Yorilgan yoki singan orqa qopqoqni ta’mirlashdan oldin Samsung Galaxy Watch qurilmangizning zaxira nusxasini qanday yaratish kerak
Agar Galaxy Watch soatingizning orqa qopqog‘i yorilgan yoki singan bo‘lsa, uni ta’mirlash markazida ta’mirlash kerak bo‘ladi. Qurilmangizni topshirishdan oldin, ta’mirlash jarayonida ma’lumotlar yo‘qolishining oldini olish uchun shaxsiy ma’lumotlaringizni zaxiralab qo‘yish qat’iy tavsiya etiladi.
Ulangan telefoningizdagi Wearable ilovasi yordamida soatingiz ma’lumotlarini qo‘lda zaxiralashingiz mumkin.
1-qadam. Telefoningizda Wearable ilovasini oching > Soat sozlamalari belgisiga teging.
2-qadam. Hisoblar va zaxiralar tugmasini bosing.
3-qadam. Arixvni Samsung Cloud’ga saqlash ostidagi Oxirgi arxivlalsh bo‘limiga teging.
4-qadam. Smart Switch och tugmasini bosing.
5-qadam. Ma’lumotlaringizni zaxiralashni boshlash uchun ruxsat berish maqsadida Ruxsat berish tugmasini bosing.
* Agar soatingiz 29 kun davomida zaxiralanmagan bo‘lsa, avtomatik xabar zaxiralashni yakunlashingizni so‘raydi.
6-qadam. Ma’lumotlaringizni bulutga avtomatik saqlash uchun Arixvni Samsung Cloud'ga saqlash funksiyasini yoqishingiz mumkin.
Qo‘llab-quvvatlanadigan zaxira ma’lumotlari:
- Oldindan o‘rnatilgan ilovalar uchun ma’lumotlar va sozlamalar.
- Soatingizga o‘rnatilgan barcha yuklab olingan ilovalar.
- Soat siferblati sozlamalari (joriy soat siferblati, moslashtirilgan soat siferblatlari va yaqinda ishlatilgan soat siferblatlari).
- Bosh ekran tartiblarini ham o‘z ichiga olgan ilova va vidjet sozlamalari.
- Displey hamda Ovoz va vibratsiya kabi tizim sozlamalari.
Eslatma: Ayrim juda katta fayllarning zaxira nusxasi yaratilmasligi mumkin.
Muntazam zaxira nusxalari quyidagi shartlar bajarilganda amalga oshiriladi:
- Oxirgi zaxira nusxalashdan beri 24 soatdan ko‘proq vaqt o‘tdi.
- Telefon Wi-Fi tarmog‘iga ulangan.
- Telefon batareyasi quvvati 30% dan yuqori.
- Soat batareyasi quvvati 15% dan yuqori.
- Telefon va soat ekranlari o‘chirilgan.
Soatingiz ta’mirlangandan so‘ng, telefoningizdagi dastlabki sozlash jarayonida Smart Switch yordamida saqlangan ma’lumotlaringizni qurilmaga osongina tiklashingiz mumkin.
1-qadam. Soatni Wearable ilovasi orqali telefoningizga ulang > Roʻyxatdan kerakli zaxira maʼlumotlarini tanlang > Keyingi tugmasini bosing.
2-qadam. Ekrandagi qolgan ko‘rsatmalarga amal qiling. Tugallangach, Ma’lumotlar tiklandi tasdiqlash ekrani qayta tiklangan elementlar tafsilotlarini ko‘rsatadi > Tiklashni yakunlash uchun Keyingi tugmasini bosing.
Fikr-mulohazangiz uchun tashakkur!
Barcha savollarga javob bering.