Udhëzuesi bazë për produktin

Energjia
• Mos i mbingarkoni prizat në mur, kabllot zgjatuese apo përshtatësit përtej normës dhe kapacitetit të tensionit të tyre. Kjo mund të shkaktojë zjarr ose goditjeje elektrike.
Referojuni seksionit të specifikimeve të energjisë në manual ose etiketës së furnizimit me energji në produkt për informacione mbi tensionin dhe korrentin.
• Kordonët elektrikë duhet të vendosen në mënyrë që të mos shkelen apo kapen nga objekte që vendosen mbi to. Kushtojuni vëmendje të posaçme skajeve të kordonëve, në priza dhe në pjesët ku dalin nga pajisja.
• Mos futni asgjë metalike në hapësirat e pajisjes. Kjo mund të shkaktojë goditjeje elektrike.
• Për të shmangur goditjet elektrike, mos prekni asnjëherë pjesët e brendshme të pajisjes. Pajisja duhet të hapet vetëm nga tekniku i kualifikuar.
• Sigurohuni ta shtyni spinën në prizë derisa të puthitet mirë. Kur ta hiqni kordonin elektrik nga priza, tërhiqeni gjithnjë nga spina. Mos e hiqni kurrë duke e tërhequr nga kordoni. Mos e prekni kordonin elektrik me duar të lagura.

• Nëse pajisja nuk funksionon normalisht - sidomos nëse lëshon zhurmë ose aromë të pazakontë - hiqeni menjëherë nga priza dhe kontaktoni shitësin ose qendrën e autorizuar të shërbimit "Samsung".
• Për ta mbrojtur pajisjen nga rrufetë ose kur lihet pa u mbikëqyrur dhe pa u përdorur për një kohë të gjatë, sigurohuni ta hiqni nga priza dhe ta shkëputni nga antena ose sistemi kabllor.
‒ Grumbullimi i pluhurit mund të shkaktojë goditje elektrike, shkarkim elektrik ose zjarr duke bërë që kordoni të lëshojë shkëndija dhe nxehtësi, ose t'i prishet veshja izoluese.
• Përdorni vetëm spina dhe priza të tokëzuara siç duhet.
‒ Tokëzimi i papërshtatshëm mund të shkaktojë goditje elektrike ose dëmtim
të pajisjes. (Vetëm pajisje të kategorisë I.)
• Për ta fikur tërësisht këtë pajisje, shkëputeni nga priza. Për t'u siguruar se mund ta shkëputni shpejt aparaturën nëse e shikoni të nevojshme, sigurohuni që spina dhe priza të jenë në pozicion praktik.

Instalimi
• Mos e vendosni asnjëherë pajisjen pranë kaloriferit ose mbi të, ose mbi kanale ajrimi, ose në vende ku mund të ekspozohet ndaj rrezeve të diellit.
• Mos vendosni enë me ujë (vazo etj.) mbi pajisje, pasi mund të shkaktohet zjarr
ose goditje elektrike.
• Mos e ekspozoni pajisjen ndaj shiut apo lagështirës.
• Sigurohuni të kontaktoni qendrën e autorizuar të informacionit "Samsung" kur synoni ta instaloni televizorin në vend me shumë pluhur, me temperatura të larta ose të ulëta, me shumë lagështi, me substanca kimike, ose kur do
të punojë 24 orë rresht, si p.sh. në aeroporte, stacione treni etj. Përndryshe, televizori mund të dëmtohet rëndë.
• Mos e ekspozoni pajisjen ndaj pikimit ose spërkatjes.

Montimi i televizorit në mur

• Përdorni gjithnjë komotë apo mbështetëset, ose mënyrat e montimit të rekomanduara nga Samsung.
• Përdorni gjithnjë mobilie që mund ta mbajnë në mënyrë të sigurt televizorin.
• Sigurohuni gjithnjë që televizori të mos tejkalojë anët e mobilies mbështetëse.
• Tregojuni gjithnjë fëmijëve rreziqet që vijnë nga ngjitja nëpër mobilie për të arritur televizorin ose komandat e tij.
• Vendosini gjithnjë kordonët e kabllot e lidhur me televizorin në mënyrë të atillë
që të mos pengoheni, të mos i tërhiqni apo kapni.
• Mos e vendosni kurrë televizorin në një vend të paqëndrueshëm.
• Mos e vendosni kurrë televizorin mbi mobilie të larta (për shembull bufe ose rafte librash) pa e fiksuar si mobilien, edhe televizorin në një mbështetëse të përshtatshme.
• Mos e vendosni kurrë televizorin mbi leckë apo materiale të tjera që mund të gjenden midis televizorit dhe mobilies mbështetëse.
• Mos vendosni kurrë artikuj që mund të nxisin ngjitjen, si p.sh. lodra apo telekomanda, përmbi televizor apo mobilien mbi të cilën është vendosur televizori. Nëse do ta ruani dhe zhvendosni televizorin tuaj ekzistues, duhet të zbatohen të njëjtat masa si më sipër.
• Nëse ju duhet të lëvizni ose të ngrini televizorin për zëvendësim ose pastrim,
sigurohuni të mos nxirrni bazamentin.

Parandalimi i rrëzimit të televizorit

KATEGORIA 1 - PRODUKTET ME LASER (The Frame (Vetëm modeli i mbështetur i aparatit One Connect)
• Kujdes - Ka rrezatim të padukshëm laser kur hapet. Mos i mbani sytë drejt
laserit.
‒ Mos e përkulni shumë Kablloja "One Connect". Mos e prisni kabllon.
‒ Mos vendosni objekte të rënda mbi kabllo.
‒ Mos zbërtheni asnjë prej konektorëve të kabllos.
• Kujdes - Përdorimi i komandave, rregullimet ose kryerja e procedurave të ndryshme nga ato të përcaktuara këtu, mund të shkaktojnë ekspozim të rrezikshëm ndaj rrezatimit.

Përdorimi i mbajtësit të kabllove One Connect (Vetëm modeli i mbështetur i aparatit One Connect)
Mund ta përdorni mbajtësin e kabllove One Connect për të rregulluar kabllot gjatë instalimit të suportit për mur.

• Figura mund të ndryshojë në varësi të modelit.

Konfigurimi fillestar
Herën e parë që ndizni televizorin, fillon menjëherë konfigurimi fillestar. Ndiqni udhëzimet e shfaqura në ekran dhe konfiguroni cilësimet bazë të televizorit për t'iu përshtatur mjedisit tuaj të shikimit.
• Do t'ju duhet një llogari Samsung për të hyrë në shërbimet tona inteligjente të bazuara në ueb. Nëse zgjidhni të mos identifikoheni, ai do të ketë lidhje vetëm me televizorin tokësor (i zbatueshëm për pajisjet që kanë vetëm marrës) dhe pajisjet e jashtme, p.sh. nëpërmjet një kabllo HDMI.

Zgjidhja e problemeve
Për më tepër informacion, referojuni "Zgjidhja e problemeve" te Udhëzuesin e përdoruesit.
Nëse asnjëra nga këshillat e sugjeruara nuk e zgjidh problemin, vizitoni ,,www.samsung.com" dhe klikoni "Mbështetja teknike" ose kontaktoni qendrën e shërbimit Samsung.
• Ky panel përbëhet nga nënpikselë që kërkojnë teknologji të sofistikuar për t'u prodhuar. Megjithatë, mund të ketë disa pikëza me shkëlqim ose të errëta në ekran. Këto pikëza nuk do të kenë asnjë ndikim në funksionimin e produktit.
• Për ta mbajtur televizorin në një gjendje optimale, përdorni softuerin më të ri. Përdorni funksionet Përditëso tani ose Përditësimi automat. në menynë e televizorit.

a. Televizori nuk ndizet.
• Sigurohuni që kordoni elektrik të jetë futur siç duhet në produkt dhe në prizën në mur.
• Sigurohuni që priza është në rregull dhe sensori i telekomandë në fund të televizorit është e ndezur në të kuqe të fortë.
• Provoni të shtypni butonin Pulti i televizorit në pjesën e poshtme të televizorit për t'u siguruar që problemi nuk qëndron te telekomanda. Nëse televizori ndizet, referojuni "Telekomanda nuk punon".

b. Telekomanda nuk punon.
• Kontrolloni nëse sensori i telekomandës në pjesën e poshtme të televizorit
pulson kur shtypni butonin e ndezjes/fikjes në telekomandë.
‒ Telekomandë me bateri të ndërrueshme: Nëse nuk pulson, ndërroni bateritë e telekomandës. Sigurohuni që bateritë janë vendosur me polet (+/–)
në pozicionet e duhura. Rekomandohen bateritë alkaline për më shumë jetëgjatësi.
‒ Telekomandë e karikueshme: Kur bateria e telekomandës shkarkohet, ngarkojeni baterinë duke përdorur folenë e ngarkimit USB (tipi C), ose kthejeni përmbys telekomandën për ta ekspozuar pilën diellore ndaj dritës.
• Provoni të drejtoni telekomandën direkt në televizor në largësi 1,5-1,8 m.
• Nëse televizori vjen me Telekomanda inteligjente "Samsung" (telekomandë me "Bluetooth"), sigurohuni që ta çiftoni me televizorin. Për të çiftuar një Telekomanda inteligjente "Samsung", shtypni butonat Kthehu dhe Luaj/Ndalo në të njëjtën kohë për 3 sekonda.

Sensori i kursimit dhe ndriçimi i ekranit
Sensori i kursimit rregullon automatikisht ndriçimin e televizorit. Ky funksion mat dritën në dhomën tuaj dhe optimizon automatikisht ndriçimin e televizorit për të reduktuar konsumin e energjisë.
• Sensori ekonomik ndodhet në pjesën e poshtme të televizorit. Mos e bllokoni sensorin me objekte. Kjo mund të ulë ndriçimin e figurës.
‒ Ky funksion mund të mos mbështetet në varësi të modelit.

Shënime
• Kjo pajisje është një aparat digjital i Klasit B.
• Për informacione rreth furnizuesit të energjisë dhe për konsumin e energjisë, shihni informacionin në etiketën e bashkëngjitur me produktin.
‒ Në shumicën e modeleve, etiketa është e ngjitur në pjesën e pasme të televizorit. (Në disa modele, etiketa ndodhet brenda fishës së kapakut.)
‒ Në modelet e aparatit One Connect, etiketa është e ngjitur në pjesën e poshtme të aparatit One Connect.
• Konsumi i zakonshëm i energjisë matet sipas IEC 62087.
• Për të lidhur kabullin LAN, përdorni kabllo të kategorisë CAT 7 (lloji STP*) për lidhjen. (100/10 Mbps)
* Shielded Twisted Pair
• Figurat dhe specifikimet Unpacking and Installation Guide mund të ndryshojnë nga produkti konkret.
• Shifrat dhe ilustrimet në këtë Manuali i thjeshtë i përdorimit jepen vetëm për referencë dhe mund të ndryshojnë nga pamja e produktit aktual. Modeli i produktit dhe specifikimet mund të ndryshohen pa njoftuar.
• Përdorimi i këtij produkti është i kufizuar dhe synohet të përdoret në mënyrë të përhershme në ambiente të brendshme si, në ndërtesa, trena me dritare të veshura me metal dhe avionë. (Vetëm QN990F, The Frame(LS03FW))
• Përdorimi i këtij produkti kufizohet vetëm për mjedise të brendshme. (Vetëm QN900F)

Vizitoni www.samsung.com/support për më shumë informacion në lidhje me përshtatësit e jashtëm të energjisë dhe telekomandave të lidhura me direktivën e dizajnit ekologjik të BE-së - rregullorja "Për produktet që lidhen me energjinë (ErP)".
Në situatat e mëposhtme mund të ketë tarifë administrimi:
(a) Thirret një teknik sipas kërkesës, por rezulton që produkti nuk ka defekt (p.sh. nëse nuk është lexuar manuali i përdorimit).
(a) E sillni njësinë në pikën e servisit të "Samsung", por rezulton që produkti nuk ka defekt (p.sh. nëse nuk është lexuar manuali i përdorimit).
Do të informoheni për tarifën e administrimit përpara kontrollit nga tekniku.
Pas riparimit nga një servis jo I autorizuar, apo vetë-riparim ose riparim jo- profesional i produktit, Samsung nuk është përgjegjës për ndonjë dëmtim të produktit, ndonjë dëmtim ose ndonjë çështje tjetër të sigurisë së produktit të shkaktuar nga ndonjë përpjekje për të riparuar produktin i cili nuk i ndjek me kujdes këto udhëzime të riparimit dhe mirëmbajtjes. Dëmtim i produktit i
shkaktuar nga një përpjekje për të riparuar produktin nga ndonjë person tjetër përveç Servisit të certifikuar nga Samsung nuk do të mbulohet nga garancia.

Ulja e konsumit të energjisë
Kur të fikni televizorin, do të hyjë në modalitet pritjeje. Në modalitetin e pritjes, ai vijon të tërheqë një sasi të vogël energjie. Për të ulur konsumin e energjisë, hiqeni televizorin nga priza kur nuk synoni ta përdorni për një kohë të gjatë.

Kjo shenjë mbi produkt, aksesorë ose dokumentacionin shoqërues tregon se produkti dhe aksesorët e tij elektronikë (p.sh. ngarkuesi, kufjet, kablloja USB), pasi të kenë mbaruar funksionin e tyre, nuk duhen hedhur bashkë me mbeturinat e tjera të shtëpisë. Për të parandaluar dëmtimet e mundshme të mjedisit ose të shëndetit njerëzor nga hedhja e pakontrolluar e mbeturinave, ndajini këta artikuj nga llojet e tjera të mbeturinave dhe riciklojini në mënyrë të përgjegjshme për të nxitur ripërdorimin e qëndrueshëm të burimeve materiale.
Për hollësi se ku dhe si mund t'i dërgojnë këto pajisje për riciklim të sigurt mjedisor, përdoruesit shtëpiakë duhet të kontaktojnë me shitësin e pakicës ku kanë blerë produktin ose me autoritetin vendor.
Përdoruesit e kompanive duhet të kontaktojnë furnizuesin e tyre dhe të kontrollojnë kushtet e kontratës së blerjes. Ky produkt dhe aksesorët e tij elektronikë nuk duhet të përzihen me mbeturina të tjera tregtare gjatë hedhjes.
Heqja e baterisë
• Për të hequr baterinë, kontaktoni një qendër shërbimi të autorizuar. Për të marrë udhëzimet për heqjen e baterisë, ju lutem vizitoni www.samsung.com/global/ecodesign_energy.
• Për sigurinë tuaj, nuk duhet të provoni ta hiqni baterinë. Nëse bateria nuk hiqet si duhet, mund të çojë në dëmtime të baterisë dhe pajisjes duke shkaktuar dëmtime dhe/ose të bëjë që pajisja të mos jetë më e sigurt.

‒ Për bateritë e heqshme

Ky shënim mbi bateri, manual ose paketim tregon që bateritë në këtë produkt, pasi kanë mbaruar funksionin e tyre, nuk duhet të hidhen bashkë me mbeturinat e tjera të shtëpisë. Aty ku shënohen, simbolet kimike Hg, Cd ose Pb tregojnë se bateria përmban merkur, kadmium ose plumb mbi nivelet e referencës në Direktivën 2006/66 të KE-së. Nëse bateritë nuk hidhen siç duhet, këto substanca mund të dëmtojnë shëndetin e njeriut ose mjedisin.
Për të mbrojtur burimet natyrore dhe për të nxitur ripërdorimin e materialeve, ndajini bateritë nga llojet e tjera të mbeturinave dhe riciklojini nëpërmjet sistemit vendas dhe falas të kthimit të baterive.
• LLoji i baterisë mund të ndryshojë në varësi të modelit.

‒ Për bateritë e integruara

Ky shënim mbi bateri, manual ose paketim tregon që bateria në këtë produkt
nuk duhet të hidhet bashkë me mbeturinat e tjera të shtëpisë. Aty ku shënohen, simbolet kimike Hg, Cd ose Pb tregojnë se bateria përmban merkur, kadmium ose plumb mbi nivelet e referencës në Direktivën 2006/66 të KE-së.
Bateria e integruar në këtë produkt nuk duhet të ndërrohet nga përdoruesi. Për informacion në lidhje me ndërrimin e saj, kontaktoni ofruesin tuaj të shërbimit. Mos u përpiqni ta hiqni baterinë apo ta hidhni në zjarr. Mos e çmontoni, thërrmoni apo shponi baterinë. Nëse synoni ta hidhni produktin, në impiantin e grumbullimit së mbetjeve do të merren masat e duhura për riciklimin dhe trajtimin e produktit, duke përfshirë baterinë.
• LLoji i baterisë mund të ndryshojë në varësi të modelit.