Samsung Galaxy qurilmangizni qanday yangilash mumkin
Samsung Galaxy qurilmangizni yangilab turish eng so‘nggi funksiyalar, xavfsizlik yaxshilanishlari, xatolar tuzatishlari va unumdorlikni oshirish imkoniyatlariga ega bo‘lishingizni ta’minlaydi. Qurilmangizni simsiz yoki kompyuterda Smart Switch ilovasidan foydalanib yangilashingiz mumkin.
Eslatma:
- Qurilmangiz eng so‘nggi dasturiy ta’minot versiyasiga yangilangandan so‘ng, kuchaytirilgan xavfsizlik siyosatlari tufayli avvalgi mikrodastur versiyasiga qayta o‘ta olmaysiz.
- Batareyangiz kamida 20% quvvatlanganiga ishonch hosil qiling.
- Yangilanish davom etayotganda USB kabelini uzmang va qurilmangizdan foydalanmang.
- Yangilanish jarayonida qurilmangiz bir necha marta qayta ishga tushishi mumkin.
- Ba’zi telefonlarda “Dasturiy ta’minot yangilanishi” o‘rniga “Tizim yangilanishlari” deb ko‘rsatilishi mumkin.
- Menyu nomlari, sozlamalar va ekran tartiblari model hamda dasturiy ta’minot versiyasiga qarab farq qilishi mumkin.
Wi-Fi yoki mobil ma’lumotlar ulanishidan foydalanib, dasturiy ta’minot yangilanishlarini bevosita Galaxy qurilmangizga yuklab olishingiz va o‘rnatishingiz mumkin.
1-qadam. Parametrlar ni oching > Dastur yangilanishi ni bosing.
2-qadam. Yangil-ni tekshirish ga teging.
3-qadam. Ekrandagi ko‘rsatmalarga amal qiling. Dasturiy ta’minot yangilangach, "Dasturiy ta’minotingiz yangilangan." xabari paydo bo‘ladi.
Eslatma: Android 5.0 (Lollipop) yoki undan keyingi versiyada ishlaydigan qurilmalarda operatoringiz va qurilma sozlamalaringizga qarab, mobil ma’lumotlar tarmog‘iga ulanganda dasturiy ta’minot yangilanishlari avtomatik ravishda yuklab olinishi mumkin.
Smart Switch ilovasidan foydalanib, Galaxy qurilmangizni Windows kompyuteri yoki Mac kompyuteriga ulash orqali ham yangilashingiz mumkin.
1-qadam. Shaxsiy kompyuteringizda Smart Switch dasturini oching > Qurilmangizni qurilmangiz bilan birga berilgan USB kabelidan foydalanib kompyuteringizga ulang.
Eslatma: Qurilmangizning USB ulanish sozlamalari ulanganda fayllarni uzatishga ruxsat beradigan qilib sozlanganligiga ishonch hosil qiling.
2-qadam. Agar dasturiy ta’minot yangilanishi mavjud bo‘lsa, Smart Switch dasturiy ta’minotni yangilashni avtomatik ravishda taklif qiladi yoki yangilash imkoniyatini ko‘rsatadi.
3-qadam. Kerakli fayllarni yuklab olish va yangilash jarayonini yakunlash uchun Yangilash tugmasini bosing hamda ekrandagi ko‘rsatmalarga amal qiling.
Xavfsizlik yangilanishlari qurilmangiz xavfsizligini mustahkamlash va shaxsiy ma’lumotlaringizni himoya qilish uchun taqdim etiladi. Modelingiz uchun xavfsizlik yangilanishlarini tekshirish uchun security.samsungmobile.com saytiga tashrif buyuring.
Eslatma: Ba’zi tillar ushbu veb-saytda qo‘llab-quvvatlanmaydi.
1-qadam. Parametrlar ni oching > Xavfsizlik va maxfiylikni bosing.
2-qadam. Yangilanishlar tugmasini bosing.
3-qadam. Xavfsizlik yangilanishi ustiga teging.
4-qadam. Yangil-ni tekshirish tugmasini bosing.
5-qadam. Ekrandagi ko‘rsatmalarga amal qiling. Dasturiy ta’minot yangilangandan so‘ng "Dasturiy ta’minotingiz yangilangan." xabari paydo bo‘ladi.
Fikr-mulohazangiz uchun tashakkur!
Barcha savollarga javob bering.