Galaxy Z Fold7 နှင့် Z Flip7 တွင် Nano-SIM ကတ် ထည့်သွင်းနည်း
USIM ကတ်သည် သင့်သုံးစွဲသူအချက်အလက်ကို သိမ်းဆည်းထားပြီး သင့်စက်ပစ္စည်းကို မိုဘိုင်းကွန်ရက်နှင့် ချိတ်ဆက်နိုင်စေသည်။ Galaxy Z Fold သို့မဟုတ် Flip စက်အသစ်ကို စတင်သုံးစွဲချိန် သို့မဟုတ် SIM ကတ်အသစ်ထည့်သွင်းချိန်တွင် SIM ထည့်ခွက် မပျက်စီးစေရန်အတွက် မှန်ကန်စွာ ထည့်သွင်းရန် အရေးကြီးပါသည်။ Galaxy Fold7 နှင့် Z Flip7 တွင် USIM ကတ်ကို ဘေးကင်းစွာ ထည့်သွင်းနိုင်ရန် အောက်ပါအဆင့်များကို လိုက်နာပါ။
မှတ်ချက်-
- SIM ကတ်ကို အပေါ်အောက် ပြောင်းပြန်မထည့်စေရန် သတိပြုပါ။
- SIM ကတ်ကို သေချာမထည့်ထားဘဲ ထည့်ခွက်ကို စက်အတွင်းဖိထည့်ခြင်းကြောင့် ထည့်ခွက်ကွေးနိုင် သို့မဟုတ် ပျက်စီးနိုင်ပါသည်။
- ၎င်းကို စက်အတွင်းပြန်ထည့်ရာတွင် အလှည့် မှန်၊ မမှန် အမြဲစစ်ဆေးပါ။
- ပုံများကို သရုပ်ဖော်ရန် ရည်ရွယ်၍ ပုံဖော်ထားသည်။ အမှန်တကယ် UX/UI ကွဲပြားနိုင်သည်။
Galaxy Z Fold7 တွင် Nano-SIM ကတ် ထည့်သွင်းနည်း
သင့် Galaxy Z Fold7 စက်တွင် Nano-SIM ကတ်ကို မှန်ကန်စွာ ထည့်ရန် အောက်ပါအဆင့်များကို လိုက်နာပါ-
မှတ်ချက်- ကတ်ထည့်ခွက်သည် အလွန်ပါးလွှာပါသည်။ ဆွဲထုတ်လျှင် သို့မဟုတ် ပြန်ထည့်လျှင် မကွေးစေရန် သို့မဟုတ် မကျိုးစေရန် သတိပြုပါ။
အဆင့် 1။ စက်ကို ခေါက်ပြီး အရှေ့နှင့် အနောက် ကင်မရာများကို ထိပ်ဘက်တွင် ရှိအောင် ဖြောင့်တန်းစွာ ကိုင်ထားပါ။ Nano-SIM ကတ်ထည့်ခွက်ကိုထုတ်ရန်အတွက် ကတ်ထုတ်ပင်ကို Nano-SIM ကတ်ထည့်ခွက်ပေါ်ရှိ အပေါက်ထဲသို့ ထည့်ပါ။ Nano-SIM ကတ်ထည့်ခွက်သည် ပုံတွင်ပြထားသည့်အတိုင်း ထိပ်ဘက်ရှိ စပီကာဘေးတွင် တည်ရှိသည်။
မှတ်ချက်- ပင်ကို SIM ထည့်ခွက်အပေါက်မှလွဲ၍ အခြားအပေါက်ထဲ မထည့်ပါနှင့်။
အဆင့် 2။ ထည့်ခွက်ကို ထည့်ခွက်အပေါက်မှ ညင်သာစွာ ဆွဲထုတ်ပါ။
SIM တစ်ကတ်
SIM နှစ်ကတ် - SIM1
SIM နှစ်ကတ် - SIM2
အဆင့် 3။ Nano-SIM ကတ်ကို ရွှေရောင်ချစ်ပ်ပြားအား အပေါ်ဘက်မျက်နှာမူအောင် ထည့်ခွက်တွင်ထည့်ပြီး ကတ်ကို ထည့်ခွက်အတွင်း ညင်သာစွာဖိထည့်၍ နေရာချပါ။
အဆင့် 4။ ထည့်ခွက်ကို ထည့်ခွက်အပေါက်ထဲ ပြန်ထည့်ပါ။
Galaxy Z Flip7 တွင် Nano-SIM ကတ် ထည့်သွင်းနည်း
သင်၏ Galaxy Z Flip7 စက်တွင် Nano-SIM ကတ်ကို မှန်ကန်စွာ ထည့်သွင်းနိုင်ရန် အောက်ပါအဆင့်များကို လိုက်နာပါ-
SIM တစ်ကတ်
အဆင့် 1-1။ ကျောဘက်ကင်မရာကို အပေါ်ဘက်မျက်နှာမူအောင် စက်ကိုဖွင့်ပါ။
SIM နှစ်ကတ်
အဆင့် 1-2။ ကျောဘက်ကင်မရာကို အောက်ဘက်မျက်နှာမူအောင် စက်ကိုဖွင့်ပါ။
SIM တစ်ကတ်
အဆင့် 2-1။ Nano-SIM ကတ်ထည့်ခွက်ကိုထုတ်ရန် ကတ်ထုတ်ပင်ကို Nano-SIM ကတ်ထည့်ခွက်ပေါ်ရှိ အပေါက်ထဲသို့ ထည့်ပါ။ ပုံတွင် ပြထားသည့်အတိုင်း Nano-SIM ကတ်ထည့်ခွက်သည် ကျောဘက်ကင်မရာ၏ ညာဘက်တွင် တည်ရှိသည်။
SIM နှစ်ကတ်
အဆင့် 2-2။ Nano-SIM ကတ် ထည့်ခွက်ပေါ်ရှိ အပေါက်ထဲသို့ ကတ်ထုတ်ပင်ကို ထည့်၍ ထည့်ခွက်ကိုထုတ်ပါ။ Nano-SIM ကတ် ထည့်ခွက်သည် ပုံတွင်ပြထားသည့်အတိုင်း ရှေ့ကင်မရာ၏ ဘယ်ဘက်တွင် တည်ရှိသည်။
မှတ်ချက်- ကတ်ထုတ်ပင်ကို ကျောဘက်ကင်မရာ၏ ဘယ်ဘက်ခြမ်းရှိ အသံအတိုးအကျယ်ခလုတ်နှင့် ပါဝါခလုတ်ကြားရှိ မိုက်ခရိုဖုန်းအပေါက်ထဲ မထည့်ပါနှင့်။
SIM တစ်ကတ်
SIM နှစ်ကတ်
အဆင့် 3။ ထည့်ခွက်ကို ထည့်ခွက်အပေါက်မှ ညင်သာစွာ ဆွဲထုတ်ပါ။
SIM တစ်ကတ်
SIM နှစ်ကတ်
အဆင့် 4။ ရွှေရောင်ချစ်ပ်ပြားအား အောက်သို့မျက်နှာမူလျှက် Nano-Sim ကတ်ကို ထည့်ခွက်အတွင်းထည့်ပြီး ကတ်ကို ထည့်ခွက်အတွင်းသို့ ညင်သာစွာဖိထည့်၍ နေရာချပါ။
SIM တစ်ကတ်
SIM နှစ်ကတ်
အဆင့် 5။ ထည့်ခွက်ကို ထည့်ခွက်အပေါက်ထဲ ပြန်ထည့်ပါ။
မှတ်ချက်- SIM တစ်ကတ်နှင့် SIM နှစ်ကတ် မော်ဒယ်များတွင် အလှည့်ကွဲပြားနိုင်ပါသည်။ ထည့်ခွက်၏အပေါက်နှင့် စက်၏အပေါက် ကိုက်ညီအောင် တိတိကျကျ ချိန်ညှိပါ။
မှတ်ချက်-
- Nano-SIM ကတ်များကိုသာ အသုံးပြုပါ။ အခြားအရွယ်အစားများ သို့မဟုတ် ပြုပြင်ထားသော SIM များသည် သင့်စက်ကို ပျက်စီးစေနိုင်သည်။
- Nano-SIM ကတ်ကို မှန်ကန်စွာ မထည့်သွင်းပါက သို့မဟုတ် ပံ့ပိုးမထားသော SIM ကတ်ကို အသုံးပြုပါက သင့်စက်တွင် အမှားပြမက်ဆေ့ ပေါ်လာနိုင်ပြီး စက်ပျက်စီးနိုင်သည်။
- SIM ကတ်ကို ထည့်ခွက်ထဲတွင် အပြည့်အဝထည့်ထားကြောင်း သေချာပါစေ။ သေချာမထည့်ထားပါက စက်သည် SIM ကတ်ကို အသိအမှတ်မပြုနိုင်ပါ။
- ထည့်ခွက်စိုနေပါက မထည့်ပါနှင့်။ ထည့်သွင်းမည့်အခါ ထည့်ခွက်နှင့် စက် နှစ်ခုစလုံး ခြောက်သွေ့နေကြောင်း အမြဲသေချာပါစေ။
- အတွင်းပိုင်း စက်ပျက်စီးမှု မဖြစ်စေရန် ကတ်ထုတ်ပင်ကို ထောင့်မှန် (အတည့်) ထည့်သွင်းပါ။
- SIM ကတ်ကို အသုံးပြုရန် ဖွင့်၍ SIM ကတ်ဆက်တင်များကို စိတ်ကြိုက်ပြင်ဆင်နိုင်ပါသည်။ ဆက်တင်များ မှ ချိတ်ဆက်မှုများ မီနူးတွင် SIM မန်နေဂျာ ကိုနှိပ်ပါ။
သငျ၏အကွံပွုခကြျအတှကျကြေးဇူးတငျပါသညျ
ကျေးဇူးပြု၍ မေးခွန်းအားလုံးဖြေဆိုပါ။
RC01_Static Content : This text is only displayed on the editor page