Samsung prezanton linjën e re të frigoriferëve të pajisur me ekrane dhe teknologji inteligjente AI për monitorim të brendshëm

Tiranë, 24 mars 2025 – Samsung Electronics njoftoi sot lansimin global të linjës së tij më të re të frigoriferëve inteligjentë, duke forcuar vizionin ‘Screens Everywhere’ të prezantuar në CES 2025. Ky zgjerim përfshin vendosjen e ekranit Family Hub 21,5" AI Home[1] në modelet Side by Side.

"Duke ofruar një gamë të gjerë opsionesh të frigoriferëve në të gjitha llojet dhe madhësitë e ekranit, ne po zgjerojmë zgjedhjet për të përmbushur kërkesat e ndryshme shtëpiake," thotë Jeong Seung Moon, EVP dhe Shef i Ekipit të R&D për Biznesin e Pajisjeve Digjitale në Samsung Electronics. “Konsumatorët mund të përfitojnë fleksibilitet më të madh në zgjedhjen e modeleve të frigoriferëve, ndërkohë që përfitojnë nga përvoja e shtëpisë inteligjente me AI që ofron Samsung”.

Një mënyrë më e mençur për Të menaxhuar ushqimin, shtëpinë, komunikimin në familje dhe argëtimin

Frigoriferët e rinj të Samsung përfshijnë ekranin intuitiv 21.5” Family Hub, i cili është projektuar për të përmirësuar jetën e përditshme të konsumatorëve.

Përtej ofrimit të informacionit të shpejtë për konsumatorët, ekranet gjithashtu përmirësojnë ndërlidhjet e shtëpisë inteligjente. Përparimet më të fundit ofrojnë një integrim më të thellë në ekosistemin e shtëpisë inteligjente, duke e bërë frigoriferin një qendër të rëndësishme që mund të kontrollojë pajisjet e lidhura në të gjithë shtëpinë. Me integrimin e Map View, përdoruesit mund të monitorojnë dhe kontrollojnë pajisjet Samsung dhe madje edhe pajisje të tjera të shtëpisë inteligjente nga kompani të tretë[2], si dritat dhe prizat inteligjentë. Po ashtu, ka SmartThings Energy[3], i cili ndihmon përdoruesit të ndjekin dhe optimizojnë konsumimin e energjisë, duke lehtësuar një efikasitet më të madh në jetën e përditshme. Ekrani intuitiv ofron përdoruesve qasje në një mori informacioni rreth shtëpisë së tyre, me mundësinë që përdoruesit të japin komandat me zë përmes Bixby[4].

Pjesa e re Daily Board mban të gjithë përdoruesit të informuar dhe të lidhur. E vendosur në zemër të shtëpisë, ekrani i frigoriferit ofron përditësime në kohë reale gjatë gjithë ditës – qoftë parashikimi i motit dhe orari i ditës para se të nisesh për në punë, apo raportet ditore të konsumit të energjisë në mbrëmje. Përdoruesit gjithashtu mund të aksesojnë lehtësisht oraret e tyre përmes komandave me zë dhe të marrin përgjigje të personalizuara. Duke njohur zërin e secilit anëtar të familjes dhe duke përgjigjur përkatësisht, Bixby do të shërbejë si një ndihmës i dobishëm për të gjithë familjen dhe për secilin person individualisht[5]. Pjesë të tjera të fokusuara në familje përfshijnë një galeri të përbashkët për të ruajtur kujtime të çmuara dhe një kalendar për ndihmën në planifikimin e përditshëm.

Frigoriferët më të fundit të Samsung gjithashtu rindërtojnë argëtimin në kuzhinë, duke lejuar përdoruesit të qëndrojnë të angazhuar ndërsa gatuan ose kalojnë kohë me familjen. Me integrimin e Spotify, përdoruesit mund të dëgjojnë muzikën ose podcast-et e tyre të preferuara direkt nga frigoriferi[6]. SmartView Mirroring mundëson ndarjen e ekranit pa ndërprerje nga smartfonët ose televizorët Samsung, dhe funksioni i dedikuar i galerisë lejon familjet të shfaqin fotografitë e tyre të preferuara, duke shtuar një prekje personale në kuzhinë.

Gjenerata e re e frigoriferëve

Frigoriferi Side-by-Side (RS90F) ofron gjithashtu mundësi të shumta ekrani, duke përfshirë ekranin 21.5 inç Family Hub. Ky model, i cili ka derën Auto Open që hapet gjerësisht, e bën më të thjeshtë arritjen te sendet e ruajtura[1], është projektuar për përdoruesit që i japin prioritet aksesit të lehtë dhe organizimit. Modelet selektive evropiane janë të pajisura me teknologjinë Hybrid Cooling, për të ruajtur freskinë duke parandaluar luhatjet e temperaturës.

Të gjithë këta frigoriferë të sapo prezantuar vijnë me funksionin AI Energy Mode, i cili lejon përdoruesit të reduktojnë konsumin e energjisë deri në 10% shtesë[2]. Përdoruesit mund të zgjedhin të aktivizojnë këtë modalitet, gjithmonë, ose kur pritet që faturat e energjisë elektrike të kalojnë targetin e paracaktuar.

Me këto zgjidhje inovative, Samsung vazhdon të zgjeroj kufijtë e kuzhinës së ndërlidhur, duke e transformuar frigoriferin në një qendër inteligjente që përmirëson menaxhimin e ushqimit, integrimin me shtëpinë inteligjente dhe argëtimin. Duke kombinuar pa ndërprerje komoditetin e mundësuar nga AI me efikasitetin energjetik, Samsung po rindërton mënyrën se si përdoruesit ndërveprojnë me pajisjet e tyre dhe po e sjell në jetë të ardhmen e shtëpisë inteligjente.

1) Për të aksesuar AI Home, shërbimin tonë të bazuar në rrjet, përfshirë aplikacionet dhe karakteristika të tjera inteligjente të disponueshme përmes frigoriferit tuaj, është e nevojshme një lidhje Wi-Fi dhe një llogari Samsung. Mund t'ju duhet të përdorni një pajisje të veçantë, siç është laptopi/desktopi ose pajisja mobile, për të krijuar/hyrë në një Llogari Samsung. Nëse zgjidhni të mos hyni, nuk do të mund të shijoni asnjë nga karakteristikat e disponueshme në AI Home, siç janë shërbimet e disponueshme në aplikacionin SmartThings dhe funksionet e thirrjeve telefonike. Rekomandimet e recetave dhe Bixby të aksesueshme përmes AI Home përdorin AI (të bazuar në modele të mësimit të thellë, të cilat mund të përditësohen periodikisht për të përmirësuar saktësinë). Për të aksesuar rekomandimet tuaja të recetave AI, klikoni mbi shërbimin 'Food' brenda aplikacionit SmartThings në menunë AI Home.
2) Kërkohet një lidhje Wi-Fi dhe një llogari Samsung. Pajisjet e palëve të treta duhet të jenë të pajtueshme me SmartThings.
3) E disponueshme në pajisje Android dhe iOS. Të gjitha pajisjet duhet të jenë të lidhura me Wi-Fi ose një rrjet tjetër pa tela dhe të regjistruara me një Llogari Samsung të vetme. Përdorimi i energjisë dhe kostot e parashikuara që shfaqen në SmartThings Energy mund të ndryshojnë nga përdorimi dhe kostoja juaj reale. Disponueshmëria mund të ndryshojë në varësi të vendit, rajonit, ofruesit të shërbimit, mjedisit të rrjetit ose pajisjes, dhe mund të ndryshojë pa njoftim.
4) Bixby është asistenti zanor i markës Samsung për Internet of Things (IoT). Disponueshmëria e shërbimit të tij mund të ndryshojë në varësi të vendit, gjuhës dhe dialektit.
5) E disponueshme nga muaji maj i vitit 2025 përmes përditësimit nëpërmjet rrjetit. Përgjigjja e personalizuar është e disponueshme në disa raste përdorimi të zgjedhura, siç janë aksesimi i Calendar, Gallery, Find my Phone.
6) E disponueshme në të gjitha vendet, përveç Kinës, Katarit, Jemenit, Rusisë dhe Sudanit.
7) Ju mund të zgjidhni nivelin e hapjes së derës duke përdorur aplikacionin SmartThings (SmartThings është në dispozicion për pajisjet Android dhe iOS. Kërkohet një lidhje Wi-Fi dhe një llogari Samsung). Opsioni ‘Wide-open’ e hap derën automatikisht në një kënd prej 80 gradë ose më shumë, por dera nuk mbyllet automatikisht. Opsioni ‘Semi-open’ zvogëlon forcën që kërkohet për të hapur derën dhe e mbyll automatikisht pas një periudhe të caktuar kohe nëse dera është lënë e hapur. Këndi real që dera hapet mund të ndryshojë për shkak të kushteve të instalimit dhe përdorimit, siç është ruajtja e sendeve të rënda në kutit e dyerve.
8) Rezultatet e testit janë të bazuara në krahasimin e temperaturës së cilësimit të fabrikës kur përdoret AI Energy mode dhe kur nuk përdoret AI Energy mode. Rezultatet mund të ndryshojnë në varësi të kushteve dhe modeleve të përdorimit. AI Energy Mode mund të aktivizohet në SmartThings Energy, e cila është në dispozicion për pajisjet Android dhe iOS. SmartThings Energy kërkon një lidhje Wi-Fi dhe një llogari Samsung.