Security
Knox арқылы қорғалған
Қауіпсіздік — ДНҚ деңгейіндегі біздің ең басты артықшылығымыз
Барлығымыз өзіміз үшін маңызды нәрселерді қорғауға тырысамыз. Samsung үшін қауіпсіздік — өнімдеріміздің және жеке тұлғамыздың басты аспектісі. Пайдаланушыларға қауіп-қатерлерге және қауіпсіздікті бұзушылықтарға толы тұрақсыз әлемде құпиялылықты қамтамасыз ету үшін көптеген жылдар бойы Knox қауіпсіздік платформасын жетілдіріп келеміз. Samsung мобильді құрылғыларының қауіпсіздігі аппараттық деңгейде басталады: құрылғыңыз алғашқы қосылған кезден бастап Knox технологиясымен қорғалған.
Қауіпсіздік қатерлерінің ауқымы кеңейген сайын, біздің шешімдеріміз де дамиды. Біз болашақтың сын-тегеуріндеріне жауап беретін инновацияларды үнемі енгізіп отырамыз. Сондықтан ертеңгі күні не күтіп тұрса да, сіздің сандық әлеміңізді қорғауға дайынбыз.
Samsung Pass қызметімен құпиясөз арқылы қорғаныс
Әрқайсымыз ерекшеміз, енді құрылғыларыңыз сізді тани алады. Бетті тану және саусақ ізінің ультрадыбыстық сенсорын қамтитын Samsung биометриялық аутентификациясының инновациялық технологиясы құрылғы жоғалған немесе ұрланған болса да деректеріңізге рұқсатсыз кіруге жол бермейді.
Samsung Pass арқасында жеке сипаттамаларыңыз интернет-банк болсын, электрондық пошта қолданбасы болсын құпия мәліметтерге оңай, тез және қауіпсіз қол жеткізуге көмектеседі. Енді сансыз никнеймдер мен құпиясөздерді есте сақтаудың қажеті жоқ.
- *Биометриялық аутентификацияның қолжетімділігі құрылғы үлгісіне байланысты.
- *Samsung Pass үшін қолжетімді функциялар, мүмкіндіктер және үйлесімді қолданбалар нормативті-құқықтық жағдайларға байланысты әр елде әр түрлі болуы мүмкін.
- *Samsung Pass аутентификациясын пайдаланып веб-сайттарға кіру үшін Samsung интернет-веб шолғышы қажет.
Жеке деректер
қорғалған — Қорғалған қалта
Мобильді құрылғылар көп функциялы құрылғыға — әмиянға, телефонға, фотоальбомға және ноутбукке айналды. Құпиялылықтың ерекше деңгейін қамтамасыз ету үшін «Қорғалған қалта» функциясы деректерді сақтауға арналған бөлек, криптографиялық қорғалған кеңістік жасайды, соның арқасында телефоныңыздың жеке ақпаратына сіз ғана қол жеткізе аласыз.
Samsung Pay қызметімен қауіпсіз транзакциялар
Samsung Pay арқылы мобильді құрылғымен төлем жасағанда, картаңыздың деректері бөлек қорғалған сақтау орнында шифрланады. Инвестиция жасайсыз ба, ақша аударасыз ба немесе сатып аласыз ба? Сіздің транзакцияларыңыз әрқашан қауіпсіз және ешқандай қағаз іздерін қалдырмайды. Сонымен қатар телефон өзіңізбен болса, сіз онымен пластикалық карта ретінде еркін төлем жасай аласыз.
- *Samsung Pay қолжетімділігі құрылғы үлгісіне, эмитент банкке, эквайер банкке және елге байланысты.
- *Ақша аударымдарын қазіргі уақытта кейбір елдерде ғана жасауға болады.
Криптовалюталық транзакциялардың ерекше қауіпсіздігі
Криптовалюталық транзакцияларыңызға қорғанысты қажет ететін жабық цифрлық кілттермен қол қойылады. Samsung Blockchain Keystore қолданбасының арқасында кілттеріңіз бөлек, қауіпсіз сақтау орнында сақталады және тіпті пайдаланылған кезде де сенімді қорғалады.
- *Samsung Blockchain Keystore қолжетімділігі құрылғы моделіне және елге байланысты.
Денсаулығыңыз туралы мәліметтерді қорғау
Сіздің медициналық деректеріңіз де қауіпсіздікте болуы керек. Samsung Health қолданбасы диета, физикалық жаттығулар, ұйқы, салмақ немесе жалпы өмір салтыны қатысты әрқашан бапта болу үшін денсаулық көрсеткіштерін бақылауға мүмкіндік береді. Knox бұл деректерді қорғайды, өйткені сіздің денсаулығыңыз — тек сіздің ісіңіз.
- *Samsung Health функциялары құрылғы моделіне және елге байланысты өзгеруі мүмкін.
Қосылымдарды қорғау
Wi-Fi арқылы Интернетке қосылған кезде, Secure Wi-Fi функциясы шығыс интернет трафигін шифрлайды және қолданбалар мен веб-сайттардағы қадағалауды өшіреді. Қауіпсіздік ережелерінің бұзылатынынан қорықпай, көпшілікке қолжетімді сымсыз байланыс арқылы Интернетті қауіпсіз пайдалана аласыз.
- *Secure Wi-Fi функциясының қолжетімділігі елге, операторға, желілік ортаға және Samsung мобильді құрылғысының моделіне байланысты өзгеруі мүмкін. Secure Wi-Fi функциясын қолданған үшін ақы алынуы мүмкін.
Құрылғыны қашықтан басқару құралы
Сіздің смартфоныңыз — сіздің өміріңіздің ажырамас бөлігі, бірақ кез келген жағдай орын алуы мүмкін. Жоғалған немесе ұрланған жағдайда Find My Mobile («Менің ұялы телефонымды іздеу қызметі») смартфонның орнын қашықтан анықтауға, құрылғыдан деректерді Samsung Cloud сақтау орнына тасымалдауға, экранды құлыптауға және Samsung Pay қызметін пайдалануды бұғаттауға мүмкіндік береді. Сонымен қатар қажет болса, құрылғыда сақталған барлық деректерді жоя аласыз.
- *Find My Mobile қызметінің қолжетімділігі құрылғы моделіне және/немесе ОЖ нұсқасына байланысты.
- * Find My Mobile қызметін пайдалану үшін:
- 1) Құрылғыңызда Samsung есептік жазбасын баптаңыз.
- 2) Google жүйесіне сіздің орналасқан жеріңіз туралы ақпарат жинауға және сымсыз желілерді пайдалану шарттары пен ережелерін қабылдаңыз.
Сенімді көп деңгейлі қорғаныс
Samsung Knox платформасы ең құпия ақпаратыңызды зиянды бағдарламалардан және қауіптерден қорғап, деректерді сенімді қорғауға арналған аппараттық және бағдарламалық құралдарды біріктіреді. Knox қауіпсіздік платформасының төрт негізгі компоненті берілген.
- Микросұлбаларды дайындау
- Samsung әлемнің әр түрлі елдерінде орналасқан өз зауыттарында күшейтілген қауіпсіздік режимдерімен мобильді құрылғыларды жинақтауға пайдаланар алдында әр компьютерлік микросұлбаны, әр электрлік элемент пен функционалдық блокты жобалайды, жасайды және сынайды. Жобалау, өндіру және құрастыру кезінде толық бақылау жасаудың арқасында сенімді жеткізілім тізбегі және толық сенуге болатын соңғы өнім жасалады.
- Деректерді шифрлау
- Knox платформасы құрылғы ұрланған немесе жоғалған жағдайда деректеріңіз қауіпсіздікте болуы үшін оларды шифрлайды. Деректеріңіз өшірілген құрылғыда шифрланған күйде қалады және сіз оны толық бұғаттан алып тастағанша шифрын ажырату мүмкін болмайды.
- Деректерді оқшаулау
- Samsung мобильді құрылғыларында әр компонент деректерді оқшаулау тұжырымдамасына негізделіп жобаланған. Бұл сіздің құпия деректеріңіз үшін екі еселенген қорғаныс: Басқа біреу телефоныңыздың жадына қол жеткізе алса да, деректерге қол жеткізе алатын жалғыз адам — сіз боласыз.
- Нақты уақыт режиміндегі қорғаныс
- Samsung мобильді құрылғыңыз жұмыс істеп тұрған кезде де әрдайым деректерді ұрлаудан және зиянды бағдарламалардан қорғайды. Телефон ядросына қол жеткізуге немесе өзгертуге рұқсатсыз немесе абайсыз әрекеттер кез келген уақытта нақты уақыт режимінде бұғатталады.
Сенімділігі 30-дан астам сарапшылар мен мемлекеттік мекемелермен расталды
Knox қауіпсіздік платформасының сенімділігі қауіпсіздіктің ең жоғары деңгейлерін қажет ететін үкіметтік ұйымдармен расталған. Knox ұлттық қауіпсіздік сертификаттарын алып, мобильді қауіпсіздік саласында алда келеді.
«Сенімді»
Samsung Knox платформасы Gartner 2019 жылғы мамырдағы есебінде 30 санаттың 27-сі бойынша «strong» (сенімді) бағасын алды: Mobile OSs and Device Security: A Comparison of Platforms (Мобильді операциялық жүйелер мен құрылғылардың қауіпсіздігі: платформаларды салыстыру)
Samsung ұлттық мүдделерді, қоғамдық қауіпсіздік пен жеке өмір құпиялылығын қорғау үшін әзірленген сертификаттау талаптарының кең ауқымына сәйкес келу үшін ұлттық реттеу органдарымен үнемі жұмыс істейді.
Әр түрлі Samsung мобильді құрылғыларында
Samsung Knox платформасы - көптеген телефондар, планшеттер және тасымалдау құрылғылары архитектурасының ажырамас бөлігі. Бұл мобильді қауіпсіздік платформасы Samsung компаниясының жеке және корпоративтік құрылғыларын қорғайды.
Біздің көп деңгейлі қауіпсіздік шешіміміз Android және Tizen операциялық жүйелерінде жұмыс істейді, сондықтан әр құрылғы іске қосылғаннан бастап белсенді қорғалады.
Бізге сіз үшін құнды нәрсені қорғау маңызды.
Сондықтан Knox технологиясының қолданылуын IoT құрылғылары мен 5G желісінің соңғы нүктелерін қамтып, мобильді құрылғылардан тыс кеңейтуді жоспарлап отырмыз.
Сонымен қатар қауіптерге алдын-ала белсенді жауап беру арқылы Knox қауіпсіздік платформасын анағұрлым зияткер ету үшін жұмыс істеудеміз: құрылғы мен желінің қазіргі қолданысын талдау негізінде платформа автоматтандырылған конфигураторлар және инциденттер туралы есептерді шығарады және орындалу ағындарын түзетуді жүзеге асырады. Осылайша, біздің мақсатымыз – үнемі дамып отыру және күннен күнге өзара байланыста болып жатқан әлемде мәліметтеріңіздің қауіпсіздігін сақтай отырып, қауіпсіздікке төнетін қатерден әрқашан бір қадам алда болу.
-
Біздің қауіпсіздік платформамыздағы осалдықтар туралы хабарлаңыз және сыйақы алыңыз.
-
Samsung құпиялылық саясаты туралы қосымша ақпарат.
