Samsung Galaxy батареясының заряды тез таусылса, не істеу керек?
Бұл мақаладан Samsung Galaxy смартфоны аз пайдаланылса да тез таусылатын болса, сондай-ақ белсенді пайдалану кезінде құрылғы заряды 4–6 сағат ішінде таусылып қалса, не істеу керектігін білесіз.
Смартфон немесе планшет батареядан қанша уақыт жұмыс істеуі керек?
Аккумулятордың жұмыс істеу уақыты оның сыйымдылығынан ғана емес, бірнеше факторға да байланысты.
Жұмыс істеу уақытына келесілер әсер етеді:
Мәселе қарапайым сияқты: құрылғыны көп қолдансаңыз, аккумулятор тез разрядталады. Бірақ жұмыс істеу уақыты жүктемеге де байланысты.
Егер жүктеме жоғары болса: мобильді интернет, фильмдер, сапалы графикасы бар ойындар – құрылғы 2–5 сағат ішінде разрядталады.
Егер жүктеме төмен болса: музыка, кітаптар, SMS, сөйлесулер – құрылғы 5–20 сағаттан ұзақ жұмыс істейді.
Құрылғыда неше қосымша орнатылса, батарея соғұрлым тез бітеді.
Сондай-ақ олардың сапасы да үлкен әсер етеді: нашар әзірленген қосымшалар процессорға үнемі күш түсіреді және құрылғының күту ұйықтау режиміне өтуіне жол бермейді.
Уақыт өте келе операциялық жүйеде қателер пайда болады. Себептері әртүрлі: прошивка дұрыс жаңартылмаған, сапасыз қосымшалар орнатылып, дұрыс жойылмаған, ескі файлдардан жады тазартылмаған.
Қателер көп болған сайын, батарея соғұрлым тез бітеді.
Тақырып бойынша:
Уақыт өте келе аккумулятордың пайдалы сыйымдылығы азаяды. Аккумулятор неғұрлым ескірген сайын, ол соғұрлым аз зарядты ұстай алады.
Сымсыз байланыс желісінің сигналы неғұрлым әлсіз болса, батарея соғұрлым тез разрядталады. Бұл құрылғының желімен байланысты сақтау үшін сигнал беруші модулін жоғары қуатта жұмыс істеуге мәжбүр болуымен байланысты.
Батарея тез бітсе, не істеу керек?
«Қазiр оңтайландыру» функциясын қалай қолдану керектігін білу үшін төмендегі нұсқаулыққа жүгініңіз.
1-қадам. Парам-р бөлімін ашып, Құрылғы күтiмi қойындысын таңдаңыз.
2-қадам. Қазiр оңтайландыру түймесін басыңыз.
3-қадам. Оңтайландырудан кейін Дайын түймесін басыңыз.
Осы жерден «Батарея» бөліміне өтіп, батарея зарядын ең көп жұмсайтын қосымшаларды қарап, оларды ұйқы режиміне өткізе аласыз.
Ескерту:
Жүйелік қосымшаларды ұйқы режиміне ауыстыру мүмкін емес.
1-қадам. Батарея тармағын таңдаңыз.
2-қадам. Графиктің астындағы Мәліметтерді қөру тармағын басыңыз.
3-қадам. Батареяны көп жұмсайтын қосымшаны таңдаңыз.
4-қадам. Терең ұйқы режимiне қою қосқышын іске қосыңыз. Енді бұл қосымша ұйқы режиміне ауысады.
Сондай-ақ, Бейімделгіш батарея қосуға болады. Бұл сирек қолданатын қосымшалардың батарея жұмсалуын азайтады. Ол үшін Парам-р өтіп, Құрылғы күтiмi бөлімін таңдаңыз. Содан кейін Android нұсқаулығыңызға сәйкес әрекет етіңіз.
- Android 16-10 нұсқасында:
1-қадам. Батарея тармағын таңдаңыз.
2-қадам. Фондық пайдалану шектеулерi өтіңіз.
3-қадам. Экранның оң жоғарғы бұрышындағы үш нүктені (Опциялар) басыңыз.
4-қадам. Бейімделгіш батарея басыңыз.
5-қадам. Функцияны қосыңыз.
- Android 9 нұсқасында:
1-қадам. Батарея тармағын таңдаңыз.
2-қадам. Опциялар (Үш нүкте) кіріңіз.
3-қадам. Параметрлер басыңыз.
4-қадам. Бейімделгіш батарея қосыңыз.
Қуатты үнемдеу режимі батареяның жұмыс уақытын мыналар есебінен ұзартуға мүмкіндік береді:
- Фондық деректерді шектеу;
- Процессор өнімділігін шектеу;
- Экранды сұр реңктерде қолдану;
- Экран жарықтығын және кадр жиілігін төмендету.
Ескерту:
Қуатты үнемдеу функциясы барлық құрылғыларда қолжетімді емес.
Қуатты үнемдеу режимін қалай қосуға болады?
Экраннан жоғарыдан төмен қарай сызып, жылдам баптаулар панелін («шторканы») ашыңыз. Қyат үнемдеу (батарея белгішесі) белгішесін басыңыз.
Wi-Fi, Bluetooth, GPS, NFC немесе мобильді интернетті қолданбасаңыз, оларды өшіріп қойыңыз, себебі олар көп энергия жұмсайды.
Экраннан жоғарыдан төмен қарай сызып, жылдам баптаулар панелін («шторканы») ашыңыз. Жоғарыда аталған функциялар белсенді болса, олардың белгішелерін басыңыз.
- Экранның белсенділік уақытын азайту үшін келесі әрекеттерді орындаңыз:
1-қадам. Парам-р ашып, «Дисплей» бетін таңдаңыз.
2-қадам. Экранның yақыты бiттi басыңыз.
3-қадам. Смартфон ұйқы режиміне ауысатын уақыт аралығын таңдаңыз.
- Экран жарықтығын азайту үшін келесі әрекеттерді орындаңыз:
1-қадам. Парам-р ашып, Дисплей бетін таңдаңыз.
2-қадам. Ашықтығы параметрін табыңыз.
3-қадам. Жылжытқышты қолданып, жарықтықты реттеңіз.
- Сенсордың дірілін (экранға басқандағы дірілдік кері байланысты) өшіру үшін келесі әрекеттерді орындаңыз:
Ескерту:
Түрту бойынша өзара әрекеттер және Samsung Пернетақтасы функциялары үшін дірілді өшіру маңызды, себебі олар діріл баптауларының қалғандарына қарағанда көбірек энергия жұмсайды.
1-қадам. Парам-р ашып, Дыбыстар мен дiрiл бетін таңдаңыз.
2-қадам. Жүйе дiрiлi басыңыз.
3-қадам. Толық дірілді немесе тек Түрту бойынша өзара әрекеттер және Samsung Пернетақтасы тармақтарын өшіріңіз.
Телефоныңызда екі SIM-карта орнатылған болса және біреуін қолданбасаңыз, сол картаны алып тастаңыз.
Смартфон ұялы желімен байланысты сақтау үшін энергия жұмсайды, сондықтан батарея тез разрядталады. Орналасқан жеріңізде желісі жоқ SIM-карталарды (мысалы, туристік SIM-карталарды) смартфонда қалдырмаңыз.
Құрылғыны қолданбағанда, ол «ұйқы» режимінде болады. Деректерді синхрондау құрылғыны «оятып», аккумулятордың қарқынды жұмыс істеуіне әкеледі.
Смартфонның жұмыс істеу уақытын ұзарту үшін қосылған аккаунттармен автоматты синхрондауды өшіріңіз. Мұны жасау үшін жылдам баптаулар панелін (шторканы) ашу үшін экранды жоғарыдан төмен қарай сылыңыз. Функцияны өшіру үшін Синхрон белгішесін басыңыз.
Егер смартфоныңызда экран жаңарту жиілігін баптау параметрі болса (тек 120 Гц жаңарту жиілігін қолдайтын смартфондар), стандартты режимді қосыңыз.
Мұны қалай жасау керектігін білу үшін төмендегі нұсқаулықты пайдаланыңыз.
Құрылғыда орнатылған қосымшалар неғұрлым көп болса, батарея соғұрлым тез разрядталады. Кейбір қосымшалардың әсері соншалықты, аккумулятор бірнеше сағат ішінде разрядталады.
Мәселенің қосымшаларда екенін анықтау үшін құрылғыны қауіпсіз режимде іске қосыңыз. Қауіпсіз режимде сатып алғаннан кейін орнатқан барлық қосымшалар жұмыс істемейді. Тек зауыттық орнатылған жүйелік қосымшалар ғана жұмыс істейді.
Смартфон немесе планшеттің қауіпсіз режимде бір рет зарядтаумен неше сағат жұмыс істейтінін бақылап, қорытынды жасаңыз.
Егер аккумулятор баяу разрядталса, демек мәселе сатып алғаннан кейін орнатқан қосымшаларда. Сатып алғаннан кейін орнатқан немесе жаңартқан қосымшаларды кезекпен өшіріп, батарея баяу разрядталғанша құрылғының жұмысын бақылаңыз.
Егер қауіпсіз режимде аккумулятор бірдей жылдамдықпен разрядталса, басқа кеңестерді қолданып көріңіз.
1-қадам. Парам-р ашып, Дисплей бетін таңдаңыз.
2-қадам. Қозғалыс бiркелкiлiгi басыңыз.
3-қадам. Стандартты (немесе «60 Гц») тармағын таңдап, Қолдану батырмасын басыңыз.
Көптеген қосымшалар жұмыс істеу үшін міндетті емес немесе мүлдем қажет емес рұқсаттарды сұрайды (мысалы, «Фонарик» қосымшасы «Интернетке қолжетімділік» немесе «Орналасқан жерді анықтау» рұқсатын сұрайды). Қосымшаның рұқсаттары неғұрлым көп болса, құрылғыны соғұрлым тез разрядтайды.
Қажетсіз қосымша рұқсаттарын өшіріңіз. Егер қосымшаның кейбір функцияларының жұмысы үшін рұқсаттар қажет болса, қосымша сізден қайтадан кіру рұқсатын сұрайды.
Бұны қалай жасау керектігін білу үшін төмендегі нұсқаулықты пайдаланыңыз.
1-қадам. Парам-р мәзірін ашып, Қолданбалар бөлімін таңдаңыз.
2-қадам. Хабарламаларды алғыңыз келмейтін қосымшаның белгішесін басыңыз.
3-қадам. Рұқсаттар бөлімін таңдаңыз.
4-қадам. Нақты бір рұқсатты басыңыз.
5-қадам. Рұқсат бермеу опциясын таңдаңыз.
Егер құрылғыға қосылған Google аккаунтының деректерін есте сақтаған болсаңыз, баптауларды қалпына келтіріңіз.
Өкінішке орай, бұл жағдайда смартфон жадына жазылған барлық деректер жойылады. Сондықтан қалпына келтірмес бұрын деректердің резервтік көшірмесін жасауды ұсынамыз.
Қосымшаны белсенді пайдалану кезінде смартфон батареясының бірнеше сағат ішінде разрядталуы мүмкін. Сыртқы аккумуляторды қолдануды ұсынамыз. Егер смартфонды белсенді пайдаланып, оның жұмыс уақыты жеткіліксіз болса, сыртқы аккумуляторды сатып алуға болады.
Сыртқы аккумулятор портативтік розетка сияқты жұмыс істейді:
- Сыртқы аккумуляторды қуаттаңыз;
- Оған смартфон немесе планшетті қосыңыз;
- Сыртқы аккумулятор құрылғыңыздың ішкі батареясын қуаттайды.
Тақырып бойынша:
Жоғарыдағы ұсыныстар көмектеспесе, ішкі батареяны ауыстырыңыз.
Пайдалану барысында батареяның сыйымдылығы біртіндеп төмендеп, уақыт өте келе оның заряды азаяды. Батареяның орташа қызмет ету мерзімі 1-3 жыл, ол пайдалану интенсивтілігіне байланысты. Сонымен қатар, батареяны теріс немесе жоғары оң температураларда (50°C-тан жоғары) пайдаланған жағдайда ол әлдеқайда ерте істен шығады.
Егер смартфонды сатып алғаныңызға ұзақ уақыт өтсе, батареяны ауыстыруды ұсынамыз. Жаңа батареяны Samsung қызмет көрсету орталықтарынан сатып алуға болады. Қажетті модельді ескі батареядағы жазудан қарауға болады.
Егер смартфон немесе планшеттің артқы қақпағы алынбайтын болса, батареяны қызмет көрсету орталығында ауыстырады.
Батареяның тез разрядталуының себебі батареяда емес, мысалы, контроллерде немесе платада болуы мүмкін. Сондықтан батареяны ауыстырмас бұрын, сондай-ақ басқа қадамдар көмектеспесе, ресми қызмет көрсету орталығына жүгінуіңізді ұсынамыз.
Samsung Galaxy батареясы зарядының тез таусылуы қосымшалардың жоғары жүктемесінен, жүйелік қателерден немесе уақыт өте келе аккумулятордың табиғи тозуынан болады. Мәселені шешу үшін құрылғыны оңтайландыру функциясын пайдаланыңыз, бейімделгіш қуат үнемдеу режимін қосыңыз және пайдаланылмайтын сымсыз байланыстарды өшіріңіз. Қажет болса, құрылғының қауіпсіз режимдегі жұмысын тексеріңіз, қосымшаларға берілген рұқсаттарды шектеңіз немесе смартфонның жұмыс уақытын ұзарту үшін сыртқы аккумуляторды (пауэрбанк) пайдаланыңыз.
Ұсыныстар Samsung компаниясы ұсынған және тексерген.
Пікіріңіз үшін алғыс білдіреміз!
Барлық сұрақтарға жауаптар