Tiranë, 7 maj 2026 – Videoja nuk është më vetëm çështje e rezolucionit të lartë. Tendencat po orientohen gjithnjë e më shumë drejt atmosferës, emocioneve dhe rrëfimit. Samsung Electronics ka prezantuar në modelin Galaxy S26 Ultra kodekun Advanced Professional Video, të njohur si APV, duke vendosur bazat për prodhimin profesional të videove në pajisje mobile, me ruajtje të cilësisë së imazhit dhe humbje minimale gjatë montazhit.
Samsung nisi nga një pyetje e thjeshtë: A mund të krijojë kushdo video me pamje hollywoodiane me një smartphone Galaxy? Përgjigjja është veçoria Cinematic Look-Up Table, e njohur si Cine LUT, e disponueshme në serinë Galaxy S26. Ndërsa kodeku APV siguron bazën për video me cilësi kinematografike, Cine LUT i jep pamjeve një stil të dallueshëm koloristik.
Cine LUT e bën të aksesueshme për të gjithë procesin profesional të gradimit të ngjyrave, dikur pothuajse ekskluziv për profesionistët. Për ta sjellë këtë veçori në jetë, Samsung ka bashkëpunuar me ekipe të brendshme dhe ekspertë të jashtëm. Divizioni Mobile eXperience (MX Business) udhëhoqi implementimin final të kamerës, Samsung Research zhvilloi teknologjitë kyçe të përpunimit të videos, ndërsa U5K Imageworks, një studio ngjyrash që qëndron pas produksioneve të njohura ndërkombëtarisht, ndihmoi në formësimin e estetikës vizuale të funksionit.
Pas prezantimit të kodekut APV, i cili sjell një nivel cilësie imazhi pothuajse pa humbje vizuale, për Samsung Newsroom kanë dhënë intervista tre ekspertë kyç të përfshirë në zhvillimin e Cine LUT: Sugon Baek nga Camera Quality Group (MX Business), Bomi Kim nga Reality Media Lab (Samsung Research) dhe Taesik Eom, drejtor i studios U5K Imageworks. Ata zbuluan se si u krijua kjo veçori.
Çfarë është LUT? Në çfarë ndryshon Cine LUT në serinë Galaxy S26 nga zgjidhjet e tjera?
Baek: LUT është, në thelb, një lloj harte që transformon një grup ngjyrash në një tjetër për të arritur një stil vizual të dëshiruar. Ndryshe nga filtrat e zakonshëm që thjesht vendosin ngjyrë mbi imazh, Cine LUT i riinterpreton pamjet e regjistruara në Samsung Log profile dhe u jep atyre thellësi dhe një pamje të ngjashme me produksionet profesionale filmike.
Kim: Cine LUT është i optimizuar për video në format Log. Falë gamës së gjerë tonale të këtyre pamjeve, kjo veçori rindërton me saktësi ngjyrën dhe ndriçimin, duke ruajtur detaje të imta tonale që shpesh humbasin te filtrat klasikë. Rezultati është një thellësi imazhi më e pasur dhe më natyrale.
Çfarë e solli zhvillimin e veçorisë Cine LUT?
Kim: Pajisjet Galaxy tashmë mbështesin regjistrimin në format Log, i cili mundëson regjistrim me cilësi të lartë, por përpunimi i ngjyrave mbetej ende sfidues për shumë përdorues. Ne donim të mundësonim një pamje profesionale të videove pa pasur nevojë për njohuri të avancuara në montazh.
Baek: Donim të krijonim një përvojë ku përdoruesi, që në momentin e xhirimit, mund të shohë se si do të duket videoja në stil filmik, pastaj të aplikojë LUT-in dhe me një prekje të vetme ta ndajë videon direkt nga Galeria.
Si filloi bashkëpunimi me U5K Imageworks? Si u zhvillua Cine LUT?
Eom: Bashkëpunimi ynë filloi dy vite më parë me këshillime rreth Rec. 709 LUT për video Samsung Log. Në atë kohë, ngjyrat shumë intensive i përshtatëm drejt toneve më natyrale, dhe pikërisht kjo përvojë na çoi drejt Cine LUT-it. Për këtë projekt zhvilluam disa versione në tre nivele intensiteti: neutral, të butë dhe të fortë, dhe i testuam në skena të ndryshme. Në fund, përzgjodhëm katër stile bazë.
Kim: Bazuar në drejtimin koloristik të vendosur nga U5K, ne i verifikonim konceptet sipas kritereve të matshme për të siguruar rezultate të qëndrueshme në kushte të ndryshme. Më pas, përmes testimeve i përmirësuam më tej derisa qëllimi kreativ dhe cilësia teknike u harmonizuan plotësisht.
Me cilat sfida u përballët gjatë zhvillimit?
Kim: Na duhej një grup i madh të dhënash për të verifikuar performancën në kushte të ndryshme. Testimi në mjedise reale, nga ndriçimi natyral dhe ai i brendshëm deri te skenat ditën dhe natën, si dhe bashkëpunimi i ngushtë, ishin kyçe për të kapur me saktësi të gjitha nuancat e ngjyrave.
Baek: Sfiduese ishte ruajtja e një ngjyre të qëndrueshme dhe pa shtrembërime në mjedise të ndryshme. Përmes testimeve të vazhdueshme, zhvilluam një LUT që arrin të balancojë me sukses preferencat subjektive të përdoruesve dhe cilësinë objektive të imazhit.
Çfarë ishte më e rëndësishme në krijimin e pamjeve të optimizuara për telefonat mobilë?
Eom: Gjëja kyçe ishte sigurimi i një rezultati të besueshëm në kushte reale. Duke qenë se ndriçimi, ekspozimi dhe balanca e të bardhës ndryshojnë vazhdimisht, u fokusuam në krijimin e një pamjeje që në çdo situatë të mbetet natyrale.
Kim: Cilësia ishte prioriteti ynë kryesor. Analizuam çdo kuadër dhe i verifikuam rezultatet duke përdorur mjete si kartat e ngjyrave, balanca e gri dhe vektroskopët.
Pse u zgjodhën pikërisht këto katër stile për serinë Galaxy S26?
Baek: Ne analizuam gjuhën vizuale të zhanreve të njohura filmike dhe përzgjodhëm katër stile të dallueshme. Nga stili me kontrast të lartë Blockbuster, te Coming-of-age i freskët dhe rinor, Romance me tone të ngrohta, deri te stili atmosferik Thriller, çdo paletë ngjyrash është dizajnuar që t’u japë menjëherë pamje filmike skenave të përditshme.
Cilat stile Cine LUT rekomandoni për situata të ndryshme?
Eom: Nuk ka një rregull të vetëm, gjithçka varet nga situata. Stili Blockbuster i përshtatet mirë mjediseve me kontrast të lartë, si skenat në ambient të jashtëm ose urbane. Coming-of-age shkon për ambiente të buta dhe bashkëkohore, për shembull kafene apo vlogje. Romance sjell ngrohtësi në skena të fokusuara te personazhet, ndërsa Thriller krijon një ndjesi më të fortë dhe më mbresëlënëse.
Çfarë ju tërhoqi më shumë në reagimet e përdoruesve?
Baek: Prisnim që disa përdorues Cine LUT ta perceptonin thjesht si një efekt tjetër videoje, por reagimet i tejkaluan pritshmëritë tona. Përdoruesit e kuptuan shpejt se kombinimi i regjistrimit në format Log dhe stileve Cine LUT hap mundësi kreative që shkojnë përtej filtrave të zakonshëm. Po ashtu vërejmë se gjithnjë e më shumë përdorues zgjedhin stilin sipas skenës, ndajnë video me cilësi të lartë në rrjetet sociale dhe zbulojnë mënyra të reja të krijimit të përmbajtjes.
Cilat janë planet tuaja për të ardhmen?
Baek: Duam të forcojmë më tej pozicionin e serisë Galaxy S26 si një mjet profesional për xhirime. Shpresojmë të shohim edhe më shumë përmbajtje që do të ketë jehonë si te krijuesit ashtu edhe te publiku, dhe do të vazhdojmë të vendosim standarde të reja në krijimin e videove.
Kim: Bota po ndryshon me shpejtësi dhe qëllimi ynë është të identifikojmë teknologjitë e gjeneratës së ardhshme. Në bashkëpunim të ngushtë me divizionet e biznesit do të punojmë për t’i kthyer ato në produkte dhe për t’u ofruar përdoruesve në mbarë botën përvoja inovative.
I lindur nga një bashkëpunim i ngushtë, Cine LUT në serinë Galaxy S26 i shndërron momentet e përditshme në skena filmike. Përtej arritjeve teknike, kjo veçori përfaqëson një hap të rëndësishëm drejt krijimit më të aksesueshëm të videove, duke rrëzuar barrierat që dikur ekzistonin vetëm për profesionistët dhe duke i mundësuar secilit të shprehet në mënyrën e tij.
Regjisori Heesub Han ka xhiruar një seri filmash të shkurtër me Galaxy S26 Ultra duke përdorur kodekun APV dhe Samsung Log. Në vijim shikoni videot dhe përmes tyre, si dhe materialeve mbi krijimin e tyre, zbuloni mundësitë që ofron Cine LUT.
Rreth Samsung Electronics
Samsung frymëzon botën dhe formëson të ardhmen përmes ideve dhe teknologjive transformuese. Kompania po rishkruan kufijtë e botës së televizorëve, sinjalistikës digjitale, smartfonëve, pajisjeve të veshshme, tabletëve, pajisjeve shtëpiake dhe sistemeve të rrjetit, si dhe në fushat e memories, sistemit LSI dhe prodhimit të çipeve (foundry). Samsung po avancon gjithashtu teknologjitë e imazherisë mjekësore, zgjidhjet HVAC dhe robotikën, ndërsa krijon produkte novatore në industrinë automobilistike dhe atë të audios përmes Harman. Me ekosistemin SmartThings, bashkëpunimet e hapura me partnerët dhe integrimin e inteligjencës artificiale në të gjithë portofolin e tij, Samsung ofron një përvojë të lidhur, inteligjente dhe intuitive. Për risitë më të fundit, vizitoni Samsung Newsroom në news.samsung.com.
