Tiranë, 17 prill 2026 – Audio Eraser¹ në pajisjet Galaxy heq zhurmat e padëshiruara nga videot dhe përforcon tingujt që vërtet dëshironi të dëgjoni, duke ju lejuar të përjetoni plotësisht përmbajtjen që shikoni. I prezantuar për herë të parë në serinë Galaxy S25 për editimin e përmbajtjes tashmë të regjistruar, ky funksion është përmirësuar ndjeshëm ndër breza. Duke nisur nga modelet Galaxy Z Fold7 dhe Z Flip7, Audio Eraser mundësoi rregullimin e audios edhe brenda aplikacioneve, si Galeria dhe Regjistruesi i Zërit.

Tani, me ardhjen e serisë Galaxy S26², kjo teknologji arrin një nivel të ri duke ofruar kontroll të audios në kohë reale, madje edhe gjatë transmetimit të përmbajtjes nga platforma të ndryshme. Më poshtë gjeni një përmbledhje të detajuar të këtyre risive.

Nga përpunimi pas regjistrimit, te filtrimi në kohë reale

Duke nisur me serinë Galaxy S26, Audio Eraser shndërrohet në një mjet për përdorim në kohë reale. Ai mundëson ndarjen dhe optimizimin e menjëhershëm të zërave, muzikës dhe zhurmës në sfond, jo vetëm për regjistrimet tuaja, por edhe për përmbajtjen që shikoni në rrjetet sociale apo në platformat streaming (OTT). Ky zhvillim shënon një ndryshim thelbësor: fokusi nuk është më te përpunimi pas regjistrimit, por te menaxhimi i audios në momentin që po e dëgjoni.

Falë integrimit të sistemeve AI për përpunimin e audios me teknologjinë e avancuar të ndarjes së tingullit, seria Galaxy S26 ju lejon të përshtatni menjëherë audion sapo ajo shfaqet. Kjo siguron një përvojë dëgjimi kristal të pastër në të gjitha platformat, duke neutralizuar në mënyrë efikase zhurmat në sfond që ju shpërqendrojnë.

Videoja e bashkëngjitur tregon se si seria Galaxy S26 nxjerr në pah tingujt që dëshironi të dëgjoni, edhe në mjedise shumë të zhurmshme.

Qasje e thjeshtë, kontroll i plotë

Zhurmën mund ta reduktoni dhe ta përshtatni drejtpërdrejt përmes Quick Panel, pa pasur nevojë të ndaloni apo rifilloni përmbajtjen. Gjatë shikimit të videos, mjafton të rrëshqisni gishtin poshtë nga këndi i sipërm i djathtë i ekranit dhe të prekni ikonën Audio Eraser për të nisur menjëherë filtrimin e zërit.

Kur aktivizohet, kjo veçori ofron kontrolle të avancuara për rezultate profesionale. Me opsionin Strength mund të rregulloni me saktësi nivelin e reduktimit të zhurmës, ndërsa opsioni Voice Focus ju lejon të dëgjoni dialogun në video në mënyrë kristal të pastër.

Seria Galaxy S26 sjell cilësi të shkëlqyer audio, plotësisht të përshtatur me stilin tuaj të jetesës, pavarësisht nga përmbajtja që ndiqni.

Audio Eraser nuk është më thjesht një mjet për heqjen e zhurmës, ai shndërrohet në studion tuaj personale të zërit në kohë reale. Krijoni ambientin tuaj të dëgjimit dhe shijoni një përvojë të personalizuar që mund ta ofrojë vetëm seria Galaxy S26.

Rreth Samsung Electronics

Samsung frymëzon botën dhe formëson të ardhmen përmes ideve dhe teknologjive transformuese. Kompania po rishkruan kufijtë e botës së televizorëve, sinjalistikës digjitale, smartfonëve, pajisjeve të veshshme, tabletëve, pajisjeve shtëpiake dhe sistemeve të rrjetit, si dhe në fushat e memories, sistemit LSI dhe prodhimit të çipeve (foundry). Samsung po avancon gjithashtu teknologjitë e imazherisë mjekësore, zgjidhjet HVAC dhe robotikën, ndërsa krijon produkte novatore në industrinë automobilistike dhe atë të audios përmes Harman. Me ekosistemin SmartThings, bashkëpunimet e hapura me partnerët dhe integrimin e inteligjencës artificiale në të gjithë portofolin e tij, Samsung ofron një përvojë të lidhur, inteligjente dhe intuitive. Për risitë më të fundit, vizitoni Samsung Newsroom në news.samsung.com.