Agar grafik kalit, PIN-kod yoki parol esdan chiqqan bo‘lsa, Samsung Galaxy qulfini qanday ochish mumkin

Oxirgi yangilanish sanasi : 12.12.2024

Agar siz PIN-kod, parol yoki chizmani unutgan bo‘lsangiz, ushbu maqola smartfon yoki planshetni qulfdan chiqarishga yordam beradi.

Agar siz Samsung Galaxy ekranini ochishda qiyinchiliklarga duch kelsangiz, avvalo quyidagi amallarni bajaring:

1 Qurilmangizda qanday qulf turi o‘rnatilganligini aniqlang:
  • Barmoq izi;
  • PIN-kod, parol yoki grafik kalit.

Agar qurilmada barmoq izi o‘rnatilgan bo‘lsa, lekin u ishlamasa, qurilmani qulfdan chiqarish uchun o‘rnatgan PIN-kod, parol yoki grafik kalitni kiritsangiz yetarli bo‘ladi.

Shundan so‘ng, barmoq izini qayta sozlashingiz mumkin bo‘ladi.

Agar PIN-kod, parol yoki grafik kalitni kiritganingizda smartfon ochilmasa, keyingi tavsiyaga o‘ting.

2 Qurilmani o'chiring va qayta yuklang.

Ba'zida operatsion tizimda PIN-kod, parol yoki grafik kalitni tanib olishda nosozliklar paydo bo‘lishi mumkin, hatto siz uni to‘g‘ri kiritsangiz ham.

Muammolarni bartaraf qilish uchun qurilmani majburan o'chiring va qayta yuklang:

  • Quvvat tugmasi va Ovoz balandligini kamaytirish tugmalarini bir vaqtda o‘n soniya davomida bosib turing (avvalgi modellarda faqat Quvvat tugmasini bosing). Telefon ogohlantirishsiz qayta yuklanadi va darhol ishga tushadi.
  • Agar o‘chirish va qayta yuklash menyusi paydo bo‘lsa, bu tugmalarni kerakli vaqt davomida bosib turmaganingizni anglatadi..

Agar smartfonni qayta yuklashdan keyin muammo hal bo‘lmasa, keyingi tavsiyaga o‘ting.

3 Agar oldingi usullar yordam bermagan bo‘lsa, ma’lumotlarni tiklang — bu bilan qurilmadagi barcha fayllar va sozlamalar, shuningdek grafik kalit, PIN-kod, parol yoki barmoq izi o‘chiriladi.

Mavzu bo‘yicha: 

Ma’lumotlarni tiklagandan keyin telefon biroz vaqt yuklanishi mumkin. Ba’zan bu bir soatgacha vaqt olishi mumkin.

Agar zavod sozlamalarini o‘zingiz tiklay olmasangiz, , qo’llab-quvvatlash xizmatidan biriga murojaat qilishingiz mumkin.

Eng yaqin xizmat markazini topish

Tegishli masalalar

Fikr-mulohazangiz uchun tashakkur!

Kontaktlar

Qo'ng'iroq qiling

Mutaxassislarimizdan biri bilan gaplashing
Batafsil ma'lumot

Xizmat ko'rsatish markazlari

Sizning mahsulotingiz kafolatlanganmi yoki yo'qmi, biz har doim yordam berishga tayyormiz
Xizmat ko'rsatish markazini toping
Ko'proq ko'rish