Tiranë, 18 gusht 2025 – Samsung Electronics njoftoi sot lançimin e Galaxy Buds3 FE, pajisjen më të re në gamën Galaxy Buds. Si pjesë e misionit të Samsung për ta sjellë inovacionin në audio tek më shumë njerëz, Galaxy Buds3 FE janë dizajnuar për të ofruar veçori premium me një çmim të përballueshëm. Buds3 FE ftojnë më shumë përdorues në ekosistemin Galaxy me dizajnin ikonik Blade, performancën e përmirësuar të audios dhe aftësitë e Galaxy AI[1]. Galaxy Buds3 FE dëshmojnë përkushtimin shumëvjeçar të Samsung për të udhëhequr me teknologji dhe inovacion audio të klasit më të lartë.

Galaxy Buds3 FE janë dizajnuar për të ofruar një përvojë të përmirësuar dëgjimi. Përmirësimet domethënëse në gamën Galaxy Buds bazohen mbi risitë në veçoritë thelbësore si anulimi aktiv i zhurmës (Active Noise Cancellation), cilësia e thirrjeve, jetëgjatësia e baterisë, rehati dhe të tjera, duke u dhënë përdoruesve lirinë për të dëgjuar ashtu si duan, kudo dhe kur të duan. Lançimi i Galaxy Buds3 FE vijon traditën e sjelljes së përvojave superiore audio për sa më shumë njerëz, përmes veçorive premium dhe një çmimi të arsyeshëm.

Samsung e kupton se pjesa më thelbësore e përvojës së përdoruesve të Galaxy Buds është tingulli me cilësi të lartë. Galaxy Buds3 FE janë krijuar për momentet e qeta në një tren të mbushur me njerëz, për thirrjet që duhen dëgjuar qartë në një rrugë me erë, dhe për listën muzikore që ju shoqëron rrugës për në shtëpi. Me një altoparlant më të madh[2], Buds3 FE ofrojnë tingull të pasur e të fuqishëm, me bas të thellë dhe tinguj të qartë në frekuencat e larta[3]. anulimi aktiv i zhurmës (Active Noise Cancellation)[4] i përmirësuar redukton zhurmat përreth, duke krijuar një përvojë dëgjimi më zhytëse. Teknologjia Crystal Clear Call përdor një model të avancuar të të mësuarit makinerik të trajnuar paraprakisht për të izoluar zërin tuaj, duke siguruar që bisedat të mbeten të qarta edhe në mjedise të zhurmshme. Përvoja e thirrjeve përmirësohet gjithashtu nga pozicionimi i optimizuar i mikrofonit, i cili është vendosur përballë gojës së përdoruesit për përçuar më saktë zërin.

Lehtësia e përdorimit është në zemër të dizajnit të Galaxy Buds3 FE, ku kontrollet intuitive mundësojnë ndërveprime pa mundim. Një shtypje e lehtë (pinch) mbi Blade ju lejon të bëni zgjedhje, ndërsa një rrëshqitje shërben për të kontrolluar volumin. Është gjithashtu më e lehtë të lidheni përmes butonit të çiftimit në kutinë e karikimit, për të kaluar shpejt midis pajisjeve tuaja Galaxy[5]. Me funksionin Auto Switch, Galaxy Buds3 FE identifikon automatikisht aktivitetin audio dhe kalon lidhjen në mënyrë të pandërprerë, duke ju mundësuar dëgjim pa ndërprerje në të gjitha pajisjet tuaja Galaxy[6].

Për më tepër, veçoritë me inteligjencë artificiale dhe dizajni i Buds3 FE sigurojnë që vendosja e listës së radhës me këngë ose përkthimi i një bisede nga një gjuhë në tjetrën të jetë gjithmonë vetëm një komandë me zë ose një shtypje e gjatë larg. Kur përdoren fraza si “Hey Google”, Buds3 FE mund të dëgjojë, të kuptojë dhe të përgjigjet, pa ekran, pa duar, vetëm ju dhe zëri juaj[7]. Përvoja është e shpejtë dhe natyrale, e menduar të ndihet më shumë si një bisedë me një mik sesa si përdorimi i një pajisjeje. Mund të kontrolloni axhendën tuaj të përditshme ose email-et pa nxjerrë telefonin nga xhepi ose çanta. Për përkthim[8], përdorni Buds3 FE me aplikacionin Galaxy AI Interpreter[9] në smartphone-in tuaj për të dëgjuar një ligjëratë në një gjuhë të huaj ose për të zhvilluar një bisedë me dikë në një gjuhë tjetër.

Dizajni Blade i Galaxy Buds3 FE përfaqëson identitetin e dallueshëm vizual të linjës Galaxy. Me një përfundim mat në dy ngjyra dhe detaje gjysmë-transparente, ai pasqyron një ekuilibër mes thjeshtësisë dhe detajit ekspresiv, për një estetikë moderne por lozonjare.

Galaxy Buds3 FE shënojnë një kapitull të ri në zgjerimin e përvojës Galaxy. Të dizajnuara për përdorues që kërkojnë performancë të besueshme, veçori inteligjente dhe një dizajn elegant me një vlerë të shkëlqyer, Galaxy Buds3 FE e bëjnë më të lehtë se kurrë të bëheni pjesë e ekosistemit Galaxy. Kufjet ofrojnë gjithashtu integrim të pandërprerë me pajisjet Galaxy, duke përfshirë qasjen e shpejtë nga cilësimet e sistemit dhe kontrollin pa aplikacion nga çdo ekran[10].

Galaxy Buds3 FE do të jenë të disponueshme gradualisht duke filluar nga 5 shtatori.

Për më shumë detaje rreth Galaxy Buds3 FE, vizitoni https://www.samsung.com/al/.

Rreth Samsung Electronics

Samsung frymëzon botën dhe formëson të ardhmen përmes ideve dhe teknologjive transformuese. Kompania po rishkruan kufijtë e botës së televizorëve, sinjalistikës digjitale, smartfonëve, pajisjeve të veshshme, tabletëve, pajisjeve shtëpiake dhe sistemeve të rrjetit, si dhe në fushat e memories, sistemit LSI dhe prodhimit të çipeve (foundry). Samsung po avancon gjithashtu teknologjitë e imazherisë mjekësore, zgjidhjet HVAC dhe robotikën, ndërsa krijon produkte novatore në industrinë automobilistike dhe atë të audios përmes Harman. Me ekosistemin SmartThings, bashkëpunimet e hapura me partnerët dhe integrimin e inteligjencës artificiale në të gjithë portofolin e tij, Samsung ofron një përvojë të lidhur, inteligjente dhe intuitive. Për risitë më të fundit, vizitoni Samsung Newsroom në news.samsung.com.