Udhëzuesi bazë i produktit

Ky udhëzues përfshin udhëzime bazë të përdorimit dhe masave paraprake për produktin. Për informacion të detajuar për produktin, referojuni “Manualit të përdorimit” në faqen e internetit të Samsung.

* Si ta gjeni manualin
Hapi 1: Aksesoni faqen e internetit të mbështetjes së Samsung: https://www.samsung.com/support
Hapi 2: Kërkoni me emrin e modelit ose emrin e marketingut.

1. Aksesimi i më shumë informacioneve

Një etiketë me kod QR, e ngjitur në murin e majtë brenda frigoriferit. Skanimi i kodit QR ju lejon që të regjistroni produktin dhe të aksesoni manualin e përdoruesit.

Për udhëzime të detajuara në lidhje me instalimin dhe pastrimin e pajisjeve, vizitoni faqen e internetit të “Samsung” (https://www.samsung.com), shkoni te “Support” (Mbështetja) > “Support home” (Ekrani kryesor i mbështetjes) dhe pastaj vendosni emrin e modelit.
Për të kontrolluar emrin e modelit të produktit, shikoni etiketën e përfshirë me produktin ose të vendosur në të.
Hapni një aplikacion për skanimin e kodit QR dhe skanoni imazhin e kodit QR bashkëngjitur produktit. Mund të aksesoni “Product registration” (Regjistrimin e produktit), “Manual” (Manualin) dhe “Customer support” (Mbështetjen për klientin). Figurat dhe ilustrimet jepen vetëm si referencë dhe mund të ndryshojnë nga pamja aktuale e produktit. Dizajni dhe specifikat e produktit mund të ndryshojnë pa lajmërim.

2. Informacione sigurie

Urime për pajisjet tuaja të reja Samsung. Ky manual përmban informacione të rëndësishme mbi instalimin, përdorimin dhe mirëmbajtjen e pajisjeve tuaja. Lexojeni këtë manual tërësisht para përdorimit dhe sigurohuni që të dini se si t'i përdorni në mënyrë të sigurt dhe efikase veçoritë dhe funksionet që ofrojnë pajisjet tuaja të reja.

Simbole të rëndësishme sigurie
Çfarë do të thonë ikonat dhe shenjat në këtë manual përdoruesi.

PARALAJMËRIM
Rreziqe ose praktika jo të sigurta që mund të shkaktojnë lëndim të rëndë të personit, vdekje dhe/ose dëmtim të pronës.

KUJDES
Rreziqe ose praktika jo të sigurta që mund të shkaktojnë lëndim të personit dhe/ose dëmtim të pronës.

Lexoni udhëzimet
Pasi të keni lexuar këtë manual, ruajeni në një vend të sigurt për referencë në të ardhmen.
Lexoni të gjitha udhëzimet përpara përdorimit të pajisjes.

SHËNIM
Informacione shtesë që mund të jenë të dobishme.

Nëse nuk ndiqni udhëzimet, mund të shkaktohet goditje elektrike, lëndim, zjarr, thyerje ose shpërthim.

Masa paraprake të rëndësishme sigurie

PARALAJMËRIM; Rrezik zjarri/materiale të ndezshme

1. Kjo pajisje nuk duhet përdorur nga persona (duke përfshirë fëmijët) me aftësi të kufizuara fizike, shqisore apo mendore, ose nga persona që nuk kanë përvojë dhe njohuri, përveç nëse mbikëqyren ose nëse udhëzohen lidhur me përdorimin e pajisjes nga një person përgjegjës për sigurinë e tyre.
2. Për përdorim në Evropë: Kjo aparaturë mund të përdoret nga fëmijë të moshës 8 vjeç e lart dhe personat me aftësi të pakësuara fizike, të ndjesisë ose mendore ose mungesë të përvojës dhe njohurisë nëse u është dhënë mbikëqyrje ose udhëzime në lidhje me përdorimin e pajisjes në një mënyrë të sigurt dhe i kuptojnë rreziqet që përfshihen. Fëmijët nuk duhet të luajnë me aparaturën. Pastrimi dhe mirëmbajtja e përdoruesit nuk duhet bërë nga fëmijë pa mbikëqyrje. Fëmijët e moshës nga 3 deri në 8 vjeç lejohen të ngarkojnë dhe shkarkojnë pajisjet frigoriferike.
3. Fëmijët duhet të mbikëqyren për t'u siguruar që të mos luajnë me pajisjen.
4. Për të shmangur rrezikun, nëse kordoni elektrik është dëmtuar, zëvendësimi i tij duhet të bëhet nga prodhuesi, nga agjenti i shërbimit ose nga një person i kualifikuar.
5. Kjo pajisje përmban një sasi të vogël ftohësi izobutan të djegshëm (R-600a). Për instalimin, manovrimin, mirëmbajtjen dhe asgjësimin e pajisjes, duhet pasur kujdes për t'u siguruar që asnjë pjesë e qarkut të ftohësit të mos jetë e dëmtuar.
6. Si ftohës përdoret R-600a ose R-134a. Kontrolloni etiketën e kompresorit në pjesën e pasme të pajisjes ose etiketën e klasifikimit brenda frigoriferit për të parë cili ftohës është përdorur për pajisjen tuaj. Kur ky produkt përmban gaz të ndezshëm (ftohës R-600a), kontaktoni me autoritetet lokale në lidhje me asgjësimin e sigurt të këtij produkti.
7. Mos e dëmtoni qarkun e ftohësit.
8. Për të shmangur krijimin e një përzierje gaz-ajër të ndezshme nëse ndodh rrjedhje në qarkun e ftohësit, madhësia e dhomës duhet të jetë 1 m3 për çdo 8 g ftohësi R-600a brenda pajisjes. Gjithashtu, nëse pajisja tregon ndonjë shenjë dëmtimi, hiqeni nga priza dhe konsultohuni me shitësin tuaj nëse keni dyshime.
9. Ciklopetani është përdorur në izolimin e pajisjes. Gazrat në materialin e izolimit kërkojnë një procedurë të veçantë për hedhjen. Kontaktoni autoritetet tuaja lokale për asgjësimin e sigurt ekologjik.
10. Priza duhet të jetë lehtësisht e arritshme, në mënyrë që pajisja të mund të shkëputet menjëherë nga energjia në rast emergjence.
11. Gjatë pozicionimit të pajisjes, sigurohuni të mos shtypni apo dëmtoni kordonin elektrik.
12. Mos vendosni shumë shumëprizësha apo ushqyes portativë në pjesën e pasme të pajisjes.
13. Kjo pajisje është synuar për t'u përdorur në përdorime shtëpie dhe përdorime të ngjashme si
- hapësirat e stafeve të kuzhinës në dyqane, zyra dhe ambiente të tjera pune;
- shtëpi ferme dhe nga klientët në hotele, motele dhe ambiente të tjera banimi;
- ambiente të tipit për fjetje dhe ngrënie mëngjesi;
- furnizime ushqimi dhe aplikime të tjera jo shitëse.
14. Mbajini të lira nga pengesat hapësirat e ventilimit në kasën e pajisjes ose në strukturën e integruar.
15. Mos përdorni pajisje mekanike ose mjete të tjera për të përshpejtuar procesin e ngrirjes, përveç atyre që rekomandohen nga prodhuesi.
16. Mos përdorni pajisje elektrike brenda ndarjeve të frigoriferit për ruajtjen e ushqimit nëse nuk janë të një lloji të rekomanduar nga prodhuesi.
17. Mos mbani objekte ose substanca të avullueshme ose të djegshme në frigorifer.
- Ky frigorifer është vetëm për të ruajtur ushqim.
- Kjo mund të shkaktojë zjarr ose shpërthim.
18. Mos ruani substanca shpërthyese, si kuti aerosoli me gaz të djegshëm, në këtë pajisje.
19. Për përdorimin më të efektshëm të energjisë, ju lutemi mbajini të gjitha mjetet e brendshme si koshat, sirtarët, raftet në vendin e tyre siç janë dhënë nga prodhuesi.
20. Lidheni vetëm me furnizimin me ujë të pijshëm. (vetëm modelet përkatëse)
21. Mbusheni vetëm me ujë të pijshëm. (vetëm modelet përkatëse)
- Mbusheni depozitën e ujit, tabakanë e akullit dhe kubat e ujit vetëm me ujë të pijshëm (ujë mineral ose ujë të filtruar).
- Mos e mbushni depozitën me çaj, lëngje ose pije sportive, pasi kjo mund ta dëmtojë frigoriferin.
22. Duhet të përdoren grupet e reja të zorrëve që jepen bashkë me pajisjen dhe grupet e vjetra nuk duhet të ripërdoren.
23. Lidheni vetëm me furnizimin me ujë të pijshëm. Për funksionim të saktë, kërkohet presion uji prej 206-861 kPa(30-125 psi).
24. Nëse produkti është pajisur me llamba LED, kontaktoni një qendër shërbimi lokale Samsung ose agjentë të saj për të zëvendësuar llambat.
25. Për të shmangur ndotjen e ushqimeve, respektoni udhëzimet e mëposhtme:
- Hapja e derës për një kohë të gjatë mund të shkaktojë rritje të konsiderueshme të temperaturës në ndarjet e pajisjes.
- Pastroni rregullisht sipërfaqet që mund të bien në kontakt me ushqimin dhe sistemet e arritshme të kullimit.
- Pastroni depozitat e ujit nëse nuk janë përdorur për 48 orë; shpëlani sistemin e ujit të lidhur me furnizimin me ujë nëse uji nuk është derdhur për 5 ditë.
- Vendosni mishin dhe peshkun e pagatuar në enë të përshtatshme në frigorifer në mënyrë që të mos kenë kontakt apo të pikojnë mbi ushqimet e tjera.
- Ndarjet me dy yje për ushqimet e ngrira janë të përshtatshme për të ruajtur ushqimet e ngrira paraprakisht, për të ruajtur apo për të bërë akullore dhe kuba akulli.
- Ndarjet me një, dy dhe tre yje nuk janë të përshtatshme për ngrirjen e ushqimeve të freskëta.
- Nëse frigoriferin e lini bosh për një kohë të gjatë, fikeni, shkrijeni, pastrojeni, thajeni dhe lëreni derën hapur për të parandaluar krijimin e mykut brenda pajisjes.
26. Temperatura e pjesës (pjesëve) ose ndarjes (ndarjeve) me dy yje që kanë simbolin me dy yje (**) është pak më e lartë se në ndarjen (ndarjet) tjetër të ngrirësit.

SHËNIM
Vendosni në ngrirje vetëm ushqime të freskëta dhe të paprishura. Ushqimet që dëshironi t'i ngrini, mbajini larg ushqimeve që janë të ngrira. Për të shmangur humbjen e shijes ose tharjen e ushqimeve, vendosini ato në enë hermetike.

Tabela e ruajtjes së frigoriferit dhe ngrirësit
Jetëgjatësia e freskisë është në varësi të temperaturës dhe ekspozimit ndaj lagështisë. Meqenëse datat në produkte nuk shërbejnë si udhëzues për përdorimin e sigurt të tyre, referojuni kësaj tabele dhe ndiqni këto rekomandime.

Udhëzimet për mbetjet e pajisjeve elektrike dhe elektronike (WEEE)

Asgjësimi i duhur i këtij produkti (mbetjet e pajisjeve elektrike dhe elektronike)

(Zbatohet në shtetet me sisteme të veçuara grumbullimi)

Kjo shenjë mbi produkt, aksesorë ose dokumentacion tregon se produkti dhe aksesorët e tij elektronikë (p.sh. karikuesi, kufjet, kablloja USB) nuk duhet të asgjësohen së bashku me mbetjet e tjera të elektropajisjeve në fund të ciklit të tyre të punës. Për të parandaluar dëmtimet e mundshme të mjedisit ose shëndetit të njeriut nga asgjësimi i pakontrolluar i mbetjeve, veçojini këta artikuj nga llojet e tjera të mbetjeve dhe riciklojini në mënyrë të përgjegjshme për të nxitur ripërdorimin e qëndrueshëm të burimeve materiale.

Përdoruesit familjarë duhet të kontaktojnë tregtarin me pakicë ku kanë blerë këtë produkt ose zyrën e tyre të qeverisjes vendore për detaje lidhur me vendin dhe mënyrën e dërgimit të këtyre artikujve për një riciklim të sigurt në aspektin mjedisor.

Përdoruesit biznese duhet të kontaktojnë furnitorin e tyre dhe të kontrollojnë kushtet e përgjithshme të kontratës së blerjes. Ky produkt dhe aksesorët e tij elektronikë nuk duhet të përzihen me mbetjet e tjera tregtare për asgjësim.

Për informacione lidhur me angazhimet mjedisore të Samsung-ut dhe detyrimet rregullatore të produktit, p.sh. REACH, WEEE ose bateritë, vizitoni faqen tonë dedikuar qëndrueshmërisë, të disponueshme në adresën www.samsung.com
(Vetëm për produktet e shitura në shtetet evropiane dhe në Mbretërinë e Bashkuar)

R-600a
CIKLOPETANI
PARALAJMËRIM; Rrezik zjarri/Materiale të ndezshme
Prodhuesi : Samsung PO Box 12987, Dublin. IE / Yateley, GU46 6GG. UK