Samsung Galaxy құрылғысындағы жылдам зарядтауды қалай баптауға болады?
Galaxy құрылғылары сымсыз жылдам зарядтауды және сымды бейімделетін жылдам зарядтауды қолдайтын ішкі катушкамен жабдықталған. Бұл кіріктірілген функция батареяны стандартты зарядтау әдістеріне қарағанда әлдеқайда жылдам зарядтауға мүмкіндік береді.
Жылдам зарядтау функциясы қосылғанына көз жеткізіңіз
«Жылдам зарядтау» тармағы сымды зарядтауға арналған, ал «Жылдам сымсыз зарядтау» — сымсыз зарядтауға арналған. Қалаған зарядтау әдісін таңдап, қосыңыз.
Ескерту:
- Егер Samsung Galaxy смартфоны ешқашан сымсыз зарядтау құрылғысына қосылмаса, «Жылдам сымсыз зарядтау» тармағы болмауы мүмкін.
- Смартфон зарядтау құрылғысына қосылы тұрғанда бұл функцияны қоспаңыз немесе өшірмеңіз.
1-қадам. Парам-р кіріп, Құрылғы күтiмi тармағын таңдаңыз.
2-қадам. Батарея тармағын басыңыз.
3-қадам. Зарядтау параметрлерi тармағын басыңыз.
4-қадам. Қажетті ауыстырғышты басып, келесі режимдердің бірін қосыңыз:
– Жылдам зарядтау,
– Жылдам сымсыз зарядтау.
Ескерту:
Тармақтар құрылғы моделіне және бағдарламалық жасақтама нұсқасына байланысты өзгеруі мүмкін.
Смартфоныңызда жылдам немесе өте жылдам зарядтаудың жұмыс істеп тұрғанын білу үшін келесі қадамдарды орындаңыз.
1-қадам. Парам-р кіріп, Құрылғы күтiмi тармағын таңдаңыз.
2-қадам. Батарея тармағын басыңыз.
3-қадам. Егер функция жұмыс істесе, жылдам немесе өте жылдам зарядтау құрылғысын қосқан кезде Супер жылдам зарядтағыш 2,0 қосылған деген жазу пайда болады.
Сәйкес адаптер мен кабельді қолданып отырғаныңызға көз жеткізіңіз. Әртүрлі зарядтау құрылғыларының шығыс қуаты әртүрлі болады.
Жылдам зарядтау
- Шығыс қуаты 9 В - 1,67 А (15 Вт) қолдайтын Samsung зарядтау құрылғыларын қосқанда.
Ұсынылатын зарядтау құрылғыларының модельдері: EP-T1510, EP-TA20.
Өте жылдам зарядтау
- Шығыс қуаты 9 В-2,77 А (25 Вт), 15 В-3 А (45 Вт) немесе 20 В-2,25 А (45 Вт) қолдайтын Samsung зарядтау құрылғыларын қосқанда.
Ұсынылатын зарядтау құрылғыларының модельдері: EP-T6530, EP-T4510, EP-TA220, EP-TA800, EP-TA845.
Ескерту:
- Samsung үшінші тарап өндірушілерінің зарядтау құрылғыларының үйлесімділігін кепілдендірмейді.
- Оңтайлы тиімділік пен қауіпсіздік үшін Samsung бекіткен адаптерлер мен кабельдерді қолдану ұсынылады.
Жүйелік қосымшалардағы бағдарламалық ақауларды болдырмау үшін USBSettings қосымшасының деректерін тазалаңыз. Бұл үшін төмендегі мақаладағы ұсыныстарды орындаңыз.
Тақырып бойынша:
- Осыдан кейін зарядтау жұмыс істей бастаса, телефонда мәселе жоқ деген сөз.
- Егер бағдарламалық жасақтама нұсқаңызда USBSettings қосымшасы болмаса немесе мәселе сақталса, келесі ұсынысқа өтіңіз.
Телефонның жұмысына орнатылған қосымшалардың бірі әсер етуі мүмкін. Мұны тексеру үшін смартфоны қауіпсіз режимге жүктеңіз. Бұл режимде барлық орнатылған қосымшалар өшіріліп, құрылғы жұмысына әсер етпейді. Зарядтау бойынша мәселелер туындай ма, соны тексеріңіз.
Егер қауіпсіз режимде телефон сымды зарядтау арқылы зарядталса, мәселе орнатылған қосымшалардың бірінде деген сөз. Орнатылған қосымшаларды бір-бірден жойып, құрылғы жұмысын тексеріңіз. Соңғы орнатқандарыңыздан бастаған дұрыс.
- Қауіпсіз режимде де мәселе сақталса, келесі ұсынысқа өтіңіз.
Смартфонды немесе планшетті толық қалпына келтіру оны зауыттық күйге қайтарады және бағдарламалық ақауларды жоюға мүмкіндік береді.
Параметрлерді қалпына келтіру құрылғыдағы барлық деректерді жоюға әкеледі.
Қалпына келтірер алдында маңызды деректердің барлық көшірмесін жасауды қатаң ұсынамыз.
Смартфоныңызда сымсыз жылдам зарядтаудың жұмыс істеп тұрғанын білу үшін келесі қадамдарды орындаңыз.
1-қадам. Парам-р кіріп, Құрылғы күтiмi тармағын таңдаңыз.
2-қадам. Батарея тармағын басыңыз.
3-қадам. Егер функция жұмыс істесе, жылдам немесе өте жылдам зарядтау құрылғысын қосқан кезде Супер жылдам зарядтағыш 2,0 қосылған деген жазу пайда болады.
Оңтайлы өнімділік үшін Samsung мақұлдаған сымсыз жылдам зарядтау алаңын және/немесе жинаққа кіретін адаптерді пайдаланыңыз.
- Жылдам зарядтау 1.0 үшін қуаты 15 Вт-тан жоғары адаптер қажет (зарядтаудың максималды қуаты 9 Вт).
- Жылдам зарядтау 2.0 үшін қуаты 25 Вт-тан жоғары адаптер қажет (зарядтаудың максималды қуаты 15 Вт).
Ұсынылатын зарядтағыш модельдері: P-P5400, EP-P2400, EP-N5200.
Сымсыз зарядтауды қолдайтын смартфон модельдерінің тізімі:
- Galaxy Note смартфондары: Galaxy Note20 5G, Note20 Ultra 5G, Note10+, Note10, Note9, Note8 және Note5.
- Galaxy S смартфондары: S26 сериясы, S25, S24, S23, S22, S21, S20, S10 сериясы, S9, S8, S7 және S6.
- Бүктелетін телефондар: Galaxy Z Fold7, Z Fold6, Z Fold5, Z Fold4, Z Fold3, Z Fold2, Z Fold, Z Flip7, Z Flip7 FE, Flip6, Z Flip5, Z Flip4, Z Flip3, Z Flip 5G және Z Flip.
Кейбір модельдер тек жинаққа кіретін адаптермен ғана жұмыс істей алады. Қосымша ақпаратты қоса берілген Нұсқаулықтар мен жүктеулер қарауға болады.
Ескерту:
- Samsung үшінші тарап өндірушілердің зарядтағыштарының үйлесімділігін кепілдік бермейді.
- Зарядтау процесін жылдамдату үшін экран өшірулі немесе құрылғы өшірулі күйде зарядтаңыз.
Егер сіз бір уақытта бірнеше қосымшаны іске қоссаңыз, ұзақ уақыт ойын ойнасаңыз немесе контентті тікелей эфирге шығарсаңыз, құрылғының батареясы қызып кетуі мүмкін. Егер құрылғыңыз әдеттегіден қатты жылыса, бұл зарядтауға әсер етуі мүмкін.
Қолданылмаған барлық қосымшаларды жабыңыз, құрылғыны өшіріп, салқындағанша күтіңіз. Содан кейін құрылғыны қайтадан зарядтап көріңіз.
LED View Cover чехолы жабық күйде сымсыз зарядтау жұмыс істемейді.
Galaxy құрылғысы мен сымсыз зарядтағыштың арасына: металл бұйымдар, магниттер, RFID карталар, ұстағыштар немесе кредит карталарын қоймаңыз, олар сымсыз сигналдарды бұғаттайды.
Зарядтау алдында құрылғыдан чехолды алыңыз.
Магнитті жапсырмалар немесе металл чехолдар сымсыз зарядтауға кедергі келтіруі мүмкін.
Зарядтау алдында барлық ұстағыштарды, кредит карталарын және кез келген басқа бұйымдарды алыңыз.
Смартфон зарядтау панелінің дәл ортасына қойылуы тиіс. Егер смартфон ортадан ауытқып жатса, сымсыз зарядтау жұмыс істемейді.
Z Flip сериясының смартфондарын ашық және бүктелген күйде зарядтауға болады.
- Бүктелген күйде: телефонды артқы панелімен зарядтағыштың ортасына қойыңыз.
- Ашық күйде: смартфонды төменгі жағымен сымсыз зарядтағыштың ортасына қойыңыз.
Z Fold сериясының смартфондарын ашық және бүктелген күйде зарядтауға болады.
- Бүктелген күйде: телефонды камералары бар артқы панелімен зарядтағыштың ортасына қойыңыз.
- Ашық күйде: смартфонды камералары бар артқы панелімен сымсыз зарядтағыштың ортасына қойыңыз.
Кабельдің сымсыз зарядтағышқа сенімді қосылғанына көз жеткізіңіз.
Құрылғы дұрыс орналастырылғанын және сымсыз зарядтағыштың катушкаларымен жанаспалықта тұрғанын тексеріңіз.
Сымсыз зарядтағыштың жұмысын адаптер арқылы тексеріңіз. Түпнұсқа емес және сәйкес келмейтін қуат көзін қолданған жағдайда зарядтағыш жұмыс істемеуі мүмкін.
Адаптерді дұрыс таңдау үшін «Samsung Galaxy үшін зарядтағышты қалай таңдауға болады?» мақаласын қараңыз.
Samsung уәкілетті (авторизацияланған) сымсыз зарядтау құрылғыларындағы WPC(Qi) сертификаттау белгісі.
Мүмкіндік болса, бұл функцияны қолдайтын басқа Samsung Galaxy смартфонын сымсыз зарядтағышқа қосып көріңіз.
- Егер басқа телефон зарядталмаса, қате сіздің смартфоныңызға қатысты болуы мүмкін. Оны сым арқылы зарядтап көріңіз.
- Егер басқа телефон зарядталса, сымсыз зарядтау құрылғысын сатып алған жердегі кепілдік бойынша қызмет көрсету орталығына жүгінуді ұсынамыз.
Samsung Galaxy смартфоныңызда жылдам зарядтауды қалпына келтіру үшін батарея баптауларында сәйкес функцияның белсенді екенін және тек түпнұсқа сертификатталған адаптерлер мен кабельдерді қолданғаныңызды тексеріңіз. Егер мәселе шешілмесе, қосылымның дұрыстығын, құрылғының температурасын тексеріңіз және қажет болса, USBSettings қосымшасының деректерін тазалаңыз немесе ақауларды диагностикалау үшін қауіпсіз режимді қолданыңыз.
Ұсыныстарды Samsung компаниясы әзірлеген және тексерген.
Пікіріңіз үшін алғыс білдіреміз!
Барлық сұрақтарға жауаптар