Tiranë, 27 qershor – Samsung Electronics njoftoi gamën e re të monitorëve smart, që përfshin modelin kryesor Smart Monitor M9 (modeli M90SF) si dhe modelet e përditësuara Smart Monitor M8 (modeli M80F) dhe M7 (modeli M70F). Me prezantimin e teknologjisë QD-OLED në M9 dhe veçoritë e avancuara me inteligjencë artificiale në të gjithë gamën, ofertat e reja sigurojnë një ekran më të personalizuar dhe të lidhur për punë dhe argëtim.

 

“Seria Smart Monitor vazhdon të evoluojë duke u bazuar në mënyrën se si njerëzit punojnë, shikojnë dhe luajnë,” tha Hoon Chung, Zv.president Ekzekutiv i Biznesit të Ekraneve Vizuale (VD) në Samsung Electronics. “Me prezantimin e QD-OLED dhe përmirësimeve të fuqizuara nga AI, M9 ofron një eksperiencë më të shpejtë dhe më të rafinuar ekrani — të gjitha në një pajisje të vetme, shumëfunksionale.”

 

Smart Monitor M9: Imazh OLED, performancë inteligjente

 

Smart Monitor M9 sjell për herë të parë teknologjinë QD-OLED në gamën e monitorëve smart. Paneli 32-inç 4K QD-OLED ofron kontrast të thellë dhe ngjyra të gjalla, duke siguruar një eksperiencë vizuale më të thelluar në produktivitet, streaming dhe lojëra. Teknologjia Samsung OLED Safeguard+ ndihmon në ruajtjen e integritetit të ekranit gjatë kohës, me një sistem ftohjeje të veçantë që redukton rrezikun e “burn-in”. M9 vjen gjithashtu me ekran Glare-Free për të minimizuar reflektimet dhe për të siguruar dukshmëri dhe komoditet të qëndrueshëm — edhe në kushte me ndriçim të fortë.

 

M9 është i fuqizuar me AI Picture Optimizer, 4K AI Upscaling Pro dhe Active Voice Amplifier (AVA) Pro, që punojnë së bashku për të përmirësuar cilësinë e imazhit dhe zërit në kohë reale, duke u përshtatur me përmbajtjen dhe ambientin. Pavarësisht nëse përdoruesit po shikojnë, krijojnë apo bëjnë multitasking, ekrani përshtatet automatikisht për të ofruar performancë të optimizuar.

 

M9 shërben edhe si një qendër inteligjente argëtimi me akses në aplikacionet e njohura të streaming-ut, Samsung TV Plus dhe Samsung Gaming Hub — që mundëson lojëra në cloud pa nevojën e një konzole apo PC-je të lidhur. Me ritëm rifreskimi 165Hz, kohë përgjigjeje 0.03ms dhe përputhshmëri me NVIDIA G-SYNC, M9 mbështet vizuale të lëmuara dhe të shpejta, ideale për përdorim me performancë të lartë.

 

M9 ka gjithashtu një dizajn të hollë metalik që bashkon estetikën premium me funksionalitetin, duke krijuar një pamje moderne që plotëson çdo hapësirë pune.

 

Duke njohur performancën e tij të saktë dhe të besueshme të ngjyrave, Smart Monitor M9 ka marrë certifikatën Pantone Validated. Kjo certifikatë siguron përdoruesit se M9 ka kaluar standardet e rrepta të testimit dhe mund të riprodhojë mbi 2,100 ngjyra dhe më shumë se 110 nuanca të lëkurës nga biblioteka e Pantone. I kombinuar me ekranin brilant QD-OLED, monitori garanton që vizualet të shfaqen ashtu siç i kanë menduar krijuesit e përmbajtjes, duke ofruar besueshmëri dhe qartësi për çdo aplikim.

 

Smart Monitor M8 dhe M7: Ekrane shumëfunksionale me IA dhe lidhje të përmirësuar

 

Smart Monitor-i i ri M8 dhe Smart Monitor-i M7 zgjerojnë përvojën e monitorëve inteligjentë të Samsung për një audiencë më të gjerë, duke ofruar ekrane 32-inç 4K UHD me cilësi të gjallë të imazhit dhe funksione të integruara me inteligjencë artificiale. Të pajisur me teknologjinë e avancuar VA të Samsung, të dy modelet ofrojnë detaje të mprehta dhe kontrast të pasur, duke i bërë ato ideale për produktivitetin e përditshëm, streaming dhe shumë më tepër.

 

Të dy ekranet mbështesin mjete zbulimi me Inteligjencë Artificiale, përfshirë funksionin “Click to Search”[1]. Këto veçori ndihmojnë përdoruesit të eksplorojnë përmbajtjen, të marrin informacione dhe të ndërveprojnë me ekranin në mënyrë më intuitive, ndërsa sistemi operativ Tizen OS Home personalizon rekomandimet dhe e bën më të lehtë aksesin në shërbimet dhe inputet e përdorura shpesh.

 

Të dizajnuar për fleksibilitet, të tre modelet integrohen me SmartThings, mbështesin Multi Control mes pajisjeve Samsung dhe ofrojnë Multi View për punë ose argëtim paralel. Me akses në Microsoft 365, përdoruesit mund të krijojnë dhe redaktojnë dokumente drejtpërdrejt nga monitori pa pasur nevojë për PC, duke e bërë këtë gamë një zgjidhje praktike për ambientet moderne të punës.

 

Mbështetje dhe disponueshmëri e vazhdueshme

 

Smart Monitor M9, M8 dhe M7 janë në dispozicion me madhësi ekrani 32-inç dhe do të fillojnë të shpërndahen në tregjet globale që nga ky muaj[2].

 

Për të siguruar përdorim dhe mbështetje afatgjate, Samsung ofron deri në shtatë vjet përditësime One UI Tizen për gamën e Smart Monitor duke i mundësuar përdoruesve të përfitojnë vazhdimisht nga veçoritë dhe shërbimet më të fundit me kalimin e kohës[3].

 

Për më shumë informacion rreth gamës së monitorëve smart të Samsung, ju lutemi vizitoni https://www.samsung.com/al/.

 

 

Rreth Samsung Electronics

Samsung frymëzon botën dhe formëson të ardhmen përmes ideve dhe teknologjive transformuese. Kompania po rishkruan kufijtë e botës së televizorëve, sinjalistikës digjitale, smartfonëve, pajisjeve të veshshme, tabletëve, pajisjeve shtëpiake dhe sistemeve të rrjetit, si dhe në fushat e memories, sistemit LSI dhe prodhimit të çipeve (foundry). Samsung po avancon gjithashtu teknologjitë e imazherisë mjekësore, zgjidhjet HVAC dhe robotikën, ndërsa krijon produkte novatore në industrinë automobilistike dhe atë të audios përmes Harman. Me ekosistemin SmartThings, bashkëpunimet e hapura me partnerët dhe integrimin e inteligjencës artificiale në të gjithë portofolin e tij, Samsung ofron një përvojë të lidhur, inteligjente dhe intuitive. Për risitë më të fundit, vizitoni Samsung Newsroom në news.samsung.com.