Tiranë, 9 qershor 2025 - Samsung Electronics njoftoi sot një partneritet me shefin e kuzhinës, pronarin e restoranteve dhe autorin e librave të recetave, Jamie Oliver, i cili do të sjellë një gamë ekskluzive të re recetash të thjeshta, të lehta për t’u përgatitur dhe miqësore për familjen në pajisjet Bespoke AI dhe pajisjet inteligjente të Samsung.

 

Misioni i gjatë i Jamie-t për të nxitur më shumë njerëz që të gatuajnë, si dhe pasioni i tij për ta bërë jetën në shtëpi më të thjeshtë me teknologji të reja, kanë frymëzuar këto receta të reja. Për shumë njerëz që nuk kanë kohë, vetëbesim apo njohuri të mjaftueshme në kuzhinë, vakti ndonjëherë mund të duket si një detyrë. Samsung ka bashkëpunuar me Jamie-n për të krijuar receta që e kthejnë gatimin një kënaqësi.

 

Jamie ka krijuar recetat e reja duke pasur parasysh teknologjinë AI të Samsung, dhe mënyrën se si ajo mund të na ndihmojë të jetojmë në mënyrë më të zgjuar; nga furrat që gatuajnë dy pjata në dy temperatura të ndryshme njëkohësisht, te frigoriferët që sugjerojnë receta bazuar në përbërësit që keni tashmë në shtëpi.

 

Receta ekskluzive të reja nga Jamie Oliver x Samsung

 

Recetat e reja përfshijnë klasike të dashura, si pula e pjekur në tavë, salmoni Gravadlax, si dhe një bukë focaccia, apo tarte Tatin e ëmbël me fruta. Çdo recetë është krijuar për të bërë të thjeshtë gatimin e ushqimeve cilësore për njerëzit e zënë që nuk kanë kohë për të planifikuar vakte, por duan të përgatisin në shtëpi ushqime të shëndetshme për familjen dhe miqtë.

 

“Si kuzhinier, gjithmonë kam pasur luksin e kohës për të gatuar, dhe e dua këtë,” thotë Jamie Oliver. “Por ne po gatuajmë gjithnjë e më pak, dhe unë gjithmonë kërkoj mënyra për t’i ndihmuar njerëzit të dashurohen përsëri me kuzhinat e tyre. Nëse ka diçka që e bën jetën në shtëpi më të thjeshtë, dua ta di. Qoftë duke të treguar se çfarë përbërësish ke tashmë kur je në dyqan dhe duke të dhënë receta për t’i përdorur ato, apo një furrë me AI që ndjen ushqimin që po gatuan dhe të paralajmëron nëse po digjet. Është emocionuese të mendosh se njerëzit mund të dashurohen përsëri me kuzhinën e tyre dhe të gatuajnë vakte cilësore, duke kaluar më shumë kohë me familjen.”

 

Gatim i thjeshtë me Bespoke AI

 

“Gatimi mund të jetë një nga eksperiencat më argëtuese në shtëpi, por shpesh bëhet me ngut për të përgatitur një vakt për familjen,” thotë Benjamin Braun, Drejtori i Marketingut në Samsung Europe. “AI-ja në pajisjet tona inteligjente sjell argëtimin përsëri në gatim dhe e bën procesin më të shkurtër, që ju të kaloni më shumë kohë me familjen. Gjithçka, nga ndjekja e gatimit të ushqimit tuaj përmes SmartThings nga komoditeti i divanit, deri te dërgimi i një recete direkt nga frigoriferi në furrë me temperaturë të vendosur automatikisht, është e mundur me Bespoke AI.”

 

Organizimi dhe gatimi i disa pjatave njëkohësisht, në temperatura të ndryshme, dhe siguria që ato të mos digjen, janë sfida kur përgatiten vakte për familjen.

 

Kur kërkoni të përgatisni pjatat e Jamie-t, furrat Bespoke AI të Samsung dhe aplikacioni SmartThings Cooking(1) e bëjnë përvojën në kuzhinë më të këndshme. Aplikacioni SmartThings nxeh furrën në temperaturën perfekte sipas detajeve të recetës së Jamie-t, pasi furra me AI e di temperaturën e saktë që duhet vendosur.

 

Furrat Dual Cook(2) të Samsung e bëjnë të thjeshtë përgatitjen e dy pjatave në të njëjtën kohë – për shembull salmon Gravadlax dhe tarte Tatin me fruta të Jamie-t, me zona gatimi të sipërme dhe të poshtme që funksionojnë veçmas, njëkohësisht, në temperatura dhe cilësime të ndryshme. Kështu mund të gatuani të dyja pjatat në të njëjtën furrë, pa u shqetësuar që ëmbëlsira të marrë erë të peshkut.

 

Shfrytëzimi maksimal i përbërësve me Bespoke AI

 

Recetat e reja të Jamie-t, në kombinim me frigoriferët Bespoke AI të Samsung, ndihmojnë në sfidat e zakonshme si planifikimi i vakteve, blerja e përbërësve dhe mbajtja nën kontroll e freskisë së ushqimit.

 

Teknologjia AI Vision Inside përdor një kamer(3) për të identifikuar deri në 37 lloje të ndryshme ushqimesh(4) të freskëta, si domate, qepë, speca, sallatë, vezë dhe të tjera, sapo të vendosen në frigorifer. Pastaj krijon një listë ushqimesh që mund ta shihni në çdo moment në aplikacionin SmartThings(5) ose në ekranin e integruar të frigoriferit. Kështu, gjatë blerjeve javore mund të shikoni si përbërësit që keni, ashtu edhe ato që ju nevojiten.

 

Aplikacioni SmartThings Food mund të sugjerojë edhe recetat më të mira, përfshirë gamën e re të recetave të krijuara nga Jamie, bazuar në përbërësit që tashmë ndodhen në frigorifer – duke e bërë të lehtë planifikimin e vakteve dhe përdorimin e ushqimeve që keni.

 

Reduktimi i shpërdorimit të ushqimit

 

Shpërdorimi i ushqimit është një problem i rëndësishëm në gjithë Europën, dhe ndjekja e datave të skadencës së ushqimit nuk është e lehtë. Sipas vlerësimeve të Eurostat(6), çdo person në Bashkimin Evropian prodhon mesatarisht 129 kilogramë mbetje ushqimore. Gjithashtu, njerëzit janë të gatshëm të reduktojnë shpërdorimin e ushqimit, me pothuajse dy të tretat (64%)(7) të konsumatorëve në Europë që pajtohen se dëshirojnë të marrin masa për të “reduktuar shpërdorimin e ushqimit”.

 

Aplikacioni SmartThings Food(8) ndjek datat e përdorimit dhe ndihmon në reduktimin e shpërdorimit të ushqimit duke sugjeruar receta që përdorin përbërës që janë afër datës së skadencës, si përdorimi i perimeve për shije shtesë dhe ngjyrë në recetat si pula në tavë dhe buka Focaccia e Jamie-t.

 

Recetat janë të disponueshme në aplikacionin SmartThings Food

 

Tre recetat e para ekskluzive nga Jamie Oliver janë tani të disponueshme në aplikacionin SmartThings, në seksionin Food, ndërsa tre të tjera do të vijnë më vonë gjatë këtij viti. Aplikacioni SmartThings mund të shkarkohet falas nga Play Store ose App Store. Për më shumë informacion rreth aplikacionit SmartThings vizitoni Samsung.com/SmartThings.

 

Recetat mund të shikohen gjithashtu drejtpërdrejt në modelet e frigoriferëve Bespoke AI të Samsung që kanë ekranin AI Home 9 inç ose ekranin Family Hub, si dhe në JamieOliver.com.

 

Për më shumë informacion mbi gamën Samsung Bespoke, ju lutemi vizitoni https://www.samsung.com/al/.

 

 

 

Rreth Samsung Electronics

Samsung frymëzon botën dhe formëson të ardhmen me ide dhe teknologji transformuese. Kompania po ripërcakton botën e televizorëve, telefonave inteligjentë, pajisjeve të veshura, tabletave, pajisjeve shtëpiake, sistemeve të rrjetit dhe kujtesës, sistemit LSI, fonderit dhe zgjidhjeve LED, dhe po ofron një përvojë të lidhur pa probleme përmes ekosistemit të saj SmartThings dhe bashkëpunimit të hapur me partnerët. Për të rejat më të fundit, ju lutemi vizitoni "Samsung Newsroom" në https://www.samsung.com/al/.

 

Rreth Jamie Oliver Group

 

I themeluar nga një vizionar, Jamie Oliver Group është një markë globale dhe e integruar ushqimore B Corp, me misionin për të ndihmuar në ndërtimin e një bote më të shëndetshme dhe më të lumtur përmes kënaqësisë së ushqimit. Nga media dhe restorantet, te produktet, partneritetet dhe Ministria e Ushqimit, çdo pjesë e biznesit tonë të ndryshëm ka një rol të rëndësishëm në lehtësimin e gatimit dhe shijimit të vakteve më të mira, më të shëndetshme dhe më të qëndrueshme. Si një B Corp me krenari, jemi të përkushtuar të edukojmë dhe inspirojmë njerëzit, vendet e punës, shkollat dhe komunitetet në mbarë botën, për të ndihmuar në marrjen e vendimeve më të mira, një vakt në një kohë.