Tiranë, 29 prill – Samsung Electronics njoftoi sot se disa nga pajisjet e përzgjedhura të serisë Galaxy A do të mbështesin së shpejti aktivizimin e asistentit me AI përmes butonit anësor, duke sjellë një nga veçoritë më të preferuara nga seria Galaxy S për më shumë përdorues dhe duke forcuar më tej vizionin e Samsung për të ofruar përvojat më të avancuara me inteligjencë artificiale. Me këtë përditësim[1], përdoruesit do të mund të shijojnë një përvojë më të zgjuar me AI, përfshirë nisjen e Gemini[2] – asistentit të fuqizuar nga AI i Google – thjesht duke shtypur dhe mbajtur të shtypur butonin anësor. Samsung prezantoi Awesome Intelligence[3] në serinë më të re Galaxy A – Galaxy A56 5G, Galaxy A36 5G dhe Galaxy A26 5G – duke përfshirë disa nga veçoritë më të dashura me fuqi AI, të cilat sjellin përvojat mbresëlënëse të Galaxy me inteligjencë artificiale për më shumë përdorues. Tani, me përditësimin e ardhshëm, do të jetë edhe më e lehtë për përdoruesit e serisë Galaxy A në mbarë botën të kryejnë detyrat e përditshme në mënyrë më intuitive, përmes aksesit të drejtpërdrejtë në Gemini me butonin anësor.

E njohur për balancën mes performancës dhe çmimit të arsyeshëm, seria Galaxy A tani ofron një përvojë më të zgjuar mobile falë këtij përditësimi. Me akses më të lehtë në Gemini, përdoruesit mund të kontrollojnë orarin e tyre, të gjejnë restorante pranë vendndodhjes apo të marrin sugjerime për dhurata ditëlindjeje, vetëm me komanda zanore. Ata gjithashtu mund të kryejnë detyra nëpër aplikacione[4] me një komandë të vetme – si p.sh. të gjejnë një vend për darkë në Google Maps dhe të dërgojnë adresën tek një mik përmes aplikacionit Messages – duke përfshirë aplikacionet e Samsung, Google dhe disa aplikacione të përzgjedhura të palëve të treta.

“Samsung dhe Google kanë bashkëpunuar për të sjellë përvoja me inteligjencë artificiale që janë të lehta për t’u përdorur, intuitive dhe me vlerë reale, duke e bërë teknologjinë më të avancuar më të aksesueshme për më shumë përdorues,” – tha Jay Kim, Zëvendës President Ekzekutiv dhe Drejtor i Zyrës së Përvojës së Klientit, në Divizionin Mobile eXperience të Samsung Electronics. “Jemi shumë të entuziazmuar që tani edhe përdoruesit e serisë Galaxy A do të kenë mundësinë të aktivizojnë Gemini më shpejt dhe në mënyrë më natyrale, përmes një gjesti të thjeshtë që sjell mbështetje inteligjente në rrjedhën e detyrave të përditshme.”

Aksesi më i shpejtë në Gemini do të thotë që ndihma është gjithmonë gati, edhe në momentet e zakonshme të përditshmërisë – si për shembull kur planifikoni një darkë në minutën e fundit. Me një komandë të thjeshtë zanore, përdoruesit mund t’i thonë Gemini: “Gjej restorante franceze, që lejojnë kafshët shtëpiake dhe kanë tarracë, pranë meje” dhe të marrin sugjerime brenda sekondash – duke e bërë të lehtë zgjedhjen e vendit dhe ndarjen e tij me një mik, pa pasur nevojë të shkruajnë asnjë fjalë.

Përditësimi i softuerit do të nisë shpërndarjen globale në modele të përzgjedhura të serisë Galaxy A duke filluar nga fillimi i muajit maj. Për më shumë informacion rreth serisë Galaxy A, ju lutemi vizitoni Samsung.com.

Rreth Samsung Electronics

Samsung frymëzon botën dhe formëson të ardhmen me ide dhe teknologji transformuese. Kompania po ripërcakton botën e televizorëve, telefonave inteligjentë, pajisjeve të veshura, tabletave, pajisjeve shtëpiake, sistemeve të rrjetit dhe kujtesës, sistemit LSI, fonderit dhe zgjidhjeve LED, dhe po ofron një përvojë të lidhur pa probleme përmes ekosistemit të saj SmartThings dhe bashkëpunimit të hapur me partnerët. Për të rejat më të fundit, ju lutemi vizitoni "Samsung Newsroom" në https://www.samsung.com/al/.