Tiranë, 25 qershor 2025 - Ndërsa rastet e vjedhjeve të telefonave po rriten në mbarë botën, Samsung u bën thirrje përdoruesve të Galaxy të aktivizojnë funksionet më të fundit për të parandaluar vjedhjen, tashmë të disponueshme në pajisjet e tyre. Këto përditësime pasqyrojnë përkushtimin e Samsung për të ofruar një mbrojtje më të zgjuar dhe më të fuqishme – duke ndihmuar përdoruesit të mbrojnë të dhënat e tyre dhe të ruajnë kontrollin, edhe në situata me rrezik të lartë.

 

Samsung ka filluar së fundmi shpërndarjen e One UI 7 me përditësime sigurie në veçoritë ekzistuese, përfshirë funksione shtesë për mbrojtjen ndaj vjedhjes dhe grabitjes. Këto veçori, që u prezantuan fillimisht me Galaxy S25 në shkurt, do të shtrihen gradualisht në një gamë më të gjerë smartphone-ësh Galaxy gjatë vitit.

 

Samsung po prezanton përditësime të reja sigurie për të mbrojtur më mirë përdoruesit në rast vjedhjeje telefoni. Një nga risitë kryesore është Theft Protection – një paketë me shumë  nivele veçorish të zhvilluara për të mbrojtur të dhënat personale edhe në skenarë me rrezik të lartë, siç është grabitja.

 

Theft Protection ndërtohet mbi masat standarde të sigurisë që ofron Android, të cilat janë efektive në raste të zakonshme vjedhjeje ku hajduti nuk e di PIN-in. Me One UI 7, Samsung shkon më tej duke prezantuar mbrojtje shtesë që adresojnë kërcënime më të avancuara apo situata me rrezik të lartë, përfshirë rastet kur kredencialet e aksesit mund të jenë komprometuar.

 

Përdoruesit e Galaxy tani mund të aktivizojnë një sërë masash të reja sigurie, përfshirë Identity Check, të krijuar për të ofruar mbrojtje më të fortë në skenarë të ndërlikuar vjedhjeje. Këto veçori reagojnë automatikisht dhe në mënyrë inteligjente ndaj aktivitetit të dyshimtë, duke ndihmuar që të dhënat personale të qëndrojnë të sigurta dhe nën kontrollin e përdoruesit në ato momente kritike.

 

Veçoritë ekzistuese dhe të përditësuara të funksionit Theft Protection përfshijnë:

• Theft Detection Lock: Përdor inteligjencën artificiale për të identifikuar lëvizje që lidhen me vjedhjen, si kapja e menjëhershme e pajisjes, dhe e bllokon menjëherë ekranin për të parandaluar aksesin e paautorizuar.
• Offline Device Lock: Ekrani bllokohet automatikisht nëse pajisja qëndron e shkëputur nga rrjeti për një periudhë të zgjatur, duke siguruar mbrojtje edhe kur është jashtë linje.
• Remote Lock: Në rast se pajisja është vjedhur, përdoruesit mund ta bllokojnë atë në distancë përmes numrit të tyre të telefonit dhe një verifikimi të shpejtë. Remote Lock u jep gjithashtu mundësinë përdoruesve të rifitojnë kontrollin mbi llogarinë e tyre dhe të eksplorojnë opsione të tjera për rikuperim.

 

Funksione të reja për të parandaluar vjedhjen të prezantuara me One UI 7 përfshijnë:

• Identity Check: Në vendndodhje të panjohura, funksioni  Safe Places kërkon autentifikim biometrik për çdo ndryshim në cilësimet e ndjeshme të sigurisë – duke shtuar një shtresë më shumë mbrojtjeje në rastet kur PIN-i mund të jetë komprometuar.
• Security Delay: Një komponent kyç i Identity Check, ky funksion aktivizon një pritje njëorëshe nëse dikush përpiqet të rivendosë të dhënat biometrike. Kjo vonesë e rëndësishme u jep kohë përdoruesve të bllokojnë telefonin e vjedhur përmes një pajisjeje të lidhur, si një kompjuter apo tablet, përpara se të ndodhë ndonjë akses i paautorizuar.

 

Këto veçori të përditësuara për të parandaluar vjedhjen janë tashmë të disponueshme edhe për pajisjet e mëparshme flagship, duke filluar me serinë Galaxy S24, Z Fold6, Z Flip6, Z Fold5, Z Flip5, si dhe seritë S23 dhe S22. Përditësime të tjera janë planifikuar edhe për më shumë smartphone Galaxy në të ardhmen.

 

Hapat që duhet të ndiqni nëse pajisja juaj Samsung Galaxy humbet ose vidhet

 

Si ta bllokoni në distancë pajisjen tuaj Samsung Galaxy:

• Hyni në Samsung Find duke përdorur llogarinë tuaj Samsung
• Zgjidhni telefonin tuaj në anën e majtë të faqes, pastaj klikoni mbi Lost Mode në seksionin e detajeve të pajisjes
• Krijoni një PIN për ta zhbllokuar telefonin nëse e rikuperoni dhe shtypeni dy herë për ta konfirmuar
• Do të keni mundësinë të shtoni një kontakt emergjence dhe një mesazh personal që do të shfaqet në ekranin e bllokuar (këshillohet të anashkalohet ky hap për të shmangur ndarjen e të dhënave personale)
• Kur të jeni gati, zgjidhni butonin Lock dhe verifikoni llogarinë tuaj Samsung për të aktivizuar Lost Mode
• Nëse pajisja rikuperohet, mund ta zhbllokoni duke përdorur PIN-in që keni krijuar gjatë vendosjes së modalitetit të humbjes

 

Si të fshini në distancë të dhënat nga pajisja juaj Samsung Galaxy:

• Vizitoni faqen Samsung Find
• Zgjidhni telefonin që dëshironi të fshini dhe klikoni mbi Erase Data
• Verifikoni kredencialet e llogarisë suaj Samsung
• Rishikoni informacionin e shfaqur dhe shtypni Erase për të konfirmuar
• Të gjitha të dhënat në pajisjen tuaj, përfshirë edhe informacionin nga Samsung Pay, do të fshihen përgjithmonë dhe nuk do të mund të rikuperohen
• Ky veprim do të rivendosë gjithashtu telefonin në gjendjen fillestare, që do të thotë se nuk do të mund ta lokalizoni apo kontrolloni më përmes Samsung Find
• Sigurohuni të bëni rregullisht backup në cloud, në mënyrë që të dhënat tuaja të mund të rikthehen në një pajisje të re nëse është e nevojshme

 

Si të ndryshoni në distancë fjalëkalimet e llogarive tuaja Samsung dhe/ose Google:

• Rekomandohet të ndryshoni fjalëkalimet e llogarive tuaja Samsung dhe Google (ose çdo llogarie tjetër të lidhur me pajisjen), duke u futur në faqet zyrtare përkatëse të tyre
• Pasi të ndryshoni fjalëkalimin, do të dilni automatikisht nga të gjitha pajisjet e lidhura, përveç asaj që po përdorni aktualisht
• Ky veprim parandalon aksesin e paautorizuar në funksionalitete të lidhura me llogaritë tuaja dhe mbron informacionin tuaj personal

 

Si ta gjurmoni pajisjen tuaj Galaxy:

 

Nëse pajisja është e ndezur dhe e lidhur me Wi-Fi ose me të dhënat celulare, vendndodhja e saj e fundit e njohur do të shfaqet në një hartë.

• Vizitoni faqen Samsung Find
• Hyni me llogarinë Samsung të lidhur me pajisjen tuaj (ose me llogarinë e kujdestarit)
• Nëse keni disa pajisje të lidhura me të njëjtën llogari, të gjitha do të shfaqen – zgjidhni atë që dëshironi të gjeni
• Do të shihni vendndodhjen aktuale ose të fundit të njohur të pajisjes

 

Veçori të tjera të disponueshme edhe në distancë:

• Bëj që telefoni të bjerë (Ring): Aktivizo që pajisja të bjerë edhe nëse është në modalitetin e heshtur ose dridhje
• Zgjat jetën e baterisë: Aktivizo cilësimet për kursim të energjisë për të mbajtur pajisjen ndezur më gjatë dhe për të përmirësuar mundësitë e rikuperimit
• Gjurmo vendndodhjen: Aktivizo gjurmimin në kohë reale dhe vendndodhja e telefonit do të përditësohet çdo 15 minuta derisa të ndalet gjurmimi

 

Mënyra të tjera për të gjurmuar pajisjet Galaxy

 

Gjeni telefonin tuaj duke përdorur Galaxy Watch-in (WearOS 5 ose më i lartë):

• Tërhiqni për poshtë nga fillimi i ekranit të Galaxy Watch për të hapur Quick Settings
• Klikoni mbi ikonën Find My Phone
• Klikoni Start për të filluar kërkimin – telefoni juaj do të fillojë të bjerë
• Pasi ta gjeni, klikoni mbi Stop në orën tuaj ose ikonën X në telefon

 

Gjeni Galaxy Watch-in tuaj:

• Hapni aplikacionin Galaxy Wearable në telefonin tuaj
• Klikoni mbi Find My Watch ose Find My Band / Find My Gear, në varësi të pajisjes
• Nëse jeni të lidhur me Bluetooth, klikoni mbi Start
• Ora juaj do të dridhet dhe do të lëshojë një tingull (varësisht nga modeli)
• Pasi ta gjeni, klikoni mbi ikonën X në orë ose Stop në telefon

 

Gjeni Galaxy Buds:

• Hapni aplikacionin Galaxy Wearable në telefonin ose tabletin tuaj
• Klikoni mbi Find My Earbuds
• Klikoni Start – dëgjuesit tuaj do të fillojnë të japin sinjale dhe do të rrisin gradualisht volum për tre minuta
• Pasi ta gjeni, klikoni mbi Stop

 

Përdorni Google Find My Device:

• Google Find My Device është i integruar në Android përmes Google Play Services
• Ju nevojitet një llogari Google për ta përdorur
• Me këtë mjet mund të vendosni një fjalëkalim të ri, të bëni pajisjen të bjerë, të shfaqni një mesazh, të bllokoni dhe të fshini pajisjen, dhe më shumë

 

Kontaktoni autoritetet dhe operatorin tuaj celular:

• Pasi të keni marrë hapat e mësipërm, raportoni pajisjen tuaj të humbur ose të vjedhur në polici dhe regjistroni një raport për ngjarjen
• Kontaktoni operatorin tuaj celular për të ngrirë kontratën dhe për të parandaluar përdorimin e paautorizuar

 

Për mbrojtje shtesë të pajisjes, rekomandohet të keni siguracion që mbulon dëmtime aksidentale, humbje ose vjedhje. Samsung ofron plane të ndryshme mbrojtjeje – vizitoni Samsung.com për të eksploruar opsionet që i përshtaten më mirë nevojave tuaja.