Tiranë, 20 janar 2025 – Samsung Electronics njoftoi një partneritet me zhvilluesit e lojërave Nexon Korea dhe Neople për të ofruar përvoja të jashtëzakonshme 3D në lojën e ardhshme ‘The First Berserker: Khazan.’ Elementet 3D të lojës janë përshtatur dhe zhvilluar me kujdes gjatë procesit të krijimit, duke shfrytëzuar teknologjinë e Samsung dhe funksionalitetet e avancuara të monitorit Odyssey 3D për të ofruar një përvojë tërheqëse dhe zhytëse në lojërat 3D.

Përmes këtij partneriteti, Nexon, Neople dhe Samsung kanë punuar ngushtë për të përshtatur vizualet 3D, duke i rregulluar me kujdes bazuar në përbërjen e personazheve, sfondet dhe kinematografinë gjatë gjithë lojës. Ky proces u jep zhvilluesve një nivel të pashembullt kontrolli mbi efektet 3D, duke u mundësuar të sjellin me saktësi vizionet e tyre kreative në jetë.

“Partneriteti midis Samsung dhe Nexon do të ofrojë një përvojë të pakrahasueshme lojërash me ‘The First Berserker: Khazan’ në monitorin Odyssey 3D,” tha Yongjae Kim, Zëvendës President Ekzekutiv i Divizionit të Ekraneve Vizuale në Samsung Electronics. “Ne do të vazhdojmë të zgjerojmë partneritetet me kompanitë premium të lojërave në mbarë botën për të ofruar teknologji lojërash 3D që siguron nivelin më të lartë të përfshirjes në lojëra.”

Duke rregulluar me precizion distancën e fokusit për efektet 3D në secilin rast, Nexon dhe Neople synojnë të zhvillojnë skenarë specifikë që përcaktojnë kur dhe si elementet bëhen 3D. Këto përpjekje reduktojnë ndërhyrjen vizuale — një problem i zakonshëm që shkakton mbivendosje pamjesh — duke përmirësuar qartësinë e betejave epike me bosët dhe skenat kinematografike.

“Ky partneritet shënon një hap të rëndësishëm në krijimin e një modeli konkurrues të lojërave 3D në shkallë globale, duke nxitur inovacionin në të gjithë industrinë,” tha Choi Sung-wook, drejtues i divizionit të botimit live në Nexon. “Jemi të entuziazmuar që lojtarët në mbarë botën të përjetojnë grafikët e gjallë dhe lojën komplekse të ‘The First Berserker: Khazan,’ të mundësuar nga teknologjitë e fundit në dispozicion të zhvilluesve tanë dhe monitori udhëheqës i lojërave Samsung Odyssey.”

‘The First Berserker: Khazan’ është një lojë RPG (role playing game) aksion e fuqishme, ku lojtarët përjetojnë nga afër udhëtimin legjendar të Khazan, duke u zhytur në botën e serisë kryesore të Nexon — Universi Dungeon & Fighter. Loja është planifikuar të dalë globalisht më 28 Mars KST.

Odyssey 3D, i prezantuar në CES 2025 dhe e vlerësuar me çmimin prestigjioz Best of Innovation, do të lançohet në mbarë botën në muajin prill, duke ofruar teknologji 3D novatore që përmirësojnë përvojën e lojërave për lojtarët globalisht.