Tiranë, 10 prill 2026 – Kur Jacob Kiplimo kalon vijën e finishit me shpejtësi, ai nuk vrapon vetëm mbi talentin, ai vrapon mbi të dhënat. Ylli ugandez i garave të gjata dhe pjesëtar i ekipit Team Galaxy stërvitet me Galaxy Watch8, i cili shndërron të dhënat komplekse biometrike në njohuri të vlefshme që formësojnë strategjinë e tij fituese.

 

Ky kombinim i fuqishëm i teknologjisë dhe talentit ka sjellë tashmë rezultate. Pas fitores dominuese në Maratonën e Çikagos në vitin 2025 dhe thyerjes së rekordit botëror në gjysmëmaratonën e Lisabonës këtë mars, 25 vjeçari synon tani suksesin në Maratonën e Londrës 2026.

 

Për të shënuar Ditën Botërore të Shëndetit (WHD) më 7 prill 2026, Samsung Newsroom e ftoi të përshkruajë regjimin e tij stërvitor të udhëhequr nga të dhënat, që mishëron sloganin e këtij viti të WHD-së: “Bashkë për shëndetin. Qëndrojmë pranë shkencës.”

 

Me qasje ekskluzive në metrikat e tij në Samsung Health, bëjmë një vështrim në programin e tij intensiv stërvitor, ku ai përshkon mbi 100 km brenda një jave. Zbuloni se si njohuritë e nxjerra nga të dhënat e kanë udhëhequr për të përshtatur stërvitjen për rikuperim optimal dhe si edhe një “ditë pushimi” mund të përfshijë një vrapim prej 3 km.

 

Urime për rekordin tuaj të fundit botëror në Gjysmëmaratonën e Lisbonës 2026. Cili është sekreti i suksesit tuaj?

 

Nuk ka asnjë sekret. Gjithçka ka të bëjë me disiplinën. Duhet të punosh fort, të jesh jashtëzakonisht i fokusuar dhe të menaxhosh energjinë tënde, të dish kur duhet të pushosh dhe kur duhet të shtysh më fort. Por, sinqerisht, pjesa më e rëndësishme është që duhet ta duash vërtet atë për të cilën po punon. Nuk do ta kisha thyer rekordin botëror nëse nuk do ta kisha ndjekur këtë formulë.

 

Ju përfunduat i dyti në Maratonën e Londrës 2025 dhe tani po përgatiteni të shkoni një hap më tej në garën e këtij viti. Çfarë roli ka luajtur Galaxy Watch8 në stërvitjen tuaj?

 

Trajneri im nuk jeton në Ugandë, ndaj Galaxy Watch8 është bërë në thelb asistenti i tij personal këtu. Edhe pse ai nuk është fizikisht pranë meje, mund të marrë analiza dhe raporte në kohë reale për formën time të vrapimit përmes veçorisë Running Analysis në Samsung Health.

 

Ne monitorojmë rrahjet e zemrës dhe i kushtojmë vëmendje të veçantë ritmit tim për çdo kilometër. Gjatë seancave më intensive, kontrolloj edhe treguesit e asimetrisë për të parë nëse po e kompensoj më shumë ngarkesën në njërën anë, në mënyrë që të shmang tendosjen. Koha e kontaktit me tokën është një tjetër element kyç që e ndjek me kujdes, duke bërë rregullime të vogla në teknikën time për t’u siguruar që çdo hap të jetë sa më efikas. Gjithmonë kërkoj të përmirësoj performancën time të vrapimit, ndaj këto njohuri janë jashtëzakonisht të vlefshme.

 

Duke parë të dhënat tuaja të fundit në Samsung Health, mund të vërejmë disa modele të qarta në rutinën tuaj të stërvitjes. Na tregoni më shumë për regjimin tuaj.

 

Konsistenca është thelbësore, por atletët nuk duhet të fiksohen vetëm pas stërvitjes. Ajo që shumë njerëz nuk e kuptojnë është se pushimi është po aq i rëndësishëm sa edhe vetë stërvitja fizike. Për të garuar në nivelin më të mirë, duhet të jesh në gjendje të maksimizosh energjinë tënde dhe e vetmja mënyrë për ta arritur këtë është përmes pushimit të rregullt.

 

Por “pushim” nuk do të thotë gjithmonë mungesë totale e stërvitjes. Një ditë pushimi mund të nënkuptojë një vrapim prej 3 km në vend të 40 km. Duhet të jesh i qëndrueshëm në atë që bën, por njëkohësisht duhet edhe të dëgjosh trupin tënd dhe të dish kur është momenti të ngadalësosh ritmin. Teknologjia mund të ndihmojë shumë në këtë drejtim.

 

A mund të na jepni një shembull se si një insight specifik nga aplikacioni Samsung Health ju ka ndihmuar të përshtatni programin tuaj të stërvitjes?

 

Vendimi për të vrapuar 3 km në vend të 40 km, që sapo përmenda, ishte një rast real. Pasi ndjeva disa dhimbje të vazhdueshme gjatë një vrapimi të fundit prej 24 km, vendosa që seancën e planifikuar prej 40 km ta ktheja në një vrapim të lehtë prej vetëm 3 km, në mënyrë që të rikuperohesha siç duhet dhe të kisha energjinë e nevojshme për të përballuar 40 km në një ditë tjetër. Aplikacioni Samsung Health më ndihmoi shumë në këtë rast. Ai më mbajti të informuar, në mënyrë që t’i jepja trupit kohën e nevojshme për rikuperim të plotë dhe të shmangia një dëmtim të mundshëm ose lodhjen e tepërt.

 

Pamë se si një vrapues profesionist si ju përdor të dhënat për të arritur objektivat e tij. Çfarë këshille do t’i jepnit dikujt që sapo ka nisur rrugëtimin në vrapim dhe si mund ta ndihmojë veçoria Running Coach të ecë në drejtimin e duhur?

 

Për fillestarët, është shumë e rëndësishme t’i qasen vrapimit gradualisht dhe me durim. Qëndrueshmëria ndërtohet me kalimin e kohës. Gjithçka ka të bëjë me të diturit kur duhet ta shtyni veten dhe kur duhet të ndaleni. Jo të gjithë kanë një trajner personal pranë për të përshtatur një plan stërvitor sipas nevojave të tyre. Por veçoria Running Coach ofron programe të personalizuara që ndihmojnë edhe fillestarët të stërviten për një maratonë. Ajo ju tregon saktësisht çfarë duhet të bëni gjatë vrapimit, ju motivon dhe ju ndihmon të përmirësoheni.

 

Në Ditën Botërore të Shëndetit, mesazhi është “Bashkë për shëndetin. Qëndrojmë pranë shkencës.” Si lidhet kjo me filozofinë tuaj personale?

 

Shkenca më ndihmon gjatë gjithë procesit të stërvitjes. Nuk e di se ku do të isha pa mundësinë për të ndjekur të dhënat e mia përmes Galaxy Watch8. E përdor këtë mbështetje shkencore për të formësuar rutinën time të përditshme. Shkenca dhe teknologjia më ndihmojnë të performoj në nivelin tim më të mirë, dhe besoj se e njëjta gjë mund të vlejë për këdo.

 

Nga një vrapues i ri në Ugandë deri te një mbajtës i rekordit botëror, Jacob Kiplimo dëshmon çfarë mund të arrihet kur përkushtimi i palëkundur bashkohet me teknologjinë inteligjente. Pavarësisht nëse jeni një atlet elitar që synon podiumin apo dikush që sapo po hedh hapat e parë drejt një stili jetese më të shëndetshëm, Galaxy Watch8 ofron njohuri të vlefshme dhe të zbatueshme për t’ju ndihmuar të ndërtoni zakone më të shëndetshme dhe të arrini objektivat tuaja.

 

Rreth Samsung Electronics

 

Samsung frymëzon botën dhe formëson të ardhmen përmes ideve dhe teknologjive transformuese. Kompania po rishkruan kufijtë e botës së televizorëve, sinjalistikës digjitale, smartfonëve, pajisjeve të veshshme, tabletëve, pajisjeve shtëpiake dhe sistemeve të rrjetit, si dhe në fushat e memories, sistemit LSI dhe prodhimit të çipeve (foundry). Samsung po avancon gjithashtu teknologjitë e imazherisë mjekësore, zgjidhjet HVAC dhe robotikën, ndërsa krijon produkte novatore në industrinë automobilistike dhe atë të audios përmes Harman. Me ekosistemin SmartThings, bashkëpunimet e hapura me partnerët dhe integrimin e inteligjencës artificiale në të gjithë portofolin e tij, Samsung ofron një përvojë të lidhur, inteligjente dhe intuitive. Për risitë më të fundit, vizitoni Samsung Newsroom në news.samsung.com.