Tiranë, 14 maj 2025 – Pajisjet tuaja Galaxy janë gati të bëhen edhe më inteligjente në muajt që vijnë. Google Gemini do të debutojë në Samsung Galaxy Watches, duke shënuar integrimin e tij të parë në linjën e pajisjeve Galaxy. Për më tepër, aktivizimi i Gemini do të jetë më i lehtë se kurrë kur lidhet me serinë Galaxy Buds3. Ky përditësim do të shtrijë funksionalitetet e Inteligjencës Artificiale në të gjithë ekosistemin Galaxy, duke krijuar një përvojë më të bashkërenduar dhe inteligjente për përdoruesin.

Galaxy Watch: Kryeni më shumë detyra, pa prekur asgjë

Me Gemini në Galaxy Watch-in tuaj, mund të merrni ndihmë pa pasur nevojë të prekni asgjë – thjesht duke përdorur komanda zanore, që ju ndihmojnë të qëndroni produktiv kudo që ndodheni. Kur jeni në palestër duke vrapuar, thjesht i kërkoni Gemini-t: “Mbaj mend që po përdor dollapin 43 sot” – dhe përqendrohuni tek stërvitja pa u shqetësuar. Ose, nëse merrni një email të rëndësishëm ndërsa duart i keni të zëna me qeset e blerjeve, mjafton të thoni: “Përmblidhe emailin tim të fundit” për të marrë një përmbledhje të shpejtë. Gemini përpunon këto kërkesa në të gjitha aplikacionet tuaja, duke ju lejuar t’i hidhni një sy përgjigjes dhe të vazhdoni menjëherë me çfarëdo që po bëni.

Galaxy Buds: Ndërveprim i pandërprerë me pajisjet

Kur përdorni Galaxy Buds, përvoja me Gemini bëhet edhe më intuitive. Me anë të komandave zanore, duke shtypur dhe mbajtur butonin e kufjeve, mund të aktivizoni Gemini dhe të ndërveproni lehtësisht me smartphone-in tuaj Galaxy. Ndërsa po lidhni atletet përpara një vrapi, mjafton të pyesni: “Si është moti për vrap sot?” – pa pasur nevojë të prekni telefonin. Me Gemini, përvoja inteligjente Galaxy është gjithmonë pranë jush.

Rreth Samsung Electronics

Samsung frymëzon botën dhe formëson të ardhmen me ide dhe teknologji transformuese. Kompania po ripërcakton botën e televizorëve, telefonave inteligjentë, pajisjeve të veshura, tabletave, pajisjeve shtëpiake, sistemeve të rrjetit dhe kujtesës, sistemit LSI, fonderit dhe zgjidhjeve LED, dhe po ofron një përvojë të lidhur pa probleme përmes ekosistemit të saj SmartThings dhe bashkëpunimit të hapur me partnerët. Për të rejat më të fundit, ju lutemi vizitoni "Samsung Newsroom" në https://www.samsung.com/al/.