بەردەوامی

تایبەتمەندیی خوێنەری شاشەکە یارمەتی ئەو بەکارهێنەرانە دەدات کە کێشەی بینینیان هەیە. فیدباکی زارەکی دەدات بۆ ئەوەی یارمەتی بەکارهێنەران بدات لە ناوەڕۆکی سەر شاشەکە تێبگەن. دەتوانیت ئامێرەکەت بەبێ سەیرکردنی شاشەکە بەکاربهێنیت.

لە Display mode (مۆدی نیشاندان)ـدا، دەتوانیت کۆنتڕاستی سەر شاشەکە بەرز بکەیتەوە یان وا بکەیت ناوەڕۆک بە شێوەیەکی گەورەتر دەربکەون. پێویست ناکات هەر تایبەتمەندییەکی توانای دەسپێگەیشتنی وەک High contrast fonts (فۆنتە کۆنتڕاست بەرزەکان)، High contrast keyboard (تەختەکلیلی کۆنتڕاستی بەرز) و Screen zoom (زوومکردنی شاشە) بە جیا دابگیرسێنیت. دەتوانیت دەستبەجێ مۆدێکی گونجاو بۆ خۆت هەڵبژێریت.

بۆ خوێندنەوەی ئاسانتر و بینینی باشتر، بابەتێک بەکاربهێنە کە ناوەڕۆکی ڕەنگی کاڵی هەبێت لەسەر پاشبنەمایەکی تاریک. ئەمەش یارمەتیدەرە بۆ کەمکردنەوەی ماندوێتی چاو و بە تایبەتی یارمەتیدەرە کاتێک مۆبایلەکەت لە ژینگەیەکی تاریکدا یان بۆ ماوەی درێژ بەکاردەهێنیت. بابەتە جۆراوجۆرەکانی کۆنتڕاستی بەرز لە بابەتەکانی Galaxy بەردەستە.

ڕەنگ و چوارچێوەی فۆنتەکان ڕێکبخە بۆ بەرزکردنەوەی کۆنتڕاستی نێوان دەق و پاشبنەماکە.

کۆمەڵێک بژاردەی جیاوازی کیبۆڕدی کۆنتڕاست بەرز، قەبارەی Samsung keyboard (تەختەکلیلی سامسۆنگ) زیاد دەکەن و ڕەنگی دوگمەکان دەگۆڕن بۆ بەرزکردنەوەی کۆنتڕاستی نێوان دەق و پاشبنەماکە.

دوگمەکان بە ڕەنگاوڕەنگی پیشانبدە بۆ ئەوەی زیاتر دەربکەون.

ئەگەر کێشەت هەیە لە بینینی بابەتەکانی ناو ڤیدیۆ یان وێنەکان لەسەر شاشەکەت بەهۆی بینینی تەمومژاوی، Relumino outline تاقی بکەوە. سنووری جیا لە نێوان شتەکان و دەوروبەریان دابین دەکات.

بۆ بینینی باشتر، ڕەنگەکانی شاشەکە پێچەوانە بکەرەوە.

ئەگەر بۆت قورسە هەندێک ڕەنگی دیاریکراو لەسەر شاشەکە بناسیتەوە، ئەوا color correction (ڕاستکردنەوەی ڕەنگ) بەکاربهێنە بۆ ئەوەی یارمەتیت بدات باشتر جیایان بکەیتەوە. ڕێگەت پێدەدات ئەو تێکەڵە ڕەنگانە ڕێکبخەیت و دایانبنێیت کە گونجاوترینن بۆت.

هەندێک کەس بەزەحمەت لەسەر پاشبنەمای سپی دەخوێننەوە، ئەمەش سەرقاڵیاندەکات و ناهێڵێت کە سەرنجی بابەتێک یان پەیامێک بدەن. ئەگەر تووشی ئەم کێشەیە بوویت، ڕەنگە تایبەتمەندی Color Filter (فلتەری ڕەنگ) یارمەتیدەر بێت. دەرکەوتووە کە گۆڕینی ڕەنگی شاشەکەت خێرایی خوێندنەوە و ئاسوودەیی باشتر دەکات.

ماندوێتی چاو کەم بکەرەوە بە کەمکردنەوە یان لابردنی کاریگەرییەکانی جووڵە کە لە نێوان لاپەڕەکان یان لە ڕێگەی بەکارهێنانی بەرنامەکانەوە ڕوودەدەن.

کاریگەری ڕوونی و لێڵی سەر گفتوگۆ و لیستەکان کەمبکەوە بۆئەوەی ئاسانتر ببیندرێن.

ئەگەر شاشەکەت زۆر ڕووناكە، تەنانەت لە دۆخی نزمترین ڕووناکیدا، تاریکی زیاتر (Extra dim) هەڵ بکە بۆ ئەوەی بەئاسودەییەکی زیاتر لە تاریکیدا بخوێنیتەوە.

دەتوانیت تەواوی شاشەکەت یان بەشێکی دیاریکراوی شاشەکە گەورە بکەیت. بە بەکارهێنانی کورتە ڕێگاکە بە خێرایی بچۆ نێو کرداری Magnification (گەورەکردنەوە). دەتوانیت بە ئاسانی لە نێوان گەورەکردنی تەواوی شاشەکە و مۆدەکانی گەورەکردنی بەشێک لە شاشەکەدا بگۆڕیت.

ویجتی Magnifier (گەورەکەر) یارمەتیتدەدات کە بە ئاسانی شتەکانی دەوروبەرت گەورەبکەیت. هەروەها فلتەری ڕەنگ و ڕووناکی و کۆنتڕۆڵی کۆنتڕاست لەخۆدەگرێت بۆ بینینی ڕوونتری دەق و وێنەکان. دەتوانیت لە پێڕستی ویجتەوە، ویجتی Magnifier (گەورەکەر) بۆ شاشەی سەرەکیت زیاد بکەیت.

دەتوانیت ئەستووری ئاماژەدەری دەقەکە دابنێیت بۆ ناسینەوەی باشتر.

دەتوانیت قەبارە یان ڕەنگی ئاماژەدەری ماوس یان خاڵی دەستلێدان کە لەسەر شاشەکە پیشان دەدرێت، ڕێکبخەیت.

دەتوانیت قەبارە و ستایلی فۆنتەکە بگۆڕیت بۆ ئەوەی توانای خوێندنەوە و بینینی دەقەکانی سەر شاشەکەت باشتربێت.

زوومی شاشەکە بگۆڕە. قەبارەی تەنەکانی سەر شاشەکەت ڕێکدەخات.

دەکرێت بە بەکارهێنانی Samsung Keyboard ئەو دەقەی کە نووسیوتە بە دەنگی بەرز بخوێنرێتەوە. Speak Keyboard Input Aloud (خوێندنەوەی ئینپوتی تەختەکلیل بە دەنگی بەرز) فیدباکەکانی تایپکردن بە پیت، وشە، یان هەردووکیان بەپێی ئارەزووی خۆت دابیندەکات.

دەتوانیت تایبەتمەندیی بیستنی ’Audio description (وەسفی دەنگی)‘ ڕێکبخەیت بۆ ئەوەی بە شێوەیەکی خۆکار چالاکبێت کاتێک سەیری ڤیدیۆیەک دەکەیت کە تایبەتمەندیی ’audio description (وەسفی دەنگی)‘ هەیە.

Bixby Vision بە شێوەیەکی زارەکیی (بە دەنگ) ئەو شتانەی کە دەیبینێت دەڵێتەوە و یارمەتیت دەدات شتەکانی دەوروبەرت بناسیتەوە.

دەتوانیت تاگەکانی NFC بەکاربهێنیت بۆ ناسینەوەی ئەو شتانەی کە شێوەیان لەیەکتر دەچێت لە ڕێگەی دانانی ناونیشان لە سەریان. دەتوانیت دەنگ تۆمار بکەیت و بۆ تاگێکی NFC دابنێیت. کاتێک مۆبایلەکەت بخەیتە نزیک تاگی NFCـەکە، تۆمارە دەنگییەکە پەخشدەکرێتەوە.

ئێستا گفتوگۆکان بە Live Transcribe لەسەر Android ئاسانتر بوون. تایبەتمەندییەکە ئەو زمانە دەستنیشان دەکات کە بە زیاتر لە 70 زمان و زاراوە قسەی پێدەکرێت. لەگەڵ ڕۆیشتنی گفتوگۆکەتدا ژێرنووسەکان ڕێکدەخرێن و پیشاندەدرێن.

Live Caption لەسەر Android بە شێوەیەکی خۆکارانە ژێرنووسی ئەو میدیایە پیشاندەدات کە لە مۆبایلەکەتدا لێدەدرێت. هەر ڤیدیۆ، پۆدکاست یان پەیامێکی دەنگی، لە سەرانسەری ئەپەکان - تەنانەت ئەو شتانەی خۆت تۆماریان دەکەیت. بەبێ ئەوەی هەرگیز پێویستت بە Wi-Fi یان داتای مۆبایل بێت کاردەکات.
لەگەڵ بژاردەی Live Caption in Calls دەتوانیت پەیوەندییەکە بە ژیرنووسی خۆکار بخوێنیتەوە و بە نووسینی دەق وەڵامی بدەیتەوە، کە بە بەکارهێنانی Speech Service (خزمەتگوزاریی لێدوان)ـی Google بۆ وەرگر دەخوێندرێتەوە.

دەتوانیت هەڵبژاردەکانی ژێرنووس دابگیرسێنیت یان بیکوژێنیتەوە و قەبارە یان شێواز بەپێی خواستی خۆت ڕێکبخەیت.

ئاگانامەکانی دەنگی بە دیاریکردنی دەنگی دەوروبەرت ئاگادارتدەکاتەوە. ئەم تایبەتمەندییە ڕێگەت پێدەدات ئاگاداری بارودۆخە گرنگەکانی ناو ماڵ بیت، وەک کاتێک زەنگی دەرگا لێدەدرێت، بۆ ئەوەی بتوانیت بە خێرایی وەڵام بدەیتەوە.

کوالێتی دەنگ باشتر بکە بۆ کارکردنی باشتر لەگەڵ یاریدەدەری بیستنەکەت.
پەخشکردنی میدیا و تایبەتمەندی دەرچەی دەنگی پەیوەندی بە گرێدانی یاریدەدەری بیستنی Bluetooth Low Energy (BLE) پاڵپشتی دەکرێن. (One UI 2.0 و سەرووتر)

دەتوانیت دەنگەکانی دەوروبەری مۆبایلەکەت بەرز بکەیتەوە و لە ڕێگەی هێدفۆنە گرێدراوەکانەوە بیبیستیت.

ڕەنگە بە بەراورد بە کەسانی تر زیاتر یان کەمتر هەستیار بیت بەرامبەر بە هەندێک لەرەلەری دەنگی. دەنگی خۆگونجێنەر دەنگێکی تەواوت پێدەبەخشێت کە تەنها بۆ گوێچکەکانی تۆ ڕێکخراوە. ڕێکخستنێکی ئامادەکراو هەڵبژێرە کە لەگەڵ تەمەنتدا بگونجێت، یان تاقیکردنەوەیەکی بیستن ئەنجامبدە بۆ بەدەستهێنانی دەنگی تەواو کەسیی.

بێدەنگکردنی هەموو دەنگەکان، گشت دەنگەکانی ئامێرەکە بێدەنگ دەکات.

دەنگی مۆنۆ دەنگی ستێریۆ لە یەک سیگناڵدا کۆدەکاتەوە کە لە ڕێگەی هەموو سپیکەرەکانی بیستۆکەوە پەخشدەکرێت. ئەگەر توانای بیستنت لە هەر گوێیەکدا جیاوازە یان ئەویکە بەکارهێنانی یەک بیستۆک گونجاوترە تاقیبکەرەوە.

هاوسەنگی دەنگی چەپ/راست وا ڕێکبخە کە لەگەڵ شێوازە دڵخوازەکانی بیستنت بگونجێت.

ئەو بەکارهێنەرانەی کە تووشی ئاستەنگی جووڵە دەبنەوە دەتوانن بە کلیلی جۆراوجۆری وەک جووڵەی سەر و ئاماژەی ڕووخسار و کلیلی دەرەکی بە ئاسانی ئامێرەکە کۆنتڕۆڵبکەن. Universal switch ڕێگەت پێدەدات هەندێک دەستلێدان یان ئاماژە دیاریبکەیت بۆ کۆنتڕۆڵکردنی کرداری تایبەت لە مۆبایلەکەتدا.

ئایکۆنی کورتە ڕێگای یارمەتیدەر بۆ دەستگەیشتن بە ئەپەکان، تایبەتمەندییەکان و ڕێکخستنەکان پیشاندەدات. Assistant menu ڕێگەت پێدەدات بە لێدانی ئایکۆنەکانی پێڕستی یارمەتیدەر لەسەر شاشەکەت لەجیاتی بەکارهێنانی دوگمە فیزیکییەکان بە ئاسانی مۆبایلەکەت کۆنتڕۆڵبکەیت.

کاتێک بەزەحمەت دەست لە شاشەکە دەدەیت، دەتوانیت Voice Access (دەستگەیشتن بە دەنگ) بەکاربهێنیت بۆ کۆنتڕۆڵکردنی ئامێرەکەت بە دەنگ. فەرمانە دەنگییە سادەکانی گەڕان وەک 'Go back (گەڕانەوە)' یان 'Go home (ڕۆشتن بۆ سەرەکی)' تاقیبکەرەوە، یان ئەپە دڵخوازەکانت بکەرەوە. هەروەها Voice Access (دەستگەیشتن بە دەنگ) دیمەنێکی تۆڕ/ژمارەیی هەیە کە دەتوانیت بە وتنی 'Show grid (تۆڕ پیشانبدە)' یان 'Show numbers (ژمارەکان پیشانبدە)'، چالاکیانبکەیت، کە ڕێگەت پێدەدات فرمانەکانی وەک 'Tap 3'، 'Scroll down on 7' ​​و هتد بەکاربهێنیت بۆ کۆنتڕۆڵکردنی شاشەی ئێستا.

ئەگەر دەزانیت ڕاکێشانی دوگمەکەی سەر شاشە بۆ وەڵامدانەوەی پەیوەندی هاتوو قورسە بۆت، ئەوا ئەم تایبەتمەندییە یارمەتیت دەدات. دەتوانیت کلیلی زیادکردنی ئاستی دەنگ بۆ وەڵامدانەوەی پەیوەندییەکان بەکاربهێنیت و کلیلی لاتەنیشت بۆ داخستن.

هەندێک کەس بەهۆی لەرزینی دەستەوە کارلێکی دەستلێدان بە قورس دەبینن. دەکرێت تایبەتمەندییەکانی ڕێکخستنی دەستلێدانی خوارەوە یارمەتیدەر بن لە کەمکردنەوەی هەڵەکان و بە کەسیی کردنی کارلێکەکانت بۆ کۆنتڕۆڵکردنی باشتر.

کارلێکەکانت بە کیبۆردێکی فیزیکی بە کەسیی بکە بۆ ئەوەی لەرزینەکانی دەست، تێکەڵکردنی کلیلەکان و زیاتریش لەخۆبگرێت. هەروەها دەتوانیت ماوسەکەت ڕێکبخەیت کە کاتێک ئاماژەدەرەکە لە جووڵە وەستا بە شێوەیەکی خۆکار کلیک بکات.

کۆنتڕۆڵی کارلێککردن بە بلۆککردنی دوگمەکانی Back (گەڕانەوە) و Home (سەرەکی) و Recents (نوێیەکان)، هەروەها پەیوەندی و ئاگانامە هاتووەکان، سەرنج لەسەر یەک ئەپ دەهێڵێتەوە. هەروەها دەتوانیت هەڵبژێریت کە ئایا کلیلی لاتەنیشت، کلیلەکانی دەنگ و کیبۆڕد بلۆک بکەیت، یان دەستلێدانەکان لە ناوچەیەکی شاشەکەدا بلۆک بکەیت.

دەتوانیت بزانیت کام تایبەتمەندیی توانای دەسپێگەیشتن چالاککراوە و تایبەتمەندی پێشنیارکراو بەدەستبهێنیت کە بۆ تۆ گونجاوترن.

کورتە ڕێگاکانی توانای دەسپێگەیشتن ڕێگەت پێدەدات خێراتر و بە ئاسانی دەستت بە تایبەتمەندییەکانی توانای دەسپێگەیشتن بگات.

کاتێک ئاگانامەت پێدەگات یان کاتێک زەنگەکان دەکوژێنەوە، Flash notification (ئاگانامە بە فلاش) ڕووناکی کامێڕا یان شاشەکە دەچرپێنێت. دەتوانیت ڕەنگێکی جیاواز بۆ هەر ئەپێک هەڵبژێریت بۆ ئەوەی بە ئاسانی بزانیت لە کوێوە ئاگادارکردنەوەیەک یان زەنگێک دێت.

دەتوانیت ماوەی پیشاندانی ئەو پەیامانەی داوات لێدەکەن کارێک ئەنجامبدەیت بەڵام تەنها بۆ ماوەیەکی کاتیی دەبینرێن هەڵبژێریت، وەک ئاگانامەی کاتیی سەر شاشە یان کۆنتڕۆڵکەری ئاستی دەنگ. یارمەتیت دەدات ئەوەی کە پێویستتە لەدەستی نەدەیت.

تایبەتمەندی خوێنەری شاشەیارمەتی ئەو بەکارهێنەرانە دەدات کە کێشەی بینینیان هەیە. لە ڕێگەی قسەکردنەوە وەڵام دەدات بۆ ئەوەی یارمەتی بەکارهێنەران بدات لە تێگەیشتن لە ناوەڕۆکی سەر شاشەکە. دەتوانیت ئامێرەکەت بەبێ ئەوەی سەیری شاشەکە بکەیت بەکاربهێنیت.

ڕەنگ و چوارچێوەی فۆنتەکان ڕێکبخە بۆ بەرزکردنەوەی کۆنتڕاستی نێوان دەق و پاشبنەماکە.

ئەگەر بۆت قورسە هەندێک ڕەنگی دیاریکراو لەسەر شاشەکە بناسیتەوە، ئەوا color correction (ڕاستکردنەوەی ڕەنگ) بەکاربهێنە بۆ ئەوەی یارمەتیت بدات باشتر جیایان بکەیتەوە. ڕێگەت پێدەدات ئەو تێکەڵە ڕەنگانە ڕێکبخەیت و دایانبنێیت کە گونجاوترینن بۆت.

بۆ بینینێکی باشتر، ڕەنگەکانی شاشەکە پێچەوانە بکەرەوە.

هەندێک کەس بەزەحمەت دەخوێننەوە لەسەر پاشبنەمای سپی، ئەمەش دەبێتە هۆی سەرقاڵکردنیان لە سەرنجدان لەسەر بابەتێک یان پەیامێک. ئەگەر تووشی ئەم کێشەیە بوویت، تایبەتمەندی Color Filter (فلتەری ڕەنگ) یارمەتیدەر بێت. گۆڕینی ڕەنگی شاشەکەت دەریخستووە کە خێرایی خوێندنەوە و ئاسوودەیی باشتر دەکات.

ماندوێتی چاو کەم بکەرەوە بە کەمکردنەوە یان لابردنی کاریگەرییەکانی جووڵە کە لە نێوان لاپەڕەکان یان لە ڕێگەی بەکارهێنانی بەرنامەکانەوە ڕوودەدەن.

کاریگەری ڕوونی و لێڵی سەر گفتوگۆ و لیستەکان کەمبکەوە بۆئەوەی ئاسانتر ببیندرێن.

سێ جار بە یەک پەنجە لە شاشەکە بدە بۆ گەورەکردن یان بچووک کردنەوەی ناوەڕۆکی سەر-شاشە.

دەتوانیت فۆنتەکە ئەستور بکەیت بۆ ئەوەی توانای خوێندنەوە و بینینی دەقەکانی سەر کاتژمێرەکەت باشتربێت.

دەتوانیت قەبارەی فۆنتەکە بگۆڕیت بۆ ئەوەی توانای خوێندنەوە و بینینی دەقەکانی سەر کاتژمێرەکەت باشتربێت.

کاتی ئێستا بە شێوەی vibrations (لەرزین) بزانە. بە یەکجار لێدانی دوو پەنجە لە ڕووی کاتژمێرەکە دەزانی کاتژمێر چەندە و بە دووجار لێدانی دوو پەنجە خولەکەکانت پێدەڵێت.

بێدەنگکردنی هەموو دەنگەکان، گشت دەنگەکانی ئامێرەکە دەکوژێنێتەوە.

بیستۆکەکانت لە دەنگی ستێریۆوە بگۆڕە بۆ دەنگی مۆنۆ. ئەگەر توانای بیستنت لە هەر گوێیەکدا جیاوازە یان ئەویکە بە بەکارهێنانی یەک بیستۆک گونجاوترە تاقیبکەرەوە.

هاوسەنگی دەنگی چەپ/راست وا ڕێکبخە کە لەگەڵ شێوازە دڵخوازەکانی بیستنت بگونجێت.

تەنها بە یەک دەست کاتژمێرەکەت بە ئاسانی کۆنتڕۆڵبکە. ئاماژە یەکدەستیەکان یارمەتیت دەدەن لە ئەنجامدانی چەندین کردار وەک سکڕۆڵکردنی شاشەکە یان داگرتنی دوگمەکان.

هەندێک کەس بەهۆی لەرزینی دەستەوە کارلێکی دەستلێدان بە قورس دەبینن. دەکرێت لە خوارەوە ڕێکخستنەکانی دەستلێدان یارمەتیت بدەن بۆ کەمکردنەوەی هەڵەکان و بە کەسییکردنی کارلێکەکانت بۆ کۆنتڕۆڵکردنی باشتر:

دەتوانیت ماوەی پیشاندانی ئەو پەیامانەی داوات لێدەکەن کارێک ئەنجامبدەیت بەڵام تەنها بۆ ماوەیەکی کاتیی دەبینرێن هەڵبژێریت، وەک ئاگانامەی کاتیی سەر شاشە یان کۆنتڕۆڵکەری ئاستی دەنگ. یارمەتیت دەدات ئەوەی کە پێویستتە لەدەستی نەدەیت.

یارمەتیت دەدات دەنگەکانی دەوروبەرت بە دەنگی بەرزتر ببیستیت یان سەرنجت لەسەر دەنگەکانی بەردەمت بێت.