55" VMB-R Video wall me kornizë shumë të ngushtë FHD

Me një kornizë jashtëzakonisht të hollë me madhësi 0,44 mm dhe e pajisur me teknologjinë e avancuar të përmirësimit të pamjes të Samsung, së bashku me këndet e gjera të shikimit, VMB-R ofron një përvojë mbresëlënëse dhe pa ndërprerje. Dizajni modern dhe elegant bën që ekrani të përshtatet në çdo ambient biznesi.

Një kornizë jashtëzakonisht e hollë prej 0,44 mm, me një thellësi prej 0,88 mm nga korniza në kornizë, mundëson që përmbajtja të transmetohet si një imazh i vetëm pa ndërprerje. Për më tepër, ekrani eliminon çdo çrregullim të mundshëm të ekranit dhe ofron një përvojë shikueshmërie më përfshirëse.

Këndet e gjera të shikimit të ekranit nënkuptojnë se përmbajtja është lehtësisht e dukshme edhe nëse shikuesit nuk qëndrojnë direkt përpara ekranit. Shikuesit mund të marrin informacion të qartë dhe të saktë pavarësisht strukturës së video-murit ose vendndodhjes.

Teknologjia e fuqishme e përmirësimit të figurës së Samsung siguron që të gjitha përmbajtjet të jenë të gjalla dhe të qarta. Me modalitetin Picture Enhancer, saturimi dhe kontrasti i ngjyrave përmirësohen duke rregulluar kurbën gama. Përdorimi i modalitetit Black Qualizer, ndriçon figurat e errëta, që detajet të shihen më thjeshtë.

Ekranet e VMB-R paraqesin një estetikë me dizajn të përmirësuar dhe thellësi ultra të hollë prej më pak se 70 mm. Kjo mundëson ekranin të ruajë hapësirë dhe të krijojë një pamje të qartë dhe moderne për hapësirat e shitjes me pakicë ose të tjera.

Përjetoni prezantime brilante të imazhit me një ndriçim mbresëlënës 500 nit, duke u mundësuar bizneseve të transmetojnë informacion të qartë 24/7. Panelet pa shkëlqim të ekranit ofrojnë pamje më të mirë pavarësisht dritës së ambientit, duke siguruar se informacioni i rëndësishëm shihet në çdo moment.

Zgjidhja Color Expert Pro Mobile e Samsung ofron kalibrim të shpejtë dhe të thjeshtë të video-murit nëpërmjet një kamere telefoni. Me UI-në intuitive të zgjidhjes, edhe përdoruesit që nuk janë ekspertë mund të përshtatin balancën e së bardhës të video-murit deri në madhësinë 3x3, pa nevojën e pajisjeve shtesë.

Procesi i kalibrimit me shumë hapa nga fabrika i Samsung përshtat video-muret që të njëtrajtësojnë ndriçimin dhe ngjyrën në shumë ekrane. Përveç kalibrimit rigoroz nga fabrika, përdoruesit gjithashtu mund të menaxhojnë njëtrajtësimin e ndriçimit dhe ngjyrës me Color Expert Pro të Samsung, një program i fuqishëm softuerik pa pagesë.

Video-muret e Samsung ofrojnë një përvojë gjithëpërfshirëse shikimi me përpjekje minimale. Me dizajnin e zinxhirit daizy që përdor portat DisplayPort 1,2 dhe HDMI, ekrani i VMB-R mund të projektojë përmbajtje UHD në shumë ekrane, deri në përmasat 5 x 5, pa nevojën e kartave të jashtme grafike ose të ndarësve UHD.

Seria VMB-R përputhet me EMC të klasës A, duke plotësuar standardet rigoroze të emetimit të valëve elektromagnetike, ndërsa certifikimi IP5x mbron ekranin nga pluhuri dhe kushte të tjera. Gjithashtu, paketimi i ekranit kaloi testin rigoroz me 4 pjesë të certifikimit të ISTA për të minimizuar dëmtimet e mundshme gjatë transportit.

UHD Signage Player Box kombinon mjetet e përpunimit të informacionit dhe të menaxhimit të përmbajtjes në një platformë të vetme për thjeshtësi në përdorim. Me një peshë prej vetëm 0,6 kg, edhe me një MagicINFO S Player 6 dhe SSSP 6 të integruar, dizajni kompakt i aparatit e bën atë një zgjidhje ideale.