Galaxy ဖုန်း ရေစိုခံမှု

Galaxy ဖုန်းများသည် တစ်သက်တာ ရေစိုမခံနိုင်ပါ၊ ၎င်းသည် အချိန်ကြာလာသည်နှင့်အမျှ သို့မဟုတ် သဘာဝအတိုင်း ပွန်းပဲ့၊ တိုက်စားမှုအရ အားနည်းသွားနိုင်သည်။

ရေစိုခံနိုင်သော ထုတ်ကုန်များကို အသုံးပြုသောအခါ အကာအကွယ်ပေးမှုအဆင့် သက်တမ်းရှည်ကြာစေရန် အောက်ပါအချက်များကို သတိထားပါ။

• IPx7 ဖုန်းများအတွက် 1 မီတာအောက် သို့မဟုတ် IPx8 အဆင့်ရှိဖုန်းများအတွက် 1.5 မီတာအောက်တွင် 30 မိနစ်ထက်ကြာ၍ ရေမစိမ်ပါနှင့်။

• မသန့်ရှင်းသောရေ သို့မဟုတ် အရည်များ (ဆားငံရည်၊ ရေကူးကန်ရေ၊ ဆပ်ပြာရည်၊ ဆီများ၊ ရေမွှေး၊ နေလောင်ခံရည်၊ လက်သန့်ဆေးရည်၊ အလှကုန်ပစ္စည်းကဲ့သို့ ဓာတုရည်များ၊ အရက်ပြန်ပါဝင်သောအရည်များ စသည်) နှင့် ဖုန်းကို မထိပါစေနှင့်။

• ဖုန်းကို ဖိအားပြင်းရေနှင့် မဆေးပါနှင့်။

• ရေနွေးချိုးခန်းနှင့် ချွေးထုတ်ခန်းများကဲ့သို့ ပုံမှန်မဟုတ်သော အပူချိန်များ သို့မဟုတ် စိုထိုင်းဆမြင့်မားသော နေရာများတွင် ဖုန်းကိုမသုံးပါနှင့်။

• ဖုန်းကို ပစ်မချပါနှင့်၊ မထုပါနှင့် သို့မဟုတ် မထိခိုက်ပါစေနှင့်။

• ဖုန်း၏ SIM ကတ်အံခွက်ကိုထုတ်ရန် ပေးထားသော ပင် ကိုအသုံးပြုပြီး SIM ကတ်အံခွက်ကို ပြန်ထည့်သောအခါ အဟများမရှိစေရန် အပြည့်တွန်းထည့်ပါ။ SIM ကတ်အံခွက်နှင့် မြောင်းထဲများတွင် ပြင်ပအရာများ မဝင်စေရန်လည်း သတိပြုပါ။ 

ရေစိုခံဖုန်းက ရေ၊ အရည် သို့မဟုတ် ညစ်ပတ်ပေရေသွားပါက အောက်ပါလမ်းညွှန်ချက်များအတိုင်း လိုက်နာပါ-

• အပြည့်အဝခြောက်သွေ့စေရန် သန့်ရှင်းသော အဝတ်စပျော့ဖြင့် သုတ်ပါ။

• ဖုန်းက အပြည့်အဝမခြောက်မချင်း အားသွင်းတုံး သို့မဟုတ် ဆက်စပ်ပစ္စည်းများ မချိတ်ပါနှင့်။ ပြင်ပချိတ်ဆက်ဂျက်ပင်က အပြည့်အဝ မခြောက်သေးမီတွင် အားသွင်းတုံး သို့မဟုတ် ဆက်စပ်ပစ္စည်းများကို ချိတ်ဆက်ပါက ဖုန်းကိုပျက်စီးစေနိုင်သည်။

• မိုက်ခရိုဖုန်း၊ စပီကာ သို့မဟုတ် လက်ခံစက်က အပြည့်အဝ မခြောက်သေးပါက ဖုန်းခေါ်ဆိုမှု သို့မဟုတ် အော်ဒီယို၏ အရည်အသွေးကို ထိခိုက်နိုင်သည်။ 

ရေစိုမခံသောဖုန်းက ရေ၊ အရည် သို့မဟုတ် ညစ်ပတ်ပေရေသွားပါက အောက်ပါလမ်းညွှန်ချက်များအတိုင်း လိုက်နာပါ-

• SIM၊ SD ကတ် စသည်တို့ကို ဖုန်းမှ မြန်မြန်ထုတ်ပါ။
  

• ခြောက်သွေ့သောတဘက်နှင့်သုတ်ပြီး Samsung Electronics ဆားဗစ်စင်တာသို့ သွားပါ။

• ဆားဗစ်စင်တာသို့ ချက်ချင်းသွားရန် ခက်ခဲပါက လေဝင်လေထွက်ကောင်း၍ အလင်းရောင်နည်းသောနေရာတွင် လေသလပ်၍ အခြောက်ခံပါ။

• အခြောက်ခံပြီးနောက်တွင်ပင် ဖုန်းအတွင်း၌ ရေငွေ့ကျန်ရှိနေနိုင်သောကြောင့် ပါဝါမဖွင့်ပါနှင့်၊ ဆားဗစ်စင်တာတွင် တတ်နိုင်သမျှ အမြန်ဆုံးစစ်ဆေးပါ။

ထို့ပြင် ဖုန်းကိုအခြောက်ခံရန် ဆံပင်မှုတ်စက်ကဲ့သို့ အပူပေးကိရိယာများကို အသုံးမပြုပါနှင့်၊ ဖုန်းကိုသန့်ရှင်းရန် ဆပ်ပြာ၊ ဆပ်ပြာမှုန့်၊ ကော်ပတ်၊ အခြားဓာတုပစ္စည်းများ၊ ဖိအားမြင့်လေပေါင် သို့မဟုတ် နှုန်းလွန်အသံလှိုင်း သို့မဟုတ် ပြင်ပ အပူရင်းမြစ်များကို မသုံးပါနှင့်။

ကြိုတင်သတိပေးချက်များကို မလိုက်နာပါက အရောင်လွင့်ပြယ်ခြင်း သို့မဟုတ် ပွန်းစားခြင်းကဲ့သို့ ဖုန်းပျက်စီးနိုင်သည်။