Galaxy ခေါက်ဖုန်းများ အသုံးပြုသည့်အခါ သတိ ပြုရမည့် အချက်များ

ဖုန်း ကိုခေါက်သည့်အခါ ကတ်များ၊ ဒင်္ဂါးများ (သို့) သော့ အစရှိသော အရာဝတ္ထုများကို ဖုန်းမျက်နှာပြင်ကြားတွင်မထားပါနှင့်။ ဖုန်းမှန်အတွင်းသို့ ထည့်ခြင်း (သို့) သိမ်းခြင်းမပြုလုပ်ရပါ။ ပြင်ပအရာဝတ္ထုများသည် မျက်နှာပြင်ကိုကုတ်ခြစ်ရန် (သို့) ထိုးဖောက်ရန် အခွင့်အလမ်းရှိသောကြောင့် ဖုန်းကိုအမြဲ ဖွင့်ဟမထားပါနှင့်။ ဖုန်းမှန်ကို ဖန်သားပြင်အကြား၌လက်ညှိုးကိုသုံးပြီး ဖွင့်ခြင်းကို အားမပေးပါ။

Galaxy Z Fold3 5G နှင့် Z Flip3 5G သည် IPX8 အဆင့် သတ်မှတ်ထားသော ရေစိမ်ခံနိုင်စွမ်းရှိသည်။  သင့်ဖုန်း၏ ရေစိုခံနိုင်မှုကိုထိန်းသိမ်းရန်နှင့် ပျက်စီးမှုကိုကာကွယ်ရန် အထူးသတိထားရမည်။

• ၁.၅ မီတာထက်နက်သော ရေချိုတွင်မိနစ် ၃၀ ထက်ပိုမနှစ်ပါနှင့်။ အကယ်၍ သင်သည် ရေချိုမဟုတ်သော ဆားရေ၊ သံသတ္တုရေ (သို့) အရက်ယမကာကဲ့သို့သော အခြားအရည်များတွင် နှစ်မြှုပ်ပါက အရည်သည် စက်ထဲသို့လျင်မြန်စွာ၀င်လာပြီး ဖုန်းကိုပျက်စီးစေနိုင်သည်။
• အကယ်၍ စက်သည် သန့်ရှင်းသောရေနှင့်ထိတွေ့ပြီးပါက သန့်ရှင်း၊ နူးညံ့သောအ၀တ်ဖြင့် ခြောက်အောင်သုတ်ပါ။ အကယ်လို့များ ဖုန်းသည် ဆားရေ၊ ရေကူးကန်၊ ဆပ်ပြာရည်၊ ဆီ၊ ရေမွှေး၊ နေရောင်ကာလိမ်းဆေး၊ လက်သန့်စင်ဆေးသို့မဟုတ် အလှကုန်အပါအဝင် ဓာတုဗေဒပစ္စည်းများကဲ့သို့ အခြားအရည်များနှင့်ထိတွေ့ပါက ရေသန့်ဖြင့်ပြန်ဆေးပါ။ နူးညံ့သောအဝတ်စဖြင့်သုတ်ပါ။ ဤညွှန်ကြားချက်များကို မလိုက်နာပါက ဖုန်းကိုပျက်စီးစေနိုင်ပြီး စက်၏စွမ်းဆောင်ရည်နှင့် အသွင်အပြင်ကို ထိခိုက်စေနိုင်သည်။ အာမခံချက်ထဲတွင်လည်းမပါဝင်ပါ။
• ဖုန်းအား အရှိန်ဖြင့်စီးဆင်းနေသော ရေနှင့်ထိတွေ့ခြင်း မပြုပါနှင့်

ထို့အပြင်ဤဖုန်းများသည် ဖုန်မှုန့်ဒဏ်ခံနိုင်ခြင်းမရှိပါ။ သဲကဲ့သို့ အမှုန်လေးများထိတွေ့ခြင်းသည် မျက်နှာပြင်ပေါ်ခြစ်ရာများ သို့မဟုတ် ချိုင့်ရာများဖြစ်ပေါ်စေနိုင်သလို ဖုန်းကိုလည်းပျက်စီးစေနိုင်သည်။

ဖန်သားပြင်တွင် အုပ်ထားသည့် ဖလင်ပြားကို မဖြုတ်ပါနှင့်။ ပြင်ပအရာများ သို့မဟုတ် စတစ်ကာများကို မတပ်ဆင်ပါနှင့်၊ ထိုသို့လုပ်ဆောင်ခြင်းများသည် device ကိုပျက်စီးစေနိုင်ပါသည်။ အတည်မပြုထားသည့် screen protector များသည် အာရုံခံကိရိယာများကို ချို့ယွင်းစေပါသည်။

သင့်ဖုန်းတွင် သံလိုက်များပါ၀င် ကြောင့် credit card များ ၊ ကိုယ်ထဲထည့်သွင်းရသော ဆေးဘက်ဆိုင်ရာကိရိယာများ၊ သံလိုက်များ အစရှိသည့် ထိခိုက်နိုင်သောအရာများကို လုံခြုံ စိတ်ချရသော အကွာအဝေးတွင်ထားပါ။ သင့်ကိုယ်ထဲတွင် ဆေးဘက်ဆိုင်ရာကိရိယာ ထည့်သွင်းထားလျှင် အသုံးမပြုမီ ဆရာဝန်နှင့်တိုင်ပင်ပါ။

ကြိုးမဲ့အားသွင်းနေစဉ် ဖုန်းကိုခေါက်ပြီး ကျောဘက်ကိုအားသွင်းကြိုး၏အလယ်ဗဟိုတွင်ထားပါ။ ဖုန်းတွင် မူလပါဝင်လာသော သံလိုက်ပါရှိပြီး ကြိုးမဲ့အားသွင်းကွိုင်၏ တည်နေရာသည် ဖုန်းမော်ဒယ်ပေါ် မူတည်၍ ကွဲပြားသည်။ အောက်ပါပုံအတိုင်း စက်၏အနေအထားကို ချိန်ညှိပါ။

သို့မဟုတ်လျှင် ဖုန်းကို မှန်မှန်ကန်ကန် အားမသွင်းနိုင်သလို အပူလွန်ကဲနိုင်သည်။ ပြထားသောပုံနှင့်မတူပဲ ကွဲပြားသောအနေအထား (သို့) တိမ်းညွတ်စွာထားလျှင် ကိရိယာသည် ၎င်း၏ သံလိုက်စွမ်းအားနှင့် ယိမ်းယိုင်မှုတို့ကြောင့်  လွဲချော်သွားနိုင်သည်။

သင်၏ Galaxy Z Fold တွင် Samsung Pay အတွက် ဖုန်းကို ပိတ်ပြီး အသုံးပြုပေးရန် အကြံပြုပါသည်။ Galaxy Z Flip3 5G သည် Samsung Pay ကိုအောက်ခြေတွင် Scan ဖတ်သောကြောင့် ကတ် (သို့) NFC Reader ကို ဖုန်း၏အနောက်ဘက်ဖြင့် ဖတ်ပါ။

• Samsung Pay ဖြင့်ငွေပေးချေရန် device သည် ဒေသပေါ် မူတည်၍ Wi-Fi (သို့) မိုဘိုင်းကွန်ယက် ဆက်သွယ်မှု လိုအပ်လိမ့်မည်။
• ၀န်ဆောင်မှုပေးသူ သို့မဟုတ် နိုင်ငံပေါ် မူတည်၍  ဤအင်္ဂါရပ်ကို မရနိုင်ပါ။