guruhlari (ERGlar)
Xodimlar ixtiyoriy ravishda ayollar, nogironlar, keksalar, avlodlar o‘rtasidagi o‘zaro munosabatlar, irqiy tenglik va boshqalarga bag‘ishlangan resurs guruhlarini (ERG) yaratadilar. ERG - netvorking, mentorlik, ko'ngillilik va xodimlarni o‘qitish uchun samarali vosita.
6600 ga yaqin xodim AQSH, Yevropa, Lotin Amerikasi, Janubi-G‘arbiy Osiyo, Afrika va Janubiy Koreyadagi 43 ta ERG guruhlarining yig‘ilishlarida ishtirok etadi.
SIEL-S / Women in Samsung Electronics (WiSE) yetakchisi
Karina Sudarsan
WISE ayyolarni qo’llab quvvatlashga va ularning kompaniya Ichida va umuman jamiyatda martaba ko’tarilishidagi to’siqlarni yengib o’tishga ilhomlantirishga bag’ishlangan ERG guruhdir. Men gender xilma-xilligiga uning tashkilotlar uchun foydalariga ishonaman. 2022- yil SIELning birinchi ERGsi bo’lgan WISE uchun yo’lning boshlanishi hisoblanadi. Xodimlar konseptiyasini va ular o’ynashi mumkin bo’lgan rolni tushunishlari uchun biz ERGlarning tuzilishi, maqsadlari va ishi haqida bir qator ta’lim tadbirlarni o’tkazdik.
SEA / AQSh / Galaxy of Black Professionals (GBP)rahbari
Simone Silva-Arrindell
Men qo‘llab-quvvatlash va xavfsiz makonni ta’minlaydigan ish muhitini yaratish zarurligiga qat’iy ishonaman va ERG Galaxy of Black Professionals guruhi shunday xavfsiz makonlardan biridir. Ish muhitimda o‘zimga o‘xshash odamlar bilan muloqot qilishim mumkin bo‘lgan joyning mavjudligi tufayli men o‘zimni butunning bir qismi deb his qilaman.
SEUK / Buyuk Britaniya / Women Leadership rahbari
Lindsay Cleland
Bizning missiyamiz inklyuziv va teng huquqli ish muhitini yaratish orqali Samsung kompaniyasida ayollarning muvaffaqiyatga erishish imkoniyatlarini kengaytirishdir. Biz to‘siqlarni bartaraf etish, karyera rivojlanishini qo‘llab-quvvatlash va ayollar va ittifoqchilarning faol hamjamiyatini shakllantirish orqali iqtidorli ayollarni jalb qilish va saqlab qolish hamda ularning rivojlanishini qo‘llab-quvvatlashga intilamiz. Bu chora-tadbirlar bizga gender tengligiga erishish va butun kompaniyada innovatsiyalarni ilgari surishga yordam beradi.
Visual Display Business / Janubiy Koreya / True Ability rahbari
Aiden Lee
Imkoniyatlarning cheklanganligi nafaqat ayrim o‘ziga xos odamlarning hayotiga ta’sir qiladi. Biz hammamiz cheklovlarning muayyan shakllarini boshdan kechiramiz. Misol uchun, ertalab qorong‘u xonada uyg‘onib, smartfonni paypaslashga uringaningizda, bu qisqa noqulaylik lahzasini ozgina cheklangan imkoniyatlar bilan taqqoslash mumkin. Yoshimiz ulg‘aygan sari, biz har doim ham e’tibor bermasak ham, bunday tabiiy qiyinchiliklarni tobora ko‘proq boshdan kechiramiz. True Ability’da biz xodimlarimizga cheklangan imkoniyatlar mavhumlik emas, balki qisman har birimiz uchun tushunarli va tanish bo‘lgan holat ekanligini anglashga yordam beradigan tashabbuslarni joriy etishni davom ettirish niyatidamiz.
Asosiy tashabbuslar
Biz DEI turli tashabbuslarini o‘z faoliyatimiz va mahsulotlarimizga integratsiya qilish orqali inklyuziv texnologik muhitni shakllantirishga hissa qo‘shamiz.
Samsung Pioneers Initiative
Biz Buyuk Britaniyaning Samsung Electronics kompaniyasida 2020-yildan beri gender tengligini qo‘llab-quvvatlash va texnologiya sanoatida ish madaniyatini o‘zgartirish maqsadida Samsung Pioneer loyihasini ilgari surmoqdamiz. 2024-yilda biz turli xil hayotiy tajribaga ega bo‘lgan odamlarda kamsitish va stereotiplarga qarshi kurashish doirasida va xurofotlardan xoli jamoani shakllantirish maqsadida The Fine Line ("Nozik chiziq") nomli tajriba videosini yaratdik.
Samsung Innovation Campus India
Hindistonning Vishakxapatnam shahrida 153 nafar talaba qiz Samsung Innovation Campus "Sun’iy intellekt va katta ma’lumotlar" kursiga yozildi, bu ular uchun orzularini ro‘yobga chiqarish yo‘lidagi birinchi qadam bo‘ldi.
Belizdagi yosh ayol innovatorlar
Panamada bo‘lib o‘tgan Solve for Tomorrow tadbirida Beliz o‘smir qizlari jamoasi ko‘rish qobiliyati cheklangan foydalanuvchilarga yordam berish uchun mo‘ljallangan SMARTZ yechimini taqdim etdi.
Sign Language Customer Service
Turkiyada 2015-yilda eshitish nuqsonlariga ega mijozlarga imo-ishora tilida xizmat koʻrsatishni ham yoʻlda qoʻydik. Shundan buyon mahsulotdan foydalanishdagi noqulayliklarga qaramay, texnik yordam ololmaydigan kar va eshitish nuqsonlariga ega odamlarga imo-ishora tilida xizmat koʻrsatish 2021-yildan boshlab butun dunyo boʻylab kengaydi va hozirda 57 mamlakatda faoliyat koʻrsatmoqda.
Samsung Family Supporters
2022-yilda biz imkoniyati cheklangan xodimlar va ularning oilalarini birlashtirishga qaratilgan Samsung Family Supporters deb nomlangan ko‘ngillilar guruhini yaratdik. Ular uchun bu o‘z muhitining qulayligi va ommabopligi haqidagi fikrlarini baham ko‘rish usulidir. Rejalashtirishning dastlabki bosqichlaridan boshlab, biz ko‘rish, eshitish va harakatlanish qobiliyati cheklangan xodimlarimiz va ularning oila a’zolaridan mahsulotimizning maxsus imkoniyatlari haqida fikr-mulohazalar olamiz va ushbu funksiyalarni yaxshilash usullarini taklif etamiz.
Sign Language Counseling and Education
Braziliyada xodimlar uchun inklyuziv ish muhitini yaratishga qaratilgan sa'y - harakatlarimizning bir qismi sifatida biz eshitish qobiliyati cheklangan xodimlar uchun imo-ishoralar tili bo'yicha maslahat xizmatlarini, shuningdek, Manausdagi ishlab chiqarish maydonchasidagi barcha xodimlar uchun onlayn va oflayn imo-ishora tili kurslarini taklif qilamiz. Campanas ishlab chiqarish maydonida biz har yili nogironlar kunini nishonlaymiz va maxsus imkoniyatlarni ta'minlashga qaratilgan tadbirlarni o'tkazamiz.
* Har bir mamlakatda mahalliy xodimlarning ehtiyojlarini qondirish va qonunchilikka rioya qilgan holda ularning maqsadlariga erishishga ko‘maklashish maqsadida sho‘ba korxonalarining mahalliy tashabbuslari o‘tkaziladi.
Yutuqlar va mukofotlar
Yanada yuqori xilma-xillik va inklyuzivlik sari muloqot va ishtirok sayohatimizni boshlaganimizdan buyon bizning harakatlarimiz inson huquqlari guruhlari, hukumatlar va nodavlat tashkilotlari tomonidan tan olindi.
Kanada
Kanadaning yoshlar uchun eng yaxshi ish beruvchilari
(2025-y.)
Italiya
Gender tengligini sertifikatlash
(2024 y.)
Tailand
Ko'rish muammolariga ega shaxslar uchun
mahsulot va xizmatlarning
inklyuziv dizayni uchun faxriy yorliq
(2023)
Hindiston
Hindistonda ishga joylashtirish uchun eng yaxshi kompaniyalar
(2025-y.)
Meksika
CX Milliy Mukofoti
Ijtimoiy Javobgarlikka Eng Yaxshi CX hissa
(2023)
Koreya
Oilalar uchun Kompaniya
(2024)
